L-Yɩlgrã yaa rẽgdã zẽkre la rẽg-bondɩ wã yẽesgo.
ẖabṯã (Rẽg-bondɩ wã) yɩlgre, yẽnda yaa lɩslaam yẽes bũmb ning sẽn mad a yĩngã, sẽn yaa rẽgdo, maa fuugã zugu, maa zĩig ningã a sẽn pʋʋsdẽ wã.
La hadaṯã (Rẽg zẽkdɩ wã) yɩlgre, yẽ soabã la sẽn tũud ne koom yõgbo maa soobo, ne koom sẽn yaa yɩlgemdẽ, maa tεεm wẽebo ne ned ning sẽn konga koomã, maa a beeme, la a ka tõe n tʋm ne-a ye.

L-Yaa a sẽn na n pek rẽgdã ne koom t'a wa yɩlge.
La sã n yaa baag sẽn lege, yẽ pekda noor a yopoe, rẽenem soabã yɩta ne tom.

L-Nabiyaamã yeelame, -Wẽnd pʋʋsg la A tɩlgr be a yĩnga-: «Yamba sẽn yaa lɩslaam sã n yõk koom» - «Maa sẽn yaa sɩd-kõta»-«n pεk a nengã; zunuub buud fãa, a sẽn gese ne a nengã, yitame n lagem ne koomã» -maa «n lagem ko-tosdmã baasdgẽ»-« t'a sã n pek a nus a yiibã, la zunuub buud fãa a sẽn tʋm ne a nus a yiibã, tũud koomã n yi» -maa «tũ ko-tosd baasdgẽ wã, "la a sã n pek a nao a yiibã, la zunuub buud fãa nao a yiibã sẽn kẽne, sẽn tũud koomã n yi", maa -"n lagem ne ko-tosd baasdgẽ wã",- "halɩ t'a wa yi koomã yõgbẽ, t'a yaa yɩlgemde, n yi zunuub". A Muslim n reeg-a.

L-Yaa nug-sẽb a yiibã pekre naoor a tãabo.
La a wugs a noorã la a fõgs a yõorã la a fẽese naoor a tãabo.
La noorã wugsgu: a yɩta ne fo sẽn na n ning koomã noorẽ wã, n fugs-a n pursi.
La yõyã fõgsgo: yaa fo sẽn na n tak koomã ne pemsemã, n kẽng yõorã pʋgẽ ne f rɩtgã.
La f gẽes n yiisi: yẽ me yaa fo sẽn na n yiis koomã ne f yõorã, fo sẽn fẽes-a wã poorẽ ne f goabgã.
Rẽ poorẽ, pek nengã naoor a tãabo.
Rẽ poorẽ, t'a pek nus a yiibã, n tʋg n tãag kãntɩɩsẽ wã, naoor a tãabo.
Rẽ poorẽ yaa zugã saagre, a togendã ne a nus a yiibã, n kẽng kãarẽ wã la a lebg n wa, la a saag tʋb a yiibã.
Rẽ poorẽ, f pekda f nao a yiibã, n tʋg n tãag nao-kugã naoor a tãabo.
Wãnde la sẽn pidi, la wãnde me tablame n yi Nabiyaamã nengẽ, Wẽnd pʋʋsg la A tɩlgr be a yĩnga, a Al-Bʋẖaari la a Muslim hadiis-rãmbẽ wã, a Ʋsmaan la Abdʋllaah ɭbn Zayd n reeg-ba n yi Nabiyaamã nengẽ, la zẽng sẽn ka bãmb b yiibã. La tablame yεsa, n yi Nabiyaamã nengẽ, Al-Bʋẖaari pʋgẽ, la zẽng sẽn ka yẽ, tɩ Nabiyaamã yõga koomã vugr-vugri, la a yõga noor a yiib-yiibu, rat n na n yeele, t'a pekda yĩn-will fãa, sẽn yaa koomã yõgb yĩn-wila, vugr-vugri, maa noor a yiib-yiibu.

L-Bãmb la bũmb ning lɩslaam koom yõgb sẽn ka manegde, t'a sã n bas a yembre a pʋgẽ.
1- Yaa nengã pekre, la sẽn be a pʋgẽ, yaa noorã wugsgu maa yõyã fẽesgo.
2-yaa nus a yiibã pekre, n tʋg n taãg kãntɩɩsã.
3- yaa zugã saagre la tʋb a yiibã naaga be.
4-Yaa nao a yiibã pekre n tɩ tãag nao-kug a yiibã.
5-Yaa Tartɩɩb (tũnug) yĩn-wilã ne taaba, wala a sẽn na n reng n pek nengã, rẽ poorẽ nus a yiibã, rẽ poorẽ zugã saagre, rẽ poorẽ nao a yiibã pekre.
6- Yaa Muwaalaat (pʋgl-taaba): yẽ me la koomã yõgbo, waka-rãmb pʋgẽ, sẽn pʋgl taaba, tɩ weelg ra zĩnd taab sʋk ye, halɩ sẽn na n tʋg n tãag tɩ yĩn-wilã sãnda wa kʋɩ.
Wala a sẽn na n yõg koomã pʋsʋka, n wa pids wakat a to, yẽ soabã koom yõgb ka maneg ye.

L-Kooma yõgb sun-rãmba: bãmba, t'a sã n maan-ba, a tara keoore la yel-sõmde, sẽn paasde, la a sã n bas-ba, zunuub ka be a zug ye, la a koomã yõgb yaa sõma.
1-Tasmiya: Yaa bismil-lɑɑhã yeelgo.
2- Yaa sɩgdre.
3-Nus-sẽb a yiibã pekre.
4-Nus-biyã tẽgbo.
5-Pek yĩn-willã naoor a yiibu maa naoor a tãabo.
6-Yaa sɩng rɩtg wεεngẽ.
7-Yaa doaaga maanego, koomã yõgb poorẽ: Aš-hadu an laa ɩlaaha ɩlla Allaah, wahdahʋʋ laa šarɩɩka lahʋʋ, wa Aš-hadu ɑnna Mʋhammadan abdʋhʋʋ wa rasʋʋlʋhʋʋ= "M maanda kaset tɩ soab hakɩɩk pa be rẽnda Wẽnde, A yaa yembre, lagm-n-taag pa be ne-A ye, la m maand kaset t'a Mʋhammad yaa A yamb la A Tẽn-tʋʋma.
8- Yaa rakaar a yiib Pʋʋsgo koomã yõkr poorẽ.

