उत्तर: मेरो रब (पालनकर्ता) अल्लाह हुनुहुन्छ, जसले मलाई र सम्पूर्ण संसारलाई आफ्नो कृपाले पालन-पोषण गर्नुभएको छ। उहाँ नै मेरो उपास्य (पूज्य) हुनुहुन्छ र उहाँ बाहेक मेरो कुनै उपास्य छैन। उहाँ नै सृष्टिकर्ता, मालिक, पालनकर्ता र यस ब्रह्माण्डमा भएका सबै कुराहरूका व्यवस्थापक हुनुहुन्छ।
यसको प्रमाण: अल्लाहको यो भनाइ हो: {सम्पूर्ण प्रशंसाहरू अल्लाहका लागि हुन्, जो समस्त संसारका पालनकर्ता हुनुहुन्छ।} [सूरह अल-फातिहा: २]

उत्तर: मेरो धर्म इस्लाम हो र यसको अर्थ हो: अल्लाहको एकत्व (तौहीद) स्वीकार गर्दै उहाँप्रति समर्पित हुनु, उपासनाद्वारा उहाँको आज्ञा पालन गर्नु तथा शिर्क (अल्लाहसँग साझेदारी) र यसका मान्नेहरूबाट अलग रहनु।
अल्लाह तआलाले भन्नुभएको छः {निस्सन्देह अल्लाहको नजरमा धर्म इस्लाम नै हो।} [आले इमरान: १९]

उत्तर: मेरो नबी मुहम्मद (सल्लल्लाहु अलैहि वसल्लम) हुनुहुन्छ।
अल्लाह तआलाले भन्नुभएको छः {मुहम्मद अल्लाहका रसूल (सन्देशवाहक) हुनुहुन्छ।} [सूरह अल-फत्ह:२९]

उत्तर: तौहीदको कलिमा "लाइलाह इल्लल्लाह" हो र यसको अर्थ हो: "अल्लाह बाहेक कोही वास्तविक उपास्य छैन।"
अल्लाह तआलाले भन्नुभएको छ: {जानीराख, अल्लाहबाहेक कोही पूज्य छैन।} [मुहम्मद: १९]
- अल्लाह तआलाले भन्नुभएको छ: {किनभने अल्लाह नै सत्य हुनुहुन्छ र उहाँ बाहेक जसलाई उनीहरूले पुकार्छन् ती सबै असत्य हुन्। निश्चय नै अल्लाह उच्चतम र महान हुनुहुन्छ।} [अल-हज: ६२]

उत्तर: अल्लाह आकाशमा अर्श (सिंहासन) माथि हुनुहुन्छ, सबै सृष्टिहरूभन्दा माथि। अल्लाह तआलाले भन्नुभएको छ: {रहमान (अल्लाह) अर्श (सिंहासन) मा उच्च हुनुहुन्छ।} [ताहा: ५]
अल्लाह तआलाले भन्नुभएको छ: {उहाँ आफ्ना भक्तहरूमाथि पूर्ण प्रभुत्व राख्नुहुन्छ छ र उहाँ अत्यन्त बुद्धिमान र सर्वज्ञ हुनुहुन्छ।} [अनआम्: १८]

उत्तर: यसको अर्थ हो: अल्लाहले उहाँलाई सारा जगतलाई शुभसूचना र चेतावनी दिने व्यक्तिको रूपमा पठाउनुभयो।
- यसको अभिलाषा:
१. उहाँले आदेश गर्नुभएको कुरामा उहाँको आज्ञापालन गर्नु।
२. उहाँले बताउनुभएको कुरामा विश्वास गर्नु।
३. उहाँको अवज्ञा नगर्नु।
४. उहाँले तोक्नुभएको तरिकाअनुसार मात्र अल्लाहको उपासना गर्नु, जुन सुन्नतको पालना गरेर र बिदअतलाई त्यागेर हुन्छ।
अल्लाह तआलाले भन्नुभएको छः {जसले रसूलको आज्ञा पालन गर्छ, वास्तवमा उसले अल्लाहको आज्ञा पालन गर्छ।} [अन-निसा: ८०]
अल्लाहले भन्नुभएको छ: {उहाँ (नबी) आफ्नो इच्छाले बोल्नुहुन्न।} {बरु यो त केवल वह़ी (प्रकाशना) हो, जुन उहाँलाई पठाइन्छ।} [नज्मः ३-४]
अल्लाहले भन्नुभएको छः {निश्चय नै, जसले अल्लाह र अन्तिम दिनको आशा राख्छ तथा अल्लाहलाई धेरै सम्झन्छ, उसको लागि अल्लाहका रसूलमा उत्कृष्ट नमूना (आदर्श) छ।} [अल-अह्जाब: २१]

उत्तर: उहाँले हामीलाई केवल आफ्नो उपासना गर्नका लागि सृष्टि गर्नुभयो, उहाँको कुनै साझेदार छैन। उहाँले हामीलाई व्यर्थ, खेल वा मनोरञ्जनका लागि सृष्टि गर्नुभएको होइन, न त हामीलाई बेवारिसे र उद्देश्यविहीन छोड्नुभएको हो।
अल्लाह तआलाले भन्नुभएको छः {मैले जिन्न र मानवलाई केवल आफ्नो उपासना गर्नका लागि सृष्टि गरेको हुँ।} [अज्जारियातः ५६]

