Suratu Al-Fatiha n’a kɔrɔfɔ:
🎧 {Bismillahi rahmaani rahiim 1 🎧 Alhamduli lahi rabbil aalamiin 2 🎧 Arrahmaani rahiim 3 🎧 Maaliki yawmi diin 4 🎧 Iyyaaka na’abudu wa iyyaaka nastahiin 5 🎧 Ihdina siraatɔl mustakiim 6 🎧 7 siraatɔl lazhiina an’amta alɛyhim gayril magduubi alɛyhim wala dɔɔliin} [Suratu Al Fatiha: 1-7].
O Kɔrɔ ye:
Suratu Al Fatiha a tɔgɔ lala ko Al Fatiha; sabula Alla k'a ka kitabuba min ye Al Kurana daminɛ ni a ye.
{n’be n’ka kalan daminɛ ni Alla tɔgɔ barikama ye, duniya nɛmaba tigi ani lahara nɛma kɛrɛkɛrɛni tigi 1}. N’be n’ka Al kurana kalan daminɛ ni Alla tɔgɔ barikama ye, n’be dɛmɛ ɲini baga ye Alla fɛ, ka baraka ɲini kɛ ni a tɔgɔ fɔli ye.
-{Alla} o kɔrɔ ye: Ale le kakan ni bato ye tiɲɛna, fɛn gɛrɛ te wele ni tɔgɔ ni ye fɔ Alla kelenpe saniya masa .
«Arrahmaan» o kɔrɔ ye: duniya nɛmaba masa. Nɛmaba tigi nɛma min ka bɔn kosɛbɛ, min ka be se danfɛn bɛɛ ma.
{Arrahiim} o kɔrɔ ye : kiyama nɛma kɛrɛkɛrɛni tigi: Nɛmaba tigi nɛma min kɛrɛkɛrɛ la muminiw ye.
2. {Alhamdulillah rabbil haalamiin}
Tanoli sugu bɛɛ be Alla ye, danfɛw tigi: O kɔrɔ ye: tanoli dafani sugu bɛɛ be Alla kelenpe ye.
3. { Arrahmaan Rahiim 3} o kɔrɔ ye: duniya nɛmaba tigi, kiyama nɛma kɛrɛkɛrɛni tigi: nɛma tigi le min ka bɔn kosɛbɛ, min ka nɛma be se fɛn bɛɛ ma, nɛma tigi le , nɛma ni hinɛ minbe muminiw dɔrɔn le ye.
4. { Maaliki yawmi diin 4} : Kiti tigɛlon masa. O ye kiyama lɔ lon ye.
5.{ Iyyaaka na'abudu wa iyyaaka nastahiin 5} An be Ile le bato la, an be dɛmɛ ɲini Ile le fɛ. O Kɔrɔ ye: An b’I kelenpe le bato, an be dɛmɛ ɲini I kelenpe le fɛ.
6. { Ihdina siraatɔl mustakiim 6}:An kanda ka an bila sira tilenni kan: O le ye kanda ye ka taga silamaya ni sunna ma.
7.﴾ siraatɔ lazhiina anhamta alɛyhim gayril magduubi alɛyhim wala dɔɔliin 7} N’be mɔgɔw ka sira le ma, I ka nɛma kɛ mɔgɔ minuw ye, ma fɔ mɔgɔw ka sira I dimina minuw ma ani minuw filila. O Kɔrɔ: Alla ka jon ɲumanw ka sira minuw ye kiraw ni minuw tugu la o kɔ , ma fɔ Nasaraw ni Yawdiyaw ka sira.
- A kanuni le, an y’a fɔ fatiha sura kalani kɔfɛ ko: “Aamiin,” o kɔrɔ ye ko: An jabi an tigi Alla.