L-Yaa bũmb ning sẽn yi soy a yiibẽ wã, taoorã la poorẽ wã, sẽn yaa rʋʋdem la we-kεεnga, la sẽedo.
Yaa gõeem, maa gãeemdo, maa vũbgri (sobgre).
Yaa yʋgma nemd wãbre.
Yaa taoorã saagre maa poorẽ wã saagre tɩ ka tũ ne gɩdgr (fuug) ye.

L-Tεεm wẽebo: yẽnda yaa tomã maanego la zẽng sẽn ka yɩ ne rẽnda, sẽn yaa tẽngã zugu, wakat ning koom sẽn wat n ka be, maa a tʋʋmdã ka tõe.

L-Wẽeda toma vuka ne nug pʋga, n saag nengã la nus tala a yiibã yĩngrã, vugri.

L-Yaa bũmb fãa sẽn kaood koomã yõgbo.
Yaa a sẽn na n paam koom.

L-Nao-wʋʋd a yiibã yaa raoa sẽn wit bũmb ning sẽn yaa gãongo.
Sʋsεts a yiibã yaa raoa sẽn wit bũmb ning sẽn ka gãong ye.
La Šari wã kõo sor tɩ b saag b yiibã, tɩ yaa pekrã ledsg la rẽnda.

L-Yaa yolsg yĩnga la boogre yembsã yĩnga, sẽn tʋg n yɩɩda waoodã wakat-rãmbã la a sasã wã la sor toaka, sẽn wat n yaa toog ne-a t'a yãk bũmb ning sẽn be a naoẽ wã.

L-1-Yaa a sẽn na n yeelg nao-wʋʋdã, t'a yaa yɩlgemde, rat n yeel t'a sẽn yõk koom poorẽ.
2-Yaa tɩ nao-wʋʋdã yɩ yɩlgemde, rẽnd ka sakde t'a tʋg n saagd rẽgd zug ye.
3-Yaa tɩ nao-wʋʋdã lud zĩig ningã sẽn yaa tʋlae t'a pekã, koomã yõgbẽ wã.
4-Yaa tɩ saagrã yɩ wakat ning b sẽn yãk toaaga, zĩidã yaa yʋng la wĩndga, so-toak yaa rasem a tãabo ne b yʋndã fãa.

L-Sã n yaa saagrã sɩfe, yẽndã: yaa a rogl a nug-biisã tɩ b yaa sẽn madg ne koom, a nao-biisã zugu, rẽ poorẽ t'a kẽng ne-ba a kargẽ wã, a saagda rɩtg naoorã ne rɩtg nugã, la goabg naoorã ne goabg nugã, la a yaagda a nug-biisã t'a sã n saagdẽ la a pa yɩlemd saagrã ye.

L-1-Yaa saagrã wakat sẽn na n looge, rẽnd ka sakd tɩ b saag nao-wʋʋd a yiibã, tɩ Šari wã sẽn yãk wakat ning n welgã, sã n wa loog ye. Raar a yembr la a yʋngã ne zĩida, la rasem a tãabo la b yʋndã ne so-toaka.
2-Yaa nao-wʋʋd a yiibã pidgri, rẽnd ned sã n yãk a nao-wʋʋd a yiibã, maa a yembr la a yãke, a sẽn saag-a poorẽ, saagr ning yẽ sẽn saag b yiibã sãamame.

L-Pʋʋsg yaa tũ Wẽnde, ne goam la tʋʋma sẽn welg toore, a sɩngda ne takbɩɩre, (Allaahʋ akbarʋ), n pidsd ne sallem ningri.

L-Pʋʋsgã yaa farila (tɩlae) n rog lɩslaam fãa.
A yeelame, A Naam zẽkame: {Ad Pʋʋsgã yɩɩme, Muumin-rãmbã zugu, n yaa wakat sẽn yãk toaaga 103} [Sʋʋrɑtʋ Annisɑɑ'ʋ:103].

L-Pʋʋsgã basbo, yaa kɩfẽndo, Nabiyaamã, pʋʋsg la tɩlgr be a yĩnga, yeelame:
"alkaool ning sẽn be tõnd ne b sʋka, yaa Pʋʋsgã, rẽnd ned ning sẽn bas-a, a kɩflame"
A Ahmad la a Attirmiizi la zẽng sẽn ka b yiibã n togs-a.

Yaa Pʋʋs-rãmb a nu, wĩndgã la yʋngã pʋgẽ, Fagiri, yẽ yaa rakaar a yiibu, Zafare rakaar a naase, Laasare rakaar a naase, Magriba rakaar a tãabo, la Zãafo rakaar a naase.

L-1-Yaa lɩslaoongo, rẽnd Pʋʋsg ka manegd kɩfr nengẽ ye.
2-Yaa yam; rẽnd Pʋʋsg ka manegd gãeeng nengẽ ye.
3-Yaa mi-m-nenga, rẽnd a ka manegd sẽn yaa bi-bilfu sẽn ka mi n welg nengẽ ye.
4-Yaa Anniy wã.
5-Yaa wakatã taabo.
6-Yɩlgre n yi rẽgdo sẽn gɩdgd tũudumã.
7-Yɩlgre n yi rẽgd bondɩ.
8- Yaa yãndã ludbu.
9-yaa alkiblã teesgo.