उत्तर: उपासना एक व्यापक शब्द हो जसमा अल्लाहलाई मनपर्ने र उहाँलाई प्रसन्न पार्ने बाहिरी र भित्री दुवै प्रकारका सबै वचन र कर्महरू समावेश छन्।
- बाहिरी (वाह्य) इबादत: जस्तै जिब्रोले अल्लाहको जिक्र गर्नु (तस्बीह, तहमिद, तकबीर) तथा नमाज पढ्नु र हज गर्नु।
- भित्री (अन्तरिक) इबादत: जस्तै अल्लाहमाथि भरोसा (तवक्कुल), डर (खौफ) र आशा गर्नु।

उत्तर: हामीमाथि सबैभन्दा महान कर्तव्य भनेको अल्लाह तआलाको एकत्व (तौहीद) स्वीकार गर्नु हो।
अल्लाहले भन्नुभएको छः {उनीहरूलाई विशुद्ध भएर केवल अल्लाहको उपासना गर्ने आदेश दिइएको थियो।} [अल्-बय्यिना: ५]

उत्तर: १. तौहीद अर-रुबूबिय्यह: केवल अल्लाह तआला नै सृष्टिकर्ता, पालनकर्ता, मालिक र व्यवस्थापक हुनुहुन्छ अनि उहाँको कुनै साझेदार छैन भनेर विश्वास गर्नु।
२. तौहीद अल-उलूहिय्याह: केवल एक अल्लाहको उपासना गर्नु र उहाँ बाहेक अरू कसैको उपासना नगर्नु।
३‍‍. तौहीदुल अस्मा व सिफात: कुरआन र हदीसमा उल्लेख गरिएका अल्लाह तआलाका नाम र गुणहरूमा ईमान ल्याउनु हो। तिनलाई कुनै पनि कुरासँग तुलना र समानता नगरी, तिनका अर्थहरूलाई इन्कार नगरी र तिनको स्वरूप (कसरी छन्) निर्धारण नगरी।
तीनै प्रकारका तौहीदहरूको प्रमाण: अल्लाह तआलाले भन्नुभएको छ: {(उहाँ) आकाशहरू, पृथ्वी र ती दुवैको बीचमा रहेका सबैका पालनकर्ता हुनुहुन्छ। त्यसैले उहाँको उपासना गर र उहाँको उपासनामा धैर्य गर। के तिमी उहाँजस्तो नाम वा समानता भएको कसैलाई चिन्छौ?} [मरयमः ६५]

उत्तर: अल्लाह तआलासँग शिर्क (साझेदार) गर्नु।
अल्लाह तआलाले भन्नुभएको छः {निश्चय नै अल्लाहले आफूसँग गरिने शिर्क (साझेदारी) लाई क्षमा गर्नुहुन्न, तर यसबाहेकका अन्य पाप छ भने जसलाई चाहनुहुन्छ क्षमा गर्नुहुन्छ। जसले अल्लाहसँग शिर्क गर्छ, उसले ठूलो पाप गढेको हुन्छ।} [अन्-निसाः ४८]

उत्तर: शिर्क (बहुदेववाद) भनेको व्यक्तिले अल्लाहको उपासना, प्रभुत्व वा उहाँका नाम र गुणहरूमा कसैलाई साझेदार ठहराउनु हो।
अल्लाह तआला बाहेक अरू कसैका लागि कुनै पनि प्रकारको इबादत (उपासना) समर्पित गर्नु पनि शिर्क हो।
यसका प्रकारहरू:
- ठूलो शिर्क (शिर्के अकबर); जस्तै: अल्लाह तआला बाहेक अरूलाई पुकार्नु (दुआ गर्नु) वा उहाँ बाहेक अरूलाई दण्डवत् (सज्दा) गर्नु वा अल्लाह बाहेक अरूका लागि बलि (कुर्बानी) दिनु।
- सानो शिर्क (शिर्के अस्गर); यो यस्तो कुरा हो जसले धर्मबाट बाहिर निकाल्दैन, जस्तै: अल्लाह तआला बाहेक अरूको कसम खानु, ताबीज लगाउनु (नाफा ल्याउन वा हानिबाट बचाउन झुण्ड्याइने वस्तु) र थोरै रियाकारी (पाखण्ड), जस्तै अरु मानिसले हेरेको देखेर नमाज राम्रोसँग पढ्न खोज्नु।

उत्तर: अल्लाह बाहेक अरू कसैले गैब (अदृश्य कुरा) जान्दैन।
अल्लाह तआलाले भन्नुभएको छः {भनिदेऊ, अल्लाहबाहेक आकाशहरू र पृथ्वीमा रहेका कसैले पनि गैब (अदृश्य कुरा) जान्दैन र उनीहरूलाई कहिले उठाइनेछ भन्ने कुरा पनि थाहा छैन।} [अन्-नम्लः ६५]

उत्तर: ईमानका छ वटा स्तम्भहरू छन्:
१. अल्लाहमाथि ईमान (आस्था) ल्याउनु।
२. उहाँका फिरश्ताहरूमाथि ईमान ल्याउनु।
३. उहाँका किताबहरूमाथि ईमान ल्याउनु।
४. उहाँका रसूलहरूमाथि ईमान ल्याउनु।
५. अन्तिम दिनमाथि ईमान ल्याउनु।
६. राम्रो र नराम्रो भाग्यमाथि ईमान ल्याउनु।
प्रमाण: सहीह मुस्लिममा उल्लेखित प्रसिद्ध हदीस जिब्रईल हो, जसमा जिब्रिलले नबी (सल्लल्लाहु अलैहि वसल्लम) लाई भने: "मलाई ईमानको बारेमा बताउनु होस्। उहाँले भन्नुभयो: तिमीले अल्लाह, उहाँका फरिश्ताहरू, उहाँका किताबहरू, उहाँका रसूलहरू, अन्तिम दिन र तकदीर (भाग्य) को राम्रो र नराम्रो कुरामाथि ईमान ल्याऊ।"