J: Suratu Al-Zalzalah n’a kɔrɔfɔli:
🎧 Bismi Laahi Rahmaani Rahiim.
🎧 {Izhaa zulzilatil ardhu zilzaalahaa 1 🎧 wa akhrajatil ardhu athqɔɔlahaa 2 🎧 waqɔɔlal insaanu maa lahaa 3 🎧 yawma'izhin tuhaddithu akhbaarahaa 4 🎧 bi'anna rabbaka awhaa lahaa 5 🎧 yawma'izin yasduru naasu ashtaatan liyuraw ahmaalahum 6 🎧 Faman yahamal mithqɔɔla zharratin khayran yarah 7 🎧 waman yahamal mithqɔɔla zharratin sharran yarah. [Suratu Al Zalzalah: 1-8].
Kɔrɔfɔli:
1.{Izhaa zulzilatil ardhu zilzaalahaa 1}: Tuma min na dugukolo bena yɛrɛyɛrɛ yɛrɛyɛrɛli cɔgɔya la. Tuma min na dugukolo be na la yɛrɛyɛrɛ, yɛrɛyɛrɛli ko jugu la kiyama lɔn na.
2. {wa akhrajatil ardhu athqɔɔlahaa 2}: Dugukolo bena a kɔnɔ fɛnw bɔ. Dugukolo bena fɛn la bɔ fɛn minuw tunbe dugukolo kɔnɔ ka bɔ suw la ani fɛn gɛrɛw .
3.{waqɔɔlal insaanu maa lahaa 3}: Adamanden bena fɔ ko mun le be dugukolo la: Adamandɛn be i kanto, o hakili wilini le ani o kabakoyani le: Mun le be dugukolo la fɔ a be lamagalamaga la ani a be yɛrɛyɛrɛ la ten?!
4.{yawma'izhin tuhaddithu akhbaarahaa 4}: O lon na, a bena a ka kibaroyaw fɔ. O lɔnba la, ko ɲuman ni kojugu min kɛla dugukolo kan, dugukolo bena o bɛɛ lakari.
5.{bi anna rabbaka awhaa lahaa 5 Sabula a Matigi le ka cila bila a ma 5}: Sabula Alla le k'a lalɔnniya ani k'a yamaruya o la.
6. {yawma'izhin yasduru naasu ashtaatan liyuraw ahmaalahum 6}: O lɔn na, mɔgɔw bena bɔ jamakuluw la, sabula mɔgɔw ka se ka o ka baraw ye. O lɔnba la, dugukolo bena yɛrɛyɛrɛ tuma min na, mɔgɔw bena bɔ jatebɔ kɛnɛ la jamakulu jamakulu, ka taga seriya o ka bara minuw kɛ duniya kɔnɔ.
7. {Faman yahamal mithqɔɔla zharratin khayran yarah 7}: O la, mɔgɔ o mɔgɔ be ɲumanya kɛ mɛnɛmɛnɛni fitini giriya ɲɔgonna la, o tigi bena o sara ye. Mɔgɔ o mɔgɔ be bara ɲumanw kɛ ani hɛrɛkow, minuw giriya be se mɛnɛmɛnɛni ma, o tigi bena o ye a ɲan kɔrɔ.
8. {waman yahamal mithqɔɔla zharratin sharran yarah 8}: Ani mɔgɔ o mɔgɔ ka kojugu kɛ mɛnɛmɛnɛni fitini giriya ɲogɔnna la, o tigi bena o ye. Ni mɔgɔ o mɔgɔ ka bara jugu kɛ min giriya ye mɛnɛmɛnɛni fitini giriya ɲɔgɔnna ye , o tigi bena o ye a ɲan kɔrɔ.

J: Suratu Al Haadiyat n’a kɔrɔfɔli:
🎧 Bisۡmillahi rahmaani rahiim.
🎧 { wal’aadiati dɔbhaa 1 🎧 falmuuriyaati qadɛhaa 2 🎧 falmughiiraati subhaa 3 🎧 fa'atharna bihii nakɔhaa 4 🎧 fawasatɔna bihii jamhaa 5 🎧 innal'insana lirabbihi lakanuudɛ 6 🎧 wa'innahu halaa zhaalika lashahiidɛ 7 🎧 wa'innahu lihubbilkhayri lashadidɛ 8 🎧 afalaa ya’alamu izhaa buothira ma filqubuur 9 🎧 wahussila ma fisudur 10 🎧 inna rabbahum bihim yawma'izhine lakhabir 11} [Suratu Al haadiyat: 1-11].
O Kɔrɔfɔli:
1. { Alla b’i kali soow la minuw be bori, u kɔnɔw be mankan bɔ}: Alla b’i kali soow la minuw be boli teliya la, fɔ o kɔnɔ mankan be mɛn o ka bori fanga ko jugu kɔson.
2. {Alla b’i kali soow la soow minuw senw be Tasuma kami mɛnɛ o bori tɔ la 2}: Ani a be kali soow la minuw senw be tasuma kami mɛnɛ tuma min na n'a magala faraw la, u senw fanga kɔson faraw kan.
3. {Alla b’i kali sow la minuw be sori ka bɛn kafiriw kan sɔgɔma 3}: Ani, Alla b’i kali soow la minuw be sori ka juguw kɛlɛ sɔgɔma.
4. {O be buguri wuli o boli tɔ 4}: O be buguri wuli o bori tɔ la.
5. { be kafirijama cɛci 5}: soow be juguw jama cɛci ni o ka sotigiw ye.
6. {Canan , adamaden kagana ka gɛlɛ a Matigi ma 6}: Canan Adamaden be ɲumanya kumaniya a yɛrɛ ma, a tigi ye min laɲini a ye.
7. { Ani, Ale yɛrɛ be o sereya baga ba ye 7}: Ani a ka ɲumanya balili la, a yɛrɛ be sereya baga ye, a te se k’o sɔsɔ a gɛliko jugu boro.
8. { Ani, ɲumanya ka di a ye kosɔbɛ 8}: Komi a be wari kanu kojugu, a be tɛgɛ gɛlɛya kɛ a la.
9. {Yala a te a lɔn ko tuma min na ni kaburu kɔnɔ fenw lakunu la}: Yala adamanden ni min lafilini le duniya ɲɛnamaya kɔson, ale t’a lɔn ko ni Alla ye suw lakunu kabɔ kaburuw kɔnɔ k'o bɔ dugukolo kɔnɔ, kitibɔ ni sara kama, ko kow tena kɛ i n’a fɔ a tun b’a miri cogo min na wa?!
10. {Ani dusukunna fenw bena la kɛnɛ kan 10}: ani fɛn minuw be dusukun kɔnɔ ka bɔ ganiyaw ni dusukunna siriw ani ko gɛrɛw la o be la kɛnɛ kan ani a be gɛya.
11. {Canan, o Matigi, o lɔn na, A le ye o dugulen ye 11}: O lɔn na, o Matigi le be o bɛɛ dugulen ye. A la jonw ka ko sii te dogo A ma, ani A bena o sara o la.

