J: Kira, Alla ka nɛma ni kisi b’A ma ko: «limaniyabagaw cɛma, min ka limaniya dafani le ka tɛmɛ bɛɛ kan, o ye min jogo dafani le ka tɛmɛ o bɛɛ kan» Tirmizhi ni Ahmad y’o lakali.

J: 1. Sabula ale le ye Alla kɔrɔtani ka kanu sɔrɔ sababu ye.
A nana Hadisa kɔnɔ ko: «Alla ka jonw la, min ka di Alla kɔrɔtani ye ka tɛmɛ bɛɛ kan, o ye min jogo ka kaɲi n’o bɛɛ ye» Hakim ni Tɔbaraani y'o lakali.
2. Ani sababu dɔ le ye ka danfɛnw ka kanu sɔrɔ.
3. Ole ye fɛn girima ye sumali mina kɔnɔ kiyama lon.
A nana Hadisa kɔnɔ: «Fɛn min dɔ ka giri sumali fɛn kan, kiyama lon na, o ye jogo ɲumaya ye» Abu Dawud ni Tirmizhi y'o lakali.
4. sara be caya Jogo ɲumaya kɔson.
- A nana Hadisa kɔnɔ: « limaniya baga, ka jogo ɲuman sababu la,a be sufɛ selibaga ka lɔyɔrɔ sɔrɔ, min ka tele kɛ sun la» Ahmad y’o lakali.
5. O ye Limaniya dafani tagamasen dɔ ye.
- A nana Hadisa kɔnɔ: «limaniyabagaw cɛma, min ka limɛniya dafani le ka tɛmɛ bɛɛ kan, o ye min jogo dafani le ka tɛmɛ o bɛɛ kan» Abu dawud ni Tirmizhi y’o lakali.

J: Kabɔ Kurana senuman kɔnɔ, Alla kɔrɔtani ko: {Tiɲɛna, Kurana ni, be mɔgɔ bilasira sira kan min teleni kè ka tɛmɛ sira bɛɛ kan} [Suratul Israa: 9]
Ani Ka bɔ Kira ka sunna kɔnɔ: Alla ka Ciden, Alla ka nɛma ni kisi b’A ma, ko: «Ne Kira cila kana jogo ɲumanw le dafa» Ahmad y’o lakali.

J: ɲumaya: o ye ka Alla kɔlɔsi tuma bɛɛ, ani ka hɛrɛ ni ɲumanya kɛ danfɛnw ye.
Nabi ɲuman Alla ka nɛma ni kisi b’A ma, ko: «Alla ye ɲumaya jagoya fɛn bɛɛ kan» muslim y’o lakali.
Ɲumanya cogoya dɔw:
✓ Ka ɲumanya kɛ Alla kɔrɔtani batoli la, o ye k’A bato ni kɔnɔgwɛya ye.
✓ Ka ɲumanya kɛ wolobaga fila ye, kumakan ani bara la.
✓ ka ɲumanya kɛ badenw ni masuruya mɔgɔw ye.
✓ ka ɲumanya kɛ sigiɲɔgon ye.
✓Ka ɲumanya kɛ yatimaw ni dɛsɛbagatow ye.
✓Ka ɲumanya kɛ mɔgɔ ye min k'i juguya.
✓Ka ɲumanya kɛ ɲɔgon dalasama la.
✓ ka ɲumanya kɛ kuma la.
✓ka ɲumanya kɛ biganw ye.

J: Ɲumanya sinan ye juguma ye.
- A dɔ ye: kɔnɔgwɛya toli ye Alla kɔrɔtani batoli la.
- Ka bangebagaw kan sɔsɔ.
- ani sinji tigɛ.
- ani sigiɲɔgon juguya.
- ka ɲumanya kɛli toyi fantaw ni dɛsɛbagatɔw ma, ani o ɲɔgonna gɛrɛ ka bɔ kuma jugu ni bara jugu la.