उत्तर: अल्लाह तआलामाथि ईमान ल्याउनु: अल्लाह नै हुन् जसले तिमीलाई सृष्टि गर्नुभएको हो, जीविकोपार्जन गर्नुभएको हो, उहाँ नै सम्पूर्ण सृष्टिका एकमात्र मालिक र व्यवस्थापक हुनुहुन्छ। उहाँ नै उपास्य हुनुहुन्छ, उहाँबाहेक कोही वास्तविक उपास्य छैन, सृष्टि गर्नु, आदेश दिनु, निर्णय गर्नु र कानून बनाउनु केवल उहाँकै काम हो र उहाँको कुनै साझेदार छैन भनेर विश्वास गर्नु।
उहाँ महान्, सर्वोच्च र पूर्ण हुनुहुन्छ, जसका लागि सम्पूर्ण प्रशंसाहरू छन्। उहाँका सुन्दर नामहरू र उच्चतम गुणहरू छन्। उहाँको कुनै प्रतिद्वन्द्वी छैन र उहाँ जस्तो केही पनि छैन, उहाँ पवित्र हुनुहुन्छ।
फरिश्ताहरूमाथि ईमान ल्याउनु: प्रकाशबाट सृष्टि गरिएका एक प्राणी हुन्, अल्लाहले आफ्नो उपासना गर्न र आफ्नो आदेशको पूर्ण रूपमा पालन गर्नका लागि तिनीहरूलाई सृष्टि गर्नुभएको हो।
- अल्लाह तआलाले भन्नुभएको छः {बरू उनीहरू अल्लाहका प्रतिष्ठित भक्तहरू हुन्।* तिनीहरू उहाँभन्दा अगाडि बढेर केही बोल्दैनन् र उहाँको आदेशअनुसार नै काम गर्छन्।} [अल्-अम्बिया: २६-२७]
- नबी (सल्लल्लाहु अलैहि वसल्लम) ले भन्नुभयोः "फरिश्ताहरू प्रकाशबाट सृष्टि गरिएका हुन्।" (मुस्लिम)
- तीमध्ये जिब्राईल (अलैहिस्सलाम) हुन्, जो वही (ईश्वरीय सन्देश) लिएर नबिहरूकहाँ आउँछन्। अल्लाह तआलाले भन्नुभएको छः {वास्तवमा, यो संसारका पालनकर्ताको तर्फबाट अवतरित (ग्रन्थ) हो।* यसलाई रूहुल अमीन (जिब्रईल) ले लिएर अवतरित भएका हुन्।* तपाईंको हृदयमा, ताकि तपाईं चेतावनी दिनेहरूमध्ये हुनुहोस्।* जुन स्पष्ट अरबी भाषामा रहेको छ।} [अश-शुअरा: १९२-१९५]
किताबहरूमाथि आस्था राख्नु: ती किताबहरू हुन्, जसलाई अल्लाहले आफ्ना रसूलहरू माथि अवतरण गर्नुभयो।
- जस्तै; कुरआन: मुहम्मद (सल्लल्लाहु अलैहि वसल्लम) माथि।
- इन्जील (बाइबल): ईसा (अलैहिस्सलाम) माथि।
- तौरात: मूसा (अलैहिस्सलाम) माथि।
- जबूर: दाऊद (अलैहिस्सलाम) माथि।
- सुहुफ इब्राहीम र मूसा: इब्राहीम र मूसा (अलैहिमस्सलाम) माथि।
रसूलहरूमाथि ईमान ल्याउनु: उनीहरू ती संदेष्टाहरू हुन् जसलाई अल्लाहले आफ्ना भक्तहरू तर्फ पठाउनुभयो, ताकि उनीहरूले मानिसहरूलाई ज्ञान देउन्, भलाइ र स्वर्गको शुभ समाचार सुनाउन्, खराबी, दुष्टता र नर्कबाट चेतावनी देउन्।
तिनीहरू (रसूलहरू) मध्ये सबैभन्दा श्रेष्ठ: उलुल अज्म (दृढ संकल्प भएका रसूलहरू) हुन्, र ती हुन्:
- नूह (अलैहिस्सलाम)।
- इब्राहीम (अलैहिस्सलाम)।
- मूसा (अलैहिस्सलाम)।
- ईसा (अलैहिस्सलाम)।
- मुहम्मद (सल्लल्लाहु अलैहि वसल्लम)।
अन्तिम दिनमाथि ईमान ल्याउनु: यो मृत्यु पछि हुने कुराहरू हुन्, कब्र (चिहान) को अवस्था, कियामतको दिन, पुनर्जीवन (बअस) र हिसाब-किताबको दिन; जहाँ जन्नतका बासिन्दाहरू आफ्ना स्थानहरूमा बस्नेछन् र नरकका बासिन्दाहरू आफ्ना स्थानहरूमा बस्नेछन्।