J Suratu Al Qɔri’ah n’a kɔrɔfɔli:
🎧 Bismillahi rahmaani rahiim.
🎧 {AlQɔri’a 1 🎧 malQɔri’a 2 🎧 Wa ma adɛraaka malQɔri’a 3 🎧 yawma yakuunu naasu kalfarashil mabɛthuuth 4 🎧 watakuunul jibaalu kal ihnil manfuush 5 🎧 fa'ammaa man saqulat mawaziinuh 6 🎧 fahuwa fii hiishati'rraadiya 7 🎧 wa'ammaa man khaffat mawaaziinuh 8 🎧 fa'ummuhu haawiyah 9 🎧 wamaa 'adɛraaka maa hiyah 10 🎧 naarun hamiyah 11} [Suratu Alqɔriya: 1-11].
Kɔrɔfɔli:
Dusukun yɛrɛyɛrɛ lɔn. wagati min na mɔgɔw dusukunw bena yɛrɛyɛrɛ siranya kojugu kɔson.
2. { juma le be dusukunw yɛrɛyɛrɛ li lɔn ye 2}: wagati juma le la mɔgɔw dusu bena bɔ, o lɔn siranya kojugu buɲɛ kɔson ?!
3. {Ani mun le b’i lalɔnniya Qɔriya lɔn la? 3}: ya Ile Alla kira, wagati juma le la mɔgɔw dusu bena bɔ o siranya ko juguba kɔson? O lɔn ye kiyama lɔn ye.
4. {Lɔn min na mɔgɔw bena kɛ i nafɔ virivini jɛnsɛniw 4}: Lɔn min na mɔgɔw dusu bena bɔ, o bena kɛ i nafɔ virivini jɛnsɛniw fan bɛɛ la yɔrɔw la.
5. {Kuluw bena kɛ i nafɔ saga shi jɛnsɛni 5}: Kuluw bena kɛ i nafɔ saga shi gisini, a ka lamagali nɔgɔya la, n'a ka yɛlɛmani nɔgɔyali la.
6. {Ni Mɔgɔ minuw ka sumali mina giriya la 6}: Ni mɔgɔ min ka kɛwale ɲumanw cayala ka tɛmɛ a ka kɛwale juguw kan.
7. {Ale be ɲɛnamaya ɲuman la 7}: Ale be ɲɛnamaya ɲuma la diɲɛ kɛla min ma a b’o sɔrɔ aljɛnɛ kɔnɔ.
8. { Ani Ni mɔgɔ min ka sumali mina fɛgɛya la 8}: Ni mɔgɔ min ka bara juguw giriyala a ka bara ɲumanw kan.
9. {Ale sigi yɔrɔ ye Haawiya ye 9}: Ale sigi yɔrɔ ani a sabati yɔrɔ kiyama lɔn na o ye jahanama kɔnɔ.
10. {Fɛn juma le b’i la lɔnniya mun le ye hawiyah ye 10}: Yaa! Alla kira Fɛn juma le ka ile la lɔnniya fɛn min ye ni hawiyah ye?!
11. {tasuma min kalaya kabɔn kosɛbɛ 11}: O ye tasuma ye min kalaya kabɔn kosɔbɛ.