J: 1. lanaya Alla kɔrɔtani ka hakɛw kɔrɔsili la.
A jaw: lanaya, batow kɛli la inafɔ Seli, ani Jaga, ani Sun, ani Heji, ani Alla ye fɛn gɛrɛ minw faridaya an kan.
2. lanaya danfɛw hakɛw kɔrɔsili la:
- ka bɔ mɔgɔw danme kɔlɔsili la.
Ani o ka nafolow.
Ani o jeliw.
Ani o ka gunnow, ani mɔgɔw ye fɛn o fɛn kalifa i ma.
Alla kɔrɔtani ko kisibagaw makuntu la: {Ani minw b'o janto o ka lanaya kow an'o ka lahiriw la} [Suratul Muhminuun:8].

J: Janfa, o ye ka Alla kɔrɔtani hakɛ tiɲɛ ani mɔgɔw hakɛw.
Alla kɔrɔtani ko: { Yaa a lu minw limaniyala! aw kana Alla janfa ani Kira, aw bena a ka lanaya janfa kasɔrɔ aw b'a kalama} [Suratul Anfaal:27].
Nabi ɲuman ko nɛma ni kisi be A ma: « munafiki tagamasen ye saba: Ni mɔgɔ ka lanaya kɛ a la, a b’o janfa » Bɛn kɛla o kan.

J: O ye ka koo fɔ inafɔ a be cogoya min na, walima ka fɛn kɛ
inafɔ a be cogoya min na.
A ɲɔgɔnna dɔ ye:
- Ka can fɔ baro la ni mɔgɔw ye.
- Ka can fɔ lahiri la.
- Ka can fɔ kuma bɛɛ ani bara bɛɛ la.
Nabi ɲuman ko nɛma ni kisi be A ma: « Can fɔ be mɔgɔ kanda ka taga ɲuman kɛ ma, ɲuman kɛli be mɔgɔ don Alijinɛ kɔnɔ, ani cɛɛ be to can fɔ la fɔɔ a bena laban ka kɛ canfɔlaba ye» bɛn kɛla o Hadisa kan.

J: O ye wiya ye, o ye ka fɛn fɔ cogoya la a te cogo min na, a ɲɔgon dɔ ye, ka wiya la mɔgɔw la, ani ka lahiri bɔrɔtɔ, ani sereya jugu lɔ.
-Nabi ɲuman ko Alla ka nɛma ni kisi be A ma: «Can na wiya be mɔgɔ bila ko jugu kɛ la, ko jugu kɛ be mɔgɔ ladon tasuma kɔnɔ, can na cɛɛ be to wiya fɔ la fɔ a be sɛbɛ Alla fɛ ko wiya fɔla ba le» Bɛn kɛla o kan.
- Nabiɲuman ko nɛma ni kisi be A ma. «munafiki tɔgɔmasen ye saba» - A ko o dɔ ye - « ni a ka baro kɛ a be wiya fɔ, ni a ka lahiri ta a te adafa» Bɛn kɛla o kan.

J: - ka sabari Alla kɔrɔtani bato kan.
- ka sabari Alla sɔsɔ ma.
- ka sabari latigɛ ma min be mɔgɔ dimi, ani ka Alla tano cogoya bɛɛ la.
- Alla kɔrɔtani ko: {Alla be sabari bagaw kanu} [Surutu Al imraan:146].
- Nabiɲuman ko nɛma ni kisi be A ma: « kabako ba be limaniya jon ka ko la! A ka ko bɛɛtu ye hɛrɛ ye, o jogo te mɔgɔ si ye fɔɔ limaniya jon, ni nisondiya ko k’a sɔrɔ a be Alla koɲumalon, o be kɛ hɛrɛ ye a ma, ani ko jugu ka sɔrɔ a be sabari o kan, o be kɛ hɛrɛ ye a ma». Muslim ye a lakali.