अल्लाहले भन्नुभएको छः {प्रत्येक प्राणीले मृत्युको स्वाद चाख्नेछ। निश्चय नै कियामतको दिन तिमीहरूलाई तिम्रा पूरा प्रतिफल दिइनेछ। त्यसैले जसलाई आगो (नरक) बाट टाढा राखियो र जन्नतमा प्रवेश गराइयो, ऊ निश्चित रूपमा सफल भयो। यो सांसारिक जीवन भ्रमको आनन्द बाहेक अरू केही होइन।} [आले इमरान: १८५]
राम्रो र नराम्रो भाग्यमाथि ईमान ल्याउनु:
तकदीर (भाग्य) को अर्थ: अल्लाहले ब्रह्माण्डमा हुने सबै कुराहरू जान्नुहुन्छ, उहाँले ती सबैलाई लौह महफूज (सुरक्षित पेटिका) मा लेख्नुभएको छ, उहाँले त्यसको अस्तित्व चाहनुभयो र त्यसलाई सृष्टि गर्नुभयो भनेर विश्वास गर्नु।
अल्लाह तआलाले भन्नुभएको छः {हामीले प्रत्येक वस्तु निर्धारित रूपमा सृष्टि गरेका छौं।} [कमर: ४९]
- यसका चार श्रेणीहरू छन्:
पहिलो: अल्लाह तआलाको ज्ञान; जसमा सबै कुराको पूर्व ज्ञान, घटनाहरू हुनु अघि र पछिको ज्ञान समावेश छ।
यसको प्रमाण: अल्लाह तआलाको यो कथन हो: {निश्चय नै, अल्लाहसँग कियामतको ज्ञान छ, उहाँ पानी बर्साउनुहुन्छ र गर्भहरूमा के छ त्यो जान्नुहुन्छ। कुनै प्राणीलाई थाहा छैन कि उसले भोलि के कमाउनेछ र ऊ कुन भूमिमा मर्नेछ। निश्चय नै अल्लाह सबै जान्नुहुन्छ र सबै कुराको खबर राख्नुहुन्छ।} [लुकमानः ३४]
दोस्रो: अल्लाहले सबै कुरा लौहे महफूजमा लेख्नुभएको छ। त्यसैले जे भएको छ र जे भविष्यमा हुनेछ, सबै उहाँको किताबमा लेखिएको छ।
यसको प्रमाण: अल्लाह तआलाको यो कथन हो: {उहाँसँग नै गैब (अदृश्य) का कुञ्जीहरू छन्, जसलाई उहाँ बाहेक कसैले जान्दैन। उहाँले जमिन र समुद्रमा भएका सबै कुरा जान्नुहुन्छ। कुनै पनि पात झर्दैन, तर उहाँ त्यसलाई जान्नुहुन्छ। पृथ्वीको अँध्यारोमा कुनै अन्न छैन र कुनै ओसिलो वा सुख्खा [कुरा] छैन जुन स्पष्ट किताबमा अंकित नहोस्।} [अनआम:५९]
तेस्रो: सबै कुरा अल्लाहको इच्छाअनुसार नै हुन्छ। हाँको इच्छा बिना न त उहाँबाट केही हुन्छ, न त उहाँका सृष्टिहरूबाट केही हुन्छ। मानिस (भक्त) को आफ्नो इच्छा र चाहना हुन्छ, तर यो इच्छा र चाहना पनि अल्लाह सुब्हानहू व तआलाको इच्छापछि मात्र पूरा हुन्छ।
यसको प्रमाण: अल्लाह तआलाको यो कथन हो: {तिमीहरूमध्ये जो कोही सोझो मार्गमा हिंड्न चाहन्छ, उसको लागि (यो मार्गदर्शन हो)। तिमीहरूले चाहँदैनौ जबसम्म अल्लाहले चाहनुहुन्न; जो सम्पूर्ण जगतका पालनकर्ता हुनुहुन्छ।} [तकवीरः २८-२९]
चौथो: सबै प्राणीहरू परमेश्वरद्वारा सृष्टि गरिएका हुन् भनेर विश्वास गर्नु। अल्लाहले तिनीहरूको अस्तित्व, गुणहरू, चालचलन र उनीहरूमा भएका सबै कुराहरू सृष्टि गर्नुभएको हो।
यसको प्रमाण: अल्लाह तआलाको यो कथन हो: {अल्लाहले तिमीहरूलाई र तिमीहरूले गर्ने कामहरूलाई सृष्टि गर्नुभयो।} [अस्साफ्फातः ९६]