J : Suratu At Ttakathur n’a kɔrɔ:
🎧 Bismillaahi rahmaani rahiim.
🎧 {alhaakumu' ttakaathur 1 🎧 hattah zurtumul maqɔbir 2 🎧 kɛlla sawfa ta’alamuun 3 🎧 thumma kɛlla sawfa ta’alamuun 4 🎧 kɛlla law ta’alamuna ilm'alyaqiin 5 🎧 latarawunnal jahiim 6 🎧 thumma latarawunnahaa aynal yaqiin 7 🎧 thumma latus'alunna yawma'izhin ani'nnahiim 8 [suratu Attakathur: 1- 8].
Kɔrɔfɔli:
1. { waso ni nafolow ni denw ye aw sogola ka bɔ Alla bato ma 1}: waso ni nafolow ni denw ye alu adamadenw sogola ka bɔ Alla bato ma.
2. {fo aw tagala aw yɛrɛ sɔrɔ kaburuw kɔnɔ 2}: Fɔ aw sala, ka Taga dɔn aw kaburuw kɔnɔ.
3. {Canan, amiɛn o miɛn, aw bena alɔn 3}: A tun makan ko aw ye aw yɛrɛ sogoya kabɔ Alla bato ma waso kɔson ni nafolow ni denw ye, aw bena alɔn amiɛn o miɛn kɔlɔlɔ minuw be aw ya sogoyali la ani waso ɲɔgonna ye.
4. {O kɔfɛ amiɛn o miɛn aw bena alɔn 4}: O kɔfɛ amiɛn o miɛn aw bena a kɔlɔlɔ lɔn.
Canan, ni aw tun be alɔn dɛngɛnɛya la ko aw bena kunu saya kɔfɛ aw tun tena aw sogoya ni waso ɲɔgonna ye. Canan , n’i aw tun b’alɔn tigitigi ko aw bena segi ka taga Alla ma, ani ko aw bena sara aw ka kɛwalew la, aw tun tena aw yɛrɛ waso ɲɔgɔnna ni aka nafolo ni aka denw ye.
6. {aw bena jahanama ye siga t’a la 6}: N'kalena, siga t’a la, aw bena tasuma ye kiyamalɔ lɔn na.
7. { O kɔfɛ, siga t’a la, aw bena a ye ni dɛngɛnɛya Yeli la 7}: O kɔfɛ, aw bena sereya a kan dɛngɛnɛya sereya la sigasigali te mina.
8. {Ni o kɛla, siga t’a la, aw bena ɲininga o lɔn na nɛma kow la, nɛmaw la minuw kɛla aw ye}: O tuma na, Alla bena aw ɲininga o lɔn na, a ye min di aw ma, kɛnɛya la, nafolo ani fɛn gɛrɛw la.

Suratu Al Asr n’a kɔrɔfɔli:
🎧 Bismillaahi rahmaani rahiim.
🎧 { wal’asr 1 🎧 innal'insaana lafii khusr 2 🎧 3 illa lazhina aamanuu wa hamiluu sɔɔlihaat watawaasɔw bilhaqɔ watawaasɔw bissɔbr 3} [ Suratu Al Asr: 1-3].
Kɔrɔfɔli:
1. Alla B'i kali asru wagati la: Alla kɔrɔtani saniya masa b’i kali wagati la.
2. {Canan, adamadenw be bɔnɛ kɔnɔ 3}: O kɔrɔ: adamadenw bɛɛ be dɔgɔyama la ani halaki la.
3. {fɔ minuw limaniyala, ka kɛwale ɲumanw kɛ, ka ɲɔgon lali ni can ye, ka ɲɔgon lali muɲu la 3}: N'ga mɔgɔ minuw limaniyala ani ka kɛwale ɲumaw kɛ, n'ga o bɛ n’a ta, olugu be ɲɔgon wele ka son can ma, ani ka muɲu a kɔrɔ. Olu le be kisibagaw ye ka bɔ bɔnɔ ma.