L-B yaa zeng raad piig la a naase, wala sẽn watã:
A yembre: yaa yãnesgo, faril-rãmbã pʋgẽ ne ned ning sẽn tõe n yãnesa.
Yaa rẽenem takbɩɩrã, yẽ me la "Allaahʋ akbarʋ".
Yaa Al-hamd karengo.
Yaa Rukuu'ã, la a rõnegda a poorã tɩ tẽeg tɩrga, la a maan a zugã tɩ zemse.
Yaa roog n yi beenẽ.
Yaa maneg n yõgne n yalse.
Yaa suguudã, la a maan t'a rĩirã la a yõorã la a tal a yiibã, la a rũm a yiibã, la a nus-biyã kɩremse, la a no-biya kɩremse tãag tẽngã, suguudã zĩigẽ.
Yaa roog n yi suguudẽ (tiuulgẽ) wã.
Yaa zĩndgu ne suguud-rãmb a yiibã ne taab sʋka.
La Sunnah, yaa a zĩnd n zomb a goab naoorã zugu, la a tilg rɩtgã, n togl a nao-bi wã alkiblã.
Yaa yĩn-yõgnego, yẽnda me la maag-m-menga zeng raoog fãa gill pʋgẽ.
Yaa Šahd baasdgã.
Yaa zĩnd n maan-a wã.
Yaa sallem-rãmb a yiibã, rẽ me yaa a sẽn na n yeel naoor a yiibu:" Assalaamu ʿAlaykum Wa rahmatullaah".
Yaa a tũnug zeng raadã ne taab sʋka wala d sẽn togsã, rẽnd a sã n maan suguudã taoor t'a na n ka maan rukuu'ã pʋ-toogo, a Pʋʋsgã sãamdame, la sã n yaa yĩmbu, yaa tɩlae t'a lebg n maan rukuu'ã, rẽ poorẽ t'a yaool n maan suguudã.

L- Pʋʋsgã waagib-rãmbã (yεl sẽn yaa tɩlae-rãmbã), b yaa b nii, wala sẽn watã:
1-Yaa Allaahʋ Akbarʋ-rãmbã, zẽng sẽn ka Pʋʋsgã kõom Takbɩɩrã.
2-yaa (Sami Allah lɩman hamɩdahʋʋ) wã yeelgo, limaamã la ned sẽn pʋʋsd a yembre.
3-Yaa (Rabba naa walakal hamdã) yeelgo.
4-Subhaana Rabiya Al-Azɩɩm yeelgo vugri Rukuuẽ wã.
5-yaa (Sʋbhaana Rabɩya Al-Aʿlaa) yeelgo, suguudẽ wã, vugri.
6-Yaa (Rabɩ ɩgfɩr lɩɩ) yeelgo, suguud-rãmb a yiibã sʋka.
7- Šahd rẽengã yeelgo.
8-Yaa zĩnd n maan Šahd rẽengã.

L-Yaa Sun-rãmb piig la a yembre wala sẽn watã:
1-Yaa yeelgo, Pʋʋsgã kõom takbɩɩrã poorẽ ":(Sʋbhaanaka Allaahʋmma wa bɩ hamdɩka, wa tabaaraka'smʋka, wa ta-ʿaalaa ǧaddʋka, wa laa'ɩlaaha Gayrʋka= m Soab a Wẽnde, F yɩlgame, la m pẽgd-Fo, F Yʋʋr yɩ wagelle, F zɩslem zẽkame, soab ka be zẽng sẽn ka Foom ye).
2-"A'ʋʋzʋ billaah" yeelgo.
3-"Bɩsmillaah" yeelgo.
4-"Aamiina" yeelgo.
5-Sʋʋra karengo Alhamdã poorẽ.
6-Yaa limaamã vẽneg a karengã.
7-Yaa yeelgo, Wẽndã Pẽgr poorẽ:" Mil'a Assamaawaat, Wa mil'a arḍɩ, Wa mil'a Maa šɩ'ta Min Kʋlli šay'ɩn Ba'adʋ = Sẽn pid saagã, la sẽn pid tẽngã la Fo sẽn tʋll rẽ poorẽ".
8-Yaa bũmb ning sẽn na n paas noor vukã: "Sʋbhaanallahʋ wã" maanego Rukuuẽ wã: rat n yeele: Sʋbhaanallaah yiibã la tãabã la sẽn paasd rẽndã fãa yaa Sunnah.
9- Sẽn paasd Sʋbhaanallaah wã yembrã poorẽ, suguudẽ wã.
10-Sẽn paasd vugrã zugu :" Rabbɩ gfɩr lɩɩ=. m Soɑbɑ! Yaaf-ma".
11- Yaa fo sẽn na n pʋʋs Šahd baasgẽ wã, Nabiyaama, la a zak rãmba, tɩlgr be b yĩnga, la f kos bark n kõ-ba, la f maan doaaga. Rat n yeel tɩ f Ṣall Nabiyaamã.
Naase: tʋʋm nins sẽn yaa Sunnah, b boonda yẽ me tɩ Pʋʋsgã yalẽ-rãmba.
1-Yaa nus a yiibã zẽkre, Takbɩɩr pakdgã yeelgẽ.
2-Yaa nus a yiibã zẽkre, Rukuuẽ wã.
3-Yaa nus a yiibã zẽkre, roog n yi ruukuuẽ wã.
4-Yaa nus a yiibã sikri b zẽkrã poorẽ.
5-Yaa rɩk rɩtg nugã n rogl goabg zugã.
6-Yaa suguudã maaneg zĩigẽ gesgo.
7-Yaa nao-sɩlpamã yaagr ne taaba, yalsgã wakato.
8-Yaa rũm a yiibã mobgre ne nus a yiibã, yaag a nus-biisã Rukuuẽ wã, la a rõneg a poorẽ, n maan a zugã tɩ kell n zemse.
9-Yaa modg tɩ suguudã yĩn-wilã ta tẽngã sõma, la a maan suguudã zĩig sõma.
10- La a zãag a kam-lumsã ne a lʋgã, lɑ ɑ zãɑg ɑ pʋgã ne ɑ gεyã, lɑ a yɑɑg ɑ gεya ne ɑ kɑrsã, lɑ ɑ yɑɑg ɑ rũnɑ ne tɑɑbɑ, lɑ ɑ tilg ɑ no-sɩlpɑmɑ n te ɑ nɑ-biisã ne tẽngã lɑ ɑ yɑɑg-b tɑɑbɑ, lɑ ɑ rɩglg ɑ nus ɑ yiibã n yεglg a bãgd ɑ yiibã n yɑdg-bɑ lɑ ɑ mobg ɑ nus-bi wã.
11-Al-ɩftɩraašʋ (põd-n-zĩnd) goabg naoorã zug Suguud ɑ yiibã ne tɑɑb sʋkã, lɑ rẽenem Šɑhdẽ wã, lɑ At-tawarrʋk (Põd-n-zĩnd) sεεgã zugã Šɑhd ɑ yiib soɑbã.
12-Yaa nus a yiiba roglg gay a yiibã zugu, n yεdg-ba, n mobg nus-bi wã suguud-rãmbã ne b taabã sʋka, woto bala la šɑhdẽ wã me, sã n ka šɑhdẽ wã d sẽn põt nug-bi keblenga la sẽn pʋgda yẽ, la a gong a nug-raoogã n lagem ne tẽng-n-sʋgr soaba, la a yaool n tees nug-bi-yakã, Wẽnd yʋʋrã tẽegr wakato.
13-Yaa a sẽn na n wẽneme a goabgã la rɩtgo, sallemã ningr sasa.

