ߖ- ߘߟߊߞߊߟߊ߲ ߝߐߘߊ ߣߴߊ߬ ߞߘߐߦߌߘߊ؟
﴿ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫ 1 ߕߊ߲߬ߘߏ ߓߍ߯ ߦߋ߫ ߖߊ߯ߓߊ ߟߎ߬ ߕߌ߱ ߊߟߊ߫ ߕߊ߫ ߟߋ߬ ߘߌ߫ 2 ߡߊ߬ߤߌ߬ߣߊ߬ߟߊ߫ ߤߌߣߟߊ 3 ߛߙߊ߬ߟߌ ߟߏ߲ ߡߙߊ߬ߓߊ߮ 4 ߊ߲ ߧߴߌߟߋ߫ ߟߋ߬ ߓߊ߬ߕߏ߬ ߟߊ߫ ߸ ߊ߬ ߣߴߊ߲ ߧߋ߫ ߡߊ߬ߘߍߡߍ߲ ߢߌߣߌ߲߫ ߠߴߌߟߋ ߟߋ߬ ߟߊ߫ 5 ߊ߲ ߞߊ߲ߘߊ߫ ߛߌߟߊߣߐ߲߯ ߘߐߥߛߊ߬ߣߍ߲߫ ߕߟߋߣߍ߲ ߞߊ߲߬ 6 ߌ ߦߌߟߌ߲ߠߍ߲ ߡߍ߲ ߠߎ߬ ߡߵߏ߬ ߟߎ߬ ߟߊ߫ ߛߌߟߊߣߐ߲߯ ߘߐߥߛߊ߬ߣߍ߲ ߸ ߡߐߣߍ߲ߒߡߊ߭ ߟߎ߬ ߣߌ߫ ߝߟߌ߬ߓߊ߲߬ߒߕߋ ߟߎ߬ ߕߊ ߕߊ߬ߣߊ 7} [ߘߟߊߞߊߟߊ߲ ߝߐߘߊ: 1-7]
ߞߘߐߦߌߘߊ:
ߊ߬ ߕߐ߯ߟߊߣߍ߲߫ ߠߋ߬ ߞߏ߫ ߘߟߊߞߊߟߊ߲ ߓߊߏ߬ ߸ ߊߟߊ߫ ߟߊ߫ ߟߙߍߓߊ ߦߋ߫ ߘߟߊߞߊ߬ ߟߴߊ߬ߟߋ ߟߋ߬ ߟߊ߫.
{بِسۡمِ ٱللَّهِ ٱلرَّحۡمَٰنِ ٱلرَّحِيمِ} 1- ﴿ ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫﴾ 1 ߊߟߊ߫ ߕߐ߮ ߟߊ߫ ߒ ߧߋ߫ ߞߎ߬ߙߊ߬ߣߊ ߞߊ߬ߙߊ߲ ߘߊߡߌ߬ߘߊ߬ ߟߊ߫، ߘߡߍ߬ߣߌ߲߬ ߢߌߣߌ߲ߓߊ߯ ߘߌ߫ ߞߘߐߕߊ߬ߣߍ߲߬ߓߊ ߝߍ߬، ߒ߬ߓߊ߬ߘߍ߰ߓߊ߯ ߘߴߊ߬ ߕߐ߮ ߟߊ߫.
﴿ߊߟߟߊ߯ߤߏ﴾ ߓߊ߬ߕߏ߬ߕߊ߫ ߡߍ߲߫ ߖߏ ߦߋ߫، ߊ߬ ߕߣߊ߬ ߕߍ߫ ߕߐ߯ ߟߊ߫ ߟߊ߫ ߡߍ߲߫ ߠߊ߫ ߸ ߛߊߣߌ߲ߧߊ߫ ߦߴߊ߬ ߦߋ߫.
﴿ߊߙߙߊߤ߭ߑߡߊ߯ߣߌ߫﴾ ߡߊ߬ߤߌ߬ߣߊ߬ߟߊ: ߤߌߣߊ߫ ߘߐߥߛߊ߬ߣߍ߲ ߕߌ߭ ߡߍ߲߫ ߠߊ߫ ߤߌߣߊ ߘߐߥߛߊ߬ߣߍ߲ ߝߋ߲߫ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߡߊ߬.
﴿ߊߙߙߊߤ߭ߌ߯ߡ﴾ ߤߌߣߟߊ: ߤߌߣߊ߫ ߞߍߙߍ߲ߞߍߙߍ߲ߣߍ߲ ߦߋ߫ ߡߍ߲߫ ߓߟߏ߫ ߟߌ߬ߡߣߊ߬ߦߊ߬ߓߊ߮ ߟߎ߬ ߦߋ߫.
{ٱلۡحَمۡدُ لِلَّهِ رَبِّ ٱلۡعَٰلَمِينَ} 2- ﴿ߕߊ߲߬ߘߏ ߓߍ߯ ߦߋ߫ ߖߊ߯ߓߊ ߟߎ߬ ߕߌ߭ ߊߟߊ߫ ߕߊ߫ ߟߋ߬ ߘߌ߫ 2﴾ ߕߊ߲߬ߘߏ ߣߌ߫ ߘߝߊߟߌ ߛߎ߯ߦߊ ߓߍ߯ ߟߊߘߍ߬ߣߍ߲ ߦߋ߫ ߊߟߊ߫ ߞߋߟߋ߲ ߕߊ ߟߋ߬ ߘߌ߫.
{ٱلرَّحۡمَٰنِ ٱلرَّحِيمِ} 3- ﴿ ߡߊ߬ߤߌ߬ߣߊ߬ߟߊ߫ ߤߌߣߟߊ 3﴾ ߤߌߣߊ߫ ߘߐߥߛߊ߬ߣߍ߲ ߕߌ߭ ߡߍ߲߫ ߠߊ߫ ߤߌߣߊ ߘߐߥߛߊ߬ߣߍ߲ ߝߋ߲߫ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߡߊ߬، ߊ߬ ߣߌ߫ ߤߌߣߊ߫ ߟߊߕߎ߲߬ߣߍ߲ ߟߌ߬ߡߣߊ߬ߦߊ߬ߓߊ߮ ߟߎ߬ ߦߋ߫.
{مَٰلِكِ يَوۡمِ ٱلدِّينِ} 4- ﴿ߛߙߊ߬ߟߌ ߟߏ߲ ߡߙߊ߬ߓߊ߮4﴾: ߏ߬ ߟߋ߬ ߟߐ߬ߓߊ ߟߏ߲ ߘߌ߫.
{إِيَّاكَ نَعۡبُدُ وَإِيَّاكَ نَسۡتَعِينُ} 5- ﴿ߊ߲ ߧߴߌߟߋ߫ ߟߋ߬ ߓߊ߬ߕߏ߬ ߟߊ߫ ߸ ߊ߬ ߣߴߊ߲ ߧߋ߫ ߡߊ߬ߘߍߡߍ߲ ߢߌߣߌ߲߫ ߠߴߌߟߋ ߟߋ߬ ߟߊ߫ 5﴾: ߊ߲ ߧߴߌߟߋ ߞߋߟߋ߲߫ ߠߋ߬ ߓߊ߬ߕߏ߬ ߟߊ߫ ߊ߲ ߣߴߊ߲ ߧߋ߫ ߡߊ߬ߘߍߡߍ߲ ߢߌߣߌ߲߫ ߠߴߌߟߋ ߞߋߟߋ߲߫ ߠߋ߬ ߟߊ߫.
{ٱهۡدِنَا ٱلصِّرَٰطَ ٱلۡمُسۡتَقِيمَ} 6- ﴿ߊ߲ ߞߊ߲ߘߊ߫ ߛߌߟߊߣߐ߲߯ ߘߐߥߛߊ߬ߣߍ߲߫ ߕߟߋߣߍ߲ ߞߊ߲߬ 6﴾ : ߏ߬ ߟߋ߬ ߞߊ߲ߘߦߊ ߘߌ߫ ߞߊ߬ ߕߊ߯ ߛߌ߬ߟߊ߬ߡߦߊ ߡߊ߬.
{صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ وَلَا ٱلضَّآلِّينَ} 7- ﴿ ߌ ߦߌߟߌ߲ߠߍ߲ ߡߍ߲ ߠߎ߬ ߡߵߏ߬ ߟߎ߬ ߟߊ߫ ߛߌߟߊߣߐ߲߯ ߘߐߥߛߊ߬ߣߍ߲ ߸ ߡߐߣߍ߲ߒߡߊ߭ ߟߎ߬ ߣߌ߫ ߝߟߌ߬ߓߊ߲߬ߒߕߋ ߟߎ߬ ߕߊ ߕߍ߫ 7﴾ : ߊߟߊ߫ ߟߊ߫ ߖߐ߲߬ ߓߘߍ߫ ߟߎ߬ ߟߊ߫ ߛߌߟߊ ߸ ߞߵߊ߬ ߡߌ߬ߘߊ߬ ߟߊ߬ߝߐ߬ߓߊ߮ ߟߎ߬ ߡߊ߬ ߸ ߊ߬ ߣߌ߫ ߡߍ߲ ߠߎ߬ ߓߊ߯ ߕߎ߲߬ ߏ߬ ߟߎ߬ ߞߐ߫ ߡߍ߲߫ ߣߌ߫ ߣߊ߬ߛ߫ߐ߯ߙߊ ߟߎ߬ ߣߌ߫ ߦߊ߬ߤߎ߯ߘߎ ߟߎ߬ ߟߊ߫ ߛߌߟߊ ߕߍ߫ ߞߋߟߋ߲߫ ߘߌ߫.
- ߊ߬ ߦߋ߫ ߕߊ߯ߛߌߟߦߊߟߊ ߞߴߏ߬ ߦߴߊ߬ ߝߐ߫ ߸ ߊ߬ ߓߊ߯ ߓߊ߲߫ ߞߊ߬ߙߊ߲߬ ߠߊ߫ ߞߏ߫: (ߊ߰ߡߌߣ) ߏ߬ ߞߘߐ ߟߋ߬ ߞߏ߫: ߊ߬ ߡߌ߬ߘߵߊ߲ ߦߋ߫.

ߖ: ߦߙߍߦߙߍ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
ߣߌ߫ ߘߎ߱ ߦߙߍߦߙߍ߫ ߘߴߊ߬ ߟߊ߫ ߦߙߍߦߙߍߟߌ ߟߊ߫ ߕߎ߬ߡߊ ߡߍ߲ 1 ߊ߬ ߣߌ߫ ߣߌ߫ ߘߎ߱ ߞߵߊ߬ ߜߟߌߡߊ߲ ߠߎ߬ ߟߊߓߐ߫ 2 ߡߐ߱ ߘߴߊ߬ ߝߐ߫ ߞߏ߫ ߡߎ߲߬ ߦߴߊ߬ ߟߊ߫ 3 ߊ߬ ߘߴߊ߬ ߖߊ߲߬ߖߏ߲ ߠߎ߬ ߢߊߝߐ߫ ߏ߬ ߟߏ߲ 4 ߓߊߏ߬ ߸ ߌ ߕߌ߭ ߓߘߴߊ߬ ߦߟߌߘߏ߲߬ 5 ߸ ߡߐ߱ ߟߎ߬ ߝߘߊߝߘߊߣߍ߲ ߞߐߛߊ߬ߦߌ߲߬ ߕߴߏ߬ ߟߏ߲ ߠߋ߬ ߸ ߛߴߊ߬ߟߎ߬ ߗߋߥߊߟߌ ߟߎ߬ ߘߌ߫ ߦߌ߬ߘߴߊ߬ߟߎ߬ ߟߊ߫ 6 ߒ߬ߓߊ߬ ߸ ߣߌ߫ ߡߍ߲ ߘߏ߲߬ ߞߊ߬ ߝߕߌ߫ ߖߌߘߊ߲ߣߍ߲߫ ߢߐ߲߰ ߤߙߊ߫ ߞߍ߫ ߸ ߏ߬ ߘߴߏ߬ ߦߋ߫ 7 ߣߌ߫ ߡߍ߲ ߞߊ߬ ߝߕߌ߫ ߖߌߘߊ߲ߣߍ߲߫ ߢߐ߲߰ ߖߎ߯ߡߊ߲߫ ߓߊ߯ߙߊ߫߸ ߏ߬ ߘߴߏ߬ ߦߋ߫ 8 [ߦߙߍߦߙߍ ߝߐߘߊ: 1-8].
ߞߘߐߦߌߘߊ:
{إِذَا زُلۡزِلَتِ ٱلۡأَرۡضُ زِلۡزَالَهَا} 1- ߣߌ߫ ߘߎ߱ ߟߊߦߙߍߦߙߍ߫ ߘߴ ߊ߬ ߟߊ߫ ߦߙߍߦߙߍߟߌ ߟߊ߫ ߕߎ߬ߡߊ ߡߍ߲
1﴾: ߣߌ߫ ߘߎ߱ ߟߊߡߊ߬ߟߊߡߊ߬ ߘߊ߫ ߟߡߊ߬ߟߡߊ߬ ߜߍߟߍ߲ ߠߊ߫، ߏ߬ ߡߍ߲ ߞߍ߫ ߕߐ߫ ߊ߬ ߟߊ߫ ߟߐ߬ߓߊ ߟߏ߲.
{وَأَخۡرَجَتِ ٱلۡأَرۡضُ أَثۡقَالَهَا} 2- ﴿ߊ߬ ߣߌ߫ ߘߎ߱ ߓߴ ߊ߬ ߜߟߌߡߊ߲ ߠߎ߬ ߟߊߓߐ߫ ߕߎ߬ߡߊ ߡߍ߲ 2﴾ : ߘߎ߱ ߦߋ߫ ߟߊ߬ߓߐ߬ߟߌ ߞߍ߫ ߝߋ߲߫ ߠߊ߫ ߡߍ߲ ߦߴߊ߬ ߞߣߐ ߞߊ߬ ߓߐ߫ ߛߎ߱ ߟߎ߬ ߣߴߊ߬ ߢߐ߲߬ߘߐ ߟߎ߬ ߘߐ߫.
{وَقَالَ ٱلۡإِنسَٰنُ مَا لَهَا} 3- ﴿ߊ߬ ߣߌ߫ ߡߐ߱ ߓߊ߯ ߊ߬ ߝߐ߫ ߕߎ߬ߡߊ ߡߍ߲ ߞߏ߫ ߡߎ߲߬ ߦߴߊ߬ ߟߊ߫ 3﴾: ߊ߬ ߣߌ߫ ߡߐ߱ ߞߣߐ߬ߘߐ߬ߝߟߌ߬ߓߊ߰ߕߐ ߘߴߊ߬ ߝߐ߫ ߞߏ߫: ߡߎ߲߬ ߦߋ߫ ߘߎ߱ ߟߊ߫ ߞߏ ߘߐ߫ ߸ ߊ߬ ߦߋ߫ ߟߡߊ߬ߟߡߊ߬ ߟߊ߫ ߞߊ߬ ߜߊߙߊ߲ߜߊߙߊ߲!
{يَوۡمَئِذٖ تُحَدِّثُ أَخۡبَارَهَا} 4- ﴿ߊ߬ ߘߴߊ߬ ߖߊ߲߬ߖߏ߲ ߠߎ߬ ߢߊߝߐ߫ ߏ߬ ߟߏ߲ 4﴾ : ߘߎ߱ ߦߋ߫ ߢߊߝߐߟߌ ߞߍ߫ ߟߴߏ߬ ߟߏ߲ ߠߋ߬ ߝߋ߲߫ ߠߊ߫ ߡߍ߲ ߓߊ߯ߙߊ ߘߴߊ߬ ߞߐߞߊ߲߬ ߤߙߊ ߣߌ߫ ߖߎ߯ߡߊ߲ ߘߐ߫.
{بِأَنَّ رَبَّكَ أَوۡحَىٰ لَهَا} 5- ﴿ ߌߟߋ ߡߊ߰ߙߌ ߟߋ߬ ߣߵߊ߬ ߦߟߌߘߏ߲߬ ߠߴߏ߬ ߘߌ߫ 5﴾ : ߓߊߏ߫ ߸ ߊߟߊ߫ ߞߵߊ߬ ߟߊ߫ ߟߐ߲ߠߌ߲ߧߊ߫ ߞߵߊ߬ ߖߊߡߊ߬ߙߌ߫ ߏ߬ ߟߊ߫
{يَوۡمَئِذٖ يَصۡدُرُ ٱلنَّاسُ أَشۡتَاتٗا لِّيُرَوۡاْ أَعۡمَٰلَهُمۡ} 6- ﴿ ߏ߬ ߕߎ߬ߡߊ ߟߋ߬ ߡߐ߱ ߟߎ߬ ߝߣߊ߫ ߝߘߊߝߘߊߣߍ߲ ߞߐߛߊ߬ߦߌ߲߬ ߟߏ߲ ߘߌ߫ ߸ ߛߴߊ߬ߟߎ߬ ߗߋߥߊߟߌ ߟߎ߬ ߘߌ߫ ߦߌ߬ߘߴߊ߬ߟߎ߬ ߟߊ߫ 6﴾ : ߏ߬ ߟߏ߲ ߦߋ߫ ߟߏ߲߫ ߓߟߋߓߟߋ ߟߋ߬ ߘߌ߫، ߟߊ߬ߖߌ߰ߟߌ ߦߋ߫ ߞߍ߫ ߟߴߏ߬ ߟߏ߲߫ ߠߋ߬ ߘߎ߱ ߞߊ߲߬، ߡߐ߱ ߟߎ߬ ߘߌ߫ ߓߐ߫ ߖߊ߬ߕߋ߬ߓߐ ߦߌߟߊ ߊ߬ߟߎ߬ ߟߊߖߍ߲ߛߍ߲ߣߍ߲߫، ߛߴߊ߬ߟߎ߬ ߘߌ߫ ߝߋ߲߬ ߘߐߜߍ߫ ߸ ߊ߬ߟߎ߬ ߞߊ߬ ߡߍ߲ ߓߊ߯ߙߊ ߘߎߢߊ ߘߐ߫.
{فَمَن يَعۡمَلۡ مِثۡقَالَ ذَرَّةٍ خَيۡرٗا يَرَهُۥ} 7- {ߒ߬ߓߊ߬ ߸ ߣߌ߫ ߡߍ߲ ߘߏ߲߬ ߞߊ߬ ߝߕߌ߫ ߖߌߘߊ߲ߣߍ߲߫ ߢߐ߲߰ ߤߙߊ߫ ߓߊ߯ߙߊ ߏ߬ ߘߴߏ߬ ߦߋ߫ 7}: ߣߌ߫ ߡߍ߲߫ ߞߊ߬ ߡߣߍߡߣߍ ߖߌߘߊ߲ ߢߐ߲߬ ߓߊ߯ߙߊ ߤߙߊ ߣߌ߫ ߢߌ߬ߡߊ߬ߦߊ ߓߊ߯ߙߊ ߟߎ߬ ߘߐ߫, ߊ߬ ߘߴߏ߬ ߦߴߊ߬ ߢߊ߫ ߞߘߐ߫.
{وَمَن يَعۡمَلۡ مِثۡقَالَ ذَرَّةٖ شَرّٗا يَرَهُۥ} 8- { ߣߌ߫ ߡߍ߲ ߞߊ߬ ߝߕߌ߫ ߖߌߘߊ߲ߣߍ߲߫ ߢߐ߲߰ ߖߎ߯ߡߊ߲߫ ߓߊ߯ߙߊ ߸ ߏ߬ ߘߴߏ߬ ߦߋ߫ 8}: ߣߌ߫ ߡߍ߲ ߞߵߊ߬ ߖߌߘߊ߲ ߢߐ߲߬ ߓߊ߯ߙߊ ߸ ߓߊ߯ߙߊ߫ ߖߎ߮ ߟߎ߬ ߘߐ߫ ߊ߬ ߘߴߏ߬ ߦߋ߫.