उत्तर: यो अल्लाह तआलाको वाणी (कलाम) हो, सृष्टि (मख्लूक) गरिएको होइन।
अल्लाह तआलाले भन्नुभएको छः {यदि मुश्रिकहरू (शिर्क गर्नेहरू) मध्ये कसैले तिमीसँग शरण माग्छ भने, उसलाई शरण देऊ ताकि उसले अल्लाहको वचन सुन्न सकोस्।} [तौबा: ६]
यसको प्रमाण यो हदीस हो: "अल्लाहको वचनको श्रेष्ठता अन्य सबै वचनहरूमाथि त्यस्तै हो, जस्तै अल्लाहको श्रेष्ठता उहाँका सृष्टिहरूमाथि हो।" (तिर्मिजी)

उत्तर: सुन्नत भनेको नबी (सल्लल्लाहु अलैहि वसल्लम) का सबै कथन (बोली), कार्य, अनुमोदन (मौन स्वीकृति) र उहाँका शारीरिक तथा नैतिक गुणहरू हुन्।

उत्तर: बिदअत भनेको मानिसहरूले धर्ममा ल्याएका नयाँ कुराहरू हुन्, जुन नबी (सल्लल्लाहु अलैहि वसल्लम) र उहाँका सहाबाहरूको समयमा थिएनन्।
– हामी यसलाई कदापी स्वीकार गर्दैनौं र यसलाई अनिवार्य रुपमा रद्द गर्नु पर्छ।
किनभने नबी (सल्लल्लाहु अलैहि वसल्लम) ले भन्नुभएको छ: "हरेक बिदअत पथभ्रष्टता हो।" (अबू दाऊद)
- उहाँ (सल्लल्लाहु अलैहि व सल्लम) को वचन: “जसले कुनै कार्य गर्छ, जुन हाम्रो आदेशअनुसार छैन, त्यो अस्वीकृत छ।" (मुस्लिम)
उदाहरणहरू: उपासनामा केही थप्नु, जस्तै वुजू गर्दा चार चार पटक धुनु र नबी (सल्लल्लाहु अलैहि वसल्लम) को मिलाद (जन्मोत्सव) मनाउनु, किनभने यो नबी (सल्लल्लाहु अलैहि वसल्लम) र उहाँका सहाबीहरूबाट प्रमाणित छैन।

उत्तर: अल-वला: मोमिनहरूसँग मित्रता गर्नु र उनीहरूको सहायता गर्नु हो।
अल्लाह तआलाले भन्नुभएको छः {मोमिन पुरुषहरू र मोमिन महिलाहरू एकअर्काका सहयोगी (मित्र) हुन्।} [तौबा: ७१]
अल-बराः काफिरहरूसँग शत्रुता राख्नु र उनीहरूसँग विरोध प्रदर्शन गर्नु हो।
अल्लाह तआलाले भन्नुभएको छः {निश्चय नै तिमीहरूका लागि इब्राहीम र उहाँसँग भएका मानिसहरूमा उत्कृष्ट नमूना छ, जब उनीहरूले आफ्ना समुदायलाई भने: ‘हामी तिमीहरूबाट र तिमीहरूले अल्लाह बाहेक जसको उपासना गर्छौ त्यसबाट पूर्ण रूपमा अलग छौं। हामी तिमीहरूलाई अस्वीकार गर्छौं। तिमीहरूले एक अल्लाहमाथि ईमान नल्याउन्जेल सदाकोलागि हामी र तिमीहरूको बीचमा शत्रुता र घृणा उत्पन्न भएको छ।} [अल् मुम्तहिनाः ४]

उत्तर: अल्लाहले इस्लाम बाहेक अरू कुनै धर्म स्वीकार्नु हुन्न।
अल्लाह तआलाले भन्नुभएको छः {जसले इस्लामबाहेक अन्य कुनै धर्म ग्रहण गर्न खोज्छ, त्यो कहिल्यै पनि स्वीकार गरिने छैन र ऊ आखिरतमा घाटा बेहोर्नेहरूमध्ये हुनेछ।} [आले इम्रानः ८५]

उत्तर: बोलीको उदाहरण: अल्लाह सुब्हानहू व तआला वा उहाँका रसूल (सल्लल्लाहु अलैहि व सल्लम) लाई गाली गर्नु।
कर्मको उदाहरण: कुरआनको अपमान गर्नु वा अल्लाह तआला बाहेक अरूलाई सज्दा गर्नु।
आस्थाको उदाहरण: अल्लाह तआला बाहेक अरू कोही उपासना योग्य छ वा अल्लाहसँग अर्को सृष्टिकर्ता छ भन्ने विश्वास गर्नु।

उत्तर: १. ठूलो निफाक: कुफ्र लुकाउनु र इमान देखाउनु हो।
यसले इस्लामबाट बाहिर निकाल्छ र यो ठूलो कुफ्र (कुफ्रे अकबर) मध्ये पर्दछ।
अल्लाह तआलाले भन्नुभएको छः {निस्सन्देह, मुनाफिकहरू नर्कको सबैभन्दा तल्लो तहमा हुनेछन् र तपाईंले उनीहरूका लागि कुनै सहयोगी पाउनेछैनौ।} [अन्-निसा: १४५]
२. सानो निफाक: जस्तै: झूटो बोल्नु, वाचा तोड्नु र नासोमा हिनामिना गर्नु।
यसले मानिसलाई इस्लामबाट निकाल्दैन, तर यो पाप हो र यस्ता व्यक्ति दण्डको हकदार हुन्छ।
अल्लाहका रसूल (सल्लल्लाहु अलैहि वसल्लम) ले भन्नुभएको छः "पाखण्डीका तीन लक्षणहरू छन्: जब ऊ बोल्छ, झूट बोल्छ, जब उसले वाचा गर्छ, तोड्छ र जब उसलाई कुनै कुरा सुम्पिन्छ, उसले विश्वासघात गर्छ।" (बुखारी र मुस्लिम)

उत्तर: उहाँ मुहम्मद (सल्लल्लाहु अलैहि व सल्लम) हुनुहुन्छ।
अल्लाह तआलाले भन्नुभएको छः {मुहम्मद तिमीहरूमध्ये कुनै पुरुषका पिता होइनन् तर उहाँ अल्लाहका रसूल र नबीहरूको अन्तिम (खातिम) हुनुहुन्छ।} [अल्-अहजाब: ४०]
अल्लाहका रसूल (सल्लल्लाहु अलैहि व सल्लम) ले भन्नुभएको छ: ''म सम्पूर्ण नबीहरूको समापक हूँ, मपछि कुनै नबी छैन।” यसलाई अबू दाऊद, तिर्मिजी र अरूले वर्णन गरेका छन्।