Suratu Al Humazah n’a kɔrɔfɔli:
🎧 Bismillaahi rahmaani rahiim.
🎧 {Waylune likulli humazati lumazah 1 🎧 Alɛzhii jamaha maalan wa addadah 2 🎧 Yahsabu anna maalahu akhladah 3 🎧 Kɛlla layunbazhanna fil hutɔmah 4 🎧 Wa maa adɛraaka mal hutɔmah 5 🎧 Naaru Lahil muukɔdah 6 🎧 Alɛtii tattɔlihu alal af'idah 7 🎧 Innahaa alɛyhim muhsɔdah 8 🎧 Fi amadin mumaddadah 9} [Suratu Al Humazah: 1-9].
Kɔrɔfɔli:
1. {bɔnɛ be ɲan kami kami bagaw ye 1}: Halaki ni jankata juguma be kɔrɔfɔli kɛla juguw ye, ani lebuli kɛla juguw ye.
2. {Min k'a ka wari lajɛn ani ka jateminɛ 2}: Min ka hami ye wari lajɛn ye ani wari jateminɛ dɔrɔn ye, hami gɛrɛ t'a la o kɔ.
3. {Ale b’a miri ko a ka wari bena a bali saya ma wa 3}: Ale be ajigiya ko a ka wari min a ka lajɛn k'o bena ale kisi saya ma, Ola a bena to ni ɲɛnamaya ni kɔnɔ kudey.
4. {O kuma toy wallahi a bena fili hutɔma jahanama kɔnɔ 4}: Koɲan te inafɔ ni kunfi be amiri la cogoya min na, canan o bena ala fili jahanama tasuma kɔnɔ min be cili ani karili kɛ fɛn o fɛn fila a kɔnɔ a dimiko jugu boro.
5. {Mun le k’i la lɔnniya fen min ye hutɔma ye 5}: Fɛn juma le ka ile lalɔnniya Yaa! Alla kira ni tasuma la minbe fɛn o fɛn be fili a kɔnɔ a be o mugu mugu?!
6. {Alla ka tasuma le min be mɛnnɛ 6}: O ye Alla ka tasuma ye min be dimili kɛ.
7. {Min be mɛnnɛ dusukun kan 7}: Minbe dɔn mɔgɔw fari la fɔ ka taga se o dusukun na.
8. {A datuguni le o kan 8}: A datuguni le mɔgɔw kan minuw be jankata a kɔnɔ.
9. {O sirini le juru janw la 9}: Ni juru janw ye walasa o kana se ka bɔ a kɔnɔ.

Suratu Al Fiil n’a kɔrɔfɔli:
🎧 Bisۡmillahi rahmaani rahiim.
🎧 {alam tara kayfa fahala rabbuka bi'as'haabil fiil 1 🎧 alam yajɛhal kaydahum fii tadliil 2 🎧 wa arsala alɛyhim tɔyran abaabiil 3 🎧 tarmiihim bihijaaratin min sijjil 4 🎧 fajahalahum ka’asfin maakuul 5 [Suratu Al Fiil: 1-5].
Kɔrɔfɔli:
1. { I Matigi ye min kɛ sama tigiw la I m’o ye wa? 1}: Taa Alla kira! I m’alɔn I Matigi ye min kɛ abrahata n’a ka mɔgɔw la, minuw ye samatigiw ye, tuma min na o tun be fɛ ka AlKaaba ci wa?!
2. {Yala a ma o ka fɛrɛ kɛ fili ye wa? 2}: Alla y’o ka fɛrɛ jugu kɛ boro kolon bɔ ye gwansan, o la, o tunbe min fɛ, o ma o laɲini sɔrɔ n’o ye ka mɔgɔw lasu kabɔ AlKaaba ma, o ma foyi shi sɔrɔ a la .
3. {Alla ka kɔnɔw ci ka taga a o kama jamakuru jamakuru 3}: A ka kɔnɔw minuw ci o kama, o kɔnɔw nana o ma jamakuru jamakuru.
4. {O be o bɔn ni bɔgɔ jaran kabakuruw ye 4}: O be o bɔn ni bɔgɔjaran kabakuruw ye.
5. {A ka o kɛ i nafɔ bin min domuna ka ban bɛganw boro 5}: O kama, Alla y’o kɛ i nafɔ sɛnɛfɛn furaburu, bɛganw ye min ɲimi ani k’a dondon.

J: Suratu Al Quraysh n’a kɔrɔfɔli:
🎧 Bismillaahi rahmaani rahiim.
🎧 {li'iilaafi quraysh 1 🎧 iilaafihim rihlata shitaai wa sɔyf 2 🎧 falyahbuduu rabba hazhal bayt 3 🎧 allɛzhii atɔhamahum min juuhin wa aamanahum min khawf 4} [suratu Al quraysh: 1-4].
Kɔrɔfɔli:
1. {Kurayshiw ka tagama kosɔn 1}: O kɔrɔ ye min ye, o tun be min kɛ tagamako la nɛnɛ wagati ni samiya wagati la.
2. {O ka tagama, min ye nɛnɛ ni samiya, ani telemana tagama ye 2}: Nɛnɛ wagati tagama ka taga Yemen, ani telemana wagati tagama ka taga shaami, hakili sigi la.
3. {O kɔson, o ka ni so tigi bato 3}: O nɛmaw kɔson o ka Alla kelenpe le bato, ni so sanima tigi, min ka ni tagama nɔgɔya o ye, o kana fɛn gɛrɛ fara a kan.
4. {Ale min y’o ladomini kabɔ kongɔ ma, k’o latanga kabɔ siranya ma 4}: Min ka o ladomini ka bɔ kongɔ la, k’o hakili sigi ka bɔ siranya ma, k’a to Arabuw ka yɔrɔ sanima boɲɛ, ani k’a sigibagaw boɲɛ.