ߛߏ߬ ߜߊ߬ߛߊ ߟߊ߫ ߟߎ߬ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
{ ߊ߬ ߦߋ߫ ߒ ߣߌ߫ ߛߏ߬ ߓߏ߬ߙߌ߬ߟߊ߬ߓߊ ߟߎ߬ ߕߍ߫ ߞߣߐ߫ ߘߐ߫ ߞߊ߲ ߘߌ߫ ߤߙߌߓߊߤߙߌߓߊ߫ 1 ߊ߰ ߦߋ߫ ߒ ߣߌ߫ ߛߏ߬ ߕߐߙߐ߲߫ ߕߊߕߍ߯ߟߊ ߟߎ߬ ߕߍ߫ ߞߊ߲߬ߞߙߎ߬ߜߍ ߘߐ߫ ߗߊߙߏ߫ 2 ߊ߰ ߦߋ߫ ߒ ߣߌ߫ ߝߌ߬ߙߌ߲߬ߕߊ߬ߥߏ߬ ߛߏ ߟߎ߬ ߕߍ߫ ߘߎ߬ߛߊ߬ߜߍ߬ߘߊ ߟߊ߫ ߔߙߌ߫ 3 ߞߊ߬ ߜߊ߲߬ߜߊ߲ ߘߙߎ߬ ߏ߬ ߟߊ߫ ߞߙߎߕߎߕߎ߫ 4 ߞߵߊ߬ߟߎ߫ ߝߟߌ߬ ߖߊ߬ߡߊ ߕߍߡߊ߬ ߔߙߊߎ߫ 5 ߤߊ߲߫ ߸ ߡߐ߱ ߝߌߛߙߌߥߊߟߋ߫ ߊ߬ ߕߌ߭ ߡߊ߬ 6 ߊ߬ ߖߍ߬ߘߍ ߘߏ߲߬ ߦߴߏ߬ ߛߙߋ ߘߌ߫ 7 ߊ߬ ߜߍ߬ߟߍ߲߬ߡߊ߲߬ߓߊ ߟߋ߬ ߘߏ߲߬ ߦߋ߫ ߤߙߊ ߟߊߘߌߦߊߢߍ ߘߐ߫ 8 ߊ߬ ߝߐ߫ ߊ߬ ߡߴߊ߬ ߟߐ߲߫ ߸ ߣߌ߫ ߡߐ߱ ߟߎ߬ ߟߊߥߟߌ߬ ߘߊ߫ ߕߎ߬ߡߊ ߡߍ߲ ߞߊ߬ ߓߐ߫ ߛߊ߬ߙߌ ߟߎ߬ ߘߐ߫؟ 9 ߊ߬ ߣߌ߫ ߞߊ߬ ߛߌߛߌ ߟߎ߬ ߘߐ߫ ߞߏ ߟߎ߬ ߟߊ߲ߞߣߍߡߊ߫ 10 ߊ߬ߟߎ߬ ߕߌ߭ ߦߴߊߟߎ߫ ߞߟߊ߬ߡߊ߬ߓߊ߯ ߟߋ߬ ߘߌ߫ ߏ߬ ߟߏ߲ 11} [ߛߏ߬ ߜߊ߬ߛߊ ߟߊ߫ ߟߎ߬ ߝߐߘߊ : 1-11].
ߞߘߐߦߌߘߊ:
{وَٱلۡعَٰدِيَٰتِ ضَبۡحٗا} 1- { ߊ߬ ߦߋ߫ ߒ ߣߌ߫ ߛߏ߰ ߣߌߟߊߞߟߌ߫ ߞߊ߲ߓߊߕߌ߮ ߟߎ߬ ߕߍ߫1} ߊߟߊ߫ ߓߘߴߊ߬ ߞߊ߬ߟߌ ߛߏ߭ ߟߎ߬ ߟߊ߫ ߸ ߡߍ߲ ߠߎ߬ ߦߋ߫ ߓߏ߬ߙߌ߬ ߟߊ߫ ߝߏ߫ ߊ߬ߟߎ߬ ߣߌߟߊߞߟߌ߫ ߞߊ߲ߓߊ ߘߌ߫ ߡߍ߲߫ ߓߏ߬ߙߌ ߟߊ߫ ߥߊ߬ߙߊ߫ ߡߊ߬.
{فَٱلۡمُورِيَٰتِ قَدۡحٗا} 2- { ߊ߬ ߦߋ߫ ߒ ߣߌ߫ ߛߏ߬ ߕߊߕߍ߯ߟߊ ߟߎ߬ ߕߍ߫ 2}: ߊ߬ ߓߘߴߊ߬ ߞߊ߬ߟߌ߬ ߛߏ߬ ߟߎ߫ ߟߊ߫ ߡߍ߲ ߠߎ߬ ߕߐߙߐ߲ ߦߋ߫ ߕߊ ߕߍ߰ ߟߊ߫ ߞߊ߲߬ߞߙߎ߬ߜߍ߬ ߞߓߊ ߘߐ߫ ߸ ߊ߬ ߛߋ߫ ߞߏߖߎ߯ߦߊ߫ ߡߴߊ߬ ߡߊ߬.
{فَٱلۡمُغِيرَٰتِ صُبۡحٗا} 3- { ߊ߬ ߦߋ߫ ߒ ߣߌ߫ ߝߌ߬ߙߌ߲߬ߕߊ߬ߥߏ߬ ߛߏ ߟߎ߬ ߕߍ߫ ߘߎ߬ߛߊ߬ߜߍ߬ߘߊ ߟߊ߫ 3}: ߊ߬ ߓߘߴߊ߬ ߞߊ߬ߟߌ߬ ߛߏ߭ ߟߎ߬ ߟߊ߫ ߡߍ߲ ߠߎ߬ ߦߋ߫ ߞߟߋ߬ߦߟߊ߫ ߖߎ߯ ߟߎ߬ ߡߊ߬ ߘߎ߬ߛߊ߬ߜߍ ߕߎ߬ߡߊ.
{فَأَثَرۡنَ بِهِۦ نَقۡعٗا} 4- { ߞߊ߬ ߜߊ߲߬ߜߊ߲ ߘߙߎ߬ ߏ߬ ߟߊ߫ 4}: ߓߏ߬ߙߌ ߟߡߊ߬ߟߡߊ߬ ߘߌ߫ ߜߊ߲߬ߜߊ߲ ߘߙߎ߬.
{فَوَسَطۡنَ بِهِۦ جَمۡعًا} 5- { ߞߵߊ߬ߟߎ߫ ߝߟߌ߬ ߖߊ߬ߡߊ ߕߍߡߊ߬ 5}: ߊ߬ߟߎ߬ ߘߌ߫ ߥߊ߫ ߟߐ߬ ߖߎ߮ ߟߎ߬ ߕߍߡߴߊ߬ߟߎ߬ ߟߊ߫ ߛߏ߭ ߟߎ߬ ߘߌ߫.
{إِنَّ ٱلۡإِنسَٰنَ لِرَبِّهِۦ لَكَنُودٞ} 6- { ߡߐ߱ ߝߌߛߙߌߥߊߟߋ߫ ߊ߬ ߕߌ߭ ߡߊ߬ 6}: ߡߐ߱ ߦߋ߫ ߤߙߊ ߞߎ߬ߡߊ߲߬ߘߌ߬ߟߌ߬ߓߊ߮ ߟߋ߬ ߘߌ߫ ߸ ߊ߬ ߕߌ߰ ߊߟߊ߫ ߦߋ߫ ߡߍ߲߫ ߢߌߣߌ߲ߣߴߊ߬ ߡߊ߬.
{وَإِنَّهُۥ عَلَىٰ ذَٰلِكَ لَشَهِيدٞ} 7- ߊ߬ ߖߍ߬ߘߍ ߦߴߏ߬ ߛߙߋ ߘߌ߫ 7}: ߊ߬ ߖߍ߬ߘߍ ߦߋ߫ ߛߙߋߦߊߓߊ߯ ߘߴߊ߬ ߟߊ߫ ߤߙߊ߫ ߞߎߡߊ߲ߘߌ ߏ߬ ߡߊ߬, ߊ߬ ߕߍ߫ ߛߴߏ߬ ߣߞߊ߬ߘߌ߬ ߟߊ߫ ߸ ߊ߬ ߟߊ߬ߞߣߍߡߦߊ ߥߊ߬ߙߊ߫ ߡߊ߬.߰
{وَإِنَّهُۥ لِحُبِّ ٱلۡخَيۡرِ لَشَدِيدٌ} 8- { ߊ߬ ߜߍ߬ߟߍ߲߬ߡߊ߲߬ߓߊ ߟߋ߬ ߘߏ߲߬ ߦߋ߫ ߤߙߊ ߟߊߘߌߦߊߢߍ ߘߐ߫ 8}: ߊ߬ ߓߘߴߊ߬ ߘߊ߲߬ߠߊߕߊ߬ߡߌ߲߬ ߣߊ߲߬ߝߟߏ ߞߊ߬ߣߌ߲ ߘߐ߫ ߞߊ߬ ߕߍ߯ߜߟߍߦߊ ߞߍ߫ ߊ߬ ߟߊ߫.
{أَفَلَا يَعۡلَمُ إِذَا بُعۡثِرَ مَا فِي ٱلۡقُبُورِ} 9- {ߦߊ߯ߟߴ ߊ߬ ߡߴߊ߬ ߟߐ߲߫ ߞߏ߫ ߣߌ߫ ߝߋ߲ ߠߎ߬ ߟߊߓߐ ߘߊ߫ ߕߎ߬ߡߊ ߡߍ߲ ߠߎ߬ ߦߋ߫ ߛߊ߬ߙߌ ߟߎ߬ ߘߐ߫ 9}: ߦߊ߯ߟߊ߫ ߘߎߢߊ ߟߊ߫ ߡߐ߰ ߡߊߜߍߙߍ߲ߞߍߣߍ߲ ߣߌ߲߬ ߡߴߊ߬ ߟߐ߲߫ ߓߊ߬ ߞߏ߬ ߕߎ߬ߡߊ ߡߍ߲߫ ߣߴߊߟߊ߫ ߞߊ߬ ߟߊ߬ߥߟߌ߬ߟߌ ߞߍ߫ ߝߋ߲ ߠߊ߫ ߡߍ߲߫ ߦߋ߫ ߛߊ߬ߙߌ ߟߎ߬ ߘߐ߫ ߞߊ߬ ߓߐ߫ ߛߎ߭ ߟߎ߬ ߘߐ߫ ߖߊ߬ߕߋ߬ߓߐ ߣߌ߫ ߖߊ߲߬ߛߊ߬ߟߌ ߞߊ߲ߡߊ߬ ߞߵߊ߬ ߘߕߍ߬ ߞߏߢߊ ߕߍ߫ ߦߴߊ߬ߟߎ߬ ߕߍ߬ߘߴߊ߬ ߖߌ߰ ߟߊ߫ ߢߊ߫ ߡߍ߲!
{وَحُصِّلَ مَا فِي ٱلصُّدُورِ} 10- { ߊ߬ ߣߌ߫ ߸ ߣߌ߫ ߝߋ߲ ߠߎ߬ ߟߊ߲ߞߣߍߡߊ ߘߊ߫ ߡߍ߲߫ ߦߋ߫ ߛߌߛߌ ߟߎ߬ ߘߐ߫10}: ߞߊ߬ ߟߊ߬ߓߐ߬ߟߌ ߣߌ߫ ߟߊ߲ߞߣߍߡߦߊߟߌ ߞߍ߫ ߝߋ߲ ߠߊ߫ ߛߟߐ߬ߡߍ ߘߐ߫ ߞߊ߬ ߓߐ߫ ߢߋ߬ߢߌ߲߬ߞߋ ߟߎ߬ ߣߌ߫ ߛߌ߬ߘߌ߲߬ߞߣߐ߬ߟߌ ߟߎ߬ ߣߴߊ߬ ߢߐ߲߬ ߜߘߍ ߟߎ߫ ߘߐ߫.
{إِنَّ رَبَّهُم بِهِمۡ يَوۡمَئِذٖ لَّخَبِيرُۢ} 11- { ߊ߬ߟߎ߬ ߕߌ߭ ߦߴߊߟߎ߫ ߞߟߊ߬ߡߊ߬ߓߊ߯ ߟߋ߬ ߘߌ߫ ߏ߬ ߟߏ߲11}: ߊ߬ߟߎ߬ ߕߌ߭ ߦߴߊ߬ߟߎ߬ ߞߟߊ߬ߡߊ߬ߓߊ߯ ߟߋ߬ ߘߌ߫ ߏ߬ ߟߏ߲, ߝߏ߫ ߛߌ߬ ߕߍ߫ ߘߏ߲߭ ߠߴߊ߬ ߡߵߊ߬ ߟߊ߫ ߖߐ߲߭ ߠߎ߬ ߟߊ߫ ߞߏ ߘߐ߫, ߊ߬ ߘߴߊ߬ߟߎ߬ ߛߙߊ߬ ߏ߬ ߟߊ߫.

