ߖ- ߒ ߕߌ߱ ߦߴߊߟߊ߫ ߟߋ߬ ߘߌ߫، ߡߍ߲߫ ߞߊ߬ ߒ ߠߊߡߐ߰ ߊ߬ ߣߴߊ߬ ߞߊ߬ ߖߊ߯ߓߊ ߟߎ߬ ߓߍ߯ ߟߊߡߐ߰ ߊ߬ ߟߊ߫ ߦߌߟߌ߲ ߠߊ߫.
ߏ߬ ߦߌ߬ߘߊ߬ߞߏ ߦߋ߫: ߊߟߊ߫ ߞߘߐߕߊ߬ߣߍ߲߬ߓߊ ߝߐߞߊ߲ ߠߋ߬ ߘߌ߫ ߞߏ߫: ﴿ߕߊ߲߬ߘߏ ߓߍ߯ ߦߋ߫ ߖߊ߯ߓߊ ߟߎ߬ ߕߌ߱ ߊߟߊ߫ ߕߊ߫ ߟߋ߬ ߘߌ߫﴾ [ߘߟߊߞߊߟߊ߲ ߝߐߘߊ: 2]

ߖ- ߛߌ߬ߟߡߊ߬ߦߊ ߟߋ߬ ߦߋ߫ ߒ ߠߊ߫߫ ߣߊߡߎ߲ ߘߌ߫، ߏ߬ ߘߏ߲߬ ߦߋ߫: ߞߟߏ ߟߋ߬ ߘߴߊߟߊ߫ ߦߋ߫ ߞߋ߬ߟߋ߲߬ߧߊ ߟߊ߫، ߞߊ߬ ߕߎ߲߬ ߊ߬ ߞߐ߫ ߟߊ߬ߓߊߕߏ߫ ߘߐ߫ ، ߞߊ߬ ߛߋ߲߬ߓߐ߬ ߞߍ߫ ߜߙߊ߬ߟߌ ߣߴߊ߬ ߘߏ߲߬ߞߏ ߟߎ߬ ߛߋ߲߬ߘߐ.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴾ߘߌ߯ߣߊ ߡߍ߲ ߦߋ߫ ߊߟߊ߫ ߝߍ߬ ߸ ߏ߬ ߟߋ߬ ߛߌ߬ߟߊ߬ߡߦߊ ߘߌ߫...﴿ [ߌߡߑߙߊ߰ߣߊ߫ ߞߐ߬ߙߍ ߝߐߘߊ: 19].

. ߖ- ߡߏ߬ߤ߭ߊߡߡߊߘ ﷺ
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴿ߡߏ߬ߤ߭ߊߡߡߊߘ ߦߋ߫ ߊߟߊ߫ ߟߊ߫ ߞߋߟߊ߫ ߟߋ߬ ߘߌ߫﴾... [ߟߊ߬ߥߛߊ ߝߐߘߊ: 29]

ߖ- ߞߋ߬ߟߋ߲߬ߧߊ ߞߎߡߊߘߋ߲ ߠߋ߬ ߦߋ߫ ߞߏ߫ "ߟߊ߯ ߌߟߊ߯ߤߊ ߌߟߟߊ߫ ߟߊ߯ߤߏ߫" "ߓߊ߬ߕߏ߬ߕߊ߬ ߕߍ߫ ߝߏ߫ ߊߟߊ߫" ߏ߬ ߞߘߐ ߟߋ߬ ߞߏ߫: ߓߊ߬ߕߏ߬ߝߋ߲߬ ߕߍ߫ ߕߏ߬ߢߊ߫ ߟߊ߫ ߝߏ߫ ߊߟߊ߫.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴿ߒ߬ߓߵߊ߬ ߟߐ߲߫ ߞߏ߫ ߓߊ߬ߕߏ߬ߕߊ߬ ߕߍ߫ ߝߏ߫ ߊߟߊ߫...﴾ [ߡߏ߬ߤ߭ߊߡߡߊߘ ߝߐߘߊ: 19]

ߖ- ߊߟߊ߫ ߦߋ߫ ߛߊ߲ ߡߊ߬ ߟߋ߬ ߛߍ߬ߡߍ ߛߊ߲ߝߍ߬، ߘߊ߲ߝߋ߲ ߠߎ߬ ߓߍ߯ ߛߊ߲ߝߍ߬، ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ]ߡߊ߬ߤߌ߬ߣߊ߬ߟߊ ߞߵߊ ߬ߞߢߊߣߍ߲߫ ߛߍ߬ߡߍ ߟߋ߫ ߞߊ߲߬5[ ]ߕ߭ߐ߯ߤߊ ߝߐߘߊ:5[ ߊ߬ ߞߵߊ߬ ߝߐ߫ ߞߏ߫: ]ߊߟߋ ߟߋ߬ ߞߘߊߡߊߟߌߟߊ ߘߴߊ߬ ߟߊ߫ ߖߐ߲߭ ߠߎ߫ ߞߎ߲߬ߠߊ߫ ߸ ߊ߬ߟߋ߫ ߟߋ߬ ߸ ߥߘߋ߬ߥߘߋ߬ߟߌ߬ߟߊ߫ ߞߟߊ߬ߡߊ߬ߓߊ߮ ߘߌ߫ 18[ [ߞߟߏߝߋ߲ ߠߎ߬ ߝߐߘߊ: 18]

ߖ- ߊ߬ ߞߘߐ ߟߋ߬ ߞߏ߫: ߊߟߊ߫ ߞߵߊ߬ ߗߋߟߦߊ߫ ߖߊ߯ߓߊ ߟߎ߬ ߡߊ߬ ߟߊ߬ߛߥߊߟߌߟߊ߫ ߣߌ߫ ߡߊ߬ߛߌ߬ߟߊ߬ߣߌ߲߬ߠߊ߫ ߘߌ߫
ߊ߬ ߦߋ߫ ߘߌߦߊߜߏߦߟߊ߫:
1- ߞߵߊ߬ ߟߓߊߕߏ߬ ߝߋ߲߫ ߘߐ߫ ߊ߬ ߞߊ߬ ߖߡߊ߬ߙߌ ߘߌ߫ ߡߍ߲߫ ߘߐ߫
2- ߞߵߊ߬ ߕߏ߬ߢߊ߲߬ߕߋ߬ߦߊ ߝߋ߲߫ ߘߐ߫ ߊ߬ ߞߊ߬ ߡߍ߲߫ ߖߊ߲߬ߖߏ߲߬ߧߊ߬
3- ߊ߬ ߞߣߊ߫ ߡߊߛߐ߬ߛߐ߫.
4- ߊ߬ ߞߣߴߊߟߊ߫ ߓߊ߬ߕߏ߬ ߝߋ߲߫ ߠߊ߫ ߝߏ߫ ߊ߬ ߞߊ߬ ߡߍ߲߫ ߞߕߌ߫ ߛߌߟߦߊ߫، ߏ߬ ߟߋ߬ ߦߋ߫ ߖߞߊߡߦߊ߫ ߘߌ߫ ߛߎ߲ߣߣߊ߫ (ߛߊ߬ߙߊ߲ߠߎ) ߡߊ߬ ߸ ߊ߬ ߣߌ߫ ߓߌߘߑߊ߳ߺߊ (ߘߌ߯ߣߊ߫ ߘߐ߫ ߓߌ߬ߟߊ߬ߒ߬ߘߐ߬) ߕߏߟߌ ߡߊ߬
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴿ߡߍ߲߫ ߓߊ߯ ߞߋߟߊ ߟߊߓߊ߬ߕߏ߬ ߸ ߏ߬ ߓߘߊ߫ ߊߟߊ߫ ߟߊߓߊ߬ߕߏ߬...﴾ [ߡߏ߬ߛߏ ߟߎ߬ ߝߐߘߊ: 80]، ߊ߬ ߞߵߊ߬ ߝߐ߫ ߕߎ߲߯ ߛߊߣߌ߲ߧߴߊ߬ ߦߋ߫ ߞߏ߫: ﴿ߊ߬ ߕߍ߫ ߞߎߡߊ ߟߊ߫ ߣߘߌߦߊߣߊ߲ ߠߊ߫ 3 ߝߏߦߌ߬ ߕߴߏ߬ ߘߌ߫ ߝߏ߫ ߦߟߌߘߏ߲ߞߊ߲߫߸ ߊ߬ ߦߋ߫ ߦߟߌߘߏ߲߬ ߠߊ߫ ߡߍ߲߫ ߠߊ߫ 4﴾ [ߟߏ߬ߟߏ ߝߐߘߊ: 3 - 4] ߓߏ߲߬ߓߊ߬ ߞߘߐߕߊ߬ߣߍ߲ ߞߵߊ߬ ߝߐ߫ ߞߏ߫: ﴿ߖߞߊߢߐ߯ߦߊ߫ ߢߌߡߊ߫ ߟߋ߬ ߊߟߊ߫ ߟߊ߫ ߞߋߟߊ ߘߐ߫ ߊߟߎ߫ ߦߋ߫ ߸ ߏ߬ ߦߋ߫ ߡߐ߰ ߟߋ߬ ߦߋ߫ ߡߍ߲߫ ߦߟߌ߫ ߦߋ߫ ߊߟߊ߫ ߣߌ߫ ߟߏ߲ߠߊߓߊ߲ ߠߊ߫، ߊ߬ ߣߴߊ߬ ߞߊ߬ ߊߟߊ߫ ߞߏߝߐ߫ ߛߌߦߊߡߊ߲ ߞߍ߫ 21﴾ [ߞߙߎߞߊ ߟߎ߬ ߝߐߘߊ: 21]

ߖ- ߊ߬ ߞߵߊ߲ ߘߊ߲߫ ߊ߬ ߞߋߟߋ߲߫ ߠߋ߬ ߓߊ߬ߕߏ߬ ߞߊ߲ߡߊ߬ ߜߙߊ߬ߢߐ߲߯ ߕߴߊ߬ ߟߊ߫.
ߊ߬ ߡߊ߫ ߞߍ߫ ߡߣߊ߬ߡߣߊ ߣߌ߫ ߕߏߟߏ߲ ߞߏߛߐ߲߬.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴾߸ ߒ ߡߊ߫ ߥߐ߬ߞߎߟߐ ߣߌ߫ ߡߐ߱ ߘߊ߲߫ ߛߌ߫ ߟߊ߫ ߸ ߝߴߊ߬ߟߎ߬ ߦߋ߫ ߓߊ߬ߕߏ߫ ߟߋ߬ ߞߍ߫﴿ [ߖߎߙߎ߲ߖߎߙߎ߲ߠߌߟߊ ߟߎ߬ ߝߐߘߊ: 56 ].