J: - o ye sabari baliya ye Alla bato kan, ani sabari baliya ka bɔ Alla sɔsɔ la, ani ka dimi latigɛ kow ma min be sɔrɔ kuma ani bara la.
A nason dɔw:
ka saya nata.
Nabiɲuma, Alla ka nɛma ni kisi b’A ma, ko: “Aw si kana saya nata, tɔrɔya dɔ kɔson min k’a sɔrɔ, n’a te ɲan a kɛli kɔ, a y’a fɔ ko: Yaa Alla, I ka ne la ɲɛnamaya n’a y’a sɔrɔ ɲɛnamaya ye hɛrɛ ne ma, ani I ka ne nii bɔ na, n’a ya sɔrɔ saya ye hɛrɛ ne ma”. bɛn kɛla o kan.
Ka tamaw gasi.
Ka faniw faran.
- Ka kunshigiw bɔ ɲɔgon na.
Ka duawu kɛ i yɛrɛ kan halakili la.
Ciden ko nɛma ni kisi b’A ma, ko: “mɔgɔ t'an dɔ ye min b’a tama bugɔ, k’a ka faniw faran, ka kule ni kunfinya wagati welekan ye” Bukhari y’o lakali.
Kira, Alla ka nɛma ni kisi b’A ma, ko: "Saraba be sɔrɔ lajarabili ba le la. Ni Alla ye mɔgɔ dɔw kanu, a b'o lajarabi. Ni min diɲɛ na, diɲɛ b’o tigi ye, ni min dimi na, dimi b’o tigi ye" Tirmizhi ni Ibnu Maajah y'o lakali.

J: O ye mɔgɔw ka ka ɲɔgon dɛmɛ o ni ɲɔgon cɛ, can kan ani hɛrɛ la.
ɲɔgon dɛmɛ cogoyaw:
- ka ɲɔgon dɛmɛ hakɛw lasegili la.
- ka ɲɔgon dɛmɛ tɔɲonlikɛlaw balili la.
- ka ɲɔgon dɛmɛ ka mɔgɔw ni fantanw makow wasa.
- ka ɲɔgon dɛmɛ ɲumanya bɛɛ kɛli la.
- aw kana ɲɔgon dɛmɛ jurumu ko la, ani tɔrɔ ani juguya kɛli la.
Alla kɔrɔtani ko: {Ani aw ye ɲɔgon dɛmɛ ɲumaya la ni Alaɲasiranya la, Aw kana ɲɔgon dɛmɛ jurumu ko la ani juguya ko la. Aw ye siran Alla ɲɛ; can na, Alla ye jankata gwɛlɛ tigi ye} [Maa'idah: 2].
Nabiɲuma, Alla ka nɛma ni kisi b’A ma, ko: “mumini be a mumini ɲɔgon ma inafɔ boon, o be ɲɔgon baraka ka sabati” Bɛn kɛla o kan.
Nabiɲuma, Alla ka nɛma ni kisi b’A ma ko: "Silama baden ye a silama ɲɔgon ye, a t'a baden tɔrɔ, a t'a labila. ni mɔgɔ o mɔgɔ y'a baden mako wasa, Alla b'a mako wasa, ni mɔgɔ o mɔgɔ ye silama dɔ bɔ gwɛlɛya dɔ la, Alla bɛna gwɛlɛya dɔ bɔ a kan ka bɔ laharalon gwɛlɛyaw la. Ni mɔgɔ min ka silama dɔ sutara, Alla bena a tigi sutara laharalon na” Bɛn kɛla o kan.