ߖ- ߘߟߊߞߊߟߊ߲ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
ߖߛߎ߬ߞߐ߲ߞߐ߲ߠߊ 1 ߡߎ߲߬ ߦߋ߫ ߖߛߎ߬ߞߐ߲ߞߐ߲ߠߊ ߘߌ߫؟ 2 ߡߎ߲߬ ߞߵߌ ߟߊߟߐ߲ߠߌ߲߫ ߖߛߎ߬ߞߐ߲ߞߐ߲ߠߊ ߟߊ߫ 3 ߡߐ߱ ߟߎ߬ ߦߋ߫ ߞߍ߫ ߟߊ߫ ߟߏ߲ ߡߍ߲ ߦߏ߫ ߝߙߌߝߙߌߟߋ߲߫ ߟߊߖߋߙߌߣߍ߲ 4 ߞߎ߬ߙߎ ߟߎ߬ ߘߌ߫ ߞߍ߫ ߦߏ߫ ߛߊ߬ߝߏ ߘߓߐߣߍ߲ 5 ߒ߬ߓߊ߬ ߣߌ߫ ߡߍ߲ ߠߊ߫ ߡߊ߲߬ߕߊ߰ ߜߟߌߦߊ߫ ߘߊ߫ 6 ߏ߬ ߦߋ߫ ߓߊߟߏ߫ ߘߌ߬ߢߍ߬ߡߊ ߟߋ߬ ߘߐ߫ 7 ߣߌ߫ ߡߍ߲ ߘߏ߲߬ ߠߊ߫ ߡߊ߲߬ߕߊ߰-ߟߊ߬-ߝߋ߲ ߠߎ߬ ߝߍߦߊ߫ ߘߊ߫ 8 ߏ߬ ߡߊߛߌ߰ ߦߌߟߊ ߦߋ߫ ߥߎߟߎ߲ߞߘߐߟߊ ߘߌ߫ 9 ߡߎ߲߬ ߞߵߌ ߟߊߟߐ߲ߠߌ߲߫ ߏ߬ ߟߊ߫ ߛߊ߫ 10 ߕߊ ߞߟߊߡߊ߲ ߠߵߏ߬ ߘߌ߫ 11 [ߖߛߎ߬ߞߟߎ߬ߟߊ ߝߐߘߊ: 1-11]
ߞߘߐߦߌߘߊ:
{ٱلۡقَارِعَةُ} 1- { ߖߛߎ߬ߞߟߎ߬ߟߊ 1}: ߏ߬ ߦߋ߫ ߕߎ߬ߡߊ ߟߋ߬ ߘߌ߫ ߡߐ߱ ߟߎ߬ ߖߛߎ߬ߞߎ߲ ߦߋ߫ ߡߊߞߐ߲ߞߐ߲߫ ߠߊ߫ ߟߏ߲ ߡߍ߲ ߞߏ ߟߎ߬ ߓߏ߬ߢߊ߫ ߞߏ߫ ߛߐ߲߬
{مَا ٱلۡقَارِعَةُ} 2- {ߡߎ߲߬ ߦߋ߫ ߖߛߎ߬ߞߟߎ߬ߟߊ ߘߌ߫ 2}: ߡߎ߲߬ ߦߋ߫ ߕߎ߬ߡߊ߬ ߘߌ߫ ߡߐ߱ ߟߎ߬ ߖߛߎ߬ߞߎ߲ ߡߊߞߐ߲ߞߐ߲߫ ߕߐ߫ ߟߏ߲ ߡߍ߲ ߞߏ ߟߎ߬ ߓߏ߬ߢߊ ߞߏ߫ ߛߐ߲߬؟
{وَمَآ أَدۡرَىٰكَ مَا ٱلۡقَارِعَةُ} 3- {ߡߎ߲߬ ߞߵߌ ߟߊߟߐ߲ߠߌ߲߫ ߖߛߎ߬ߞߟߎ߬ߟߊ ߟߊ߫ 3}: ߤߍ߫ ߌߟߋ ߞߋߟߊ ߡߎ߲߬ ߞߵߌ ߟߊ߫ ߟߐ߲ߠߌ߲߫ ߞߏ߫ ߡߎ߲߬ ߦߋ߫ ߕߎ߬ߡߊ ߘߌ߫ ߡߐ߱ ߟߎ߬ ߖߛߎ߬ߞߎ߲ ߡߊߞߐ߲ߞߐ߲߫ ߕߐ߫ ߡߍ߲߫ ߞߏ ߟߎ߬ ߓߏ߬ߢߊ ߞߏߛߐ߲߬؟߹ ߏ߬ ߦߋ߫ ߟߐ߬ߓߊ ߟߏ߲ ߠߋ߬ ߘߌ߫.
{يَوۡمَ يَكُونُ ٱلنَّاسُ كَٱلۡفَرَاشِ ٱلۡمَبۡثُوثِ} 4-{ ߡߐ߱ ߟߎ߬ ߦߋ߫ ߞߍ߫ ߟߴߏ߬ ߟߏ߲ ߠߋ߬ ߦߏ߫ ߝߙߌߝߙߌߟߋ߲߫ ߟߊߖߋߙߌߣߍ߲ 4}: ߡߐ߱ ߟߎ߬ ߖߛߎ߬ߞߎ߲ ߡߊߞߐ߲ߞߐ߲߫ ߕߐ߫ ߟߏ߲ ߡߍ߲ ߸ ߊ߬ߟߎ߬ ߘߌ߫ ߞߍ߫ ߦߏ߫ ߝߙߌߝߙߌߟߋ߲߫ ߠߊߖߍ߲ߛߍ߲ߣߍ߲ ߦߊ߲߬ ߣߌ߫ ߏ߬ ߘߌ߫.
{وَتَكُونُ ٱلۡجِبَالُ كَٱلۡعِهۡنِ ٱلۡمَنفُوشِ} 5- {ߞߎ߬ߙߎ ߟߎ߬ ߘߌ߫ ߞߍ߫ ߦߏ߫ ߛߊ߬ߝߏ߬ ߘߓߐߣߍ߲ 5}: ߞߎ߬ߙߎ ߟߎ߬ ߘߌ߫ ߞߍ߫ ߦߏ߫ ߛߊ߬ߝߏ߬ ߡߊ߰ߦߊ߬ߣߍ߲ ߸ ߊ߬ ߟߊߕߊ߯ ߣߴߊ߬ ߟߊߡߊ߭ ߝߍߦߊ ߞߏߛߐ߲߬.
{فَأَمَّا مَن ثَقُلَتۡ مَوَٰزِينُهُۥ} 6-{ ߒ߬ߓߊ߬ ߣߌ߫ ߡߍ߲ ߠߊ߫ ߡߊ߲߬ߕߊ߰ߟߊ ߜߟߌߦߊ߫ ߘߊ߫ 6}: ߒ߬ߓߊ߬ ߣߌ߫ ߡߍ߲ ߠߊ߫ ߓߊ߯ߙߊ߫ ߓߘߍ ߟߎ߬ ߦߟߍ߬ ߘߴߊ߬ ߟߊ߫ ߓߊ߯ߙߊ߫ ߖߎ߯ߡߊ߲ ߠߎ߬ ߞߊ߲߬.
{فَهُوَ فِي عِيشَةٖ رَّاضِيَةٖ} 7-{ ߒ߬ߓߵߏ߬ ߦߋ߫ ߘߌ߬ߢߍ߲߬ߡߊ߬ ߓߊߟߏ ߟߋ߬ ߘߐ߫ 7}: ߒ߬ߓߵߏ߬ ߦߋ߫ ߘߌ߬ߢߍ߲߬ߡߊ߬ ߓߊߟߏ ߟߋ߬ ߘߐ߫ ߸ ߊ߬ ߦߋ߫ ߡߍ߲߫ ߛߐ߬ߘߐ߲߬ ߠߊ߫ ߊߙߑߖߣߍ߬ ߘߐ߫.
{وَأَمَّا مَنۡ خَفَّتۡ مَوَٰزِينُهُۥ} 8- { ߣߌ߫ ߡߍ߲ ߠߊ߫ ߡߊ߲߬ߕߊ߰ߟߊ ߝߍߦߊ߫ ߘߊ߫ 8}: ߣߌ߫ ߡߍ߲ ߠߊ߫ ߓߊ߯ߙߊ߫ ߖߎ߯ߡߊ߲ ߠߎ߬ ߦߟߍ߬ ߘߴߊ߬ ߟߊ߫ ߓߊ߯ߙߊ߫ ߓߘߍ ߟߎ߬ ߞߊ߲߬.
{فَأُمُّهُۥ هَاوِيَةٞ} 9- { ߏ߬ ߘߊ߯ ߦߌߟߊ ߟߋ߬ ߥߎߟߎ߲ߞߘߐߟߊ ߘߌ߫ 9}: ߏ߬ ߡߝߊ ߦߌߟߊ ߣߴߊ߬ ߡߊߛߌ߰ ߦߌߟߊ ߟߋ߬ ߖߊ߬ߤߊߣߣߊߡ ߘߌ߫ ߟߐ߬ߓߊ ߟߏ߲߯.
{وَمَآ أَدۡرَىٰكَ مَا هِيَهۡ} 10- { ߡߎ߲߬ ߞߵߌ ߟߊߟߐ߲ߠߌ߲߫ ߏ߬ ߟߊ߫ 10}: ߤߍ߫ ߞߋߟߊ ߡߎ߲߬ ߞߵߌ ߟߊߟߐ߲ߣߌ߲߫ ߊ߬ ߟߊ߫߫؟߹
{نَارٌ حَامِيَةُۢ} 11- { ߏ߬ ߦߋ߫ ߕߊ ߞߟߊߡߊ߲ ߠߋ߬ ߘߌ߫ 11}: ߏ߬ ߦߋ߫ ߕߊ ߟߋ߬ ߘߌ߫ ߡߍ߲ ߞߟߊߦߊ ߥߙߊ߬ߣߍ߲߬ߓߊ ߦߋ߫.