उत्तर: मुअजिजा भनेको ती सबै असामान्य कुराहरू हुन्, जुन अल्लाहले आफ्ना नबीहरूलाई प्रदान गर्नुहुन्छ, जसले उनीहरूको सत्यतालाई प्रमाणित गर्छ, जस्तै:
- नबी (सल्लल्लाहु अलैहि व सल्लम) का लागि चन्द्रमा दुई भागमा टुक्रिनु। अल्लाह तआलाले भन्नुभएको छः {महाप्रलय नजिक आइपुगेको छ र चन्द्रमा दुई भाग भएको छ।* यदि उनीहरूले कुनै निशानी देख्छन् भने विमुख हुन्छन् र भन्छन्: ‘यो त निरन्तर चलिरहने जादू हो।* तिनीहरूले सत्यलाई अस्वीकार गरे र आफ्ना इच्छाहरूको पछि लागे। प्रत्येक कुरा अन्ततः स्थिर (निश्चित परिणाममा) पुग्नेछ।} [अल-कमर: १-३]
- मूसा (अलैहिस्सलाम) का लागि समुद्रमा बाटो बन्नु र फिरऔन तथा उसका सेनाहरू डुबाइिनु। अल्लाह तआलाले भन्नुभएको छः {स्मरण गर, जब हामीले समुद्र चिरेर तिमीहरूका लागि बाटो बनायौं र तिमीहरूलाई बचायौं र फिरऔनका मानिसहरूलाई तिमीहरूको आँखा अगाडी डुबायौं।} [अल्-बकरह: ५०]

उत्तर: सहाबी भनेको त्यो व्यक्ति हो जसले नबी (सल्लल्लाहु अलैहि व सल्लम) लाई इमानको अवस्थामा भेटेको हो र इस्लाममै मृत्यु भएको हो।
हामीले उनीहरूलाई माया गर्नुपर्छ र उनीहरूको अनुसरण गर्नुपर्छ। किनभने उनीहरू नबीहरूपछि सबैभन्दा उत्कृष्ट र श्रेष्ठ मानिसहरू हुन्।
उनीहरू (सहाबाहरू) मध्ये सबैभन्दा श्रेष्ठ: चार खलिफाहरू हुन्:
अबू बक्र सिद्दीक रजियल्लाहु अन्हु।
उमर रजियल्लाहु अन्हु।
उस्मान बिन अफ्फान रजियल्लाहु अन्हु।
अली रजियल्लाहु अन्हु।
अल्लाह तआलाले सहाबा (रजियल्लाहु अन्हुम्) हरूको बारेमा भन्नुभएको छ: {मुहाजिर र अन्सारहरूमध्ये अगाडि बढ्नेहरू र जसले उनीहरूको राम्रो तरिकाले अनुसरण गरे; अल्लाह उनीहरूसँग प्रसन्न हुनुहुन्छ र उनीहरू उहाँसँग प्रसन्न छन्। अल्लाहले उनीहरूका लागि यस्ता गैंचाहरू (जन्नत) तयार गर्नुभएको छ, जसको तलबाट नदीहरू बगिरहेका छन्, जहाँ उनीहरू सदासर्वदा रहनेछन्। यही महान् सफलता हो।} [ताैबा: १००]

उत्तर: उनीहरू नबी (सल्लल्लाहु अलैहि व सल्लम) का पत्नीहरू हुन्।
- अल्लाह तआलाले भन्नुभएको छः {नबी मोमिनहरूका लागि आफुभन्दा बढी हकदार हुनुहुन्छ र उहाँका पत्नीहरू उनीहरूका आमा हुन्।} [अल्-अहजाब: ६]

उत्तर: हामीले उनीहरूलाई माया गर्नुपर्छ र उनीहरूसँग मित्रता (वला) राख्नुपर्छ। जसले उनीहरूलाई घृणा गर्छ, उसलाई हामी घृणा गर्छौं, तर उनीहरूबारे अतिशयोक्ति गर्नु हुँदैन।
उनीहरूमा नबी (सल्लल्लाहु अलैहि व सल्लम) का पत्नीहरू, उहाँका सन्तानहरू र बनु हाशिम तथा बनु मुत्तलिबका मोमिनहरू पर्छन्।
अल्लाह तआलाले भन्नुभएको छः {हे अह्ले बैत! निस्सन्देह, अल्लाहले तिमीहरूका सम्पूर्ण अशुद्धता हटाउन र पूर्ण पवित्र बनाउन चाहनुहुन्छ।} [अल्-अहजाब: ३३]
नबी (सल्लल्लाहु अलैहि वसल्लम) ले हदीसमा भन्नुभयो: “म तिमीहरूलाई अह्ले बैत (मेरो परिवार) को बारेमा अल्लाहको सम्झना गराउँछु। म तिमीहरूलाई अह्ले बैत (मेरो परिवार) को बारेमा अल्लाहको सम्झना गराउँछु। म तिमीहरूलाई अह्ले बैत (मेरो परिवार) को बारेमा अल्लाहको सम्झना गराउँछु।" (मुस्लिम)