ߖ- ߊ߬ ߦߋ߫ ߕߐ߯ ߟߋ߬ ߘߌ߫ ߡߍ߲߫ ߦߋ߫ ߟߞߊ߬ߝߏ߬ߟߌ ߞߍ߫ ߟߊ߫ ߝߋ߲߫ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߟߊ߫ ߡߍ߲߫ ߘߎߡߊ߲ ߊߟߊ߫ ߦߋ߫ ߸ ߊ߬ ߣߴߊ߬ ߦߋ߫ ߘߌ߬ߢߍ߬ ߟߊ߫ ߡߍ߲߫ ߡߊ߬ ߝߐߕߊ ߟߎ߬ ߣߌ߫ ߓߊ߯ߙߊ ߟߎ߬ ߘߐ߫ ߘߏ߲߬ߘߐ߬ߕߊ ߣߌ߫ ߟߊ߲ߞߣߍߡߕߊ ߘߐ߫
ߟߊ߲ߞߣߍߡߕߊ: ߦߏ߫ ߊߟߊ߫ ߞߏߝߐ ߸ ߣߍ߲߭ ߠߊ߫ ߞߊ߬ ߓߐ߫ ߛߊߣߌ߲ߧߊ߫ ߞߊ߲ ߣߌ߫ ߕߊ߲߬ߘߏ߬ ߞߊ߲ ߣߌ߫ ߓߏ߬ߢߊ߬ ߞߊ߲ ߘߐ߫، ߊ߬ ߣߌ߫ ߛߊߟߌ ߣߌ߫ ߤߖߌ.
ߘߏ߲߬ߘߐ߬ߕߊ: ߦߏ߫ ߛߍ߲߬ߓߍ߬ߟߌ ߊߟߊ߫ ߟߊ߫ ߸ ߊ߬ ߣߌ߫ ߛߌߟߊ߲ ߊ߬ ߣߌ߫ ߖߌ߰ߦߊ߬ߟߌ.

ߖ- ߊ߲ ߞߊ߲߬ ߘߌߦߊߜߏߦߊߣߍ߲ ߓߍ߯ ߘߐ߫ ߓߏ߲߬ߓߊ ߦߋ߫: ߊߟߊ߫ ߞߘߐߕߊ߬ߣߍ߲߬ߓߊ ߞߋ߬ߟߋ߲߬ߧߊ ߟߋ߬ ߘߌ߫.

ߖ-1- ߕߌ߰ߦߊ ߞߋ߬ߟߋ߲߬ߧߊ: ߏ߬ ߟߋ߬ ߦߋ߫ ߟߌ߬ߡߣߊ߬ߦߊ ߘߌ߫ ߞߏ߫ ߊߟߊ߫ ߟߋ߬ ߘߊ߲ߠߌ߲ߠߊ߫ ߤߊ߬ߙߌ߬ߖߍ߰ߟߌ߬ߟߊ߫ ߡߙߊ߬ߟߌ߬ߟߊ߫ ߝߙߍ߬ߘߐ߬ߓߍ߲߬ߠߊ ߘߌ߫، ߊ߬ ߞߋߟߋ߲߫ ߠߋ߬ ߜߙߊ߬ߢߐ߲߰ ߕߴߊ߬ ߟߊ߫.
2- ߓߊ߬ߕߏ߬ߕߊ߬ߦߊ ߞߋ߬ߟߋ߲߬ߧߊ: ߏ߬ ߟߋ߬ ߦߋ߫ ߊߟߊ߫ ߞߋ߬ߟߋ߲߬ߧߊ ߘߌ߫ ߓߊ߬ߕߏ ߘߐ߫، ߊ߬ ߕߍ߫ ߞߋߟߋ߲߫ ߛߌ߫ ߓߊ߬ߕߏ߬ ߝߏ߫ ߊߟߊ߫ ߞߘߐߕߊ߬ߣߍ߲߬ߓߊ.
3- ߕߐ߮ ߟߎ߬ ߣߌ߫ ߡߊ߲߬ߞߕߎ ߟߎ߬ ߞߋ߬ߟߋ߲߬ߧߊ: ߏ߬ ߦߋ߫ ߟߌ߬ߡߣߊ߬ߦߊ߫ ߟߋ߬ ߘߌ߫ ߕߐ߮ ߟߎ߬ ߣߌ߫ ߡߊ߲߬ߞߕߎ ߟߎ߬ ߡߊ߬ ߡߍ߲߫ ߠߎ߬ ߣߊ߬ ߣߍ߲߫ ߞߎ߬ߙߊ߬ߣߊ ߣߌ߫ ߛߊ߬ߙߊ߲߬ߠߎ ߘߐ߫، ߣߴߊ߬ ߡߊ߫ ߞߍ߫ ߟߊߒߡߊߟߌ߫ ߣߌ߫ ߟߊ߬ߓߐ߬ߢߐ߲߬ߠߊ߫ ߣߌ߫ ߘߐ߬ߕߌ߬ߢߊ߬ߟߌ߫ ߘߌ߫
ߊ߬ ߝߐߞߊ߲ ߞߘߐߕߊ߬ߣߍ߲߬ߓߊ : ﴿ߛߊ߲ ߠߎ߬ ߣߌ߫ ߘߎ߱ ߣߴߏ߬ ߝߌ߬ߟߊ ߕߍߟߊ ߝߋ߲ ߠߎ߬ ߕߌ߭ ߸ ߌ ߦߴߏ߬ ߟߋ ߓߊ߬ߕߏ߫ ߞߵߌ ߡߎ߬ߢߎ߲߫ ߊ߬ ߓߊ߬ߕߏ ߞߊ߲߬، ߦߊ߯ߟߊ߫ ߌ ߞߊ߬ ߕߐ߯ߡߊ߲߫ ߟߐ߲߫ ߊ߬ ߟߊ߫ ߓߊ߬ 65﴾ [ߡߊߙߌߦߡߊ߫ ߝߐߘߊ: 65]

ߖ- ߜߙߊ߬ߟߌ ߊߟߊ߫ ߞߘߐߕߊ߬ߣߍ߲߬ߓߊ ߡߊ߬؟.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴿ߘߏ߫ ߝߊ߬ߙߊ ߊߟߊ߫ ߞߊ߲߬ ߊ߬ ߕߴߏ߬ ߘߐߞߏߦߊߕߏ߫ ߟߊ߫، ߊ߬ ߦߋ߫ ߝߋ߲߫ ߠߋ߬ ߘߐߞߏߦߊߕߏ߫ ߟߊ߫ ߡߍ߲ ߕߴߏ߬ ߘߌ߫ ߸ ߡߐ߰ ߦߋ߫ ߡߍ߲ ߓߊ߯ ߊ߬ ߘߌߦߊ߫، ߡߍ߲߫ ߓߊ߯ ߘߏ߫ ߝߙߵߊߟߊ߫ ߞߊ߲߬߸ ߏ߬ ߓߘߊ߫ ߞߎ߲߬ߞߏ߬ ߓߟߋߓߟߋ ߟߋ߬ ߘߐߕߍ߰ ߏ߬ ߘߌ߫ ߘߋ߬ 48﴾ ]ߡߏ߬ߛߏ ߝߐߘߊ: 48[

ߖ- ߓߊ߬ߕߏ߬ߕߊ߬ߜߙߊ: ߏ߬ ߦߋ߫ ߛߎ߯ߦߊ ߘߏ߫ ߞߍ߫ ߟߋ߬ ߘߌ߫ ߞߊ߬ ߓߐ߫ ߓߊ߬ߕߏ ߛߎ߯ߦߊ ߟߎ߬ ߘߐ߫ ߊߟߊ߫ ߞߘߐߕߊ߬ߣߍ߲߬ߓߊ ߕߊ߬ߣߊ ߘߏ߫ ߦߋ߫.
ߊ߬ ߛߎ߯ߦߊ ߟߎ߬:
ߓߊ߬ߕߏ߬ߕߊ߬ߜߙߊ߫ ߓߏ߲߬ߓߊ، ߦߏ߫: ߊߟߊ߫ ߞߘߐߕߊ߬ߣߍ߲߬ߓߊ ߕߊ߬ߣߊ ߥߟߋ߫، ߥߟߊ߫ ߕߌ߲ߓߌߘߌ߲ ߊߟߊ߫ ߛߊߣߌ߲ ߕߊ߬ߣߊ ߦߋ߫، ߥߟߊ߫ ߞߣߊߕߍ߯ߟߌ ߊߟߓߊ߫ ߞߟߊߒߞߋ ߕߊ߬ߣߊ ߦߋ߫.
ߓߊ߬ߕߏ߬ߕߊ߬ߜߙߊ߫ ߘߐ߰ߡߊ߲، ߦߏ߫: ߞߊ߬ߟߌ߬ߟߌ ߊߟߊ߫ ߞߘߐߕߊ߬ߣߍ߲߬ߓߊ ߕߊ߬ߣߊ ߟߊ߫، ߥߟߊ߫ ߕߊ߬ߝߏ، ߏ߬ ߘߏ߲߬ ߦߋ߬ ߘߍ߲ߣߌ߲ ߠߋ߬ ߘߌ߫ ߝߋ߲߫ ߘߏ߫ ߟߊ߫ ߕߐ߬ߣߐ ߡߊߛߊ߬ߡߊ߲ ߞߊ߲ߡߊ߬ ߥߟߊ߫ ߡߊ߲߬ߕߙߐ ߘߏ߫ ߟߊ߫ ߕߊ߲߬ߞߌ߲߫ ߞߊ߲ߡߊ߬، ߊ߬ ߣߌ߫ ߖߘߍ߬ߦߌ߬ߘߊ߬ ߝߕߌߣߍ߲، ߦߏ߫ ߸ ߊ߬ ߦߴߊ߬ ߟߊ߫ ߛߊߟߌ ߟߊߢߊ߰، ߊ߬ ߡߊߝߟߍ߫ ߞߏߛߐ߲߬ ߡߐ߱ ߟߎ߬ ߓߟߏ߫

ߛߌ߫ ߡߊ߫ ߘߏ߰ߣߍ߲ ߟߐ߲߫ ߝߏ߫ ߊߟߊ߫ ߞߋߟߋ߲.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴿ ߊ߬ ߝߐ߫ ߞߏ߫ ߝߋ߲߫ ߡߍ߲ ߦߋ߫ ߛߊ߲ ߠߎ߬ ߣߌ߫ ߘߎ߱ ߘߐ߫ ߸ ߏ߬ ߛߌ߫ ߡߊ߫ ߘߏ߲߰ߣߍ߲ ߟߐ߲߫ ߝߏ߫ ߊߟߊ߫، ߊ߬ߟߎ߬ ߡߴߊ߬ ߟߐ߲߫ ߊ߬ߟߎ߬ ߟߊߥߟߌ߬ߕߐ߫ ߕߎ߬ߡߊ ߡߍ߲ 65﴾ [ߡߣߍߡߣߍ ߝߐߘߊ: 65]