J: Suratu Al Maahuun n’a kɔrɔfɔli:
🎧 Bismillaahi rahmaani rahiim.
🎧 {ara'ayta lazhii yukazzhibu biddiin 1 🎧 fazhaalika lazhii yaduhhul yatiim 2 🎧 walaa yahuddu alaa tɔhaamil miskiin 3 🎧 fawaylun lilmusɔlliin 4 🎧 allazhiina hum an sɔlaatihim saahuun 5 🎧 allazhiina hum yuraa'uun 6 🎧 wayamnahuunal maahuun 7} [Suratu Al Maahuun: 1-7].
kɔrɔfɔli:
1. {Yala i ka mɔgɔ ye, minbe sara lon galɔntigɛya wa? 1}: Yala i ye mɔgɔ lɔn, min be sara galontigɛya kiyama lɔn na wa?!
2. {O ye mɔgɔ ye minbe yatimaden gɛn 2}: Ale le be yatimaden gɛn ka bɔ a makoya ma ni fanga ye.
3. {Ani a te lasu ka fangatan balo}: A t’a yɛrɛ lasu ani a te mɔgɔ gɛrɛ lasu fangatan ladomini la.
4. { bɔnɛ be selibagaw ye 4}: halakili ni tɔrɔ be selibagaw ye.
5. {selibaga minuw ɲina o ka seli ko 5}: Minuw te a janto o ka seliw la ani o te o janto a la fɔ a wagati be tɛmɛ.
6. {ani minuw be o yɛrɛ yira 6}: Minuw be yɛrɛ yira kɛ o ka seliw n’o ka kɛwalew la, ani o t'o ka kɛwalew kɛ Alla ye ni kɔnɔgɛya ye.
7. {ani o be dɛmɛli bali 7}: O be ban ka tɔw dɛmɛ cogo dɔ la, dɛmɛ min te mɔgɔ tɔrɔ.

J: Suratu Al-Kawthar n’a kɔrɔfɔli:
🎧 Bisۡmillaahi rahmaani rahiim.
🎧 {innaa ahtɔynaakal kawthar 1 🎧 fasɔlli lirabbika wanhar 2 🎧 inna shaani'aka huwal abɛtar 3} [Suratu Alkawthar: 1-3].
kɔrɔfɔli:
1. {Canan , an ye AlKawthara di i ma 1}: Canan , an ye ɲumanya caman di i ma - ile Alla kira- o dow ye Al-Kawthar kɔji ye minbe alijɛnɛ kɔnɔ.
2. {o la i ka seli i Matigi ye, ka kansɔgɔli kɛ A ye 2}: O la, i ka waleɲumanlɔn yira Alla la o nɛmaw kɔson n’i be seli a kelenpe ye ani ka saraka bɔ, na ma kɛ i nafɔ filankafow be min kɛ n’o be saraka bɔ o ka boliw ye.
3. { Canan , i juguw le kɔ tigɛ la 3}: Canan , i jugu ye mɔgɔ ye min kɔ tigɛla ka bɔ ɲumanya bɛɛ ma, ɲina kɛla min kɔ, n’a tɔgɔ fɔla, a tɔgɔ be fɔ ko juguma le la.

J: suratu Alkɛɛfiruuna ani a kɔrɔfɔli:
🎧 Bismillaahi rahmaani rahiim.
🎧 {Kul yaa ayyuhal kɛɛfiruun 1 🎧 Laa ahbudu maa tahbuduun 2 🎧 Walaa antum haabiduuna ma ahbudɛ 3 🎧 Walaa ana aabidun maa abadɛtum 4 🎧 Walaa antum aabiduuna ma ahbudɛ 5 🎧 Lakum diinukum waliya diin 6 [ Suratu Al Kɛɛfiruuna 1-6].
O Kɔrɔfɔli:
1. {A fɔ Yaa alu kafiriw 1}: Alla kira A fɔ -: yaa! Alu minu kafiriyala Alla ma.
2. {Ne te fɛn bato a be fɛn min bato la 2}: Ne te fɛn bato sisan ani lon nataw la alu be fɛn minuw bato la ka bɔ jow la.
3. {Alu te fɛn bato ne be min bato la 3}: Alu te fɛn bato ne yɛrɛ be min bato la, o ye Alla kelenpe ye.
4. {Ne te bato baga ye fɛn na lɔn nataw la aw ka minuw bato 4}: Ne fɛnɛni te fɛn bato alu ka fɛn minuw bato ka bɔ jow la.
5. {Alu fɛnɛ ma kɛ bato bagaw ye fɛn na ne be min bato la 5}: Alu fɛnɛ ma kɛ bato bagaw ye fɛn na ne be min bato, o ye Alla kelenpe ye.
6. {Aw ka diina ye aw ta ye, ne ka diina ye ne ta ye 6}: Aw ye a ka dina min labɛn aw yɛrɛ ye, o ye aw ta ye, Alla ka ne ka dina min jigi ne kan, o ye ne ta ye.