उत्तर: हाम्रो कर्तव्य: उनीहरूको सम्मान गर्नु, पाप (अल्लाहको अवज्ञा) बाहेक अन्य कुराहरूमा उनीहरूको कुरा सुन्नु र पालन गर्नु, उनीहरूको लागि दुआ गर्नु र गोप्य रूपमा सल्लाह दिनु र स्पष्ट कुफ्र नदेखिएसम्म उनीहरू विरुद्ध विद्रोह न गर्नु हो।
अल्लाह तआलाले भन्नुभएको छः {हे इमानवालाहरू! अल्लाहको आज्ञा पालन गर, रसूलको आज्ञा पालन गर र तिमीहरूमध्ये अधिकारवालाहरू (शासकहरू) को पनि। यदि तिमीहरू कुनै कुरामा विवाद गर्छौ भने, त्यसलाई अल्लाह र रसूलतर्फ फर्काऊ; यदि तिमीहरू अल्लाह र अन्तिम दिनमा विश्वास गर्छौ भने। यही राम्रो र उत्तम परिणाम हुने कुरा हो।} [अन्-निसा: ५९]

उत्तर: जन्नत (स्वर्ग) हो, अल्लाह तआलाले भन्नुभएको छ: {निश्चय नै जसले ईमान ल्याए र असल काम गरे, अल्लाहले उनीहरूलाई त्यस्ता बगैंचाहरू (जन्नत) मा प्रवेश गराउनुहुन्छ, जसको तलबाट नदीहरू बगिरहेका छन्।} [मुहम्मद: १२]

उत्तर: नर्क हो, अल्लाह तआलाले भन्नुभएको छ: {त्यसैले त्यस आगो (नरक) बाट डर, जसको इन्धन मानिसहरू र ढुङ्गाहरू हुन्, जुन काफिरहरूका लागि तयार गरिएको छ।”} [अल्-बकरह: २४]

उत्तर: खौफ (डर): अल्लाह र उहाँको सजायबाट डराउनु हो।
रजा (आशा): अल्लाहको प्रतिफल, क्षमा र दयाको आशा राख्नु हो।
प्रमाण: अल्लाह तआलाको भनाइ हो: {तिनीहरू जसलाई पुकार्छन् उनीहरू स्वयं आफ्ना प्रभुतर्फ नजिक हुने साधन खोजिरहेका हुन्छन्, उनीहरूमध्ये कसले अधिक निकटता प्राप्त गर्न सक्रसूल उनीहरू उहाँको दयाको आशा राख्छन् र उहाँको सजायसँग डराउँछन्। निश्चय नै तिम्रो पालनकर्ताको यातना भयानक छ।} [अल् इस्राः ५७]
अल्लाह तआलाले भन्नुभएको छः {मेरा भक्तहरूलाई खबर गरिदेऊ, निश्चय नै,,,,, म नै अत्यन्त क्षमाशील र दयालु हुँ। निश्चय नै,,,,, मेरो सजाय नै दुःखदायी सजाय हो।} [अल्-हिज्र: ४९-५०]

उत्तर: अल्लाह, अर-रब, अर-रहमान, अस-समी’, अल-बसीर, अल-अलीम, अर-रज्जाक, अल-हय्य, अल-अजीम, अल-हकीम ... र अन्य धेरै सुन्दर नामहरू र उच्च गुणहरू।

उत्तर: अल्लाह: यसको अर्थ हो: वास्तविक उपास्य, जसको कुनै साझेदार छैन।
- अर-रब: सृष्टिकर्ता, मालिक, पालनकर्ता र सम्पूर्ण मामिलाहरू व्यवस्थापन गर्ने अल्लाह।
- अस-समी: (सर्वश्रोता): जसको श्रवणशक्तिले सबै कुरालाई समेटेको छ अनि भिन्नता र विविधताका बावजुद सबै आवाजहरू सुन्नुहुन्छ।
- अल-बसीर: जसले सबै कुरा स्पष्ट रूपमा देख्नुहुन्छ, चाहे त्यो सानो होस् वा ठूलो।
- अल-अलीम (सर्वज्ञ): उहाँ नै हुनुहुन्छ जसको ज्ञानले भूत, वर्तमान र भविष्यमा भएका सबै कुरालाई समेटेको छ।
- अर-रहमान: जसको दया सम्पूर्ण सृष्टि र जीवित प्राणीमाथि फैलिएको छ, सबै भक्त र सृष्टिहरू उहाँको दयाको छायाँमा छन्।
- अर-रज्जाक: जसले सम्पूर्ण मानव, जिन्न र सबै सृष्टिहरूलाई रोजी दिनुहुन्छ।
- अल-हय्य: सधैं जीवित रहने र कहिल्यै नमर्ने तर उहाँ बाहेक सबै सृष्टिहरू मर्नेछन्।
- अल अजीम (महान्): उहाँ आफ्ना नामहरू, विशेषताहरू र कार्यहरूमा महान् हुनुहुन्छ।
- अल-हकीम (बुद्धिमान): जसले आफ्नो सृष्टिलाई पूर्ण रूपमा व्यवस्थित, सुगठित र उत्कृष्ट बनाएको छ र जसको सृष्टि र आदेशमा गहिरो बुद्धि (हिकमत) निहित छ।
- हिक्मत (बुद्धि): चीजहरूलाई तिनीहरूको उचित स्थान र योग्य दर्जामा राख्नु।

उत्तर: हामी उनीहरूलाई माया गर्छौं, धार्मिक (शरई) मुद्दा र नयाँ उत्पन्न भएका समस्याहरूमा उनीहरूसँग सल्लाह लिन्छौं र उनीहरूको बारेमा राम्रो कुरा मात्र गर्छौं। जसले उनीहरूको बारेमा नकरात्मक टीकाटिप्पणी गर्छ, ऊ सही मार्गमा छैन।
- अल्लाह तआलाले भन्नुभएको छः {अल्लाहले तिमीहरूमध्ये ईमान ल्याएका र ज्ञान प्रदान गरिएका व्यक्तिहरूको दर्जाहरू उच्च पर्नुहुन्छ र अल्लाह तिमीहरूले गर्ने कामहरूप्रति पूर्ण रूपमा जानकार हुनुहुन्छ।} [अल् मुजादिलाः ११]