L- (1) Yaa zeng raoog basbo maa sart sẽn yi Pʋʋgã sart-rãmbẽ.
(2) Yaa goam ne pʋ-toogo.
(3) Yaa rɩɩbo maa yũubu.
(4) Yaa rãmbg sẽn yaa wʋsg n pʋgd taaba
(5) Yaa Pʋʋsgã waagib a yembr basbo ne pʋ-toogo.

L-Pʋʋsg sẽn yaa to-to.
1-Yaa a tees alkiblã ne a yĩngã fãa gilli, tɩ ka tũ ne golongo, tɩ ka tũ ne wẽnesgo.
2-Rẽ poorẽ t'a maan Anniy ne Pʋʋsg ning yẽ sẽn rat n pʋʋsã, ne a sũurã, la a ka gomd a Anniy wã tɩ yi ye.
3-Rẽ poorẽ t'a yeel Pʋʋsgã pakr takbɩɩrã: "Allaahu akbarʋ", la a zẽk a nus a yiibã, n zems a bãgd a yiibã, a sẽn wat n yeel takbɩɩrã.
4-Rẽ poorẽ t'a rogl a rɩtg tallã, a goabg tallã zugu, a yãoogã zugu.
Rẽ poorẽ t'ɑ pɑk Pʋʋsgã n yeele: «M Soab a Wẽnde, zãag mam ne tʋʋm-tuudsã sʋka, wa F sẽn zãag yaangã ne wĩnto-lʋɩɩngẽ wã sʋka, m Soab a Wẽnde, yɩlg-ma n yi m tʋʋm-tuuti wã, wala b sẽn yɩlgd fu-pεεlga n yi rẽgdã, m Soab a Wẽnde pεk-ma n yi m tʋʋm-tuuti wã ne koom la sa-pɩlma la maasga= Allahuma baa'ʿɩd baynɩɩ wa bayna ẖataayaaya kamaa baa'ʿadta bayna l-mašrɩƙɩ wal-maġrɩb; Allahumma naƙɩnɩɩ min ẖataayaaya kamaa yʋnaƙƙaɑ Aṯ -ṯawbʋ al-abyaḍu min ad-danas; Allahumma ġsɩlnɩɩ min ẖataayaaya bil maa'ɩ wa ṯ-ṯalǧɩ wal-barad.
Mɑɑ ɑ yeele: «Sʋbhaanaka Allaahʋmma wa bɩ hamdɩka, wa tabaaraka'asmʋka, wa ta-ʿaalaa ǧaddʋka, wa laa'ɩaaha Gayrʋka= m Soab a Wẽnde, F yʋʋrã yɩlgame, la m pẽgd-Fo, F Yʋʋr yɩ wagelle, F zɩslem zẽkame, lɑ soab ka be zẽng sẽn ka Foom ye»
Rẽ poorẽ t'ɑ kos gũudum n yeele: «Aʿʋʋzʋ Billaahɩ Minaš-šayṭaanir-ragiim».= M kotɑ gũudum ne Wẽnde n yi ɑ Sʋɩtãɑn b sẽn rig n zãɑg yolsgã Rẽ poorẽ t'ɑ yeel Bɩsmɩllɑhã lɑ ɑ kɑrem Alhɑmdã n yeele: (بِسْمِ اللهِ الرَّحْمنِ الرَّحِيمِ 1= D na n sɩnga ne Wẽnd Yʋʋrã Albarka, sẽn yaa Dũni yols-zãng naabã, n leb n yaa Sɩd-kõatbã welg n yols naabã الْحَمْدُ للّهِ رَبِّ الْعَالَمِينَ 2 =Pẽgr tiging be ne Wẽnde sẽn yɑɑ bõn-naandsã Nɑɑbã الرَّحْمـنِ الرَّحِيمِ 3 =. sẽn yɑ ɑ dũni gʋbg-n-yols Nɑɑbã, n yɑ a Yɑoolem raar welg-n-yols Nɑabã مَالِكِ يَوْمِ الدِّينِ4 = Yẽ la Nɑɑba Dĩinã rolb rɑɑre إِيَّاكَ نَعْبُدُ وإِيَّاكَ نَسْتَعِينُ 5 = Foo bɑl lɑ d tũudɑ, lɑ Foo bɑl lɑ d kot sõngre اهدِنَــــا الصِّرَاطَ المُستَقِيمَ 6 =kãndg-d n tʋg so-tɩrgẽ wã صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ وَلاَ الضَّالِّينَ 7﴾ B rãmb nins Fo sẽn mɑɑn neemã b zugã sore, zẽng tɩ pɑ B sẽn gẽ-b rãmbã, pɑ sẽn menembã sore.(7)) [ Sʋʋrɑtʋ Al-Faatɩha 1-7]
Rẽ poorẽ t'ɑ yeele: ( Aɑmiina) ɑ võorã: m Soɑb ɑ Wẽnde reege.
8- Rẽ poorẽ t'ɑ kɑrem sẽn yɑɑ nɑnɑ ne-ɑ Alkʋrãɑnẽ wã, lɑ ɑ wogendɑ kɑrengã Fɑgirã Pʋʋsgẽ.
9- Rẽ poorẽ t'ɑ zõonde (mɑɑn Rukuu), rɑt n yeele: ɑ sulgd ɑ poorã tɩ yɑɑ wɑoor ne Wẽnde, lɑ ɑ mɑɑndɑ Tɑkbɩɩr ɑ sulgrã sɑsɑ, lɑ a zẽk ɑ nus ɑ yiibã n zems ɑ bãgd ɑ yiibã. Lɑ Sunnɑh: yɑ ɑ rõneg ɑ poorã, lɑ ɑ mɑɑn ɑ zugã n zems-ɑ, lɑ a roglg ɑ nus ɑ yiibã ɑ rũmã zug n yɑɑg ɑ nus-bi wã.
10- Lɑ ɑ yet ɑ zõondgẽ wã:«Sʋbhaana rabbɩya Al-azɩɩm» nõor ɑ tãɑbo =M Soabã sẽn yɑɑ Zɩsgã yɩlgame. Lɑ ɑ sã n pɑɑse:"Sʋbhaanaka Allɑɑhummɑ wa bɩhamdika, Allaahʋmma ɩgfɩr lɩɩ» yɑɑ sõmɑ. = m Soɑbɑ! Yɩlgemd lɑ pẽgr be ne Foo, m Soɑbã! Yaaf-ma".Yaa sõma.
11- Rẽ poorẽ t'ɑ roog n yi Rukuuẽ wã, n yeele: «Samiʿa Allah lɩman hamɩdah», lɑ ɑ zẽk ɑ nus a yiibã wɑkat-kãngɑ n tɩ zems ne ɑ bãgd ɑ yiibã. La poorẽ dãmbã pɑ yet: «Samiʿa Allah lɩman hamɩdah» ye, lɑ b bɑsdɑ rẽ n yeele: «Rabbanaa walakal-hamdʋ».
12- Rẽ poorẽ ɑ yet ɑ roogrã poorẽ: « Rɑbbɑnɑɑ wɑ lɑkɑl-hɑmdʋ, mil'ʋ-ssɑmɑɑwɑɑtɩ wɑl Arḍi, wɑ mil'ʋ mɑɑ šɩ'ɩtɑ min šɑy'ɩn bɑ'ʿdʋ». = D Soɑb ɑ Wẽnde pẽgr be ne Fo, sẽn pit sɑɑsã lɑ tẽngã, lɑ Fo sẽn tʋll bũmb ning fãɑ poεεm.