J: 1. Ka maloya Alla ma: o kɔrɔ ye ka ban A sɔsɔli ma, saniya b'A ye.
2. Ka maloya mɔgɔw ma: O dɔ ye ka kuma jugu fɔ ni kuma nɔgɔniw fɔ toy, ani an kana an lebu bila kɛnɛ kan.
Alla ka Ciden, Alla ka nɛma ni kisi b’A ma, ko: "limɛniya be bolo biwolonfila ni dɔni ɲɔgon na ye" - walima: "bolo biwɔɔrɔ ni dɔni ɲɔgon na" - "bolo minw ka bon ani a kɔrɔtani le ni bolo bɛɛ ye, o ye ka fɔ: " Laa ilaha ilaa La " ko tigi gɛrɛ tey min ka kan ni bato ni Alla tɛ. O la min ka dɔgɔ n’a bɛɛ ye, o ye ka fɛn juguman dɔ bɔ sira kan. maloya fana ye limɛniya bolo faran dɔ ye". Muslim y’o lakali.

J: - ka Hinɛ mɔgɔkɔrɔbaw la ani k’ow bonya.
- ka Hinɛ denmisɛni fitiniw la. a nana Hadisa kɔnɔ: “mɔgɔ t'an dɔ ye min t’an ka mɔgɔkɔrɔbaw bonya ani ka makari anw ka denmisɛniw la” Ahmad y’o lakali.
- ka hinɛ fantanw la, ani bolokolow ani dɛsɛbagatɔw la.
- Ka makari bigɛnw la, o kɔrɔ ye ka dɔmini di o ma, ani ka n’o tɔrɔ.
O dɔ ye Nabiɲuma ka kuma ye, Alla ka nɛma ni kisi b’A ma: “I be muminiw yɛ o ka hinɛ ɲɔgon na la, ani o ka ɲɔgon kanu la ani o ka makari ɲɔgon na la, inafɔ farikolo kelen, ni a yɔrɔ dɔ ye tɔrɔya sɔrɔ a yɔrɔ tɔw be siɲɛnɛ ani farigan sɔrɔ o yɔrɔ kelen kɔson. Bɛn kɛla o kan.
Alla ka Ciden, Alla ka nɛma ni kisi b’A ma, ko: «Mɔgɔ minw be makari, makaritigiba be makari olugu la, aw ye makari dugukolo mɔgɔw la, Alla min be sankolo la, fana bena makari aw la» Abu Dawud ni Tirmizhi y’o lakali.

J: Alla kɔrɔtani kanu.
Alla kɔrɔtani ko: {Minw limɛniya la Alla ma, olugu ye Alla kanubaga baw ye} [Suratu Al Bakara: 165].
- Ciden kanu, Alla ka nɛma ni kisi b’A ma.
Kira ko: «Alla ka nɛma ni kisi b’A ma; N’be n’kali ne nii be min bolo(Alla), aw si te limɛniya can na fɔɔ aw ka ne kanu ka tɛmɛ a facɛ n’a den kan. Bukhari y’o lakali.
Muminiw kanu, ka koɲuman kanu o ye inafɔ i b’a kanu i yɛrɛ ye cogo min na.
Nabiɲuma, Alla ka nɛma ni kisi b’A ma, ko: “Aw si te limɛniya can na limɛniya dafani fɔɔ n’a ye fɛn kanu a badenma ye a be min kanu la a yɛrɛ ye” Bukhari y’o lakali.

J: O ye ɲada nisondiyani ye, ni sawa ye, ani yɛlɛmisɛn ye, ani ɲumanya, ani ka nisondiya yira n’i be mɔgɔw kunbɛn na.
O sinan ye ɲa kumu ye mɔgɔ ɲɛnɛ, o min b’o mɔgɔw yɔrɔ ma janyan i la.
Hadisa dɔw be o ko nafa yira. Ka minɛ Abu zarr la, Alla ka diɲɛ b’a ma, a ko: Nabiɲuma Alla ka nɛma ni kisi b’A ma ko: “I kana kɛwaleɲuman si mafiɲɛya, hali na dana k’i baden fo ni ɲada nisondiyani ye dɔrɔn” Muslim y’o lakali.
Alla ka Ciden, Alla ka nɛma ni kisi b’A ma, ko: «I ka yɛlɛmisɛn i badenma ɲa fɛ, o be i ma saraka ye» Tirmizhi y’o lakali.