ߖ-1- ߞߊ߬ ߟߌ߬ߡߣߊ߬ߦߊ߫ ߊߟߊ߫ ߞߘߐߕߊ߬ߣߍ߲߬ߓߊ ߡߊ߬.
2- ߊ߬ ߣߴߊ߬ ߟߊ߫ ߡߟߊ߬ߞߊ ߟߎ߬ ߡߊ߬
3- ߊ߬ ߣߴߊ߬ ߟߊ߫ ߟߍߙߊ ߟߎ߬ ߡߊ߬
4- ߊ߬ ߣߴߊ߬ ߟߊ߫ ߞߋߟߊߘߋ߲ ߠߎ߬ ߡߊ߬
5- ߊ߬ ߣߌ߫ ߟߏ߲߫ ߠߊߓߊ߲.
6- ߊ߬ ߣߌ߫ ߖߊ߬ߕߋ߬ߘߐ߬ߛߌ߮ ߤߙߊ ߣߵߊ߬ ߖߎ߯ߡߊ߲.
ߦߌ߬ߘߊ߬ߞߏ ߦߋ߫: ߖߌ߬ߓߙߌ߬ߟߊ߫ ߟߊ߫ ߛߙߊ߬ߣߎ߲߬ ߡߊߟߐ߲ߣߍ߲ ߠߋ߬ ߘߌ߫ ߡߎߛߑߟߌߡ ߝߍ߬، ߞߏ߫ ߖߌ߬ߓߙߌ߬ߟߊ߫ ߞߵߊ߬ ߝߐ߫ ߞߋߟߊ ߦߋ߫ ߞߏ߫:ﷺ ((ߒ߬ߓߊ߰߸ ߒ ߖߊ߲߬ߖߏ߲߬ߧߊ߫ ߟߌ߬ߡߣߊ߬ߦߊ ߞߊ߲߬، ߊ߬ ߞߵߊ߬ ߝߐ߫ ߞߏ߫: ߦߋ߫ ߟߌ߬ߡߣߊ߬ߦߴߊߟߊ߫ ߣߌ߫ ߡߟߊ߬ߞߊ ߟߎ߬ ߣߌ߫ ߟߍߙߊ ߟߎ߬ ߣߌ߫ ߞߋߟߊߘߋ߲ ߠߎ߬ ߣߌ߫ ߟߏ߲߫ ߠߊߓߊ߲ ߣߌ߫ ߖߊ߬ߕߋ߬ߘߐ߬ߛߌ߮ ߤߙߊ ߣߴߊ߬ ߖߎ߯ߡߊ߲ ߡߊ߬)).