J: suratu Al Nasr kalan ani ka kɔrɔfɔ.
🎧 Bismilahi rahmaani rahiim.
🎧 {Izha jaa’a nasru Lahi wal fath 1 🎧 Waraaytan naasa yadɛkhuluna fii diini Laahi afwaadjaa 2 🎧 Fasabih bihamdi rabbika wastagfiruhu innahu kɛɛna tawwabaa 3} [Surutu A nnasr 1-3].
Kɔrɔfɔli:
1. Tuma min na ni Alla ka dɛmɛ nana ani maka dayɛrɛli 1}: Tuma min na ni Alla ka dɛmɛ nana ika diina kɔson Ile Alla kira- ani a ka bonya , ani Maka dayɛrɛli kɛ la.
2. {I bena mɔgɔw ye o be donna Alla ka dina la jamakuru jamakuru 2}: I bena mɔgɔw ye o bena dɔn Silamaya la jamakuru jamakuru kɔfɛ.
3. O la, I ye saniyalikɛ n'i tigi tanno bonyali, ani ka yafa ɲini a fɛ. Canan, a be yafa tuma bɛɛ 3}: A lɔn ko ni ye tagamasen ye min b’a yira ko i cira ci la ni fɛn min ye, o be surunyana a laban na, ko i ka wagati be surunyana, ko i ni i Matigi ka ɲɔgonye be surunyana. O la, i ka saniyalikɛ ni Matigi tanoli ye, k’a barikala nɛma sɔrɔli la, ani Maka dayɛrɛli kɔson, ka yafa ɲini a fɛ, sabula ale le ye yafabaga ba ye, a be son a ka jonw ka tubili ma ani a be yafa o ma.

J: Suratu Al Masad n’a kɔrɔfɔli:
🎧 Bismillaahi rahmaani rahiim.
🎧 {tabbat yadaa abi lahabin watabbɛ 1 🎧 maa agnaa anhu maaluhu wama kasabbɛ 2 🎧 sayaslaa naaran zaata lahabbɛ 3 🎧 wamra'atuhu hammalatal hatɔbbɛ 4 🎧 fii jiidihaa habɛlun min masadɛ 5} [Suratu Almasadɛ: 1-5].
kɔrɔfɔli:
1. {Abu Lahab boro fila halakila, ani a yɛrɛ! 1}: Nabi ɲuman belencɛ, Alla k’a nɛma ni kisi b’a ma, o min ye Abu Lahab min ye Abdul Muttɔlib dencɛ boro fila bɔnɔna a ka baraw bɔnɔni kɔson, i nafɔ a tunbe to ka tɔrɔya min lase Alla ka Nabi ɲuman ma, Alla k’a nɛma ni kisi b’a ma, a ka jijaliw kɛla gansan ye.
2. {A ka nafolo n’a ka sɔrɔ tena foyi ɲa a ma 2}: A ka nafolo n’a ka denw ye mun le ɲan a ma? O ma kisi ka bɔ jankatali ma , o ma makari fana lase a ma.
3. {A bena jɛni tasumaba kalama dɔ kɔnɔ 3}: Lakununi lɔnna, a bena dɔn tasuma kalama dɔ kɔnɔ,min ka funteni tɔrɔya ka bɔn.
4. {Ani a muso, lɔgɔ tabaga 4}: A muso, Ummu Jamil, min tunbe to ka tɔrɔ lase Nabi ɲuman ma, Alla k’a nɛma ni kisi b’a ma, a tun kɛla a be wɛnni fili kira ka sira kan, o bena dɔn tasuma kɔnɔ.
5. {Juru dɔ b’a kan na,min ladinɛna ni tamarojuru ye 5}: 5. Juru dɔ b’a kan na min fasani le kosɔbɛ, o bena sama ni o juru ye ka taga tasuma na.