J: O ye k’a ɲini ka nɛma bɔ mɔgɔ gɛrɛ bolo wala ka nɛma kɔniya mɔgɔ gɛrɛ ye.
Alla kɔrɔtani ko: Ani me tanga ɲini Alla fɛ ka bɔ ɲangoyakɛla ka juguman ma tuma min na a be ɲangoya kɛla} [Suratu Al Falak: 5].
aminɛna Anas bin Malik fɛ Alla ka diɲɛ a ma, a ko Alla Ciden ko Alla ka nɛma ni kisi b’A ma: «Aw kana ɲɔgon kɔniya, aw kana ɲɔgon ɲangoya, aw kana aw kɔdon ɲɔgon na, aw ye kɛ badenmaya Alla ka jon» Bukhari ni Muslim y'o lakali.

J: O ye k’i badenma silama lɔgɔbɔ ani k’a dɔgɔya, o min filɛ ni ye o ma daga.
Alla kɔrɔtani ko o ko haramuya lila: {Alu minw limɛnya la, aw jama dɔ kana jama dɔ gɛrɛ lɔgɔbɔ; tuma dɔ o jama be se ka fisaya ni o ye; musow jama fana kana muso jama gɛrɛ lɔgɔbɔ; tuma dɔ la o jama be se ka fisaya n'o ye. Aw kana ɲɔgon lebu, aw kana ɲɔgon wele ni tɔgɔ gɛrɛw ye minw be mɔgɔ tɔrɔ a ka limɛniya kɔ, cɛnni tɔgɔw cɛjuguya la. Ni mɔgɔ min ma o dabila - o tigi la mɔgɔw le ye yɛrɛ kun tɔɲonbagaw ye. [Suratu Al alhujarat:11].

J: O ye ko mɔgɔ kana a yɛrɛ yɛ mɔgɔ tɔw kan, ola, a te mɔgɔw filɛ ni lagasi ni dɔgayali ɲa ye, ani a ka ban can ma.
Alla kɔrɔtani ko: {Alla min hinɛbaga masa ye ka jonw ye mɔgɔw le ye Minw be tagama dugukolo kan ni nɔgɔya ye} [Suratu Al alfurqan: 63], O Kɔrɔ: yɛrɛ majigibagaw ye.
Alla ka Ciden, Alla ka nɛma ni kisi b’A ma, ko: “Mɔgɔ si t’a yɛrɛ majigi Alla kɔson fɔɔ Alla be a kɔrɔta” Muslim y’o lakali.
Alla ka Ciden, Alla ka nɛma ni kisi b’A ma, ko: “Alla ye cili kɛ ne ma ko aw ka a yɛrɛmajigi, fɔɔ mɔgɔ si kana waso a tɔɲɔgon la, mɔgɔ si kana dantɛmɛ kɛ a tɔɲɔgon kan” Muslim y’o lakali.

J: 1. Ka yɛrɛlonbaya kɛ can kan, o ye ka ban can ma ani ka ban ka son a ma.
2. Ka yɛrɛlonbaya kɛ mɔgɔw la, o kɔrɔ ko k’o dɔgɔya ani k’o fiɲɛya.
Alla ka Ciden, Alla ka nɛma ni kisi b’A ma, ko: “yɛrɛlonbaya fitini be mɔgɔ min dusukun na, o tigi tena don Alijɛnɛ kɔnɔ”. Cɛɛ dɔ ko: can na a ka di cɛɛ ye k’a ka faniw n’a ka samaraw ka ɲan? A ko: “Alla cɛkaɲi, cɛɲumanya ka di a ye, yɛrɛlonbaya: kɔrɔ ye ka ban can ma ani ka mɔgɔw dɔgɔya” Muslim y’o lakali.
ka ban can ma: ka can kɔsegi
- Ka mɔgɔw mafiɲɛya: ka mɔgɔw dɔgɔya.
Fani ɲuman ni samara ɲuman te yɛrɛlonbaya tagamasen dɔ ye.