ߖ- ߞߊ߬ ߟߌ߬ߡߣߊ߬ߦߴߊߟߊ߫ ߞߘߐߕߊ߬ߣߍ߲߬ߓߊ ߡߊ߬:
ߌ ߦߋ߫ ߟߌ߬ߡߣߊ߬ߦߊ߫ ߞߏ߫ ߊߟߊ߫ ߟߋ߬ ߞߵߌ ߘߊ߲߫ ߞߵߌ ߤߊ߬ߙߌ߬ߖߍ߰، ߊ߬ߟߋ߫ ߟߋ߬ ߡߙߊ߬ߓߊ߮ ߣߌ߫ ߝߙߍ߬ߘߐ߬ߓߍ߲߬ߠߊ ߞߋߟߋ߲߫ ߘߌ߫ ߘߊ߲ߝߋ߲ ߠߎ߬ ߢߍ߫.
§ ߊ߬ߟߋ߫ ߟߋ߬ ߦߋ߫ ߓߊ߬ߕߏ߬ߕߊ ߘߌ߫، ߛߌ߫ ߜߘߍ߫ ߣߌ߫ ߓߊ߬ߕߏ߬ߕߊ߬ߦߊ ߡߊ߲ߞߊ߲߫ ߊ߬ߟߋ߫ ߟߋ߬ ߞߐ߫.
§ ߊ߬ߟߋ߫ ߟߋ߬ ߦߋ߫ ߓߟߋ߬ߓߟߋ߫ ߓߏ߲߬ߓߊ߫ ߘߝߊߣߍ߲ ߘߌ߫، ߕߊ߲߬ߘߏ ߓߍ߯ ߦߴߊ߬ߟߋ߫ ߟߋ߬ ߦߋ߫، ߕߐ߯ ߢߌߡߓߊ ߟߎ߬ ߣߌ߫ ߡߊ߲߬ߞߕߎ߬ ߞߘߐߕߊ߬ߣߍ߲߬ߓߊ ߟߎ߬ ߟߵߊ߬ ߟߊ߫، ߜߙߊ߬ߢߐ߲߯ ߕߴߊ߬ ߟߊ߫، ߛߌ߫ ߣߴߊ߬ ߓߐߣߍ߲߫ ߕߍ߫ ߸ ߛߊߣߌ߲ߧߴߊ߬ ߦߋ߫.
ߞߊ߬ ߟߌ߬ߡߣߊ߬ߦߊ߫ ߡߟߊ߬ߞߊ ߟߎ߬ ߡߊ߬ :
ߏ߬ ߟߎ߬ ߦߋ߫ ߘߊ߲ߝߋ߲߫ ߠߎ߫ ߟߋ߬ ߘߌ߫ ߊߟߊ߫ ߞߊ߬ ߡߍ߲߫ ߠߎ߬ ߘߊ߲߫ ߦߋߟߋ߲ ߘߐ߫، ߊ߰ ߣߴߊ߬ ߞߵߊ߬ߟߎ߬ ߘߊ߲߫ ߊ߬ ߓߊ߬ߕߏ߬ ߞߊ߲ߡߊ߬، ߊ߬ ߣߌ߫ ߞߟߏ߫ ߘߝߊߣߍ߲ ߡߵߊ߬ ߟߊ߫ ߖߡߊ߬ߙߌ߬ߒߞߊ߲߬ߠߊ ߟߎ߬ ߦߋ߫.
- ߖߌ߬ߓߙߌ߬ߟߊ߫ ߦߴߏ߬ߟߎ߬ ߘߏ߫ ߟߋ߬ ߘߌ߫، ߡߍ߲߫ ߦߋ߫ ߖߌ߰ ߟߊ߫ ߦߟߌߘߏ߲ ߘߌ߫ ߟߊ߬ߝߐ߬ߓߊ߮ ߟߎ߬ ߡߊ߬.
ߞߊ߬ ߟߌ߬ߡߣߊ߬ߦߊ߫ ߟߍߙߊ ߟߎ߬ ߡߊ߬:
ߏ߬ ߦߋ߫ ߟߍߙߊ ߟߎ߬ ߟߋ߬ ߘߌ߫ ߸ ߊߟߊ߫ ߞߊ߬ ߡߍ߲߫ ߠߊߖߌ߰ ߊ߬ ߟߊ߫ ߞߋߟߊߡߐ߮ ߟߎ߬ ߡߊ߬.
- ߦߏ߫ ߞߎ߬ߙߊ߬ߣߊ: ߏ߬ ߡߍ߲ ߠߊߖߌ߰ߣߍ߲߫ ߡߏ߬ߤ߭ߊߡߡߊߘ ﷺ ߡߊ߬
- ߌ߲ߖߌ߯ߟߎ: ߏ߬ ߡߍ߲ ߠߊߖߌ߰ߣߍ߲߫ ߊ߳ߺߌ߯ߛߊ߫ ߡߊ߬ ߛߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫.
- ߕߊ߬ߥߑߙߊ߬ߕߊ: ߏ߬ ߡߍ߲ ߠߊߖߌ߰ߣߍ߲߫ ߡߎ߯߯ߛߊ߫ ߡߊ߬ ߛߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫.
- ߖ߭ߊ߬ߓߎ߯ߙߎ߫: ߏ߬ ߡߍ߲ ߠߊߖߌ߰ߣߍ߲߫ ߘߊߎߘߊ߫ ߡߊ߬ ߛߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫.
- ߌߓߑߙߊ߰ߤߌߡߊ߫ ߣߌ߫ ߡߎ߯߯ߛߊ߫ ߟߊ߫ ߟߍߙߊ: ߏ߬ ߟߊߖߌ߰ߣߍ߲߫ ߌߓߑߙߊ߰ߤߌߡߊ߫ ߣߌ߫ ߡߎ߯ߛߊ߫ ߟߋ߬ ߡߊ߬.
ߞߊ߬ ߟߌ߬ߡߣߊ߬ߦߊ߫ ߗߋߟߊߡߐ߮ ߟߎ߬ ߡߊ߬.
ߊߟߊ߫ ߞߵߏ߬ ߟߎ߬ ߟߋ߬ ߗߋߟߦߊ߫ ߖߐ߲߭ ߠߎ߬ ߡߊ߬، ߛߊ߫ ߞߵߊ߬ߟߎ߬ ߟߊ߫ ߟߐ߲ߠߌ߲ߧߊ߫، ߊ߬ ߣߌ߫ ߞߵߊ߬ߟߎ߬ ߟߊߛߍߥߊ߫ ߤߙߊ ߣߌ߫ ߡߍ߲ߘߌߦߊ ߟߊ߫، ߊ߬ ߣߌ߫ ߞߵߊ߬ߟߎ߬ ߡߊߛߌߟߊ߲߫ ߖߎ߯ߡߊ߲ ߣߌ߫ ߕߊ ߡߊ߬.
- ߊ߬ߟߎ߬ ߘߐ߫ ߝߌ߬ߛߊ߬ߡߊ߲ߒߕߋ ߟߎ߬ ߟߋ߬ ߦߋ߫: ߝߊ߲ߞߊߣߍ߲ߓߊ ߟߎ߬ ߘߌ߫، ߏ߬ ߟߎ߫ ߟߋ߬ ߦߋ߫:
ߣߎߤߎ߫ ߛߟߊ߬ߡߎ߲ ߦߴߊ߬ ߡߊ߬.
ߌߓߑߙߊ߰ߤߌߡߊ߫ ߛߟߊ߬ߡߎ߲ ߦߴߊ߬ ߦߋ߫.
ߡߎ߯ߛߊ߫ ߛߟߊ߬ߡߎ߲ ߦߴߊ߬ ߦߋ߫.
ߊ߳ߺߌ߯ߛߊ߫ ߛߟߊ߬ߡߎ߲ ߦߴߊ߬ ߦߋ߫.
ߡߏ߬ߤ߭ߊߡߡߊߘ ﷺ.
ߞߊ߬ ߟߌ߬ߡߣߊ߬ߦߊ߫ ߟߏ߲߫ ߠߊߓߊ߲ ߡߊ߬:
ߏ߬ ߦߋ߫ ߛߊ߬ߦߊ ߞߐߝߍߞߏ ߟߋ߬ ߘߌ߫ ߛߊ߬ߙߌ ߞߣߐ߫، ߊ߬ ߣߌ߫ ߟߐ߬ߓߊ ߟߏ߲، ߊ߬ ߣߌ߫ ߥߟߌ ߣߌ߫ ߖߊ߬ߕߋ߬ߓߐ ߟߏ߲، ߏ߬ ߟߋ߫ ߓߟߏ߫ ߡߊ߬ ߡߍ߲ߘߌߦߊ ߘߏ߲߬ߞߏ ߟߎ߬ ߣߌ߫ ߡߍ߲ߜߏߦߊ߫ ߘߏ߲߬ߞߏ ߟߎ߬ ߘߌ߫ ߡߝߴߊ߬ߟߎ߬ ߖߌ߰ ߦߌߟߊ ߘߐ߫.
ߞߊ߬ ߟߌ߬ߡߣߊ߬ߦߊ߫ ߖߊ߬ߕߋ߬ߘߐ߬ߛߌ ߡߊ߬ ߸ ߊ߬ ߤߙߊ ߣߴߊ߬ ߖߎ߯ߡߊ߲ :
ߖߊ߬ߕߋ߬ߘߐ߬ߛߌ߮: ߏ߬ ߟߵߊ߬ ߛߌ߬ߘߌ߲߬ߒߞߣߐ߬ߟߌ ߘߌ߫ ߞߏ߫ ߊߟߊ߫ ߞߊ߬ ߞߏߞߍߕߊ ߓߍ߯ ߟߐ߲߫ ߓߊ߲ߘߊ ߞߣߐ߫، ߊ߬ ߞߵߏ߬ ߛߓߍ߫ ߥߟߊ߬ ߟߊߕߊ߲߬ߞߊ߬ߣߍ߲ ߘߐ߫، ߊ߬ ߞߍߟߌ ߦߋ߲߬ ߊ߬ ߣߴߊ߬ ߘߊ߲ߠߌ ߞߵߊ߬ ߘߌߦߊ߫ ߟߋ߬.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴿ߊ߲ߠߎ߫ ߘߏ߲߬ ߞߊ߬ ߞߋ߬ߟߋ߲߬ߞߋ߬ߟߋ߲߫ ߓߍ߯ ߘߊ߲߫ ߘߡߊ߬ߦߌߙߊ ߟߋ߬ ߟߊ߫ 49﴿ [ߞߊߙߏ ߝߐߘߊ: 49].
- ߏ߬ ߦߋ߫ ߞߛߊߞߊ߫ ߣߊ߯ߣߌ߲߫ ߠߋ߬ ߘߌ߫
ߝߟߐߡߊ߲: ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߐ߲ߣߌ߲، ߝߋ߲߫ ߓߍ߯ ߟߐ߲߫ ߦߴߏ߬ ߟߋ߬ ߘߐ߫ ߞߊ߬ ߞߐ߲߬ ߊ߬ߟߎ߬ ߞߍ߫ ߢߍ߫ ߊ߬ ߣߴߊ߬ߟߎ߬ ߞߍ߫ ߞߐߝߍ߬.
ߏ߬ ߦߌ߬ߘߊ߬ߞߏ ߟߋ߬: ߞߘߐߕߊ߬ߣߍ߲߬ߓߊ ߝߐߞߊ߲ ߘߌ߫ ߞߏ߫: ]ߟߐ߬ߓߊ ߟߏ߲ ߟߐ߲ߠߌ߲ ߦߴߊߟߊ߫ ߟߋ߬ ߝߍ߬، ߊ߬ ߦߋ߫ ߛߊ߲ߖߌ ߟߊߖߌ߰ ߟߊ߫ ߸ ߊ߬ ߞߊ߬ ߝߋ߲߫ ߟߐ߲߫ ߡߍ߲ ߦߋ߫ ߘߋ߲ߛߏ ߟߎ߬ ߘߐ߫، ߣߌߡߊ߫ ߕߴߊ߬ ߟߐ߲߫ ߊ߬ ߦߋ߫ ߡߍ߲ ߞߍ߫ ߟߊ߫ ߛߌߣߌ߲߫ ߸ ߣߌߡߊ߫ ߕߴߊ߬ ߟߐ߲߫ ߊ߬ ߛߊ߬ߕߐ߫ ߘߎ߱ ߡߍ߲ ߠߊ߫، ߊߟߊ߫ ߦߋ߫ ߟߐ߲ߠߌ߲ߠߓߊ߫ ߞߟߊ߬ߡߊ߬ߓߊ߯ ߘߌ߫ 34[ [ߟߎߞ߳ߑߡߊ߯ߣߊ߫ ߝߐߘߊ: 34].
ߝߌߟߊߣߊ߲: ߞߏ߫ ߊߟߊ߫ ߞߵߏ߬ ߛߓߍ߫ ߥߟߊ߬ ߟߊߕߊ߲߬ߞߊ߬ߣߍ߲ ߞߊ߲߬، ߒ߬ߓߊ߬ ߸ ߝߋ߲߫-ߏ-ߝߋ߲߬ ߞߍ߫ ߘߊ߫، ߊ߬ ߣߵߊ߬ ߞߍ߫ ߕߐ߫ ߸ ߒߓߵߏ߬ ߓߍ߯ ߛߓߍߣߍ߲߫ ߊ߬ ߝߍ߬ ߞߊ߬ߝߊ ߘߐ߫.
ߏ߬ ߦߌ߬ߘߊ߬ߞߏ ߟߋ߬: ߞߘߐߕߊ߬ߣߍ߲߬ߓߊ ߝߐߞߊ߲ ߘߌ߫ ߞߏ߫: ]ߞߏߘߏ߲߰ߣߍ߲ ߞߏ߲ߢߌ߲ ߠߎ߬ ߦߴߊ߬ߟߋ ߟߋ߬ ߓߟߏ߫، ߛߌ߫ ߕߴߏ߬ ߟߐ߲߫ ߝߴߊ߬ߟߋ، ߊ߬ ߞߵߊ߬ ߟߐ߲߫ ߝߋ߲ ߡߍ߲ ߦߋ߫ ߜߙߋ ߣߌ߫ ߓߊ ߘߐ߫، ߝߌߘߊ߫ ߛߌ߫ ߕߍ߫ ߓߎ߬ߘߎ߲߬ ߝߏ߫ ߊ߬ ߦߴߏ߬ ߟߐ߲߫، ߞߡߊ߫ ߛߌ߫ ߕߍ߫ ߘߎ߱ ߘߌ߬ߓߌ ߟߎ߬ ߘߐ߫ ߸ ߝߋ߲߫ ߘߏ߲ߓߏ߫ ߕߍ߫ ߸ ߝߋ߲߫ ߖߊߙߊ߲ ߕߍ߫ ߸ ߝߴߏ߬ ߦߋ߫ ߞߍ߫ ߟߍߙߊ߫ ߟߊ߲ߞߣߍߡߊߣߍ߲߫ ߘߐ߫ 59[ [ߞߟߏߝߋ߲ ߠߎ߬ ߝߐߘߊ: 59]
ߛߓߊߣߊ߲: ߏ߬ ߟߋ߬ ߦߋ߫ ߞߏ߫ ߸ ߞߏ ߓߍ߯ ߦߋ߫ ߞߍ߫ ߟߴߊߟߊ߫ ߟߊ߫ ߞߊ߬ߘߌ߬ߦߊ߬ߢߍ ߟߋ߬ ߞߣߐ߫ ߝߋ߲߫ ߛߌ߫ ߕߍ߫ ߞߍ߫ ߞߊ߬ ߝߘߴߊ߬ߟߋ ߟߊ߫ ߥߟߴߊ߬ ߟߊ߫ ߘߊ߲ߝߋ߲ ߛߌ߫ ߟߊ߫ ߝߏ߫ ߊ߬ ߟߊ߫ ߞߊ߬ߘߌ߬ߦߊ߬ߢߍ߸ ߞߘߐߕߊ߫ ߦߴߊ߬ ߦߋ߫.
ߏ߬ ߦߌ߬ߘߊ߬ߞߏ ߟߋ߬: ߞߘߐߕߊ߬ߣߍ߲߬ߓߊ ߝߐߞߊ߲ ߘߌ߫ ߞߏ߫: ﴿ߡߐ߰ ߦߋ߫ ߸ ߖߘߍ߬ ߟߊ߬ߕߋߟߋ߲ ߓߊ߯ ߘߌߦߊ߫ ߡߍ߲ ߦߋ߫ ߊߟߎ߫ ߘߐ߫ 28 ߊ߬ ߘߏ߲߬ ߕߴߊߟߎ߫ ߘߌߦߊ߫ ߝߋߎ߫ ߸ ߝߏ߫ ߊ߬ ߓߊ߯ ߖߊ߯ߓߊ ߟߎ߬ ߕߌ߭ ߊߟߊ߫ ߘߌߦߊ߫ 29﴾ [ߓߎߘߎ߲ߛߊߟߌ ߝߐߘߊ: 28- 29]
ߣߊ߯ߣߌ߲ߣߊ߲: ߞߊ߬ ߟߌ߬ߡߣߊ߬ߦߊ߫ ߞߏ߫ ߊߟߊ߫ ߟߋ߬ ߞߊ߬ ߘߊ߲ߝߋ߲ ߓߍ߯ ߘߊ߲߫، ߞߵߊ߬ߟߎ߫ ߖߍ߬ߘߍ ߣߴߊ߬ߟߎ߫ ߡߊ߲߬ߞߕߎ ߟߎ߬ ߣߴߊ߬ߟߎ ߟߊ߫ ߕߏ߰ߝߏ ߟߎ߬ ߘߊ߲߫، ߊ߬ ߣߌ߫ ߞߏ߯-ߏ- ߞߏ߫ ߘߌ߫ ߝߘߴߊ߬ߟߎ߬ ߟߊ߫.
ߏ߬ ߦߌ߬ߘߊ߬ߞߏ ߟߋ߬: ߞߘߐߕߊ߬ߣߍ߲߬ߓߊ ߝߐߞߊ߲ ߘߌ߫ ߞߏ߫: ]96ߊߟߊ߫ ߟߋ߫ ߞߵߊߟߎ߫ ߘߊ߲߫ ߸ ߊ߬ ߣߴߊߟߎ߫ ߟߊ߫ ߞߍߕߊ ߟߎ߬[ [ߟߐ߬ߖߟߎ߬ߡߊ߬ߣߍ߲ ߠߎ߬، ߟ:96]

ߖ- ߊ߬ ߦߴߊߟߊ߫ ߞߘߐߕߊ߬ߣߍ߲߬ߓߊ ߞߎߡߊߞߊ߲ ߠߋ߬ ߘߌ߫، ߊ߬ ߕߍ߫ ߘߊ߲ߝߋ߲߫ ߘߌ߫.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴿ߣߌ߫ ߘߏ߫ ߞߵߊ߬ ߞߎ߲߬ߞߊ߬ߙߌ߬ߝߊ߬ ߌ ߟߊ߫ ߓߊ߬ߕߏ߬ߕߊ߬ߜߙߊ߬ߟߊ ߟߎ߬ ߘߐ߫ ߸ ߌ ߦߴߏ߬ ߟߊ߫ ߛߏ߬ߟߏ߲ ߡߌ߬ߘߊ߬ ߸ ߤߊ߲߯ ߊ߬ ߦߋ߫ ߊߟߊ߫ ߟߊ߫ ߞߎߡߊ ߡߍ߲߫، ...﴾ [ߖߘߍ߬ߟߊ߬ߛߊߦߌ߲ ߝߐߘߊ: 6]

ߏ߬ ߦߋ߫ ߝߐߞߊ߲ ߣߌ߫ ߓߊ߯ߙߊ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߟߋ߬ ߘߌ߫ ߥߟߊ߫ ߓߍ߲߬ߡߊ ߥߟߊ߫ ߘߊߟߌ߫ ߡߊ߲ߞߕߎ ߥߟߊ߫ ߛߐ߲߬ ߡߊ߲ߞߕߎ ߞߋߟߊ ߦߋ߫.