ߖ- ߥߊߛߏߢߐ߲߯ߠߊ ߝߐߘߊ ߣߴߊ߬ ߞߘߐߦߌ߬ߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
{ߥߊߛߏߢߐ߲߯ߠߊ ߓߘߴߊߟߎ߫ ߓߟߏߞߘߐߜߊ߬ 1 ߤߴߊߟߎ߫ ߓߘߊ߫ ߛߋ߫ ߛߊ߬ߙߌ߬ߟߏ ߟߎ߬ ߘߐ߫ 2 ߤߊ߲߫ ߸ ߊߟߎ߫ ߓߍߣߵߊ߬ ߟߐ߲߫ 3 ߏ߬ ߞߐ߫ ߍ߲߬ߍ߲߫ ߸ ߊߟߎ߫ ߓߍߣߵߊ߬ ߟߐ߲߫ 4 ߞߏ߬ߣߌ߲߬ ߤߊ߲߫ ߸ ߣߴߊߟߎ߫ ߕߎ߲߬ ߓߍ߫ ߟߐ߲ߠߌ߲ ߞߍ߫ ߟߊ߫ ߘߍ߲߬ߞߣߍ߬ߦߊ߫ ߟߐߣߌ߲ ߠߊ߫ 5 ߊߟߎ߫ ߘߌ߫ ߥߋ߲߯ߓߋ ߦߋ߫ 6 ߏ߬ ߞߐ߫ ߊߟߎ߫ ߘߴߊ߬ ߦߋ߫ ߘߍ߲߬ߞߣߍ߬ߦߊ߫ ߦߋߢߟߊ 7 ߏ߬ ߞߐ߫ ߊߟߎ߫ ߘߐߢߌ߬ߣߌ߲߬ߞߊ߬ߕߐ߫ ߟߵߏ߬ ߟߏ߲ ߦߌߟߌ߲ ߡߊ߬ ߟߋ߬} [ߥߊߛߏߢߐ߲߯ߠߊ ߝߐߘߊ: 1-8]
ߞߘߐߦߌߘߊ:
{أَلۡهَىٰكُمُ ٱلتَّكَاثُرُ} 1- {ߥߊߛߏߢߐ߲߯ߠߊ ߓߘߴߊߟߎ߫ ߓߟߏߞߘߐߜߊ߬ 1}: ߤߍ߲߬ ߊߟߎ߫ ߡߐ߱ ߟߎ߬ ߞߊ߬ ߥߊߛߏ߫ ߣߊ߲߬ߝߟߏ ߟߎ߬ ߣߌ߫ ߘߋ߲ ߠߎ߬ ߟߊ߫ ߸ ߏ߬ ߓߴߊߟߎ߫ ߛߏ߰ߟߊ ߞߊ߬ ߓߐ߫ ߊߟߊ߫ ߞߊ߲ ߓߊ߬ߕߏ ߡߊ߬.
{حَتَّىٰ زُرۡتُمُ ٱلۡمَقَابِرَ} 2- {ߤߴߊߟߎ߫ ߓߘߊ߫ ߛߋ߫ ߛߊ߬ߙߌ߬ߟߏ ߟߎ߬ ߘߐ߫ 2}: ߤߊ߲߫ ߞߵߊߟߎ߫ ߛߊ߬ ߸ ߞߴߊߟߎ߬߬ ߘߏ߲߬ ߊߟߎ߫ ߛߊ߬ߙߌ ߟߎ߬ ߘߐ߫.
{كَلَّا سَوۡفَ تَعۡلَمُونَ} 3- { ߍ߬ߍ߲߫ ߸ ߊߟߎ߫ ߓߍߣߵߊ߬ ߟߐ߲߫ 3}: ߥߊߛߏߢߐ߲߯ߠߊ ߕߘߍ߬ ߡߊ߲ߞߊ߲߫ ߞߵߊ߬ߟߎ߫ ߛߏ߰ߟߊ ߊߟߊ߫ ߞߊ߲ ߓߊ߬ߕߏ ߡߊ߬. ߊߟߎ߫ ߘߌ߫ ߣߊ߬ ߓߐ߫ ߛߏ߰ߟߊ ߣߌ߲߬ ߞߐߝߟߌ ߞߟߊ߬ߡߊ߬.
{ثُمَّ كَلَّا سَوۡفَ تَعۡلَمُونَ} 4- { ߏ߬ ߞߐ߫ ߍ߲߬ߍ߲߫ ߸ ߊߟߎ߫ ߓߍߣߵߊ߬ ߟߐ߲߫ 4}: ߏ߬ ߞߐ߫ ߊߟߎ߫ ߓߍߣߴߊ߬ ߞߐߝߟߌ ߟߐ߲߫.
{كَلَّا لَوۡ تَعۡلَمُونَ عِلۡمَ ٱلۡيَقِينِ} 5- { ߍ߰ߍ߲߰ ߸ ߣߴߊߟߎ߫ ߕߎ߲߬ ߓߍ߫ ߘߍ߲߬ߞߣߍ߬ߦߊ߫ ߟߐߣߌ߲ ߞߍ߫ ߟߊ߫}:ߕߏ߬ߢߊ ߟߊ߫ ߣߴߊߟߎ߫ ߕߎ߲߬ ߞߵߊ߬ ߟߐ߲߫ ߘߍ߲߬ߞߣߍ߬ߦߊ ߟߊ߫ ߞߏ߫ ߊߟߎ߫ ߗߋߟߦߊߣߍ߲ ߠߋ߬ ߘߌ߫ ߞߊ߬ ߕߴߊߟߊ߫ ߡߊ߬ߴ ߊ߬ ߣߴߊ߬ ߘߴߊߟߎ߫ ߛߙߵߊߟߎ߫ ߟߊ߫ ߓߊ߯ߙߊ ߟߎ߬ ߟߊ߫ ߸ ߕߎ߬ߡߊ ߡߍ߲ ߥߊߛߏߢߐ߲߯ߠߊ ߣߊ߲ߝߟߏ ߟߎ߬ ߣߌ߫ ߘߋ߲ ߠߎ߬ ߟߊ߫ ߏ߬ ߟߎ߬ ߓߘߴߊߟߎ߫ ߛߏ߰ߟߊ߫.
{لَتَرَوُنَّ ٱلۡجَحِيمَ} 6- {ߊߟߎ߫߫ ߘߌ߫ ߥߋ߲߯ߓߋ ߦߋ߫ 6}: ߊ߬ ߦߋ߫ ߒ ߣߴߊߟߊ߫ ߕߍ߫ ߸ ߊߟߎ߫߫ ߘߌ߫ ߡߊ߬ߝߟߍ߬ߟߌ ߞߍ߫ ߟߐ߬ߓߊ ߟߏ߲ ߕߊ ߟߊ߫.
{ثُمَّ لَتَرَوُنَّهَا عَيۡنَ ٱلۡيَقِينِ} 7-{ߏ߬ ߞߐ߫ ߊߟߎ߫ ߘߴߊ߬ ߦߋ߫ ߘߍ߲߬ߞߣߍ߬ߦߊ߫ ߦߋ߫ ߢߊ߫ ߟߊ߫ 7}: ߏ߬ ߞߐ߫ ߌ ߘߴߊ߬ ߡߊߝߟߍ߫ ߘߍ߲߬ߞߣߍ߬ߦߊ߫ ߡߊ߬ߝߟߍ߬ߟߌ ߟߊ߫ ߜߐߛߐ߲߫ ߕߍ߫ ߡߍ߲߫ ߘߐ߫.
{ثُمَّ لَتُسۡـَٔلُنَّ يَوۡمَئِذٍ عَنِ ٱلنَّعِيمِ} 8- { ߏ߬ ߞߐ߫ ߊߟߎ߫ ߘߌ߫ ߘߐߢߌ߬ߣߌ߲߬ߞߊ߬ ߏ߬ ߟߏ߲ ߦߌߟߌ߲ ߠߎ߬ ߡߊ߬}: ߏ߬ ߞߐ߫ ߊߟߊ߫ ߞߍ߫ ߕߐ߫ ߊߟߎ߫ ߘߐߢߌ߬ߣߌ߲߬ߞߊ߬ߟߊ ߏ߬ ߟߏ߲ ߠߋ߬ ߸ ߊ߬ ߞߊ߬ ߦߌߟߌ߲ ߡߍ߲ ߞߴߊߟߎ߫ ߞߊ߲߬ ߸ ߞߊ߬ ߓߐ߫ ߞߍ߲ߘߍߦߊ ߣߌ߫ ߓߣߊ߬ߦߊ ߣߴߏ߬ ߝߌ߬ߟߊ ߢߐ߲߬ ߜߘߍ߫ ߟߎ߫ ߘߐ߫.

ߖ- ߥߎ߬ߛߎ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
{ ߊ߬ ߒ ߣߌ߫ ߥߎ߬ߛߎ ߕߍ߫ 1 ߡߐ߱ ߦߋ߫ ߓߐ߬ߣߐ ߟߋ߬ ߘߐ߫ 2 ߝߏ߫ ߡߍ߲ ߠߎ߬ ߟߌ߬ߡߣߊ߬ߦߊ߬ߣߍ߲ ߞߊ߬ ߓߘߍ߬ߓߘߍ ߟߎ߬ ߞߍ߫ ߸ ߊ߬ ߣߴߊ߬ߟߎ߫ ߞߊ߬ ߢߐ߲߯ ߡߊߛߊ߬ߙߊ߫ ߕߎ߬ߢߊ ߟߊ߫ ߸ ߊ߬ ߣߌ߫ ߞߊ߬ ߢߐ߲߯ ߡߊߛߊ߬ߙߊ߫ ߡߎ߬ߢߎ߲ ߠߊ߫ 3} [ߥߎ߬ߛߎ ߝߐߘߊ: 1 - 3]
ߞߘߐߦߌߘߊ:
{وَٱلۡعَصۡرِ} 1- { ߊ߬ ߒ ߣߌ߫ ߥߎ߬ߛߎ ߕߍ߫ 1 }: ߊ߬ ߓߘߴߊ߬ ߞߊ߬ߟߌ߬ ߥߎ߬ߛߎ ߟߊ߫ ߸ ߛߊߣߌ߲ߧߊ ߦߴߊ߬ ߦߋ߫.
{إِنَّ ٱلۡإِنسَٰنَ لَفِي خُسۡرٍ} 2- {ߡߐ߱ ߦߋ߫ ߓߐ߬ߣߐ ߟߋ߬ ߘߐ߫ 2}: ߞߏ߫ ߡߐ߱ ߓߍ߯ ߦߋ߫ ߘߢߊ ߣߌ߫ ߕߏߒߘߐ ߟߋ߬ ߘߐ߫.
{إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَتَوَاصَوۡاْ بِٱلۡحَقِّ وَتَوَاصَوۡاْ بِٱلصَّبۡرِ} 3- { ߝߏ߫ ߡߍ߲ ߠߎ߬ ߟߌ߬ߡߣߊ߬ߦߊ߬ߣߍ߲߫ ߞߊ߬ ߓߍ߬ߘߍ ߟߎ߬ ߞߍ߫ ߸ ߊ߬ ߣߴߊ߬ߟߎ߫ ߞߊ߬ ߢߐ߲߯ ߡߊߛߊ߬ߙߊ߫ ߕߎ߬ߢߊ ߟߊ߫ ߸ ߊ߬ ߣߌ߫ ߞߊ߬ ߢߐ߲߯ ߡߊߛߊ߬ߙߊ߫ ߡߎ߬ߢߎ߲ ߠߊ߫ 3}: ߝߏ߫ ߡߍ߲ ߟߌ߬ߡߣߊ߬ߦߊ߬ߣߍ߲߫ ߊ߬ ߞߊ߬ ߓߊ߯ߙߊ߫ ߓߍ߬ߘߍ ߞߍ߫ ߸ ߏ߬ ߓߍ߯ ߣߴߊ߬ ߕߊ߫ ߸ ߊ߬ߟߎ߫ ߞߊ߬ ߥߟߋߟߌ ߞߍ߫ ߞߊ߬ ߕߊ߯ ߕߏ߬ߢߊ ߡߊ߬ ߸ ߊ߬ ߣߌ߫ ߞߊ߬ ߡߎ߬ߢߎ߲ ߏ߬ ߞߊ߲߬ ߸ ߒ߬ߓߊ߬ ߏ߬ ߟߎ߫ ߟߋ߬ ߛߎߘߊ߲ߓߊ߮ ߟߎ߬ ߘߌ߫ ߞߊ߬ ߓߐ߫ ߓߐ߬ߣߐ ߘߐ߫.

ߖ- ߡߊ߬ߕߋ߰ߙߎ߬ߟߌ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
{ߜߊ߬ߟߏ߬ ߦߋ߫ ߡߊ߬ߕߋ߰ߙߎ߬ߟߊ߫ ߡߊ߬ߓߙߎ߬ߕߌ߬ߟߊ ߞߋ߬ߟߋ߲߬ߞߋ߬ߟߋ߲߬ߠߊ ߦߋ߫ 1 ߡߍ߲ ߞߊ߬ ߣߊ߲߬ߝߟߏ ߟߊߘߍ߬ ߟߊ߫ ߞߵߊ߬ ߦߙߌߞߊ߫ 2 ߊ߬ ߦߴߊ߬ ߢߣߊ߫ ߞߏ߫ ߊ߬ ߟߊ߫ ߣߊ߲߬ߝߟߏ ߟߋ߬ ߞߍߕߐ߫ ߊ߬ ߟߊ߫ ߕߏߟߌߦߟߊ ߟߊ߫ 3 ߞߊ߯ߙߌ߫ ߸ ߊ߬ ߓߍߣߊ߬ ߟߊߝߌ߬ߟߌ߫ ߘߐ߬ߓߍ߬ߘߍ߲߬ߛߍ߬ߟߌ߬ߟߊ ߘߐ߫ 4 ߡߎ߲߬ ߞߵߌߟߋ ߟߊߟߐ߲ߠߌ߲߫ ߘߐ߬ߓߍ߬ߘߍ߲߬ߛߍ߬ߟߌ߬ߟߊ ߟߊ߫ 5 ߊߟߊ߫ ߟߊ߫ ߕߊ߫ ߟߊߡߍߣߍ߲ߣߍ߲߫ 6 ߡߍ߲ ߦߋ߫ ߟߊߓߌ߬ߟߊ߬ ߟߊ߫ ߛߐ߲߭ ߠߎ߬ ߡߊ߬ 7 ߏ߬ ߘߊ ߜߊߛߏ߲ߕߐ߫ ߊ߬ߟߎ߫ ߡߊ߬ ߟߋ߬ 8 ߛߡߊ߬ߛߋ߲߬ ߘߐߛߡߊ߬ߣߍ߲߫ ߘߐ߫ 8 [ߡߊ߬ߕߋ߰ߙߎ߬ߟߌ ߝߐߘߊ: 1 - 9]
ߞߘߐߦߌߘߊ:
{وَيۡلٞ لِّكُلِّ هُمَزَةٖ لُّمَزَةٍ} 1- { ߜߊ߬ߟߏ߫ ߦߋ߫ ߡߊ߬ߕߋ߰ߙߎ߬ߟߊ߫ ߡߊ߬ߓߙߎ߬ߕߌ߬ߟߊ ߞߋ߬ߟߋ߲߬ߞߋ߬ߟߋ߲߬ߠߊ ߦߋ߫ 1}: ߞߐߝߟߌߖߎ ߣߌ߫ ߖߊ߲߬ߞߕߊ ߜߟߍ߬ߦߊ ߞߵߏ߬ ߞߎ߲߭ ߞߍ߫ ߡߐ߱ ߟߎ߬ ߟߊ߫ ߞߐߞߎߡߊ ߛߌߦߊߦߊ߫ ߞߏߛߐ߲߬ ߘߌ߫ ߸ ߊ߬ ߣߴߊ߬ߟߎ߬ ߘߓߐ߫.
{ٱلَّذِي جَمَعَ مَالٗا وَعَدَّدَهُۥ} 2-{ ߡߍ߲ ߓߘߊ߫ ߣߊ߲߬ߝߟߏ ߟߊߘߍ߬ ߞߵߊ߬ ߦߙߌߞߊ߫ 2: ߡߍ߲ ߕߌ߱ ߤߊߡߌ߲ ߦߋ߫ ߣߊ߲߬ߝߟߏ ߟߊߘߍ߭ ߘߌ߫ ߞߵߊ߬ ߦߙߌߞߊ ߸ ߜߍ߬ߘߍ߲߬ ߛߌ߫ ߕߴߊ߬ ߡߵߏ߬ ߞߐ߫.
{يَحۡسَبُ أَنَّ مَالَهُۥٓ أَخۡلَدَهُۥ} 3- { ߊ߬ ߦߴߊ߬ ߢߣߊ߫ ߞߏ߫ ߊ߬ ߟߊ߫ ߣߊ߲߬ߝߟߏ ߟߋ߬ ߞߍߕߐ߫ ߊ߬ ߟߊ߫ ߕߏߟߌߦߟߊ߫ ߟߊ߫ 3}: ߊ߬ ߦߴߊ߬ ߖߌ߰ ߟߊ߫ ߟߋ߬ ߞߏ߫ ߊ߬ ߟߊ߫ ߣߊ߲߬ߝߟߏ߬ ߟߊߘߍ߰ߣߍ߲ ߘߴߊ߬ ߞߛߌ߫ ߛߊ߬ߦߊ߬ ߡߊ߬ ߸ ߏ߬ ߓߊ߯ ߞߍ߫ ߊ߬ ߘߌ߫ ߕߏ߫ ߞߌߢߍ߲߫ ߢߣߊߡߦߊ ߘߐ߫.
{كَلَّاۖ لَيُنۢبَذَنَّ فِي ٱلۡحُطَمَةِ} 4- {ߞߊ߯ߙߌ߫ ߸ ߊ߬ ߓߍߣߊ߬ ߟߊߝߌ߬ߟߌ߫ ߘߐ߬ߓߍ߬ߘߍ߲߬ߛߍ߬ߟߌ߬ߟߊ ߘߐ߫ 4}: ߞߏߢߊ ߕߍ߫ ߢߊ߫ ߡߊ߬ ߦߏ߫ ߞߏߟߐ߲ߓߊߟߌ߬߬ ߣߌ߲߬ ߞߵߊ߬ ߖߊ߬ߕߋ߬ ߢߊ߫ ߡߍ߲߫ ߸ ߊ߬ߟߎ߬ ߘߌ߫ ߣߵߊ߬ ߟߊߝߟߌ߬ ߖߊ߬ߤߣߊߡߊ߫ ߕߊ ߘߐ߫ ߸ ߏ߬ ߡߍ߲ ߦߋ߫ ߞߐ߲ߞߐ߲ߠߌ߲ ߣߌ߫ ߘߐ߬ߞߊ߬ߘߟߌ ߞߍ߫ ߟߊ߫ ߝߋ߲ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߟߊ߫ ߡߍ߲ ߓߊ߯ ߟߊߝߌ߬ߟߴߊ߬ ߘߐ߫.
{وَمَآ أَدۡرَىٰكَ مَا ٱلۡحُطَمَةُ} 5- { ߡߎ߲߬ ߞߵߌ ߟߊߟߐ߲ߠߌ߲߫ ߘߐ߬ߓߍ߬ߘߍ߲߬ߛߍ߬ߟߌ߬ߟߊ ߟߊ߫ 5}: ߤߍ߲߫ ߸ ߌߟߋ߬ ߞߋߟߊ ߡߎ߲߬ ߞߵߌ ߟߊ߫ ߟߐ߲ߠߌ߲߫ ߕߊ ߣߌ߲߬ ߠߊ߫ ߸ ߡߍ߲߫ ߦߋ߫ ߞߋ߬ߟߋ߲߬ߞߋ߬ߟߋ߲߬ ߓߍ߯ ߖߍ߲ߛߍ߲߫ ߠߊ߫ ߡߍ߲ ߓߊ߯ ߟߊߝߌ߬ߟߴߊ߬ ߘߐ߫؟߹
{نَارُ ٱللَّهِ ٱلۡمُوقَدَةُ} 6- { ߊߟߊ߫ ߟߊ߫ ߕߊ߫ ߟߊߡߍߣߍ߲ߣߍ߲߫ 6}: ߏ߬ ߦߋ߫ ߊߟߊ߫ ߟߊ߫ ߕߊ ߟߋ߬ ߘߌ߫ ߡߍ߲ ߠߊ߫ ߡߍߣߍ߲ߣߍ߲߫.
{ٱلَّتِي تَطَّلِعُ عَلَى ٱلۡأَفۡـِٔدَةِ} 7- { ߡߍ߲ ߦߋ߫ ߟߊߓߌ߬ߟߊ߬ ߟߊ߫ ߛߐ߲߭ ߠߎ߫ ߡߊ߬ 7}: ߡߍ߲ ߦߋ߫ ߛߊ߲߬ ߠߊ߫ ߡߐ߱ ߟߎ߬ ߝߊ߬ߘߌ ߘߐ߫ ߞߊ߬ ߕߴߊ߬ߟߎ߬ ߖߛߎ߬ߞߎ߲ ߡߊ߬.
{إِنَّهَا عَلَيۡهِم مُّؤۡصَدَةٞ} 8- { ߏ߬ ߦߋ߫ ߜߊߛߏ߲ߕߊ ߟߋ߬ ߘߴ ߊ߬ߟߎ߬ ߡߊ߬ 8}: ߊ߬ ߦߋ߫ ߘߊߕߎ߲ߕߊ ߟߋ߬ ߘߌ߫ ߖߊ߲߬ߞߕߊ߬ߕߊ ߟߎ߬ ߡߊ߬.
{فِي عَمَدٖ مُّمَدَّدَةِۭ} 9- {ߛߡߊ߬ߛߋ߲߬ ߘߐߛߡߊ߬ߣߍ߲߫ ߘߐ߫ 9}: ߛߡߊ߬ߛߋ߲߬ ߘߐߛߡߊ߬ߣߍ߲߫ ߖߊ߰ߡߊ߲߬ ߸ ߛߴߊ߬ߟߎ߬ ߞߣߊ߫ ߓߐ߫ ߊ߬ ߘߐ߫.