J: Namara kɛli sanni ni fere la, o min ye ka fiɲɛ dɔ dogo fere fɛn na.
Ka namara kɛ lɔnni kalanli la, inafɔ kalandenw ka namara kɛ kɔrɔbɔliw la.
- Namara kɛli kuma la, inafɔ sereya jugu ani galon tigɛ.
-I be min fɔ ani i be bɛn min na ni mɔgɔw ye, i kana o bɔ a sira fɛ.
- Namara haramuya li dalilu: ka fɔ Alla ka Ciden, Alla ka nɛma ni kisi b’A ma, tɛmɛna domini kuru dɔ kɔrɔ, a k’A bolo don a kɔnɔ, A bolokunadenw ɲigila, ola, A ko: “Nin ye mun le ye, ile dominitigi?” A ko: “Sanji benna a kan, yaa Alla ka Ciden. A ko: “Mun na i m’a bila domini kuna janko mɔgɔw k’a yɛ, mɔgɔ o mɔgɔ be namara kɛ, o tigi te N'dɔ ye”. Muslim y’o lakali.
A kuru: domini lajɛnni.

J: O ye k’i badenma silama kofɔ cogo dɔ la min man di a ye k’a sɔrɔ a tey.
Alla kɔrɔtani ko: {Aw dɔw kana dɔw Kɔrɔfɔ. Yala aw dɔ b’a kanu k’a badenma sani sogo domu wa? aw be o kɔniya. Aw ye siran Alla ɲɛ; can na, Alla ye tubi minɛ bagaba ye, hinɛbaga ba le} [Suratu Hujurat: 12].

J: O ye ka kuma lakali mɔgɔw ni ɲɔgon cɛ walasa ka o bila ɲɔgon la.
Alla ka Ciden ko Alla ka nɛma ni kisi b’A ma: «Kuma fɔbaga mɔgɔw ni ɲɔgon cɛ walasa ka o bila ɲɔgon la te don Alijɛnɛ kɔnɔ» Muslim y’o lakali.

J: O ye farifaga ye kabɔ ɲumanya kɛli ma ani mɔgɔ ka kan ka fɛn min kɛ.
O dɔ ye: ka farifaga bara jagoya niw kɛli la.
Alla kɔrɔtani ko: {Can na, munafikuw b’a fɛ ka Alla janfa, n'ga Ale le be na o sara ni o ka janfa ye . Ni o wulila ka taga seli kɛ, o be wuli ni saliya ye, o be o yɛrɛ yira jama la, o te Alla kofɔ fɔɔ dɔni} [Suratu An Nisaa: 142].
limɛniya baga ka kan ka saliya dabila ani barakɛbaliya ani sigili ba, k’a jija bara la ani boribori ka tagamaw kɛ, k’i jija ani k’i cɛsiri ni ɲɛnɛmaya kɔnɔ cogo ya la min kadi Alla kɔrɔtani ye.

J: 1. Dimi min tanoli le ani min ɲinini le: O ye min be kɛ Alla kɔson, tuma min na ni kafiriw, walima munafikuw, walima mɔgɔ gɛrɛw b’a ka lahɔrɔmaya tiɲɛ, Saniya be Alla ye.
2. Dimi min jalakini le: O ye dimi ye min b’a to mɔgɔ be ko dɔ kɛ, ani k’a ko dɔ fɔ a makan ka min kɛ walima a makan ka min fɔ.
Dimi min jalakini le, o furakɛcogo:
Selijita.
Ka sigi ni a lɔni le, ka la ni a sigini le.
- Ka tugu Nabiɲuma Alla ka nɛma ni kisi b’A ma ka ladilikan kɔ o ko la: “I kana dimi”.
- K'a yɛrɛ minɛ ka bɔ kɔrɔtɔli ma, ka bara dɔ kɛ dimi tuma na.
Ka tanga ɲini Alla fɛ ka bɔ Shitana dangani ma min kɛla bonni fɛn ye.
- Makunli.