13- Rẽ poorẽ t'ɑ mɑɑn Suguud rẽengã, lɑ ɑ yet ɑ suguudẽ wã: « Allaɑhu Akbɑr », lɑ ɑ tiuundɑ ɑ yĩn-wil ɑ yopoe wã zugu: rĩirã ne yõorã, lɑ tɑl ɑ yiibã, lɑ rũm ɑ yiibã, lɑ no-bi wã, lɑ ɑ yɑɑgd ɑ kɑm-lʋlã ɑ yiibã ne ɑ lʋgã, lɑ ɑ pɑ tẽegd ɑ kɑms ɑ yiibã tẽngã zug ye, lɑ ɑ teesd ɑ no-bi wã Al-kiblã.
14- Lɑ ɑ yet ɑ suguudẽ wã «Sʋbhaana rabbɩya Al-ʿaalaa» = M Soab Zẽkdgã yʋʋr yɩlgame noor ɑ tãɑbo, lɑ ɑ sã n pɑɑs: «Sʋbhaanaka Allɑhummɑ rabbanaa wa bɩhamdɩka, Allaahumma ɩgfɩr lɩɩ» be neere.=.m Soɑbɑ! Yɩlgemd lɑ pẽgr be ne Foo, m Soɑbɑ Wẽnde! Yaaf-ma" yaa sõma.
15- Rẽ poorẽ t'ɑ roog ɑ zugã suguudẽ wã t'ɑ yɑɑ sẽn yete: « Allɑahu Akbɑr».
16- Rẽ poorẽ t'ɑ zĩnd Suguud ɑ yiibã sʋkɑ ɑ goabg nɑoorã zugu, lɑ ɑ tilig ɑ rɩtg nɑoorã, lɑ ɑ roglg ɑ nugã ɑ rɩtg gerã zugu, lɑ ɑ gõd ɑ nug-bi kεmblgã lɑ sẽn pʋgdɑ wã, lɑ a zẽk nug-bi teesdgã lɑ ɑ rãmd-ɑ ɑ kosgã sɑsɑ, lɑ ɑ rogl nug-rɑoogã tẽng-n-sʋgr nug-bilɑ kɩrengɑ tɩ yɑɑ wɑlɑ gilgɑ, lɑ ɑ rogl ɑ goɑbg nugã n tẽes ɑ nug-bi wã ɑ goɑbg gerã zugẽ sẽn wɑt rũndã sẽne.
17-La a yeta a zĩndgẽ wã, suguud a yiibã sʋka: «رب اغفر لي، وارحمني، واهدني، وارزقني، واجبرني، وعافني». Rabbɩ agfɩr lɩɩ, wa'rhamnɩɩ, wa'hdɩnɩɩ, wa'rzʋƙnɩɩ, wa'gbʋr nɩɩ, wa Aafɩ nɩɩ = M soɑbɑ! Yaaf-ma lɑ F yols-mɑ, lɑ F kãndag-mɑ lɑ F rɩlg-mɑ, la F maneg-ma, la F tɩp-ma.
18-Rẽ poorẽ t'a maan suguud a yiib soaba, wala rẽenemã, la bũmb ning sẽn yɩt beenẽ wã la sẽn maand beenẽ wã fãa yaa yembre, la a yetame tɩ :"Allaahu akbarʋ" suguudã wakato.
19-Rẽ poorẽ t'a yik suguud a yiib soabã, t'a yaa sẽn yete: Allaahu akbaru" la a pʋʋs rakaar a yiib soabã wala rẽenem soabã, sã n ka a sẽn ka wat ne Pʋʋsgã pakr doaagã bala.
20-Rẽ poorẽ t'a zĩnd Rakaar a yiibã sεεb poorẽ, n yeele: Allaahu akbaru". La a zĩnd wala a sẽn zĩnd suguud a yiibã ne taab sʋkã, b fãa zĩndigã yaa a yembre.
21-La a karemda Šahdã zĩnd-kãngã pʋgẽ, n yeele: "Attahɩ yaatʋ lɩllaahɩ, waṣṣalawaatʋ waṭṭaybaatʋ, Assalaamu ʿAlayka Ayyʋhannabiiyʋ wa rahmatʋllaah wabarakaatʋhʋʋ, Assalaamʋ ʿAlaynaa, wa ʿalaa ʿɩbaadɩllaah Aṣṣaalɩhɩɩna, Ašhadʋ an laa'ɩlaaha ɩllallaah, wa Ašhadʋ Anna Mohammadan ʿAbdʋhʋʋ Warasʋʋlʋhʋʋ. Allahʋmma ṣallɩ ʿAlaa Mohammadɩn wa' ʿalaa aalɩ Mohammadɩn, kamaa ṣallayta ʿAlaa ɭbraahɩɩma wa ʿalaa aalɩ ɭbraahɩɩma, ɩnnaka hamiidʋn maǧiidʋn, Allahʋmma baarɩk ʿalaa Mohammadɩn wa ʿalaa aalɩ Mohammadɩn, kamaa baarakta ʿalaa ɭbraahɩɩma wa ʿalaa aalɩ ɭbraahɩɩma innaka hamiidʋn maǧiidʋn. ʿAʋʋzʋ billaah min ʿAzaabɩ Ǧahannam, wa min ʿAzaabɩ alƙabrɩ, wa min fɩtnatɩ al-mahyaa wal-mamaatɩ, wa min fɩtnatɩ al-Masɩɩhɩ-ddaǧ ǧaal" Rẽ poorẽ t'a kos a Soabã ne a sẽn nong Dũni kaanẽ la Laahrã yel-sõmbse.
22-Rẽ poorẽ t'a ning sallem a rɩtg wεεngẽ: Assalaamʋ ʿAlaykʋ wa rahmatʋllaah, la a goabg wεεngẽ me woto.
23- La Pʋʋsgã sã n yɩɩme n yaa Rakaar a tãabo maa Rakaar a naase, a yalsda Tašahud rẽengã tεkẽ, yẽ me la :"Ašhadʋ an laa'ɩlaaha ɩllallaah, wa Ašhadʋ Anna Mohammadan ʿAbdʋhʋʋ Warasʋʋlʋhʋʋ= m maand kaseto tɩ soab hakɩɩk pa be rẽnda Wẽnd, la m maand kaset t'a Mohammad yaa A yamba la A Tẽn-tʋʋma".
24-Rẽ poorẽ t'a yik n yalse n yeele: Allaahu Akbarʋ" n zẽk a nus a yiibã n zems bãgdã wakat-kãngã.
25-Rẽ poorẽ t'a pʋʋs bũmb ning sẽn kellã, a Pʋʋsgẽ wã, wala Rakaar a yiib soabã sɩf sẽn yaa to-to ningã, la a koeegdame n tek Alhamdã kareng bala.
26-Rẽ poorẽ t'a zĩnd Tawwarʋke (Põd n zĩnd sεεgã zugã) n tilg a rɩtg naoorã la a yiis a goabg naoorã a rɩtg kargã tẽngre, la a maneg n taas a sεεgã tẽngã, la a rogl a nus a yiibã a gε a yiibã zugu, wala yẽ sẽn da rogl-a Šahd rẽengã wakatã.
27-La zĩndug-kãngã pʋgẽ, a karemdã Šahdã gill fãa.
28-Rẽ poorẽ t'a ning sallem a rɩtg wεεngẽ, n yeele: Assalaamʋ ʿAlaykʋ wa rahmatʋllaah, la a goabg wεεngẽ me woto.