ߖ- ߛߋ߲߬ߓߊ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
{ ߌ ߡߴߊ߬ ߦߋ߫ ߓߊ߬ ߌ ߕߌ߭ ߞߊ߬ ߡߍ߲ ߞߍ߫ ߛߋ߲߬ߓߊ߬ ߕߌ߮ ߟߎ߬ ߟߊ߫ 1 ߊ߬ ߡߴߊ߬ߟߎ߬ ߟߊ߫ ߝߍ߬ߙߍ ߢߡߊߞߍ߫ ߊ߬ߟߎ߫ ߡߊ߬ ߓߊ߬ 2 ߊ߬ ߣߴߊ߬ ߞߊ߬ ߞߣߐ߬ ߓߌ߮ ߗߋ߫ ߊ߬ߟߎ߬ ߞߊߡߊ߬ 3 ߏ߬ ߟߎ߬ ߦߵߊ߬ߟߎ߬ ߡߊߓߏ߲ߓߏ߲ ߠߊ߫ ߣߊ߰ߘߌ߬ߝߘߊ߬ ߓߙߍ ߟߎ߬ ߟߊ߫ 4 ߞߵߊ߬ߟߎ߬ ߞߍ߫ ߦߏ߫ ߢߊ߯ߡߊ-ߞߟߊ߫ ߢߌߡߌ߲ߣߍ߲ ߠߋ߬ 5} [ߛߋ߲߬ߓߊ ߝߐߘߊ: 1 - 5]
ߞߘߐߦߌߘߊ:
{أَلَمۡ تَرَ كَيۡفَ فَعَلَ رَبُّكَ بِأَصۡحَٰبِ ٱلۡفِيلِ} 1- { ߌ ߡߴߊ߬ ߦߋ߫ ߓߊ߬ ߌ ߕߌ߭ ߞߊ߬ ߡߍ߲ ߞߍ߫ ߛߋ߲߬ߓߊ߬ ߕߌ߮ ߟߎ߬ ߟߊ߫ 1}: ߤߍ߲߬ ߌߟߋ ߞߋߟߊ ߦߊ߯ߟߊ߫ ߌ ߡߴߊ߬ ߟߐ߲߫ ߓߊ߬ ߌ ߕߌ߭ ߞߊ߬ ߡߍ߲ ߞߍ߫ ߊߓߑߙߤߊ߬ߕߊ߫ ߣߴߊ߬ ߘߍ߲߬ߢߐ߲߯ ߠߎ߬ ߟߊ߫ ߕߎ߬ߡߊ ߡߍ߲߫ ߊ߬ߟߎ߬ ߞߊ߬ ߊߟߑߞߊ߯ߓߊ߫ ߕߋ߬ ߞߏ ߟߊߢߌߣߌ߲߫؟߹.
{أَلَمۡ يَجۡعَلۡ كَيۡدَهُمۡ فِي تَضۡلِيلٖ} 2- { ߊ߬ ߡߴߊ߬ߟߎ߬ ߟߊ߫ ߝߍ߬ߙߍ ߢߡߊߞߍ߫ ߊ߬ߟߎ߫ ߡߊ߬ ߓߊ߬ 2}: ߊߟߊ߫ ߞߵߊ߬ߟߎ߬ ߟߊ߫ ߜߙߊߟߊߟߌߞߏ ߝߙߍ߬ߖߎ߮ ߘߐߓߍ߲߬ߣߍ߲߫ ߞߍ߫ ߜߊ߲ߛߊ߲ ߘߌ߫, ߊ߬ߟߎ߬ ߡߴߊ߬ߟߎ߬ ߢߌߣߌ߲ߞߏ ߛߐ߬ߘߐ߲߬ ߣߴߏ߬ ߦߋ߫ ߡߐ߱ ߟߎ߬ ߞߎ߲߭ ߓߐ߫ ߘߌ߫ ߊߟߑߞߊ߯ߓߊ߫ ߞߊ߲߬.
{وَأَرۡسَلَ عَلَيۡهِمۡ طَيۡرًا أَبَابِيلَ} 3- { ߊ߬ ߣߴߊ߬ ߞߊ߬ ߞߣߐ߬ ߓߌ߮ ߗߋ߫ ߊ߬ߟߎ߬ ߞߊߡߊ߬ 3}: ߊ߬ ߞߊ߬ ߞߣߐ߬ ߖߡߊ߫ ߟߎ߬ ߟߊ߫ ߕߴߊ߬ߟߎ߬ ߞߊ߲ߡߊ߬.
{تَرۡمِيهِم بِحِجَارَةٖ مِّن سِجِّيلٖ} 4- { ߏ߬ ߟߎ߫ ߞߵߊ߬ߟߎ߬ ߡߊߓߏ߲ߓߏ߲߫ ߣߊ߰ߘߌ߬ߝߘߊ߬ ߓߙߍ ߟߎ߬ ߟߊ߫ 4}: ߊ߬ߟߎ߬ ߞߵߊ߬ߟߎ߬ ߡߊߓߏ߲߫ ߣߊ߰ߘߌ߬ߝߘߊ߫ ߟߎ߬ ߟߊ߫ ߞߊ߬ ߓߐ߫ ߓߐ߭ ߘߐ߫.
{فَجَعَلَهُمۡ كَعَصۡفٖ مَّأۡكُولِۭ} 5- { ߫ߞߵߊ߬ߟߎ߬ ߞߍ߫ ߦߏ߫ ߝߌߘߊ߫ ߥߟߊ߫ ߞߟߊ߫ ߢߌߡߌ߲ߣߍ߲߫ ߠߋ߬ 5}: ߊߟߊ߫ ߞߵߊ߬ߟߎ߬ ߞߍ߫ ߦߏ߫ ߛߣߍ߬ ߝߌߘߊ ߟߋ߬ ߓߌߦߊ߲ ߠߎ߬ ߓߘߊ߫ ߡߍ߲߫ ߢߌߡߌ߲߫ ߞߵߊ߬ ߘߐ߫ ߘߐ߭ߘߐ߲߬.

ߖ- ߞ߳ߎ߬ߙߊߦߑߛ߭ߌ߫ ߟߎ߬ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
{ ߣߌ߲߬ ߞߎ߲߭ ߠߋ߫ ߞߎ߬ߙߊߦߌ߬ߛ߭ߌ ߟߎ߫ ߘߋ߬ߙߌ߬ߞߏ ߘߌ߫ 1 ߊ߬ߟߎ߫ ߘߋ߬ߙߌ߬ߣߍ߲߬ ߣߍߣߍ ߣߌ߫ ߕߙߊ ߘߐ߫ ߥߌ߬ߟߌ ߡߍ߲ ߠߊ߫ 2 ߒ߬ߓߵߊ߬ߟߎ߬ ߦߋ߫ ߓߏ߲ ߣߌ߲߬ ߕߌ߭ ߓߊ߬ߕߏ߬ 3 ߡߍ߲ ߞߵߊ߬ߟߎ߬ ߘߡߊߢߌߣߌ߲߫ ߞߐ߲ߞߐ ߘߐ߫ ߸ ߞߵߊ߬ߟߎ߫ ߞߎ߲߬ߠߊ߬ߝߎߟߋ߫ ߞߎ߲߬ߠߊ߬ߛߘߌ ߘߐ߫ 4} [ߞ߳ߎ߬ߙߊߦߑߛ߭ߌ߫ ߟߎ߬ ߝߐߘߊ: 1 - 4]
ߞߘߐߦߌߘߊ:
{لِإِيلَٰفِ قُرَيۡشٍ} 1- { ߣߌ߲߬ ߞߎ߲߭ ߠߋ߫ ߞߎ߬ߙߊߦߌ߬ߛߌ ߟߎ߫ ߘߋ߬ߙߌ߬ߞߏ ߘߌ߫ 1}: ߏ߬ ߞߎ߲߭ ߦߋ߫ ߸ ߊ߬ߟߎ߬ ߘߋ߬ߙߌ߬ߣߊ߲ ߠߋ߬ ߘߌ߫ ߊ߬ߟߎ߬ ߕߘߍ߬ ߡߍ߲ ߞߍ߫ ߟߊ߫ ߣߍߣߍ ߣߌ߫ ߕߙߊ ߘߐ߫.
{إِۦلَٰفِهِمۡ رِحۡلَةَ ٱلشِّتَآءِ وَٱلصَّيۡفِ} 2- {ߊ߬ߟߎ߬ ߘߋ߬ߙߌ߬ߣߍ߲߬ ߣߍߣߍ ߣߌ߫ ߕߙߊ ߘߐ߫ ߥߌ߬ߟߌ ߡߍ߲ ߠߊ߫ 2}: ߣߍߣߍ ߘߐ߫ ߞߊ߬ ߕߊ߯ ߦߡߊߣߌ߲߫, ߕߙߊ ߘߐ߫ ߞߊ߬ ߕߊ߯ ߛ߭ߊ߯ߡߌ߫ ߸ ߖߛߎ߬ߟߊ߬ߕߍ߮ ߘߐ߫.
{فَلۡيَعۡبُدُواْ رَبَّ هَٰذَا ٱلۡبَيۡتِ} 3- { ߒ߬ߓߊ߬ߵߊ߬ߟߎ߬ ߦߋ߫ ߓߏ߲ ߣߌ߲߬ ߕߌ߭ ߓߊ߬ߕߏ߬ 3}: ߊ߬ߟߎ߬ ߦߴߊߟߊ߫ ߓߊ߬ߕߏ߬ ߸ ߏ߬ ߡߍ߲ ߞߋߟߋ߲ ߦߋ߫ ߓߏ߲ ߠߊߕߏߣߍ߲ ߣߌ߲߬ ߕߌ߭ ߘߌ߫, ߏ߬ ߡߍ߲ ߞߊ߬ ߕߊ߯ߡߊ ߘߐ߫ ߕߊ߯ ߣߌ߲߬ ߣߐ߰ߦߴߊ߬ߟߎ߬ ߦߋ߫, ߊ߬ߟߎ߬ ߕߍ߫ ߛߌ߫ ߝߙߊ߬ ߟߴߊ߬ ߞߊ߲߬.
{ٱلَّذِيٓ أَطۡعَمَهُم مِّن جُوعٖ وَءَامَنَهُم مِّنۡ خَوۡفِۭ} 4- { ߏ߬ ߡߍ߲ ߞߵߊ߬ߟߎ߬ ߟߘߊߥߎ߲߫ ߞߐ߲ߞߐ ߘߐ߫ ߸ ߞߵߊ߬ߟߎ߫ ߞߎ߲߬ߠߊ߬ߝߎߟߋ߲߫ ߞߊ߬ ߓߐ߫ ߞߎ߲߬ߠߊ߬ߛߘߌ ߘߐ߫ 4}: ߡߍ߲ ߞߵߊ߬ߟߎ߬ ߟߘߊߥߎ߲߫ ߞߊ߬ ߓߐ߫ ߞߐ߲ߞߐ ߘߐ߫ ߸ ߊ߬ ߞߵߊ߬ߟߎ߬ ߖߛߎ߬ߟߊ߬ߕߍ߮ ߞߊ߬ ߓߐ߫ ߛߌߟߊ߲ ߘߐ߫, ߦߏ߫ ߊ߬ ߞߊ߬ ߡߍ߲߫ ߞߍ߫ ߊߙߊߓߎ߫ ߟߎ߬ ߛߟߐ߬ߡߍ ߘߐ߫ ߸ ߤߙߊߡߎ߲߫ ߣߴߊ߬ ߛߎ߰ߓߊ ߟߎ߬ ߡߊߓߏ߬ߢߊ߫.