ߖ- ߡߐ߱ ߟߎ߬ ߞߵߊ߬ ߝߋ߲߫-ߏ-ߝߋ߲߬ ߛߌ߲ߘߌ߫ ߘߌ߯ߣߊ ߘߐ߫ (ߣߊߡߎ߲߫)، ߊ߬ ߘߏ߲߬ ߕߎ߲߬ ߕߍ߫ ߦߋ߲߬ ߟߊ߬ߝߐ߬ߓߊ߮ ﷺ ߣߴߊ߬ ߟߊ߫ ߛ߫ߐ߬ߤߊ߯ߓߊ߮( ߘߍ߬ߢߐ߲߮) ߟߎ߬ ߕߋ߬ߟߋ ߘߐ߫.
* ߊ߲ ߕߴߊ߬ ߡߌ߬ߘߊ߬ ߟߊ߫ ߸ ߊ߲ ߧߴߊ߬ ߟߊߛߊ߬ߦߌ߲߬ ߠߊ߫ ߟߋ߬.
ߟߊ߬ߝߐ߬ߓߊ߮ ﷺ ߝߐߞߊ߲ ߞߏ߫ ߛߐ߲߬ ߛߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫: (( ߓߌߘߑߊ߳ߺߊ ߓߍ߯ ߦߋ߫ ߝߟߌ߬ )) ߊ߬ߓߎ߯ ߘߊߎߘߊ߫ ߞߵߏ߬ ߟߊߛߋ߫.
ߊ߬ ߟߊߒߡߊ ߟߋ߬: ߘߏ߫ ߟߊ߲ߞߊ߲߫ ߘߌ߫ ߓߊ߬ߕߏ ߘߐ߫، ߦߏ߫ ߡߊ߬ߞߏ߬ߟߌ߬ ߣߊ߯ߣߌ߲ߣߊ߲ ߟߊ߫ ߘߌ߫ ߛߊߟߖߌ ߕߊ߫ ߞߊ߲߬، ߊ߬ ߣߌ߫ ߟߊ߬ߝߐ߬ߓߊ߮ ߛߐ߬ߘߐ߲ ߢߊ߰ߢߊ ߘߌ߫ (ߡߊߥߟߌߘߌ) ، ߏ߬ ߘߏ߲߬ ߡߊ߫ ߡߌ߬ߘߊ߬ ߟߊ߬ߝߐ߬ߓߊ߮ ﷺ ߣߴߊ߬ ߟߊ߫ ߛ߫ߐ߬ߤߊ߯ߓߊ߮( ߘߍ߬ߢߐ߲߮ )ߟߎ߬ ߡߊ߬.

ߖ- ߞߍߢߐ߲߯ߝߍ: ߏ߬ ߦߋ߫ ߟߌ߬ߡߣߊ߬ߦߊ߬ߓߊ߮ ߟߎ߬ ߞߊ߬ߣߌ߲߫ ߣߴߊ߬ߟߎ߫ ߘߍ߬ߡߍ߲߫ ߠߋ߬ ߘߌ߫.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴿ߟߌ߬ߡߣߊ߬ߦߊ߬ߓߊ߮ ߗߍ߬ߡߊ߲ ߠߎ߬ ߣߌ߫ ߟߌ߬ߡߣߊ߬ߦߊ߬ߓߊ߮ ߡߛߏ߬ߡߊ߲ ߠߎ߫ ߟߋ߬ ߢߐ߲߮ ߢߌ߲߭ ߠߎ߬ ߘߌ߫...﴾ [ߖߘߍ߬ߟߊ߬ߛߊߦߌ߲ ߝߐߘߊ: 71]
ߛߋ߲߬ߓߐ߬ߟߌ: ߏ߬ ߦߋ߫ ߞߊ߯ߝߙߌ ߟߎ߬ ߟߊߜߏߦߊߢߍ ߣߴߊ߬ߟߎ߬ ߖߎ߯ߦߊߟߌ ߟߋ߬ ߘߌ߫.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴿ߖߞߊߢߐ߲߯ߦߊ߫ ߢߌߡߊ߫ ߟߴߊߟߎ߫ ߦߋ߫ ߌߓߑߙߊ߰ߤߌߡߊ߫ ߣߴߊ߬ ߝߍ߬ߡߐ߮ ߟߎ߬ ߟߊ߫ ߞߏ ߘߐ߫ ߸ ߕߎ߬ߡߊ ߡߍ߲ ߊ߬ߟߎ߫ ߞߵߊ߬ ߝߐ߫ ߊ߬ߟߎ߫ ߡߌ߬ߙߌ߲߬ߘߌ ߦߋ߫ ߞߏ߫ ߊ߲ߠߎ߬ ߣߍ߰ߓߐߣߍ߲߫ ߠߵߊߟߎ߫ ߘߐ߫ ߊ߬ ߣߴߊߟߎ߫ ߦߋ߫ ߝߋ߲ ߡߍ߲ ߠߎ߬ ߓߊ߬ߕߏ߬ ߟߊ߫ ߞߵߊߟߊ߫ ߕߏ߫ ߸ ߊ߲ ߓߊߘߴߊ߲ ߓߊ߲߬ ߊߟߎ߫ ߘߐ߫߸ ߖߎ߯ߦߊ ߣߌ߫ ߞߐߣߌ߲ߧߊ ߓߘߊ߫ ߟߊ߲ߞߣߍߡߴߊ߲ ߣߴߊߟߎ߫ ߕߍ߫ ߞߘߊߎ߫ ߤߊ߲߯ ߊߟߎ߫ ߦߋ߫ ߟߴߊߟߊ߫ ߟߊ߫߸ ߊ߬ ߞߋߟߋ߲߫ ߔߋ߫ ߞߊ߬ߣߌ߲߫﴾ [ߞߘߐߓߐߕߊ ߟߎ߬ ߝߐߘߊ: 4].

ߖ- ߊߟߊ߫ ߕߍ߫ ߛߌ߬ߟߡߊ߬ߦߊ ߕߊ߬ߣߊ ߡߌ߬ߘߊ߬ ߟߊ߫
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴿ߡߍ߲ ߓߊ߯ ߢߌߣߌ߲߫ ߛߌ߬ߟߡߊ߬ߦߊ ߕߊ߬ߣߊ߫ ߡߊ߬ ߘߌ߯ߣߊ߫ ߘߌ߫ ߸ ߒ߬ߓߵߏ߬ ߕߍ߫ ߡߌ߬ߘߴߏ߬ ߟߊ߫، ߏ߬ ߘߏ߲߬ ߟߊ߬ߓߊ߲ ߓߣߐ߬ߓߊ߮ ߟߎ߬ ߘߏ߫ ߟߋ߬ ߘߌ߫ 85﴾ [ߌߡߑߙߊ߰ߣߊ߫ ߞߐ߬ߙߍ ߝߐߘߊ: 85].

ߖ- ߟߊ߲ߡߊ ߝߐߟߌ ߘߐ߫: ߊߟߊ߫ ߛߊߣߌ߲ ߣߊ߬ߣߌ߲߫ ߥߟߴߊ߬ ߟߊ߫ ߞߋߟߊ ﷺ.
ߞߍߟߌ ߟߊ߲ߡߊ: ߘߐ߯ߦߡߊ ߟߊߛߋ߫ ߞߎ߬ߙߊ߬ߣߊ ߡߊ߬ ߥߟߊ߫ ߛߖߎ߬ߘߎ ߓߋ߬ߟߌ߫ ߊߟߊ߫ ߞߘߐߕߊ߬ߣߍ߲߬ߓߊ ߕߣߊ߬ ߦߋ߫.
ߛߌ߬ߘߌ߲߬ߒ߬ߞߣߐ߬ߟߌ ߟߊ߲ߡߊ: ߞߵߊ߬ ߛߌ߬ߘߌ߲߬ߒ߬ߞߣߐ߬ߟߌ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߕߊ߬ߣߊ ߦߋ߫ ߦߋ߲߬ ߡߍ߲߫ ߣߌ߫ ߓߊ߬ߕߏ ߞߊ߫ ߞߊ߲߫، ߥߟߊ߫ ߘߊ߲ߠߌ߲ߠߊ߫ ߦߋ߫ ߦߋ߲߬ ߞߊ߬ ߝߙߴߊߟߊ߫ ߞߘߐߕߊ߬ߣߍ߲߬ߓߊ ߞߊ߲߬.

ߖ-
1- ߝߌ߬ߟߊ߲߬ߝߌ߬ߟߊ߲߬ߒߕߋ߬ߦߊ߫ ߓߏ߲߬ߓߊ: ߏ߬ ߦߋ߫ ߞߊ߯ߝߙߌߦߊ ߘߏ߭ ߣߋ߬ ߘߌ߫ ߞߊ߬ ߟߌ߬ߡߣߊ߬ߦߊ ߟߊ߲ߞߣߍߡߊ߫.
ߊ߬ ߘߌ߫ ߟߊ߬ߓߐ߬ߟߌ ߞߍ߫ ߛߌ߬ߟߡߊ߬ߦߊ ߘߐ߫، ߊ߬ ߦߋ߫ ߞߊ߯ߝߙߌߦߊ߫ ߓߏ߲߬ߓߊ ߘߏ߫ ߟߋ߬ ߘߌ߫.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴿ߝߌ߬ߟߊ߲߬ߝߌ߬ߟߊ߲߬ߒߕߋ ߟߎ߬ ߦߋ߫ ߖߌ߰ߖߌ߮ ߞߘߐߟߊ ߟߋ߬ ߘߐ߫ ߕߊ ߘߐ߫ ߌ ߘߏ߲߬ ߕߍ߫ ߘߍ߬ߡߍ߲߬ߓߊ߰ ߛߐ߬ߘߐ߲߫ ߊ߬ߟߎ߬ ߟߊ߫ 145﴾ [ߡߏ߬ߛߏ ߟߎ߬ ߝߐߘߊ: 145]
2- ߝߌ߬ߟߊ߲߬ߝߌ߬ߟߊ߲߬ߒߕߋ߬ߦߊ߫ ߘߐ߯ߡߊ߲:
ߟߊ߲ߡߊ ߦߏ߫: ߥߎߦߊ ߣߌ߫ ߓߍ߲߬ߒ߬ߡߊ߬ߞߊ߲ ߞߐߟߊߝߏ߫ ߣߌ߫ ߟߊߣߊ߲ߕߋߦߊ ߖߊ߲߬ߝߊ.
ߊ߬ ߕߍ߫ ߟߊ߬ߓߐ߬ߟߌ߬ ߞߍ߫ ߟߊ߫ ߛߌ߬ߟߡߊ߬ߦߊ ߘߐ߫، ߊ߬ ߦߋ߫ ߞߎ߲߬ߞߏ߬ߦߊ ߟߎ߬ ߘߏ߫ ߟߋ߬ ߘߌ߫ ߊ߬ ߕߌ߰ߟߊ߬ߡߐ ߣߌ߫ ߖߊ߲߬ߞߕߊ ߟߋ߬ ߞߊ߫ ߞߊ߲߫.
:ߊߟߊ߫ ߟߊ߫ ߞߋߟߊ߫ ߞߵߊ߬ ߝߐ߫ ﷺ ((ߝߌ߬ߟߊ߲߬ߝߌ߬ߟߊ߲߬ߒߕߋ߬ߦߊ ߕߐ߰ߡߊ߬ߛߙߋ ߛߓߊ߬: ߊ߬ ߘߌ߫ ߥߎߦߊ ߝߐ߫ ߣߴߊ߬ ߞߵߊ߬ ߓߊ߬ߘߏ߬، ߊ߬ ߘߌ߫ ߞߐߟߊߝߏߟߌ ߞߍ߫ ߣߴߊ߬ ߞߊ߬ ߓߍ߲߬ߒ߬ߡߊ߬ߞߊ߲ ߘߌ߫، ߊ߬ ߘߌ߫ ߖߊ߲߬ߒߝߊ ߞߍ߫ ߣߌ߫ ߟߊߣߊ߲ߕߋߦߊ ߟߊ߫ ߘߴߊ߬ ߘߐ߫)) ߓߎ߬ߞߊ߬ߙߌ߬ߞߊ߫ ߣߌ߫ ߡߎߛߑߟߌߡ ߞߵߊ߬ ߟߊߛߋ߫