L-"Astagfɩrʋ-llah (naoor a tãabo)" m kota Wẽnd yaafgo.
-"Allaahʋmma Anta Assalaamʋ wa mɩnka Assalaamʋ tabaarakta yaa zalǧalaalɩ wal-ɩkraam".
-"laa ɩlaaha ɩllaahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr, allaahʋmma laa maanɩ-ʿa lɩmaa aʿaṭayta, walaa mʋʿʋṭɩya lɩmaamana-ʿata, walaa yanfa-ʿʋ zalǧaddɩ minka alǧaddʋ".
-"Laa'ɩlaaha, ɩllallaah wahdahʋʋ laa šarika lahʋʋ, lahʋlmulku wa lahʋlhamdʋ, wahʋwa ʿalaa kʋllɩ šay'ɩn ƙadɩɩrʋn; laahawla walaa ƙʋwwata, ɩllaa billaahɩ; laa'ɩlaaha ɩllallaahʋ, walaa na'ʿabʋdʋ ɩllaa ɩyyaahʋ, lahʋ annε' ʿmatʋ walahʋl faḍlʋ, walahʋ aṯṯanaa'ʋ alhasanʋ; laa'ɩlaaha ɩllallaahʋ, muẖlɩṣɩɩna, lahʋddiina, walaw karihalkaafɩrʋʋna".
-"Sʋnhaanallaah = yɩgemd be ne Wẽnde" noor pis-tã la a tãabo.
"walhamdʋ lɩllaah= la pẽgr be ne Wẽnde" noor pis-tã la a tãabo.
"Allaahʋ akbarʋ=Wẽnd n yɩɩd bedre" noor pis-tã la a tãabo.
Rẽ poorẽ t'a yeel n pids koabgã: "Laa'ɩlaaha, ɩllallaah wahdahʋʋ laa šarika lahʋʋ, lahʋlmulku wa lahʋlhamdʋ, wahʋwa ʿalaa kʋllɩ šay'ɩn ƙadɩɩrʋn= Soab ka be tɩ sã n pa Wẽnd A Yembr ye, A pa tar lagm-n-taag ye, Naam yaa Yẽ n so, Pẽgr be ne Yẽ, Yẽnda me n leb n tõe bũmbã fãa".
-La a karem "Ƙul huwallaah ahadun" la "Ƙul a'ʋʋzu bɩrabbɩl Falaƙɩ" la "Ƙul a'ʋʋzu bɩrabbɩnnaas" naoor a tãabo, Fagirã la Magribã Pʋʋsg loogr poorẽ, la vugri Pʋʋs-rãmb a taaba loogr poorẽ.
-La a karem "Aayat Alƙursɩy" vugri.