J: Suratu Al Ikhlas n’a kɔrɔfɔli:
🎧 Bismillahii rahmaani rahiim.
🎧 {qul huwa Llaahu ahadɛ 1 🎧 Allaahu sɔmadɛ 2 🎧 lam yalidɛ walam yuuladɛ 3 🎧 walam yakun lahu kufuwan ahad. [ Surutu Al ikhlaas: 1-4].
kɔrɔfɔli:
1. {A fɔ ko: Alla ye kelen ye 1}: A fɔ, Alla kira: ko Alla ye, tigi gɛrɛ tɛy ni ale tɛ.
2. {Alla le ye kɛrɛkɛrɛni masa ye 2}: O kɔrɔ, danfɛnw makow be kɔrɔta ka taga ale le fɛ.
3. {A ma den wolo, mɔgɔ fana m'a wolo 3}: Den t’a fɛ, saniya b’a ye, facɛ fana t’a fɛ.
4. {ani jɛnɲɔgon fana t’a la 4}: A ka danfɛnw cɛma, mɔgɔ si tɛy minbe se ka suma a ma.

J: suratu Al Falakɔ kalanli ani a kɔrɔfɔli.
🎧 Bismillaahi rahmaani rahiim.
🎧 {Kul ahuuzhu birabbil falakɔ 1 🎧 Min sharri ma khalakɔ 2 🎧 Wa min sharri gaasikin izhaa wakɔbɛ 3 🎧 Wa min sharri naffaasaati fil ukɔdɛ 4 🎧 Wa min sharri haasidin izhaa hasadɛ 5} [Suratu Al Falakɔ: 1-5].
Kɔrɔfɔli:
1. {A fɔ: «Ne be karifa ɲini fajari kɛnɛ cibaga fɛ 1}: A fɔ Yaa Alla kira! ne be tanga ɲini sɔgɔmada tigi le fɛ, ani Ne be n’ yɛrɛ jigi sɛmɛya ale le fɛ.
2. {Kabɔ fɛn tɔrɔ ma a ye min dan 2}: Kabɔ fɛn juguya ma minbe mɔgɔw tɔrɔ ka bɔ danfɛnw la.
3. {Ani ka bɔ sufɛyɔrɔ tɔrɔya ma, tuma min ni su kola 3}: Ani ne be tanga ɲini Alla fɛ kabɔ fɛnw tɔrɔya ma minuw be bɔ sufɛ ka bɔ bɛganw ni sonw la.
4. {Ani ka bɔ tafo kɛlaw ka juguya ma 4}: Ani ne be tanga ɲini ka bɔ dabali kɛlaw ka juguya ma minuw be dajitu tafow la.
5. {Ani ka bɔ hasidi ka juguya ma tuma min na abe hasidiya kɛla 5}: Ka bɔ hasidi ɲangow ka juguya ma, minbe mɔgɔw kɔniya n’a be o ɲangoya la, Alla ye nɛma minuw di o ma, a b’a fɛ k’o bɔsi o la ani ka tɔrɔya lase o ma.

J: Suratu An Naas kalan ani kɔrɔfɔli.
🎧 Bismillahi rahmaani rahiim.
🎧 {Kul ahuuzhu birabbi nnaas 1 🎧 Maaliki nnaas 2 🎧 Ilaahi nnaas 3 🎧 Min sharril waswaasil khannaas 4 🎧 Alazhii yuwaswisu fii suduuri nnaas 5 Minal jinnati wa nnaas 6} [ Suratu An Naas: 1-6].
Kɔrɔfɔli:
1. {A fɔ Ile Alla kira Muhammadu me tanga ɲini adamandenw Matigi fɛ 1}: A fɔ Yaa Alla kira! -: me tanga ɲini adamandenw Matigi fɛ, ani Ne be ne yɛrɛ jigi sɛmɛ Ale le la.
2. {Adamandenw marabaga 2}: A be kow kɛ o la a sago la, tigi gɛrɛ te o la ni Ale tɛ.
3. {Adamadenw ka bato masa 3}: O kakan ka min bato canan lakika la, batofɛn lakika gɛrɛ t’o fɛ ni Ale Alla tɛ.
4. {Ka bɔ sikasika kɛla ka juguya ma min ye sitana ye ni abe dogo tun ma min ni Alla tɔgɔ fɔla 4}: Ka bɔ sitana juguya ma minbe a ka sikasika fili mɔgɔw la.
5. {Minbe sikasika bila mɔgɔw dusukun la 5}: A be a ka sikasika bila adamandenw dusu la.
6. {Ka bɔ jinanw ni mɔgɔw la 6} O kɔrɔ ye: sikasika kɛla a be se ka kɛ adamaden ye walima jinɛ ye.
********