ߖ- ߏ߬ ߦߋ߫ ߡߏ߬ߤ߭ߊߡߡߊߘ ﷺ ߟߋ߬ ߘߌ߫.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴿ߡߏ߬ߤ߭ߊߡߡߊߘ ߕߍ߫ ߛߌ߫ ߝߊ߬ ߘߴߊߟߎ߫ ߗߍ߭ ߟߎ߬ ߘߐ߫ ߸ ߞߏ߬ߣߌ߲߬ ߊߟߊ߫ ߟߊ߫ ߞߋߟߊ ߟߋ߬ ߸ ߊ߬ ߣߌ߫ ߟߊ߬ߝߐ߬ߓߊ߮ ߟߎ߬ ߘߝߊߟߊ߲߫...﴾ [ߞߙߎߞߊ ߟߎ߬ ߝߐߘߊ: 40] - ߊߟߊ߫ ߟߊ߫ ߞߋߟߊ ﷺ ߞߵߊ߬ ߝߐ߫ ߞߏ߫: ((ߒߠߋ ߟߋ߬ ߟߊ߬ߝߐ߬ߓߊ߮ ߟߎ߬ ߘߝߊߟߊ߲ ߘߌ߫، ߟߊ߬ߝߐ߬ߓߊ߯ ߕߍ߫ ߡߍ߲߫ ߞߐ߫)) ߊ߬ߓߎ߯ ߘߊߎߘߊ߫ ߣߌ߫ ߕߙߌ߬ߡߌ߬ߖ߭ߌ߬ߞߊ߫ ߣߴߊ߬ߟߎ߬ ߢߐ߲߬ߜߘߍ ߟߎ߬ ߞߵߏ߬ ߟߊߛߋ߫.

ߖ- ߡߊ߲߬ߕߊߣߌ߲: ߦߋ߫ ߝߋ߲ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߟߋ߬ ߘߌ߫߸ ߊߟߊ߫ ߞߊ߬ ߡߍ߲߫ ߘߴߊߟߊ߫ ߟߊ߬ߝߐ߬ߓߊ߮ ߟߎ߬ ߡߊ߬، ߞߊ߬ ߓߐ߫ ߓߊ߬ߙߊ߲߬ߒ߬ߘߐ ߘߐ߫ ߸ ߊ߬ߟߎ߬ ߕߏ߬ߢߊ߲߬ߕߋ߬ߦߊ ߞߊ߲ ߡߊ߬، ߦߏ߫:
ߞߊߙߏ ߕߍߟߍ߲ ߟߊ߬ߝߐ߬ߓߊ߮ ﷺ- ߞߏߛߐ߲߬
- ߞߐ߬ߖߌ ߕߋ߬ ߘߊ߫ ߡߎ߯߯ߛߊ߫ ߦߋ߫ ߛߟߊ߬ߡߎ߲ ߦߴߊ߬ ߦߋ߫، ߞߊ߬ ߝߌߙߑߊ߳ߊߥߑߣߊ߫ ߣߴߊ߬ ߟߊ߫ ߛߏ߬ߙߌ߬ߡߊ߬ߘߋ߲ ߠߎ߬ ߟߊߕߏ߫ ߊ߬ ߘߐ߫.

ߖ- ߛ߫ߐ߬ߤߊ߯ߓߊ߮ (ߘߍ߬ߢߐ߲߮) : ߏ߬ ߦߋ߫ ߡߐ߰ ߟߋ߬ ߘߌ߫ ߡߍ߲߫ ߞߊ߬ ߞߋߟߊ ﷺ ߓߍ߲߬ߢߐ߯ߦߊ߫ ߟߌ߬ߡߣߊ߬ߦߊ߬ߓߊ߯ ߘߴߊ߬ ߡߊ߬ ߞߊ߬ ߛߊ߬ ߛߌ߬ߟߡߊ߬ߦߊ ߞߊ߲߫.
- ߊ߲ ߘߴߊ߬ߟߎ߬ ߟߊߘߌߦߊߢߍ߫ ߊ߬ ߣߌ߫ ߞߵߊ߬ߟߎ߬ ߟߊߘߋ߬ߦߌ߬، ߊ߬ߟߎ߬ ߟߋ߬ ߡߐ߱ ߟߎ߬ ߘߐ߫ ߝߌ߬ߛߊ߬ߡߊ߲ߒߕߋ ߘߌ߫ ߟߊ߬ߝߐ߬ߓߊ߮ ߟߎ߬ ߓߐ߫ ߣߌ߲߫ ߞߐ߫ ߦߋ߲߬.
ߊ߬ߟߎ߬ ߘߐ߫ ߝߌ߬ߛߊ߬ߡߊ߲ߒߕߋ ߦߋ߫: ߣߐ߰ߘߐ߬ߛߌ߰ ߣߊ߯ߣߌ߲ ߠߋ߬ ߘߌ߫:
ߊ߬ߓߎ߯ ߓߞߊߙߌ߫߸ ߞߵߊߟߊ߫ ߘߌ߬ߢߴߊ߬ ߡߊ߬.
ߊ߳ߎߡߊߙ ߸ ߞߵߊߟߊ߫ ߘߌ߬ߢߴߊ߬ ߡߊ߬.
ߊ߳ߎߛ߳ߑߡߊߣ ߸ ߞߵߊߟߊ߫ ߘߌ߬ߢߴߊ߬ ߡߊ߬.
ߊ߳ߊߟߌ߫ ߸ ߞߵߊߟߊ߫ ߘߌ߬ߢߴߊ߬ ߡߊ߬.

ߖ- ߏ߬ ߟߎ߬ ߟߋ߬ ߦߋ߫ ߟߊ߬ߝߐ߬ߓߊ߮ ﷺ ߝߘߎߡߊ߫ ߟߎ߬ ߘߌ߫.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: ﴿ߟߊ߬ߝߐ߬ߓߊ߮ ߟߋ߫ ߓߍ߲߬ߣߍ߲߫ ߟߐ߭ ߟߊ߫ ߟߌ߬ߡߣߊ߬ߦߊ߬ߓߊ߮ ߟߎ߬ ߟߴ ߊ߬ߟߎ߫ ߖߘߍ߬ߞߎ߲ ߠߎ߬ ߘߌ߫، ߊ߬ ߝߘߎߡߊ ߟߎ߬ ߦߴߊ߬ߟߎ߬ ߣߊ߬ ߟߎ߬ ߘߌ߫﴾ [ߞߙߎߞߊ ߟߎ߬ ߝߐߘߊ: 6]

ߖ- ߊ߲ ߧߴߊ߬ߟߎ߬ ߟߊߘߌߦߊߢߍ߫ ߞߊ߬ ߕߎ߲߰ ߊ߬ߟߎ߬ ߞߐ߫ ߞߊ߬ ߡߐ߰ ߟߊߜߏߦߊ߲ߧߍ߫ ߡߍ߲߫ ߓߴߊ߬ߟߎ߬ ߟߊߜߏߦߊߢߍ߫ ، ߊ߲ ߕߍ߫ ߘߊ߲ߠߕߊ߬ߡߌ߲߫ ߞߍ߫ ߟߴߊ߬ߟߎ߬ ߟߊ߫ ߞߏ ߘߐ߫، ߏ߬ ߟߎ߫ ߟߴߊ߬ ߝߘߎߡߊ ߟߎ߬ ߣߴߊ߬ ߓߐ߲ߛߐ߲ ߠߎ߬ ߣߌ߫ ߤߊ߯ߛ߭ߌߡ ߘߋ߲ ߠߎ߬ ߣߌ߫ ߡߎߕ߭ߐߟߟߌߓߎ߫ ߘߋ߲ ߠߎ߬ ߟߌ߬ߡߣߊ߬ߦߊ߬ߓߊ߮ ߟߎ߬ ߘߐ߫.

ߖ- ߊ߲ ߞߊ߲߬ ߘߌߦߊߜߏߦߊ ߟߋ߬߬߬: ߞߵߊ߬ߟߎ߬ ߡߊߓߏ߲߬ߧߊ߬ ߞߵߊ߬ߟߎ߬ ߟߊߡߍ߲߫ ߞߵߊ߬ߟߎ߬ ߞߊ߲ ߡߌ߬ߘߊ߬ ߸ ߣߴߊ߬ ߡߊ߫ ߞߍ߫ ߊߟߊ߫ ߛߐߛߐ ߘߌ߫، ߊ߬ ߣߌ߫ ߓߐߟߌߓߊߟߌߦߊ ߘߴߊ߬ߟߎ߬ ߞߊ߲ߡߊ߬، ߊ߬ ߣߌ߫ ߞߊ߬ ߕߌ߲ߞߌ߲ ߊ߬ߟߎ߬ ߦߋ߫ ߞߵߊ߬ߟߎ߬ ߟߊߟߌ߫ ߜߎ߲߬ߘߎ ߘߐ߫.