ߖ: ߓߟߏߡߊߦߟߍߡߊ߲߫ ߝߋ߲ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
ߦߊ߯ߟߊ ߌ ߞߵߊ߬ ߟߐ߲߫ ߸ ߡߍ߲ ߦߋ߫ ߛߙߊ߬ߟߌ ߡߊߛߐ߬ߛߐ߬ ߟߊ߫1 ߏ߬ ߟߋ ߦߋ߫ ߝߊߙߌߕߊ ߟߊߕߊ߲߬ߞߌ߲߬ ߠߊ߫ 2 ߊ߬ ߕߍ߫ ߘߐ߬ߛߎ߬ߟߌ߫ ߞߍ߫ ߘߐ߰ߕߐ ߟߊ߫ ߘߊߥߎ߲߫ ߡߊ߬ 3 ߒ߬ߓߊ߬ ߸ ߜߊ߬ߟߏ߬ ߦߋ߫ ߛߊߟߌߟߊ ߟߎ߬ ߕߊ ߘߌ߫ 4 ߡߍ߲ ߠߎ߬ ߦߋ߫ ߖߊ߲߬ߓߐ߬ߓߊ߯ ߘߴߊ߬ߟߎ߬ ߟߊ߫ ߛߊߟߌ ߟߎ߬ ߘߐ߫ 5 ߡߍ߲ ߠߎ߬ ߦߋ߫ ߖߘߍ߬ߦߌߘߊ ߞߍ߫ ߟߊ߫ ߊ߬ ߣߴߊ߬ߟߎ߬ ߦߋ߫ ߓߟߏߡߊߦߟߍߡߊ߲߫ ߝߋ߲߫ ߠߎ߬ ߞߎ߬ߡߊ߲߬ߘߌ߬ߟߊ߬ 7 [ߓߟߏߡߊߦߟߍߡߊ߲߫ ߝߋ߲߫ ߠߎ߬ ߝߐߘߊ: 1-7].
ߞߘߐߦߌߘߊ:
{أَرَءَيۡتَ ٱلَّذِي يُكَذِّبُ بِٱلدِّينِ} 1- { ߌ ߞߵߊ߬ ߟߐ߲߫ ߸ ߡߍ߲ ߦߋ߫ ߛߙߊ߬ߟߌ ߡߊߛߐ߬ߛߐ߬ ߟߊ߫ 1}: ߡߍ߲ ߦߋ߫ ߟߐ߬ߓߊ ߟߏ߲ ߖߊ߲߬ߛߊ߬ߟߌ ߡߊߛߐ߬ߛߐ߬ ߟߊ߫ ߦߊ߯ߟߊ ߌ ߞߵߏ߬ ߟߐ߲߫؟߹
{فَذَٰلِكَ ٱلَّذِي يَدُعُّ ٱلۡيَتِيمَ} 2- { ߒ߬ߓߊ߬ ߸ ߝߊߙߌߕߊ ߟߊߕߊ߲ߞߌ ߟߊ߫ ߟߴߏ߬ ߘߌ߫ 2}: ߏ߬ ߟߋ߬ ߝߊߙߌߕߊ ߟߊ߫ ߜߎ߬ߝߎ߲߬ ߠߊ߫ ߜߟߍ߬ߦߊ ߟߴߊ߬ ߡߊ߬ߞߏ ߡߊ߬.
{وَلَا يَحُضُّ عَلَىٰ طَعَامِ ٱلۡمِسۡكِينِ} 3- { ߊ߬ ߕߍ߫ ߘߐ߬ߛߎ߬ߟߌ߫ ߞߍ߫ ߟߊ߫ ߘߐ߰ߕߐ ߟߊ߫ ߘߊߥߎ߲߫ ߡߊ߬ 3}: ߊ߬ ߕߴߊ߬ ߖߘߍ߬ߞߎ߲ ߘߐߛߎ߯, ߊ߬ ߕߴߊ߬ ߢߐ߲߰ ߜߘߍ߫ ߘߐߛߎ߯ ߝߊ߲߬ߕߊ߲ ߠߊ߫ ߘߊߥߎ߲߫ ߡߊ߬.
{فَوَيۡلٞ لِّلۡمُصَلِّينَ} 4- { ߒ߬ߓߊ߬ ߸ ߜߊ߬ߟߏ߬ ߦߋ߫ ߛߊߟߌߟߊ ߟߎ߬ ߦߋ߫ 4}: ߒ߬ߓߊ߬ ߸ ߕߏ߲ߘߐ ߣߌ߫ ߖߊ߲߬ߞߕߊ߫ ߦߋ߫ ߛߊߟߌߟߊ ߟߎ߬ ߦߋ߫.
{ٱلَّذِينَ هُمۡ عَن صَلَاتِهِمۡ سَاهُونَ} 5- { ߡߍ߲ ߠߎ߬ ߦߋ߫ ߖߊ߲߬ߓߐ߬ߓߊ߯ ߟߎ߫ ߘߴߊ߬ߟߎ߬ ߟߊ߫ ߛߊߟߌ ߘߐ߫ 5}: ߡߍ߲ ߠߎ߬ ߦߋ߫ ߕߏߟߏ߲ߓߊ߯ ߘߴߊ߬ߟߎ߬ ߟߊ߫ ߛߊߟߌ ߟߎ߬ ߟߊ߫, ߊ߬ߟߎ߬ ߡߊ߬ߞߏ ߕߴߊ߬ ߟߊ߫ ߤߊ߲߯ ߊ߬ ߕߎ߬ߡߊ ߘߴߊ߬ߟߎ߫ ߘߊ߲߬.
{ٱلَّذِينَ هُمۡ يُرَآءُونَ} 6- { ߡߍ߲ ߠߎ߬ ߦߋ߫ ߖߘߍ߬ߦߌߘߊ ߞߍ߫ ߟߊ߫ 6}: ߡߍ߲ ߠߎ߬ ߦߋ߫ ߖߘߍ߬ߦߌ߬ߘߊ ߞߍ߫ ߟߴߊ߬ߟߎ߬ ߟߊ߫ ߛߊߟߌ ߟߎ߬ ߣߴߊ߬ߟߎ߬ ߟߊ߫ ߓߊ߯ߙߊ ߟߎ߬ ߟߊ߫, ߊ߬ߟߎ߬ ߕߍ߫ ߓߊ߯ߙߊ ߓߎ߰ߓߎ߬ ߟߴߊߟߊ߫ ߦߋ߫.
{وَيَمۡنَعُونَ ٱلۡمَاعُونَ} 7- { ߊ߬ ߣߴߊ߬ߟߎ߬ ߦߋ߫ ߓߟߏߡߊߦߟߍߡߊ߲߫ ߝߋ߲ ߠߎ߬ ߞߎ߬ߡߊ߲߬ߘߌ߫ ߟߊ߫ 7}: ߊ߬ߟߎ߬ ߦߋ߫ ߜߘߍ߫ ߟߎ߫ ߞߎ߬ߡߊ߲߬ߘߌ߫ ߟߊ߫ ߓߟߏߡߊߦߟߍߡߊ߲߫ ߝߋ߲ ߠߎ߬ ߟߊ߫, ߡߊ߲߬ߕߙߐ߬ ߕߍ߫ ߡߍ߲ ߠߎ߬ ߛߌ߲ߞߊ ߘߐ߫.

ߖ: ߤߙߊ߫ ߛߌߦߊߡߊ߲ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
{ ߊ߲ ߓߘߴߌ ߛߐ߫ ߤߙߊ߫ ߛߌߦߊߡߊ߲߫ ߠߊ߫ 1 ߒ߬ߓߊ߬ ߌ ߛߊߟߴߌ ߕߌ߭ ߦߋ߫ ߸ ߊ߬ ߣߴߌ ߦߋ߫ ߜߙߐ߬ߟߌ ߞߍ߫ 2 ߌ ߞߐߣߌ߲ߧߊߓߊ߮ ߟߋ߬ ߞߐ߫ ߟߊߜߊ߬ߣߊ߲߬ߕߊ߮ ߘߌ߫ 3} [ߤߙߊ߫ ߛߌߦߊߡߊ߲ ߝߐߘߊ: 1 - 3].
ߞߘߐߦߌߘߊ:
{إِنَّآ أَعۡطَيۡنَٰكَ ٱلۡكَوۡثَرَ} 1- { ߊ߲ ߓߘߴߌ ߛߐ߫ ߤߙߊ߫ ߛߌߦߊߡߊ߲߫ ߠߊ߫ 1}: ߤߍ߲߫ ߞߋߟߊ ߸ ߊ߲ߠߎ߬ ߟߋ߬ ߣߊ߰ ߤߙߊ߫ ߛߌߦߊߡߊ߲ ߘߌ߫ ߟߴߌ ߡߊ߬, ߏ߬ ߡߍ߲ ߘߏ߫ ߦߋ߫ ߞߊߥߑߛ߳ߙߊ ߘߊ߬ߟߊ ߘߌ߫ ߊߙߑߖߣߍ߬.
{فَصَلِّ لِرَبِّكَ وَٱنۡحَرۡ} 2- { ߒ߬ߓߊ߬ ߸ ߌ ߛߊߟߴߌ ߕߌ߭ ߦߋ߫ ߸ ߊ߬ ߣߴߌ ߦߋ߫ ߜߙߐ߬ߟߌ ߞߍ߫ 2}: ߒ߬ߓߊ߬ ߸ ߌ ߦߴߊߟߊ߫ ߞߏߢߌߡߊߟߐ߲߫ ߊ߬ ߟߊ߫ ߦߌߟߌ߲ ߠߊ߫, ߣߴߏ߬ ߦߴߌ ߛߊߟߌ ߘߴߊ߬ ߞߋߟߋ߲߫ ߦߋ߫ ߸ ߊ߬ ߣߌ߫ ߞߊ߬ ߞߣߊߕߍ߯߯ߟߌ ߞߴߊ߬ ߦߋ߫, ߞߵߏ߬ ߞߍ߫ ߓߊ߬ߕߏ߬ߕߊ߫ ߞߙߊ߬ߟߊ ߟߎ߬ ߝߘߏ߬ߢߐ߰ߦߊ ߟߴߊ߬ߟߎ߬ ߟߊ߫ ߖߘߍ߬ߡߊ߬ߘߏ߲߬ߢߊ ߘߐ߫ ߸ ߊ߬ߟߎ߬ ߟߊ߫ ߖߏ߭ ߟߎ߬ ߟߊ߫ ߞߣߊߕߍ߰ߟߌ ߘߌ߫.
{إِنَّ شَانِئَكَ هُوَ ٱلۡأَبۡتَرُ} 3- { ߌ ߞߐߣߌ߲ߧߊߓߊ߮ ߟߋ߬ ߞߐ߫ ߟߊߜߊ߬ߣߊ߲߬ߕߊ߮ ߘߌ߫ 3}: ߌ ߟߊߜߏߦߊߒߧߍߓߊ߮ ߟߋ߬ ߓߟߏߟߊߕߍ߰ ߕߊ߫ ߦߋ߫ ߤߙߊ߫ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߡߊ߬ ߸ ߏ߬ ߡߍ߲ ߓߊ߯ ߞߏߝߐ߫ ߊ߬ ߞߏߝߐ߫ ߕߐ߫ ߖߎ߯ߡߊ߲ ߠߋ߬ ߡߊ߬.

ߞߊ߯ߝߙߌ ߟߎ߬ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
{ ߊ߬ ߝߐ߫ ߞߏ߫ ߤߍ߲߬ ߊߟߎ߫ ߞߊ߯ߝߙߌ ߟߎ߬ 1 ߒ ߕߍ߫ ߝߋ߲ ߓߊ߬ߕߏ߬ ߊߟߎ߫ ߦߋ߫ ߡߍ߲ ߓߊ߬ߕߏ߬ ߟߊ߫ 2 ߊߟߎ߫ ߕߍ߫ ߓߊ߬ߕߏ߬ߓߊ߯ ߘߌ߫ ߝߋ߲߫ ߠߊ߫ ߒ ߧߋ߫ ߡߍ߲ ߓߊ߬ߕߏ߬ ߟߊ߫ 3 ߒߠߋ ߕߍ ߓߊ߬ߕߏ߬ߓߊ߯ ߘߌ߫ ߝߋ߲ ߠߴߊߟߎ߫ ߞߊ߬ ߡߍ߲ ߓߊ߬ߕߏ߬ 4 ߊߟߎ߫ ߕߍ߫ ߓߊ߬ߕߏ߬ߓߊ߯ ߘߌ߫ ߝߋ߲߫ ߠߊ߫ ߒ ߧߋ߫ ߡߍ߲ ߓߊ߬ߕߏ߬ ߟߊ߫ 5 ߊߟߎ߫ ߕߊ߫ ߣߊߡߎ߲ ߦߴߊߟߎ߫ ߓߟߏ߫ ߸ ߒ ߕߊ߫ ߣߊߡߎ߲ ߦߋ߫ ߒ ߓߟߏ߫ 6} [ߞߊ߯ߝߙߌ ߟߎ߬ ߝߐߘߊ: 1 - 6]
ߞߘߐߦߌߘߊ:
{قُلۡ يَٰٓأَيُّهَا ٱلۡكَٰفِرُونَ} 1- { ߊ߬ ߝߐ߫ ߞߏ߫ ߤߍ߲߬ ߊߟߎ߬ ߞߊ߯ߝߙߌ ߟߎ߬}: ߤߍ߲߫ ߞߋߟߊ ߸ ߊ߬ ߝߐ߫ ߞߏ߫ ߤߍ߲߫ ߊߟߎ߫ ߞߊ߯ߝߙߌߦߊߣߍ߲ ߠߎ߬ ߊߟߊ߫ ߡߊ߬.
{لَآ أَعۡبُدُ مَا تَعۡبُدُونَ} 2- { ߒ ߕߍ߫ ߝߋ߲ ߓߊ߬ߕߏ߬ ߊߟߎ߫ ߦߋ߫ ߡߍ߲ ߓߊ߬ߕߏ߬ ߟߊ߫ 2 }: ߒ ߕߍ߫ ߝߋ߲߫ ߓߊ߬ߕߏ߬ ߟߊ߫ ߓߌ ߤߊߟߌ߫ ߟߏ߲ ߠߊ߬ߕߐ ߘߐ߫ ߸ ߊߟߎ߫ ߦߋ߫ ߡߍ߲߫ ߓߊ߬ߕߏ߬ ߟߊ߫ ߖߏ߭ ߟߎ߬ ߘߐ߫.
{وَلَآ أَنتُمۡ عَٰبِدُونَ مَآ أَعۡبُدُ} 3- { ߊߟߎ߫ ߕߍ߫ ߓߊ߬ߕߏ߬ߓߊ߯ ߘߌ߫ ߝߋ߲߫ ߠߊ߫ ߒ ߧߋ߫ ߡߍ߲ ߓߊ߬ߕߏ߬ ߟߊ߫ 3}: ߊߟߎ߫ ߕߍ߫ ߓߊ߬ߕߏ߬ߓߊ߯ ߘߌ߫ ߝߋ߲߫ ߠߊ߫ ߒߠߋ ߦߋ߫ ߡߍ߲ ߓߊ߬ߕߏ߬ ߟߊ߫ ߸ ߣߴߏ߬ ߦߋ߫ ߊߟߊ߫ ߞߋߟߋ߲ ߘߌ߫.
{وَلَآ أَنَا۠ عَابِدٞ مَّا عَبَدتُّمۡ} 4- { ߒߠߋ ߕߍ ߓߊ߬ߕߏ߬ߓߊ߯ ߘߌ߫ ߝߋ߲ ߠߴߊߟߎ߫ ߞߊ߬ ߡߍ߲ ߓߊ߬ߕߏ߬ 4 }: ߒߠߋ ߕߍ ߓߊ߬ߕߏ߬ߓߊ߯ ߘߌ ߝߋ߲ ߠߴߊߟߎ߫ ߞߊ߬ ߡߍ߲ ߓߊ߬ߕߏ߬ ߖߏ߭ ߟߎ߬ ߘߐ߫.1
{وَلَآ أَنتُمۡ عَٰبِدُونَ مَآ أَعۡبُدُ} 5- { ߊߟߎ߫ ߕߍ߫ ߓߊ߬ߕߏ߬ߓߊ߯ ߘߌ߫ ߝߋ߲߫ ߠߊ߫ ߒ ߧߋ߫ ߡߍ߲ ߓߊ߬ߕߏ߬ ߟߊ߫ 5}: ߊߟߎ߫ ߕߍ߫ ߓߊ߬ߕߏ߬ߓߊ߯ ߘߌ߫ ߝߋ߲߫ ߠߊ߫ ߒߠߋ ߦߋ߫ ߡߍ߲ ߓߊ߬ߕߏ߬ ߟߊ߫ ߸ ߣߴߏ߬ ߦߋ߫ ߊߟߊ߫ ߞߋߟߋ߲ ߘߌ߫.
{لَكُمۡ دِينُكُمۡ وَلِيَ دِينِ} 6- { ߊߟߎ߫ ߕߊ߫ ߣߊߡߎ߲ ߦߴߊߟߎ߫ ߦߋ߫ ߒ ߕߊ߫ ߣߊߡߎ߲ ߦߋ߫ ߒ ߧߋ߫ 6} ߊߟߎ߫ ߕߊ߫ ߘߌ߯ߣߊ ߦߴߊߟߎ߫ ߦߋ߫, ߊߟߎ߫ ߞߊ߬ ߡߍ߲߫ ߠߊߝߟߐ߫ ߒ ߕߊ߫ ߘߌ߯ߣߊ ߦߋ߫ ߒ ߧߋ߫, ߊߟߊ߫ ߞߊ߬ ߡߍ߲ ߠߊߖߌ߰ ߒ ߡߊ߬.