J: o le ye ka mɔgɔw lebu bila kɛnɛma ani o be fɛn min dogo la.
A cogoya minw haramuya la:
- ka filɛli kɛ mɔgɔw lebu la o ka bonw kɔnɔ.
- ka mɔgɔw ka barow lamɛ ka sɔrɔ a ma kɛ ni o ka diɲɛ ye.
- Alla kɔrɔtani ko: { Aw kana fɛsɛfɛsɛli jugu kɛ...} [Suratu Al hujuraat:12].

J: ka tiɲɛni kɛ: o le ye ka wari bɔ ni a ma kɛ ni a hakɛ ye, o sinan ye: tɛgɛ gɛlɛnya ye: o ye k'i yɛrɛ minɛ ka bɔ i ka hakɛ ma.
min kaɲi o le ye ka kɛ o fila ni ɲɔgon cɛ, Silama ye kɛ fonisere ye.
- Alla kɔrɔtani ko: { ani minw n'o ka nafolo bɔ, ka sɔrɔ ni a ma kɛ ni tiɲɛni ye ani o ma waso, o kɛla lɔlibaga ye tɛgɛ gɛlɛya ani dili ko jugu cɛ} [Suratu Al Furkaan:67].

J: Jitɔya ye ka siran fɛn dɔ ɲɛ min te siranya fɛn ye.
Inafɔ ka siran can fɔli ɲɛ ani ka siran ka bara jugu kɔniya.
Cɛfariya: o ye ka can fɔ, inafɔ ka kon jihadu kɛnɛ kan Silamaya ani silamaw dɛmɛli kɔson.
- Nabiɲuman nɛma ni kisi be A ma, tun kɛla a ka duawu la, A b'a fɔ: « yaq Alla! N'be tanga ɲini Ile fɛ ka bɔ jitɔya ma...».
- Alla kira ko nɛma ni kisi be A ma: « mumini jijabaga o kaɲi ani o ka di Alla ye katɛmɛ mumini fugari kan, hɛrɛ b’o bɛɛ la» Muslim ye o lakali.

Inafɔ danga ani neniniw ɲɔgonna.
- ani inafɔ fakerisa ka kuma ɲɔgon "sogo, binga" walima o kuma ɲɔgonnaw.
- walima ka lebuw fɔ ka bɔ manamana kumaw ni kuma kuntanw.
- Nabiɲuman nɛma ni kisi b'A ma, ka gɛnni kɛ ka bɔ o bɛɛ ma, A ko: «Mumini te neni kɛla ye, dangadon baga fana tɛ, manamana kumaw fɔla fana tɛ, ani kuma kuntan fɔbaga fana tɛ» Tirmizhi ni ibn Hibaan y'o lakali.

J: 1. Ka duawu kɛ ko Alla ye i garizikɛ jogo ɲuman ani k'i dɛmɛ a kɛ la.
2. Ka Alla kɔrɔsi see masa ani kɔrɔta masa, ani ko Alla be i lɔn ani A b' i mɛnan ani A b'i yɛ la.
3. Ani ki hakili to jogo ɲumanya baraji la, ani ko Alijinɛ kɔnɔ don sababu ba dɔ le.
4. Ani ka hakili jigi jogo jugu kɔfɛla la, ani ko tasuma kɔnɔ don sababu dɔ le.
5. Jogo ɲumaya be Alla kɔrɔtani kanu sama ani A ka danfɛw kanu, wa jogo juguya be Alla dimi sama ani A ka danfɛw dimi.
6. Ka Nabiɲuman nɛma ni kisi be a ma ka ɲɛnɛmaya kalan ani k'a laderi.
7- ka teriya kɛ ni mɔgɔ ɲumanw ye ani ka i yɔrɔ majanyan mɔgɔ juguw ka teriya la.
*******
-Alla kofɔ min ka fisa, o ye min ye, dusukun ni nɛɛn be bɛn min fɔli la.