ߖ- ߏ߬ ߟߋ߬ ߦߋ߫ ߊߙߑߖߣߍ߬ ߘߌ߫، ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: {ߡߍ߲߫ ߠߎ߬ ߟߌ߬ߡߣߊ߬ߦߊߣߍ߲߫ ߞߊ߬ ߢߌ߬ߡߊ ߟߎ߬ ߞߍ߫ ߸ ߊߟߊ߫ ߦߋ߫ ߏ߬ ߟߎ߬ ߟߊߘߏ߲߬ ߠߊ߫ ߡߍ߲ߘߌߦߊ ߟߎ߬ ߘߐ߫ ߟߋ߬ ߸ ߖߌߢߊ ߟߎ߬ ߦߋ߫ ߥߦߏ߬ ߟߊ߫ ߡߍ߲ ߠߎ߬ ߞߘߐߟߊ ߟߎ߬ ߘߐ} [ߡߏ߬ߤ߭ߊߡߡߊߘ ߝߐߞߊ: 12]

ߖ- ߏ߬ ߟߋ߬ ߦߋ߫ ߕߊ ߘߌ߫، ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: {ߒ߬ߓߵߊߟߎ߫ ߦߴߊߟߎ߫ ߝߊ߲ߕߊ߲߬ߞߊ߬ ߕߊ ߡߊ߬ ߸ ߏ߬ ߡߍ߲ ߢߐ߲߬ߛߐ߲ ߦߋ߫ ߡߐ߱ ߣߌ߫ ߝߘߊ ߘߌ߫ ߸ ߏ߬ ߘߐߓߍ߲߬ߣߍ߲߫ ߞߊ߯ߝߙߌ ߟߎ߬ ߟߋ߬ ߦߋ߫ 24} [ߣߛߌ߬ߡߛߏ ߝߐߘߊ: 24]

ߖ- ߛߌߟߊ߲: ߏ߬ ߦߋ߫ ߛߌߟߊ߲ ߠߋ߬ ߘߌ߫ ߊߟߊ߫ ߣߴߊ߬ ߟߊ߫ ߖߊ߲߬ߞߕߊ ߦߋ߫.
ߖߌ߭: ߏ߬ ߦߋ߫ ߊߟߊ߫ ߟߊ߫ ߛߊ߬ߙߊ ߣߴߊ߬ ߟߊ߫ ߜߊ߲ߒߞߎߣߊ ߣߴߊ߬ ߟߊ߫ ߤߌߣߊ ߟߋ߬ ߘߌ߫
ߦߌ߬ߘߊ߬ߞߏ: ߞߘߐߕߊ߬ߣߍ߲߬ߓߊ ߝߐߞߊ߲: {ߏ߬ ߟߎ߬ ߦߋ߫ ߡߍ߲ ߠߎ߬ ߥߟߋ߫ ߟߴߏ߬ ߘߌ߫ ߏ߬ ߟߎ߬ ߦߋ߫ ߛߊ߲߬ߞߊ߬ߟߊ߲߬ߦߊ ߓߍ߯ ߘߐ߫ ߛߎ߬ߘߎ߲߬ߡߊ߲ ߢߌߣߌ߲߫ ߠߴߊ߬ߟߎ߬ ߕߌ߭ ߝߍ߬ ߸ ߊ߬ ߣߴߊ߬ߟߎ߬ ߦߴߊ߬ ߟߊ߫ ߤߌߣߊ ߖߌ߰ ߟߊ߫ ߸ ߊ߬ ߣߌ߫ ߞߊ߬ ߛߌߟߊ߲߫ ߊ߬ ߟߊ߫ ߖߊ߲߬ߞߕߊ ߦߋ߫، ߓߊߏ߬ ߌ ߕߌ߭ ߟߊ߫ ߖߊ߲߬ߞߕߊ ߦߋ߫ ߡߊ߬ߕߊ߲߬ߞߊ߬ߝߋ߲߫ ߠߋ߬ ߘߌ߫} [ߛߎߘߐ߫ ߛߣߍߡߊ ߝߐߘߊ: 57]. ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: {ߒ ߠߊ߫ ߖߐ߲߭ ߠߎ߬ ߟߊߛߏ߬ߓߌ߫ ߞߏ߫ ߒߠߋ ߸ ߒߠߋ ߟߋ߬ ߡߊ߬ߞߕߏ߬ߟߌ߬ߟߊ߫ ߤߌߣߟߊ ߘߌ߫ 49 ߊ߬ ߣߌ߫ ߞߏ߫ ߒ ߠߊ߫ ߖߊ߲߬ߞߕߊ ߟߋ߬ ߦߋ߫ ߖߊ߲߬ߞߕߊ߬ ߘߡߌߣߍ߲ ߘߌ߫ 50} [ߤߌߖߙߌ߫ ߝߐߘߊ: 49-50].

ߖ- ߊߟߊ߫، ߕߌ߭، ߡߊ߬ߤߌ߬ߣߊ߬ߟߊ, ߡߍ߲ߣߌߠߊ، ߦߋߟߌߟߊ، ߟߐ߲ߣߌ߲ߠߊ، ߤߊ߬ߙߌ߬ߖߍ߰ߟߌ߬ߟߊ، ߢߣߊߡߊ، ߓߟߋ߬ߓߟߋ... ߞߵߊ߬ ߛߌ߰ ߏ߬ ߟߎ߬߬ ߢߐ߲߬ ߜߘߍ߫ ߟߎ߫ ߟߊ߫ ߞߊ߬ ߓߐ߫ ߕߐ߯ ߢߌߡߊ ߟߎ߬ ߣߌ߫ ߡߊ߲߬ߞߕߎ ߞߘߐߕߊ߬ߣߍ߲ ߠߎ߬ ߘߐ߫.

ߖ- ߊߟߊ߫ : ߏ߬ ߞߘߐ ߟߋ߬ ߞߏ߫ ߊߟߊ߫ ߓߊߕߏߕߊ ߡߍ߲߫ ߣߴߊ߬ ߞߊ߫ ߞߊ߲߫، ߞߋߟߋ߲߫ ߠߋ߬ ߜߙߊ߬ߢߐ߲߰ ߕߴߊ߬ ߟߊ߫.
ߕߌ߭: ߏ߬ ߟߊ߬ߢߌ߬ߣߌ߲ ߠߋ߬ ߘߊ߲ߣߌ߲ߠߊ ߣߌ߫ ߡߙߊ߬ߟߌ߬ߟߊ ߣߌ߫ ߤߊ߬ߙߌ߬ߖߍ߰ߟߌ߬ߟߊ ߣߌ߫ ߝߙߍ߬ߘߐ߬ߓߍ߲߬ߠߊ ߘߌ߫ ߸ ߊ߬ ߞߋߟߋ߲߫ ߛߊߣߌ߲ߧߊ ߦߴߊ߬ ߦߋ߫.
ߡߍ߲ߠߌߣߓߊ: ߡߍ߲߫ ߠߊ߫ ߡߍ߲ߠߌ ߘߐ߫ ߥߛߊ߬ߣߍ߲ ߝߋ߲߫ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߦߋ߫، ߊ߬ ߦߋ߫ ߡߊ߲߬ߞߊ߲ ߞߋ߬ߟߋ߲߬ߞߋ߬ߟߋ߲߬ ߓߍ߯ ߡߍ߲ߠߊ߫ ߞߵߊ߬ ߟߴߊ߬ ߓߐߢߐ߲߰ߡߊ ߣߵߊ߬ ߛߎ߯ߦߊ ߞߊ߲߬.
ߦߋߟߌߟߓߊ: ߡߍ߲߫ ߦߋ߫ ߝߋ߲߫ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߦߋ߫ ߟߊ߫، ߊ߬ ߦߋ߫ ߝߋ߲߫ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߦߋ߫ ߟߊ߫ ߸ ߊ߬ ߘߐ߰ߡߊ߲ ߣߴߊ߬ ߓߏ߲߬ߓߊ߬ߓߊ߫..
ߟߐ߲ߠߌߣߓߊ: ߒ߬ߓߵߊ߬ߟߋ ߟߋ߬ ߞߊ߬ ߟߊ߬ߝߏ߬ߟߌ ߞߍ߫ ߝߋ߲߫ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߟߊ߫ ߕߊ߬ߡߌ߲߬ߣߍ߲ ߣߌ߫ ߓߌ߲߲߬ߕߊ ߣߌ߫ ߛߌߣߌ߲ߕߊ ߟߊ߫.
ߡߊ߬ߤߌ߬ߣߊ߬ߟߊ: ߡߍ߲߫ ߠߊ߫ ߤߌߣߊ ߓߘߊ߫ ߘߐߥߛߊ߬ ߘߊ߲ߝߋ߲ ߠߎ߬ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߦߋ߫، ߒ߬ߓߊ߬ ߸ ߖߐ߲߭ ߠߎ߬ ߣߌ߫ ߘߊ߲ߝߋ߲ ߓߍ߯ ߦߴߊ߬ ߟߊ߫ ߤߌߣߊ ߟߋ߬ ߞߘߐ߫.
ߤߊ߬ߙߌ߬ߖߍ߰ߟߌ߬ߟߓߊ: ߘߊ߲ߝߋ߲ ߓߍ߯ ߟߊߘߍ߬ߣߍ߲ ߤߊ߬ߙߌ߬ߖߍ߰ߞߏ ߦߴߊ߬ߟߋ ߟߋ߬ ߡߊ߬ ߡߐ߱ ߟߎ߬ ߣߌ߫ ߥߐ߬ߞߎߟߐ ߟߎ߬ ߘߐ߫ ߊ߬ ߣߌ߫ ߡߊ߬ߛߍ߲߬ߛߍ߲߬ߝߋ߲ ߓߍ߯.
ߢߣߊߡߊ: ߢߣߊߡߊ߫ ߡߍ߲߫ ߕߍ߫ ߛߊ߬ ߟߊ߫، ߞߵߊ߬ ߕߘߍ߬ ߘߊ߲ߝߋ߲ ߓߍ߯ ߛߊ߬ ߕߐ߫ ߟߋ߬.
ߓߟߋ߬ߓߟߋ: ߘߝߊ ߣߌ߫ ߓߟߋ߬ߓߟߋ߬ߦߊ ߓߍ߯ ߦߋ߫ ߡߍ߲߫ ߦߋ߫، ߊ߬ ߕߐ߮ ߟߎ߬ ߣߴߊ߬ ߡߊ߲߬ߞߕߎ ߟߎ߬ ߣߴߊ߬ ߟߊ߫ ߓߊ߯ߙߊ ߟߎ߬ ߘߐ߫.