ߖ: ߘߍ߬ߡߍ߲߬ߠߌ߲ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
{ߣߴߊߟߊ߫ ߟߊ߫ ߘߍ߬ߡߍ߲߬ߠߌ߲ ߣߌ߫ ߟߊ߬ߥߛߊ ߣߊ߬ ߘߊ߫ ߕߎ߬ߡߊ ߡߍ߲ 1 ߊ߬ ߣߴߌ ߓߊ߯ ߡߐ߱ ߟߎ߬ ߦߋ߫ ߘߏ߲߬ ߠߴߊߟߊ߫ ߟߊ߫ ߣߊߡߎ߲ ߘߐ߫ ߕߎ߬ߡߊ ߡߍ߲ ߞߙߎ ߟߎ߬ ߘߌ߫ 2 ߒ߬ߓߊ߬߸ ߌ ߕߌ߭ ߕߊ߲߬ߘߏ ߛߊߣߌ߲ߧߊ߫ ߸ ߊ߬ ߣߴߌ ߦߋ߫ ߡߊ߬ߞߕߏ߬ߟߌ߬ߢߌߣߌ߲ ߞߍ߫ ߊ߬ ߟߊ߫ ߸ ߓߊߏ߬ ߊ߬ ߞߍߣߍ߲߫ ߖߘߍ߬ߟߊ߬ߛߊߦߌ߲ߕߌ߯ ߟߋ߬ ߘߌ߫ [ߘߍ߬ߡߍ߲߬ߠߌ߲ ߝߐߘߊ: 1 - 3]
ߞߘߐߦߌߘߊ:
{إِذَا جَآءَ نَصۡرُ ٱللَّهِ وَٱلۡفَتۡحُ} 1- { ߣߴߊߟߊ߫ ߟߊ߫ ߘߍ߬ߡߍ߲߬ߠߌ߲ ߣߌ߫ ߟߊ߬ߥߛߊ ߣߊ߬ ߘߊ߫ ߕߎ߬ߡߊ ߡߍ߲ 1}: ߤߍ߲߫ ߞߋߟߊ ߸ ߣߴߊߟߊ߫ ߟߊ߫ ߘߍ߬ߡߍ߲߬ߠߌ߲ ߣߴߊ߬ ߟߊ߫ ߟߊ߬ߥߛߊ ߣߊ߬ ߘߊ߫ ߕߎ߬ߡߊ ߡߍ߲ ߸ ߌ ߟߊ߫ ߘߌ߯ߣߊ ߦߋ߫, ߊ߬ ߣߴߊ߬ ߜߟߌߦߊ, ߊ߬ ߣߌ߫ ߡߊߞߞߊ߫ ߘߊߦߟߍ ߖߏ߲߬ߖߊ߲.
{وَرَأَيۡتَ ٱلنَّاسَ يَدۡخُلُونَ فِي دِينِ ٱللَّهِ أَفۡوَاجٗا} 2- { ߊ߬ ߣߴߌ ߓߊ߯ ߡߐ߱ ߟߎ߬ ߦߋ߫ ߘߏ߲߬ ߠߴߊߟߊ߫ ߟߊ߫ ߣߊߡߎ߲ ߘߐ߫ ߞߙߎ ߟߎ߬ ߘߌ߫ }: ߊ߬ ߣߴߌ ߓߊ߯ ߡߐ߱ ߟߎ߬ ߦߋ߫ ߘߏ߲߬ ߠߊ߫ ߛߌ߬ߟߡߊ߬ߦߊ ߘߐ߫ ߞߙߎ ߣߌ߫ ߞߙߎ ߘߌ߫ ߕߎ߬ߡߊ ߡߍ߲.
{فَسَبِّحۡ بِحَمۡدِ رَبِّكَ وَٱسۡتَغۡفِرۡهُۚ إِنَّهُۥ كَانَ تَوَّابَۢا} 3- ߒ߬ߓߊ߬߸ ߦߴߌ ߕߌ߭ ߕߊ߲߬ߘߏ ߛߊߣߌ߲ߧߊ߫ ߸ ߊ߬ ߣߴߌ ߦߋ߫ ߡߊ߬ߞߕߏ߬ߟߌ߬ߢߌߣߌ߲ ߞߍ߫ ߊ߬ ߟߊ߫ ߸ ߓߊߏ߬ ߊ߬ ߞߍߣߍ߲߫ ߖߘߍ߬ߟߊ߬ߛߊߦߌ߲ߕߌ߯ ߟߋ߬ ߘߌ߫ 3}: ߒ߬ߓߊ߬ ߸ ߦߴߊ߬ ߟߐ߲߫ ߞߴߏ߬ ߡߍ߲ ߦߴߏ߬ ߘߌ߫ ߸ ߏ߬ ߦߋ߫ ߌ ߟߐ߲߬ߞߋߟߊ ߕߎ߬ߡߊ ߓߊ߲߫ ߛߎ߬ߘߎ߲߬ߧߊ ߟߋ߬ ߘߌ߫, ߌ ߞߋߟߦߊߣߍ߲ ߡߍ߲ ߠߊ߫ ߸ ߒ߬ߓߊ߬ ߸ ߦߴߌ ߕߌ߭ ߕߊ߲߬ߘߏ ߛߊߣߌ߲ߧߊ߫ ߸ ߓߙߌߞߊߓߊ߯ ߘߴߊ߬ ߦߴߊ߬ ߟߊ߫ ߘߍ߬ߡߍ߲߬ߠߌ߲ ߣߌ߫ ߟߊ߬ߥߛߊ ߦߌߟߌ߲ ߠߊ߫, ߌ ߦߋ߫ ߜߊ߲ߞߎߣߊ ߢߌߣߴߊ߬ ߝߍ߬ ߓߊߏ߬ ߊ߬ ߞߍߣߍ߲߫ ߖߘߍ߬ߟߊ߬ߛߊߦߌ߲ߕߌ߯ ߟߋ߬ ߘߌ߫, ߊ߬ ߦߴߊ߬ ߟߊ߫ ߖߐ߲߭ ߠߎ߬ ߟߊ߫ ߖߘߍ߬ߟߊ߬ߛߊߦߌ߲ ߡߌ߬ߘߊ߬ ߟߊ߫ ߸ ߊ߬ ߦߋ߫ ߜߊ߲ߞߎߣߊ ߟߴߊ߬ߟߎ߬ ߦߋ߫.

ߖ: ߛߊ߲ߖߟߎ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
{ ߊ߬ߓߎ߰-ߟߤߊߓߌ߲߫ ߓߟߏ߫ ߝߌ߬ߟߊ ߓߘߊ߫ ߕߏ߫ ߊ߬ ߘߐ߫ ߸ ߊ߬ ߖߍ߬ߘߍ ߓߘߊ߫ ߕߏ߫ ߊ߬ ߘߐ߫ 1 ߊ߬ ߟߊ߫ ߣߊ߲߬ߝߟߏ ߣߴߊ߬ ߓߊ߯ߙߊߣߐ ߡߴߊ߬ ߢߴߊ߬ ߡߊ߬ 2 ߊ߬ ߟߊߘߏ߲߬ ߕߐ߫ ߕߊ߫ ߡߍߣߍ߲ߡߊ ߟߋ߬ ߘߐ߫ 3 ߊ߬ ߣߴߊ߬ ߡߛߏ߬ ߟߐ߯ ߞߎߘߎ߲߫ ߕߊ߫ ߟߊ߫ 4 ߖߎ߬ߟߎ߫ ߞߊ߬ߦߌ߲߬ߣߍ߲ ߓߌ߬ߟߊ߬ߕߐ߫ ߏ߬ ߟߋ ߞߊ߲ ߠߊ߫ 5} [ߛߊ߲ߖߟߎ ߝߐߘߊ: 1 - 5]
ߞߘߐߦߌߘߊ:
{تَبَّتۡ يَدَآ أَبِي لَهَبٖ وَتَبَّ} 1- {ߊ߬ߓߎ߰-ߟߤߊߓߌ߫ ߓߟߏ߫ ߝߌ߬ߟߊ ߓߘߊ߫ ߕߏ߫ ߊ߬ ߘߐ߫ ߸ ߊ߬ ߖߍ߬ߘߍ ߓߘߊ߫ ߕߏ߫ ߊ߬ ߘߐ߫ 1}: ߟߊ߬ߝߐ߬ߓߊ߮ ߓߋߣߐ߮ ߊ߬ߓߎ߰-ߟߤߊߓߌ߫ (ߊߓߑߘߎߟ ߡߎ߬ߕ߭ߐߟߓߌ߫ ߘߋ߲ߗߍ߫ ߞߊ߬ߣߌ߲߬) ߓߟߏ߫ ߝߌ߬ߟߊ ߓߘߊ߫ ߓߣߐ߬ ߣߴߏ߬ ߦߴߊ߬ ߓߐ߬ߣߐ߫ ߘߴߊ߬ ߟߊ߫ ߓߊ߯ߙߊ ߟߎ߬ ߘߐ߫, ߓߊߏ߬ ߸ ߊ߬ ߕߘߍ߬ ߟߊ߬ߝߐ߬ߓߊ߮ ߕߙߐ߫ ߟߊ߫ ߟߋ߬, ߞߵߊ߬ ߖߌ߭ ߕߍ߬.
{مَآ أَغۡنَىٰ عَنۡهُ مَالُهُۥ وَمَا كَسَبَ} 2- { ߊ߬ ߟߊ߫ ߣߊ߲߬ߝߟߏ ߣߴߊ߬ ߛߐ߬ߘߐ߲ߝߋ߲ ߡߊ߫ ߝߏߦߌ߫ ߢߵߊ߬ ߡߊ߬ 2}: ߊ߬ ߟߊ߫ ߣߊ߲߬ߝߟߏ ߣߴߊ߬ ߛߐ߬ߘߐ߲ߝߋ߲ ߡߊ߫ ߖߊ߲߬ߞߕߊ ߟߊ߫ ߕߊ߲߬ߞߌ߲ ߞߊ߬ ߓߐ߫ ߊ߬ ߡߊ߬ ߸ ߏ߬ ߝߌ߬ߟߊ ߘߏ߲߬ ߡߊ߫ ߤߌߣߊ߫ ߡߊߛߊ߬ߡߊ߲߬ ߞߵߊ߬ ߟߊߛߋ߫ ߊ߬ ߡߊ߬.
{سَيَصۡلَىٰ نَارٗا ذَاتَ لَهَبٖ} 3- { ߊ߰ ߘߏ߲߬ ߕߐ߫ ߕߊ߫ ߡߍߣߍ߲ߡߊ ߟߋ߬ ߘߐ߫ 3}: ߊ߬ ߘߏ߲߬ ߕߐ߫ ߕߊ߫ ߡߍߣߍ߲ߡߊ ߟߋ߬ ߘߐ߫ ߟߐ߬ ߓߊ ߟߏ߲.
{وَٱمۡرَأَتُهُۥ حَمَّالَةَ ٱلۡحَطَبِ} 4- { ߊ߬ ߣߴߊ߬ ߡߛߏ߬ ߟߐ߯-ߞߎߘߎ߲ ߕߊ߫ ߟߊ߫ 4}: ߊ߬ ߡߛߏ߬ ߎߡߡߎ߫ ߖߊ߬ߡߌ߯ߟߌ߬ ߘߏ߲߬ ߕߐ߫ ߟߋ߬ ߦߋ߲߬ ߸ ߏ߬ ߡߍ߲ ߕߘߍ߬ ߟߊ߬ߝߐ߬ߓߊ߮ ߕߙߐ߫ ߟߊ߫ ߥߊߣߌ߲ ߓߌ߬ߟߊ߫ ߘߴߊ߬ ߢߍ߫ ߛߌߟߊ߬ ߟߊ߫.
{فِي جِيدِهَا حَبۡلٞ مِّن مَّسَدِۭ} 5- { ߖߎ߬ߟߎ ߞߊ߬ߦߌ߲߬ߣߍ߲ ߓߌ߬ߟߊ߬ߕߐ߫ ߏ߬ ߟߋ ߞߊ߲ߠߊ߫ 5 }: ߖߎ߬ߟߎ ߖߊ߬ߣߍ߲ ߝߊߛߊ߲ ߦߴߊ߬ ߞߊ߲ ߠߊ߫ ߸ ߊ߬ ߦߋ߫ ߛߊ߬ߡߊ߲߬ ߠߴߏ߬ ߡߊ߬߫ ߞߊ߬ ߕߊ߯ ߕߊ ߘߐ߫.