L- Yaa Rakaar a yiibu taoor tɩ Fagir na n ka ta.
Rakaar a naase Zafarã taoore.
Rakaar a yiibu Zafarã poorẽ.
Rakaar a yiibu Magribã poorẽ.
Rakaar a yiibu Sãafã poorẽ.
B yel-sõmdã, Nabiyaamã yeelame: "Ned sã n pʋʋs raar la yʋng pʋgẽ, Rakaar piig la a yiibu, tɩ yaa yam yãkre, Wẽnd meta roog n kõ-a arzãnã pʋgẽ". A Muslim la a Ahmad la zẽng sẽn ka b yiibã n reeg-a.

L-Yaa arzũm raare, Nabiyaamã yeelame, -Wẽnd pʋʋsg la A tɩlgr be a yĩnga-: "Ad yãmb rasem-rãmbã sõmblem sẽn yɩɩda, yaa arzũm raare, yẽ pʋgẽ la b naana a Adama, yẽ pʋgẽ la b reeg a yõore, yẽ pʋgẽ me la b na n fʋʋs Baorgã, yẽ pʋgẽ me la nebã na n sob n lʋɩ, bɩ y wʋsg mam pʋʋsgo, ad yãmb pʋʋsmã, b wiligd-a la maam". Tɩ b yeele: yaa Wẽnd Tẽn-tʋʋmã, la tõnd pʋʋsmã b wiligd-a la foom wãnã, tɩ mik tɩ fo lebg kõabã? Tɩ Nabiyaamã yeele: "Ad Wẽnd harma tẽngã ne nabiyaam-rãmbã yĩns rɩɩbo". A Abʋʋ Dawʋʋd la zẽng sẽn pa yẽ n togs-a.

L-A yaa farila (tɩlae) n rog ned fãa gilli sẽn yaa lɩslaam, n yaa raoa, n yaa baalɩki (Šari sẽn rogl a soab tʋʋma) n yaa yam soaba, n yaa zĩida.
A yeelame, A Naam zẽkame: {Yaa yãmb neb nins sẽn kõ sɩd ne Wẽnde! B sã n wa bool tɩ y wa pʋʋse, Arzũm raare, bɩ y yãg n tʋg Wẽnd yʋʋrã tẽegre la y bas koosmã, yãmb maan-kãnga la sõma ne yãmba tɩ yãmb sã n da miẽ 9}. [Sʋʋratʋ Al-munaafiƙʋʋna: 9]

L-Arzũmã Pʋʋsgã Rakaar-rãmbã yaa yiibu, limaamã karemdame n vẽneg a pʋgẽ, la ẖʋtb-rãmb a yiibu, b sẽn mi, n rengd n maane.

L-Ka sakd tɩ b pa, n ka kẽng arzũmã Pʋʋsgẽ ye, sã n ka padang Šari wã sẽn kõ sore ne padang ningã, la togsg waame n yi Nabiyaam nengẽ, Wẽnd pʋʋsg la A tɩlgr be a yĩnga: "Ned sã n bas arzũm-rãmb a tãabo, ne yam yaal-yaale, Wẽnd pagda a sũurã". A Abʋʋ Dawʋʋd la zẽng sẽn pa yẽ n togs-a.

L-
1-Yaa koom soobo.
2-Yaa yũ-nood ningri.
3-Yaa fu-neeb yeelgre.
4-Yaa sãd-n-kẽng miisrẽ wã.
5-Yaa wʋsg Nabiyaamã, -Wẽnd pʋʋsg la A tɩlgr be a yĩnga- pʋʋsgo.
6-Yaa sʋʋrat Alkahf karengo.
7-Yaa kẽn ne nao n kẽng miisrẽ wã.
8-Yaa gũus wakat ning kosgã sẽn reegdã.

L-Yii a Abdʋllaah ɭbn Ʋmar nengẽ, Wẽnd yard be b yiibã yĩnga, tɩ Wẽnd Tẽn-tʋʋma, Wẽnd pʋʋsg la A tɩlgr be a yĩnga, a yeelame: "Zãma Pʋʋsg yɩɩda nin-yεng Pʋʋsgo ne dargε pisi la a yopoe", A Muslim n reeg-a.

L-Yẽ yaa sũurã sẽn na n ning a toaaga, tɩ yĩn-vilã yõgneg Pʋʋsgã pʋgẽ.
A yeelame, A Naam zẽkame: {Ad sɩd-kõtb paam pʋɩɩre 1 Bãmb la neb nins sẽn be Pʋʋsgã pʋgẽ n yõkd b mensã (n zoet Wẽndã).2} [Sʋʋratʋ Al-muuninuuna: 1,2]

L-Zak yaa hakε sẽn yaa tɩlae, n be arzεkã pʋgẽ, n yaa bũmb sẽn welge, ne neb sẽn welge, tɩ b yiisd-a wakat sẽn welge.
-La a yaa zeng raoog sẽn yi lɩslaamdã zeng raadã pʋgẽ, n leb n yaa sarã sẽn yaa tɩlae, tɩ b reegd rakãagbã nengẽ, n kõt talsã.
A yeelame, A Naam zẽkame: {La y kõ y Zɑkã} [Sʋʋratʋ Al-Baƙara: 43]