उत्तर: उनीहरू ईमान भएका, मुत्तकी (संयमी) र नबी (सल्लल्लाहु अलैहि व सल्लम) को सुन्नतको अनुसरण गर्नेहरू हुन्।
अल्लाह तआलाले भन्नुभएको छः {जानिराख! निश्चय नै अल्लाहका औलिया (मित्र) हरूलाई न कुनै डर हुनेछ र न त उनीहरू दुःखी हुनेछन्। यिनीहरू नै हुन् जसले ईमान ल्याए र तक्वा (संयमता) अपनाए।} [यूनुसः ६२- ६३]

उत्तर: इमान वचन, कर्म र विश्वासको नाम हो।
- ईमान भन्नाले मुखले उच्चारण गर्नु, हृदयले दृढतापूर्वक विश्वास गर्नु र शरीरका अंगहरूद्वारा अरकानहरूमा कार्यान्वयन हुनु हो।
- अबू-हुरैरह (रजियल्लाहु अन्हु) बाट रिवायत गरिएको हदीसमा छ, नबी (सल्लल्लाहु अलैहि व सल्लम) ले भन्नुभयो: «ईमानका सत्तरी वा साठीभन्दा बढी शाखाहरू छन्। तीमध्ये सबैभन्दा उत्तम ‘ला इलाहा इल्लल्लाह’ भन्नु हो र सबैभन्दा तल्लो (शाखा) बाटोबाट हानिकारक चीज हटाउनु हो र लाज (हया) पनि ईमानको एउटा शाखा हो।» (मुस्लिम)

उत्तर: हो, ईमान आज्ञापालन (इबादत) द्वारा बढ्छ र पाप (अवज्ञा) द्वारा घट्छ।
- अल्लाह तआलाले भन्नुभएको छः {निश्चय नै मोमिनहरू ती हुन्, जसको हृदय अल्लाहको नाम लिँदा डरले थरथर काँप्छ र जब उनीहरूलाई उहाँका आयतहरू पढ र यसको व्याख्या गर सुनाइन्छ, त्यसले उनीहरूको ईमान बढाउँछ र उनीहरू आफ्नो पालनकर्तामाथि भरोसा (तवक्कुल) गर्छन्।} [अल्-अन्फाल: २]

उत्तर: तिमीले अल्लाहलाई यसरी उपासना गर्नु मानौँ तिमी उहाँलाई देख्दैछौ; यदि तिमी उहाँलाई देख्दैनौ भने, उहाँले तिमीलाई देखिरहनुभएको छ।"

उत्तर: कर्महरू दुवै सर्तहरूका साथ मात्र स्वीकार्य हुन्छन्:
१. जब ती केवल अल्लाह तआलाको लागि खालिस (निष्कपट) हुन्छन्।
२. जब ती नबी (सल्लल्लाहु अलैहि वसल्लम) को सुन्नत अनुसार हुन्छन्।

उत्तर: फाइदा प्राप्त गर्न र हानिबाट बच्न अल्लाह तआलामाथि भरोसा गर्नु, साथै आवश्यक कारणहरू (उपायहरू) अपनाउनु हो।
अल्लाह तआलाले भन्नुभएको छः { जसले अल्लाहमाथि भरोसा गर्छ, उसको लागि उहाँ पर्याप्त हुनुहुन्छ।} [अत्-तलाकः ३]
'हसबुहु' को अर्थ: उहाँ उसको लागि पर्याप्त हुनुहुन्छ।

उत्तर: अल-मारूफ: भनेको अल्लाहको आज्ञापालन गर्ने आदेश दिनु हो। मुन्कर भनेको: अल्लाहको अवज्ञाबाट रोक्नु हो।
- अल्लाह तआलाले भन्नुभएको छः {तिमीहरू मानवजातिका निम्ति पठाइएको उत्तम समुदाय हौ; तिमीहरू राम्रो कामको आदेश दिन्छौ, नराम्रो कामबाट रोक्छौ र अल्लाहमाथि ईमान राख्छौ।} [आले इम्रानः ११०]

उत्तर: वचन, कर्म र आस्थामा नबी (सल्लल्लाहु अलैहि वसल्लम) र उहाँका सहाबाहरूको मार्गलाई अनुसरण गर्ने व्यक्तिहरू हुन्।
- उनीहरूलाई अह्लेसुन्नत भनिन्छ, किनकि उनीहरूले नबी (सल्लल्लाहु अलैहि वसल्लम) को सुन्नतको पालन गर्छन् र बिदअतलाई त्याग्छन्।
– वल-जमाअत: किनभने उनीहरू सत्यमा एकजुट भए र त्यसमा विभाजित भएनन्।
- नबी (सल्लल्लाहु अलैहि वसल्लम) ले भन्नुभएको छ: “निश्चय नै बनी इस्राईल ७२ समूहमा विभाजित भए र मेरो उम्मत ७३ समूहमा विभाजित हुनेछन्। एउटा समूह बाहेक ती सबै नर्कमा जानेछन्।” उनीहरूले भने: “हे अल्लाहका रसूल! त्यो कुन हो?”
उहाँले भन्नुभयो: “जसमा म र मेरा सहाबाहरू छौं।” (तिर्मिजी)