ߖ- ߊ߲߲ ߘߴߊ߬ߟߎ߬ ߞߊ߬ߣߌ߲߫، ߊ߬ ߣߌ߫ ߞߵߊ߲ ߞߐߛߊ߬ߦߴߊ߬ߟߎ߬ ߡߊ߬ ߛ߭ߊ߬ߙߌ߬ߦߊ߫ ߓߌߟߊ߲ߘߐ߬ߕߊ߬ ߞߕߌ ߟߎ߬ ߡߊ߬، ߊ߲ ߕߴߊ߬ߟߎ߬ ߞߏߝߐ߫ ߝߴߊ߬ ߘߕߍ߬ ߢߎ߬ߡߊ߫ ߟߋ߬ ߘߌ߫، ، ߣߌ߫ ߡߍ߲߫ ߞߵߊ߬ߟߎ߬ ߞߏߝߐ߫ ߖߎ߯ߡߊ߲߫ ߘߐ߬߬߭، ߒ߬ߓߵߏ߬ ߕߌ߭ ߦߋ߫ ߛߌߟߊ ߕߣߊ ߟߋ߬ ߞߊ߲߬ ߏ߬ ߘߌ߫
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: { ߡߍ߲ ߠߎ߬ ߟߌ߬ߡߣߊ߬ߦߊߣߍ߲߫ ߊߟߎ߫ ߘߐ߫ ߊߟߊ߫ ߦߴߏ߬ ߟߎ߫ ߟߋ߫ ߡߊߦߟߍ߬ ߸ ߊ߬ ߣߌ߫ ߡߍ߲ ߠߎ߬ ߛߐߣߍ߲߫ ߟߐ߲ߠߌ߲ ߠߊ߫، ߊߟߊ߫ ߘߏ߲߬ ߦߋ߫ ߘߎ߰ߙߋ߲߫ ߠߋ߬ ߘߌ߫ ߝߋ߲߫ ߠߴߊ߬ߟߎ߬ ߦߋ߫ ߡߍ߲ ߓߊ߯ߙߊ߫ ߟߊ߫ 11} [ ߘߊߘߐߝߙߊߢߐ߲߯ߦߊ ߝߐߘߊ: 11]

ߖ- ߏ߬ ߟߎ߬ ߟߋ߬ ߟߌ߬ߡߣߊ߬ߦߊ߬ߓߊ߯ ߝߊ߲ߕߊ߲ߞߟߊ ߟߎ߬ ߘߌ߫.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: {ߦߊ߯ߟߊ߫ ߸ ߊ߬ ߕߍ߫ ߓߊ߬ ߞߏ߫ ߊߟߊ߫ ߢߌ߲߭ ߠߎ߬ ߸ ߛߌߟߊ߲߫ ߕߴߏ߬ ߟߎ߬ ߟߊ߫ ߸ ߊ߬ߟߎ߬ ߘߏ߲߬ ߕߍ߫ ߛߎ߬ߣߎ߲߬ ߠߊ߫ 62 ߡߍ߲߫ ߠߎ߬
ߟߌ߬ߡߣߊ߬ߦߊ߬ߣߍ߲߫ ߊߟߎ߬ ߕߍ߬ߘߴߊ߬ߟߎ߬ ߝߊ߲ߕߊ߲ߞߊ߬ ߟߊ߫ 63} [ߦߣߎߛߊ߫ ߝߐߘߊ: 62-63].

ߖ- ߟߌ߬ߡߣߊ߬ߦߊ ߦߋ߫ ߝߐߞߊ߲߫ ߣߌ߫ ߓߊ߯ߙߊ ߣߌ߫ ߛߌ߬ߘߌ߲߬ߒ߬ߞߣߐ߬ߟߌ߫ ߟߋ߬ ߘߌ߫.

ߖ- ߟߌ߬ߡߣߊ߬ߦߊ ߦߋ߫ ߓߎ߯ ߟߊ߫ ߸ ߊߟߊ߫ ߞߊ߲ߓߊߕߏ ߟߋ߬ ߟߊ߫، ߊ߬ ߣߴߊ߬ ߦߋ߫ ߡߊߖߌ߰ ߟߊ߫ ߊߟߊ߫ ߞߊ߲ߛߐߛߐ ߟߋ߬ ߟߊ߫.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: { ߟߌ߬ߡߣߊ߬ߦߊ߬ߓߊ߮ ߟߎ߬ ߦߋ߫ ߡߐ߰ ߟߎ߫ ߟߋ߬ ߘߌ߫ ߸ ߡߍ߲ ߠߎ߫ ߛߣߐ߬ߡߍ ߦߋ߫ ߛߌߟߊ߲߫ ߠߊ߫ ߕߎ߬ߡߊ߫ ߣߴߊߟߊ߫ ߞߏߝߐ߫ ߘߊ߫، ߊ߬ ߣߌ߫ ߣߴߊ߬ ߟߊ߫ ߟߝߊߙߌ ߟߎ߬ ߘߐߛߊߙߌ߫ ߘߴߊ߬ߟߎ߬ ߦߋ߫ ߸ ߏ߬ ߘߴߊ߬ߟߎ߬ ߟߊ߫ ߟߌ߬ߡߣߊ߬ߦߊ ߡߊߞߊ߬ߝߏ߬، ߊ߬ ߣߴߊ߬ߟߎ߬ ߦߴߊ߬ߟߎ߬ ߓߟߏߡߟߊ߫ ߟߴߊ߬ߟߎ߬ ߕߌ߱ ߟߋ߬ ߡߊ߬2} [ߞߐ߲ߛߐ ߝߐߘߊ: 2].

ߖ- ߌ ߦߴߊߟߊ߫ ߓߊ߬ߕߏ߬ ߦߴߌ ߦߴߊ߬ ߦߋ߫ ߟߊ߫ ߟߋ߬، ߒ߬ߓߊ߬ ߸ ߣߴߌ ߡߊ߫ ߞߴߊ߬ ߦߋ߫ ߟߊ߫، ߒ߬ߓߊ߬ ߸ ߊ߬ ߦߴߌ ߦߋ߫ ߟߊ߫.

ߖ- ߛߘߊߡߊߒߞߊ߲߫ ߝߌ߬ߟߊ ߟߵߏ߬ ߟߊ߫:
1- ߣߴߊ߬ ߞߍ߫ ߘߊ߫ ߓߎ߰ߓߎ߬ߣߍ߲߫ ߘߌ߫ ߊߟߊ߫ ߞߘߐߕߊ߬ߣߍ߲߬ߓߊ ߞߏߟߘߊ ߞߏ߫ ߛߐ߬.
2- ߊ߬ ߣߌ߫ ߣߴߊ߬ ߞߍ߫ ߘߊ߫ ߟߊ߬ߝߐ߬ߓߊ߮ ﷺ ߟߊ߫ ߕߊ߯ߛߌߟߊ ߞߊ߲߬.

ߖ- ߏ߬ ߟߋ߬ ߦߋ߫ ߓߟߏ߫ ߞߍ߫ ߘߴߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߸ ߕߣߐ߬ ߟߎ߬ ߡߊߛߊ߬ߡߊ߲߫ ߘߐ߫ ߊ߬ ߣߌ߫ ߡߊ߲߬ߕߙߐ ߟߎ߬ ߟߊ߫ ߕߊ߲߬ߞߌ߲ ߘߐ߫، ߞߵߏ߬ ߟߊ߫ ߓߟߏ ߞߍ߫ ߟߊ߫ ߜߋ߲߬ߞߘߎ߬ߢߐ߲߰ߠߊ ߟߎ߬ ߟߊ߫.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: {ߡߍ߲߫ ߘߏ߲߬ ߓߊ߯ ߊ߬ ߛߍ߲߬ߓߍ߬ ߊߟߊ߫ ߟߊ߫ ߸ ߊ߬ߟߋ ߟߴߏ߬ ߥߊ߬ߛߊ ߘߌ߫...} [ߓߌ߬ߟߊ߬ߟߌ ߝߐߘߊ: 3].
{ߤ߭ߊߛߑߓߤߎ: ߊ߬ ߥߛߊ߬ߓߊ߮}

ߖ- ߡߊ߬ߟߐ߲߬ߣߍ߲: ߏ߬ ߟߋ߬ ߦߋ߫ ߖߡߊ߬ߙߌ߫ ߟߌ߫ ߘߌ߫ ߊߟߓߊ߫ ߞߟߊߒߞߋ ߞߊ߲ ߓߊ߬ߕߏ߫ ߘߐ߫ ߞߋ߬ߟߋ߲߬ߞߋ߬ߟߋ߲߫ ߓߍ߯ ߘߐ߫، ߞߐ߲ߣߍ߲: ߏ߬ ߟߋ߬ ߦߋ߫ ߝߊߕߊ߲ߕߌ߫ ߟߌ߫ ߘߌ߫ ߊߟߓߊ߫ ߞߟߊߒߞߋ ߞߊ߲߫ ߛߐ߬ߛߐ߫ ߡߊ߬ ߞߋ߬ߟߋ߲߬ߞߋ߬ߟߋ߲߫ ߓߍ߯ ߘߐ߫.
ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫: {ߊߟߎ߫ ߞߍ߫ ߘߊ߫ ߡߊ߲߬ߕߏ߲߬ ߤߙߊߡߊ ߘߌ߫ ߡߍ߲ ߠߊߓߐߣߍ߲߫ ߡߐ߱ ߟߎ߬ ߦߋ߫، ߊߟߎ߫ ߦߋ߫ ߖߊ߰ߡߊߙߌ߫ ߞߍ߫ ߟߊ߫ ߡߊߟߐ߲ߣߍ߲ ߠߊ߫ ߸ ߞߊ߬ ߝߊߕߊ߲ߕߟߌ ߞߍ߫ ߞߐ߲ߞߏ ߡߊ ߸ ߊ߬ ߣߴߊߟߎ߫ ߦߋ߫ ߟߌ߬ߡߣߊ߬ߦߊ ߟߴߊߟߊ߫ ߡߊ߬...} [ߌߡߑߙߊ߰ߣߊ߫ ߞߐ߬ߙߍ ߝߐߘߊ : 110].

ߖ- ߏ߬ ߟߎ߬ ߦߋ߫ ߡߐ߬ ߟߎ߫ ߟߋ߬ ߘߌ߫ ߡߍ߲߫ ߠߎ߬ ߦߋ߫ ߝߋ߲߫ ߞߊ߲߬ ߞߋߟߊ߫ ﷺ ߣߴߊ߬ ߟߊ߫ ߛ߫ߐ߬ߤߊ߯ߓߊ߮ ߟߎ߬ ߕߘߍ߬ ߡߍ߲߫ ߢߐ߲߭ ߞߊ߲߬ ߝߐߞߊ߲ ߣߌ߫ ߓߊ߯ߙߊ ߣߌ߫ ߛߌ߬ߘߌ߲߬ߒ߬ߞߣߐ߬ߟߌ ߘߐ߫
ߊ߬ߟߎ߬ ߕߐ߮ ߟߊ߫ ߘߊ߫ ߟߋ߬ ߞߏ߫ ߛߎߣߣߊ߫ ߘߏ߲߬ߞߏ ߟߎ߬: ߞߵߏ߬ ߞߎ߲߭ ߞߴߊ߬ߟߎ߬ ߕߎ߲߭ ߘߌ߫ ߟߊ߬ߝߐ߬ߓߊ߮ ﷺ ߕߊ߯ߛߌߟߊ ߞߐ߫، ߞߊ߬ ߓߌߘߑߊ߳ߺߊ ߕߏ߫.
ߊ߬ ߝߐ߫ ߞߏ߫ ߊ߬ ߣߌ߫ ߞߙߎ ߟߎ߬: ߏ߬ ߝߐߣߍ߲߫ ߠߋ߬ ߓߊߏ߬ ߸ ߊ߬ߟߎ߬ ߞߵߊ߬ߟߎ߬ ߟߊߘߍ߰ ߕߏ߬ߢߊ ߟߋ߬ ߞߊ߲߬، ߊ߬ߟߎ߬ ߡߊ߫ ߝߊߘߊ߲ߝߊߘߊ߲ ߏ߬ ߘߐ߫.