L-Yaa doaag sẽn ka Zakã bala, wala fo sẽn na n maan sara ne bũmb ning fãa gilli, tɩ yaa yel-sõmd maanego, sẽn wa n yaa wakat ning fãa.
A yeelame, A Naam zẽkame: {La y maan nafa Wẽnd Sorã pʋgẽ} [Sʋʋratʋ Al-Baƙara: 195]

L-Yẽ yaa f tũ Wẽnde, n yõk f menga, n yi bõn-kaoodɩ wã, sẽn na n sɩng Fagirã pukri, n tʋg n tãag wĩndgã lʋɩɩsẽ, n lagem ne Anniy wã rɩkre, la a yaa kõbg a yiibu:
No-loeer sẽn yaa tɩlae, wala Ramadaan no-loeerã, yẽ yaa zeng raoog sẽn yi lɩslaoongã zeng raadã pʋgẽ.
A yeelame, A Naam zẽkame: {Yɑɑ yãmb neb nins sẽn kõ sɩd ne Wẽnde b roglɑ yãmb no-loeerã wɑlɑ b sẽn dogl sẽn deng-b yãmb tɑoorã sãnd-sãnde y nɑ zoe Wẽnde (183} [Sʋʋratʋ Al-Baƙara: 183]
La no-loeer sẽn ka tɩlae, wala tẽne la lamus no-loeere, rasem a yopoe fãa, la rasem a tãab no-loeere, kiuug fãa pʋgẽ, la rasem a tãabã sõmblem sẽn tʋg n yɩɩd yaa Ayyaam Al-bɩɩḍ (kui-pεεlã rasem-rãmbã) (13,14,15,).

L-Yii a Abɩɩ Hʋrayrat nengẽ, Wẽnd yard be a yĩnga, tɩ Wẽnd Tẽn-tʋʋma, pʋʋsg la tɩlgr be a yĩng yeelame: "Ned ning sẽn loe Ramadaanã, ne liimaoongo la yel-sõmd tẽebo, b yaafd-a lame, a zunuubã sẽn reng taoorã" A Al-bʋẖaarɩ la a Muslim n reeg-a.

L- Yii a Abʋʋ Saʿɩɩd Al-ẖʋdarɩɩ, Wẽnd yard be a yĩnga, a yeelame: Wẽnd Tẽn-tʋʋma, Wẽnd pʋʋsg la A tɩlgr be a yĩnga, yeelame: "Yamb ka be sẽn na n loe raare, Wẽnd yĩnga, rẽndame tɩ Wẽnd zãag a nengã ne Bugmã sab'ʿɩɩna ẖarɩɩfan (yʋʋm pis-yopoe), ra-kãng no-loeerã yĩnga. A Al-bʋẖaarɩ la a Muslim n reeg-a.
Sab'ʿɩɩna ẖarɩɩfan wã maana, rat n yeel tɩ: yʋʋm pis-yopoe.

L- 1-Yaa rɩɩb la yũubu, ne pʋ-toogo.
2- Yaa a sẽn na n wʋb ne pʋ-toogo.
3- Arrɩdah (tar-n-yi) lɩslaoongã

L-1-Yaa b yãg ne no-kaoorã.
2-Yaa sugrã rɩɩbo, la a yaoolgre.
3-Yaa paas tʋʋm sõmbsã la tũudmã a pʋgẽ.
4-Yaa no-loεt yeele, tɩ b sã n tʋ-a: "ad mam yaa no-loεta".
5-Yaa Wẽnd kosgo, no-kaoorã sasa.
6- Yaa a kao ne tamarʋ maasa, la a sã n ka paame, bɩ a kao ne koom

L-Hagiimdu, yaa fo tũ Wẽnde, A Naam zẽkame, ne fo sẽn na n tʋg Lohorom Roogã, n tʋg n tʋm tʋʋm sẽn yãk toor zalle, wakat sẽn yãk toor zall pʋgẽ.
A yeelame, A Naam zẽkame: {La roga nebã tɩ b kaag Roogã Wẽnd yĩnga, sẽn paam a sor n na tʋg be, la sẽn maan sõmb-zɩɩlem, rẽnd Wẽnd yaa sek-m-meng Soaba n yi bõn-naandsã.97} [Sʋʋratʋ Aalʋ ɭmraan: 97 ].

L-1-Yaa Al-ɩhraamã yeelgre.
2-Yaa ʿArafah yalsgo.
3-Yaa Ṭawaafʋ Al-ɭfaaḍah maanego.
4-Yaa yãgeng (kẽne) Ṣafaa la Marwaa sʋkã.

L-Yii a Abɩɩ Hʋrayrat nengẽ, Wẽnd na maan-a yardo, tɩ Wẽnd Tẽn-tʋʋma, (pʋʋsg la tɩlgr be a yĩng) yeelame: "Ned ning sẽn wa n kẽng hagiimdu, n ka maan kẽed-n-taare, n ka maan dĩin-yiib tʋʋma, a yita a zunuubã pʋgẽ, n lebg wala a ma wã sẽn rog-a raar ningã". A Al-bʋhaarɩ la zẽng sẽn pa yẽ n togs-a.
-"Wala a ma wã sẽn rog-a raar ningã": rat n yeel t'a ka tar zunuub ye.

L- ʾƲmrã yaa tũudum ne Wẽnde, A Naam zẽkame, ne fo sẽn na n toglg Lohorom Roogã, n tʋm tʋʋm sẽn welg toor zalle, sẽn yaa wakat ning fãa gilli.

L-1-Yaa Al-ɩhraamã fuug yeelgre.
2-Yaa Roogã gilgri.
4-Yaa yãgeng (kẽne) Ṣafaa la Marwaa sʋkã.

L-Yẽnda yaa nidg pãng maanego la arzεka sẽn na sẽeg lɩslaoongã dĩinã, la leb n sõng-a la a nebã, maa lɩslaoongã bε la a nebã zab ne.
A yeelame, A Naam zẽkame: {Lɑ y zɑb ne y ɑrzεgse lɑ y yõyã Wẽnd sorã sõngr yĩngɑ, rẽ lɑ sõmɑ ne yãmb tɩ yãmb sã n yɩ n miẽ.41} [Sʋʋratʋ Attawba: 41]