ߖ: ߓߎ߰ߓߎ߰ߟߌ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
{ ߊ߬ ߝߐ߫ ߞߏ߫ ߸ ߊ߬ߟߋ ߟߴߊߟߊ߫ ߞߎ߲ߞߋߟߋ߲ ߘߌ߫ 1 ߊߟߊ߫ ߞߙߍߞߙߍߕߊ 2 ߊ߬ ߡߊ߫ ߝߋ߲߫ ߡߏߦߌ߫ ߸ ߝߋ߲߫ ߡߴߊ߬ ߡߏߦߌ߫ 3 ߢߐ߲߬ߘߐ߬ ߞߋߟߋ߲߫ ߛߌ߫ ߘߏ߲߬ ߡߊ߫ ߞߴߊ߬ ߟߊ߫ 4} [ߓߎ߰ߓߎ߰ߟߌ ߝߐߘߊ: 1 - 4]
ߞߘߐߦߌߘߊ:
{قُلۡ هُوَ ٱللَّهُ أَحَدٌ} 1- { ߊ߬ ߝߐ߫ ߞߏ߫ ߸ ߊ߬ߟߋ ߟߴߊߟߊ߫ ߞߎ߲ߞߋߟߋ߲ ߘߌ߫ 1}: ߤߍ߲߫ ߞߋߟߊ ߸ ߊ߬ ߝߐ߫ ߞߏ߫ ߊ߬ߟߋ ߟߴߊߟߊ߫ ߘߌ߫ ߓߊ߬ߕߏ߬ߕߊ߬ ߜߘߍ ߕߍ߫ ߡߍ߲ ߞߐ߫.
{ٱللَّهُ ٱلصَّمَدُ} 2- { ߊߟߊ߫ ߞߙߍߞߙߍߕߊ 2}: ߘߊ߲ߝߋ߲ ߠߎ߬ ߡߊ߬ߞߏ߬ߣߊ߲߬ߕߊ ߟߎ߬ ߦߋ߫ ߞߘߐߕߊ ߟߴߊ߬ߟߋ ߟߋ߬ ߡߊ߬.
{لَمۡ يَلِدۡ وَلَمۡ يُولَدۡ} 3- { ߡߴߊ߬ ߝߋ߲߫ ߡߏߦߌ߫ ߸ ߝߋ߲߫ ߡߴߊ߬ ߡߏߦߌ߫ 3}: ߘߋ߲߫ ߕߴߊ߬ ߓߟߏ߫ ߛߐ߬ߘߐ߲߬ߓߊ߯ ߕߴߊ߬ ߟߊ߫.
{وَلَمۡ يَكُن لَّهُۥ كُفُوًا أَحَدُۢ} 4-{ ߢߐ߲߬ߘߐ߬ ߞߋߟߋ߲߫ ߛߌ߫ ߘߏ߲߬ ߡߊ߫ ߞߴߊ߬ ߟߊ߫ 4}: ߟߊ߲ߡߊ ߡߊ߫ ߞߵߊ߬ ߟߊ߫ ߞߊ߬ ߓߐ߫ ߊ߬ ߟߊ߫ ߘߊ߲ߝߋ߲ ߘߐ߫.

ߖ: ߘߎ߬ߛߊ߬ߜߍ ߝߐߘߊ ߣߴߊ߬ ߞߘߐߦߌߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
{ߊ߬ ߝߐ߫ ߞߏ߫ ߒ ߧߋ߫ ߡߊ߬ߕߊ߲߬ߞߊ߬ߟߌ ߕߙߊ߫ ߟߊ߫ ߘߎ߬ߛߊ߬ߜߍ ߕߌ߮ ߟߊ߫ 1 ߞߊ߬ ߓߐ߫ ߝߋ߲ ߖߎ߯ߡߊ߲ ߡߊ߬ ߸ ߊ߬ ߞߊ߬ ߡߍ߲߫ ߘߊ߲߫ 2 ߊ߬ ߣߌ߫ ߞߊ߬ ߓߐ߫ ߛߎ߫ ߘߓߌߓߊ ߕߙߐ ߡߊ߬ ߸ ߣߴߊ߬ ߞߍ߫ ߘߊ߫ ߘߍ߲ߘߍ߲߫ ߕߎ߬ߡߊ߫ ߡߍ߲߫ 3 ߊ߬ ߣߌ߫ ߞߊ߬ ߓߐ߫ ߘߊߖߌߕߎߟߊߖߎ߯ߓߊ ߕߙߐ ߡߊ߬ ߸ ߕߊ߬ߝߏ ߘߐ߫ 4 ߊ߬ ߣߌ߫ ߞߊ߬ ߓߐ߫ ߓߍ߬ߛߍ߲߬ߞߐߣߌ߲ ߕߙߐ ߡߊ߬ ߸ ߣߴߊ߬ ߞߊ߬ ߓߍ߬ߛߍ߲߬ߞߐ߬ߣߌ߬ߦߊ ߞߍ߫ ߕߎ߬ߡߊ߫ ߡߍ߲߫ 5} [ߘߎ߬ߛߊ߬ߜߍ ߝߐߘߊ: 1 - 5]
ߞߘߐߦߌߘߊ:
{قُلۡ أَعُوذُ بِرَبِّ ٱلۡفَلَقِ} 1-{ ߊ߬ ߝߐ߫ ߞߏ߫ ߒ ߧߋ߫ ߡߊ߬ߕߊ߲߬ߞߊ߬ߟߌ ߕߙߊ߫ ߟߊ߫ ߘߎ߬ߛߊ߬ߜߍ ߕߌ߮ ߟߊ߫ 1}: ߤߍ߲߫ ߞߋߟߊ ߸ ߊ߬ ߝߐ߫ ߞߏ߫ ߒ ߧߋ߫ ߒ ߞߊ߬ߙߌ߬ߝߊ߬ ߟߊ߫ ߘߎ߬ߛߊ߬ߜߍ ߕߌ߭ ߟߊ߫, ߊ߬ ߣߌ߫ ߞߊ߬ ߡߊ߬ߕߊ߲߬ߞߊ߬ߟߌ ߕߙߴߊ߬ ߟߊ߫.
{مِن شَرِّ مَا خَلَقَ} 2- { ߞߊ߬ ߓߐ߫ ߝߋ߲ ߖߎ߯ߡߊ߲ ߡߊ߬ ߸ ߊ߬ ߞߊ߬ ߡߍ߲߫ ߘߊ߲߫ 2 }: ߝߋ߲߫ ߡߊ߬ ߡߍ߲߫ ߘߌ߫ ߕߙߐ ߞߍ߫ ߞߊ߬ ߓߐ߫ ߘߊ߲ߝߌ߲ ߠߎ߬ ߘߐ߫.
{وَمِن شَرِّ غَاسِقٍ إِذَا وَقَبَ} 3-{ ߊ߬ ߣߌ߫ ߞߊ߬ ߓߐ߫ ߛߎ߫ ߘߓߌߓߊ ߕߙߐ ߡߊ߬ ߸ ߣߴߊ߬ ߞߍ߫ ߘߊ߫ ߘߍ߲ߘߍ߲߫ ߕߎ߬ߡߊ߫ ߡߍ߲߫ 3 }: ߊ߬ ߣߌ߫ ߒ ߧߋ߫ ߒ ߞߊ߬ߙߌ߬ߝߊ߬ ߟߴߊߟߊ߫ ߟߊ߫ ߞߊ߬ ߓߐ߫ ߖߎ߯ߡߊ ߠߎ߬ ߡߊ߬ ߡߍ߲ ߠߎ߬ ߦߋ߫ ߟߊ߲ߞߣߍߡߊ߫ ߟߊ߫ ߛߎ ߘߐ߫ ߞߊ߬ ߓߐ߫ ߛߍ߲߬ߛߍ߲߬ ߡߊ߫ ߝߋ߲߫ ߠߎ߬ ߣߌ߫ ߛߏ߭ ߠߎ߬ ߘߐ߫
{وَمِن شَرِّ ٱلنَّفَّٰثَٰتِ فِي ٱلۡعُقَدِ} 4-{ ߊ߬ ߣߌ߫ ߞߊ߬ ߓߐ߫ ߘߊߖߌߕߎߟߊߖߎ߯ߓߊ ߕߙߐ ߡߊ߬ ߸ ߕߊ߬ߝߏ ߘߐ߫ 4 }: ߊ߬ ߣߌ߫ ߒ ߧߋ߫ ߞߊ߬ߙߌ߬ߝߊ߬ ߟߴߊ߬ ߟߊ߫ ߞߊ߬ ߓߐ߫ ߞߙߐ߬ߕߍ߬ߕߌ߮ ߟߎ߬ ߡߊ߬ ߡߍ߲ ߠߎ߬ ߦߋ߫ ߘߊߖߌߕߎ߬ ߟߊ߫ ߕߊ߬ߝߏ ߘߐ߫.
{وَمِن شَرِّ حَاسِدٍ إِذَا حَسَدَ} 5- { ߊ߬ ߣߌ߫ ߞߊ߬ ߓߐ߫ ߓߍ߬ߛߍ߲߬ߞߐߣߌ߲ ߕߙߐ ߡߊ߬ ߸ ߣߴߊ߬ ߞߊ߬ ߓߍ߬ߛߍ߲߬ߞߐ߬ߣߌ߬ߦߊ ߞߍ߫ 5 }: ߊ߬ ߣߌ߫ ߞߊ߬ ߓߐ߫ ߓߍ߬ߛߍ߲߬ߞߐߣߌ߲߫ ߡߐ߰ߟߊ߲߬ߜߏ ߡߊ߬ ߣߴߊ߬ ߞߵߊ߬ߟߎ߬ ߓߍ߬ߛߍ߲߬ߞߐ߬ߣߌ߬ߦߊ߫ ߝߋ߲߫ ߡߊ߬ ߸ ߊߟߊ߫ ߞߊ߬ ߡߍ߲ ߣߌ߰ ߏ߬ ߟߎ߬ ߟߊ߫ ߦߌߟߌ߲ ߘߐ߫, ߊ߬ ߦߴߊ߬ ߝߍ߬ ߏ߬ ߟߎ߬ ߦߋ߫ ߝߴߏ߬ ߟߊ߫ ߸ ߞߊ߬ ߕߙߐ ߕߴߏ߬ ߟߎ߬ ߞߊ߲߫.

ߖ- ߡߐ߱ ߟߎ߬ ߝߐߘߊ ߣߴߊ߬ ߞߘߐߦߌ߬ߘߊ:
ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ߫ ߕߐ߯ ߟߊ߫
{ ߊ߬ ߝߐ߫ ߞߏ߫ ߒ ߧߋ߫ ߡߊ߬ߕߊ߲߬ߞߊ߬ߟߌ ߕߙߊ߫ ߟߊ߫ ߡߐ߱ ߟߎ߬ ߕߌ߱ ߟߊ߫ 1 ߡߐ߱ ߟߎ߬ ߟߊ߫ ߡߊ߲߬ߛߊ 2 ߡߐ߱ ߟߎ߬ ߟߊ߫ ߓߊ߬ߕߏ߬ߕߊ ߞߊ߬ ߓߐ߫ ߡߙߌߘߐߗߍߟߊ߫ ߢߡߊߞߍߟߌߟߓߊ ߕߙߐ ߡߊ߬ 4 ߡߍ߲߫ ߦߋ߫ ߡߙߌߘߐߗߍ ߞߍ߫ ߟߊ߫ ߡߐ߱ ߟߎ߬ ߛߌߛߌ ߘߐ߫ 5 ߞߊ߬ ߓߐ߫ ߥߎ߬ߞߎߟߐ ߣߌ߫ ߡߐ߱ߠߍ߲ߜߍ ߘߐ߫ 6} [ߡߐ߱ ߟߎ߬ ߝߐߘߊ: 1 - 6].
ߞߘߐߦߌߘߊ:
{قُلۡ أَعُوذُ بِرَبِّ ٱلنَّاسِ} 1- {ߊ߬ ߝߐ߫ ߞߏ߫ ߒ ߧߋ߫ ߡߊ߬ߕߊ߲߬ߞߊ߬ߟߌ ߕߙߊ߫ ߟߊ߫ ߡߐ߱ ߟߎ߬ ߕߌ߱ ߟߊ߫ 1} : ߊ߬ ߝߐ߫ ߞߏ߫ ߤߍ߲߫ ߌߟߋ ߞߋߟߊ: ߒ ߧߋ߫ ߒ ߞߊ߬ߙߌ߬ߝߊ߬ߟߊ߫ ߡߐ߱ ߟߎ߬ ߕߌ߭ ߟߊ߫ ߞߊ߬ ߡߊ߬ߕߊ߲߬ߞߊ߬ߟߌ ߕߙߴߊ߬ ߟߊ߫.
{مَلِكِ ٱلنَّاسِ} 2- {ߡߐ߱ ߟߎ߬ ߟߊ߫ ߡߊ߲߬ߛߊ 2} ߊ߬ ߦߴߊ߬ ߘߐߦߟߍ߬ߡߊ߲߬ ߠߴߏ߬ ߟߎ߬ ߘߐ߫, ߡߊ߲߬ߛߊ ߛߌ߫ ߕߴߊ߬߬ߟߎ߬ ߦߴߏ߬ ߞߐ߫.
{إِلَٰهِ ٱلنَّاسِ} 3- { ߡߐ߱ ߟߎ߬ ߟߊ߫ ߓߊ߬ߕߏ߬ߕߊ} ߊ߬ߟߎ߬ ߟߊ߫ ߓߊ߬ߕߏ߬ߕߊ ߕߏ߬ߢߟߊ, ߓߊ߬ߕߏ߬ߕߊ߬ ߜߘߍ߫ ߕߴߊ߬ߟߎ߬ ߟߊ߫ ߡߍ߲߫ ߞߐ߫ ߕߏ߬ߢߊ ߟߊ߫.
{مِن شَرِّ ٱلۡوَسۡوَاسِ ٱلۡخَنَّاسِ} 4- { ߞߊ߬ ߓߐ߫ ߡߙߌߘߐߗߍߟߊ߫ ߢߡߊߞߍߟߌߟߓߊ ߕߙߐ ߡߊ߬ 4}: ߞߊ߬ ߓߐ߫ ߜߍ߬ߘߍ ߡߊ߬ ߡߍ߲߫ ߦߴߊ߬ ߟߊ߫ ߡߙߌߘߐߗߍ ߟߊߝߟߌ߬ ߟߊ߫ ߞߊ߬ ߕߊ߯ ߡߐ߱ ߟߎ߬ ߡߊ߬.
{ٱلَّذِي يُوَسۡوِسُ فِي صُدُورِ ٱلنَّاسِ} 5-{ ߡߍ߲߫ ߦߋ߫ ߡߙߌߘߐߗߍ ߞߍ߫ ߟߊ߫ ߡߐ߱ ߟߎ߬ ߛߌߛߌ ߘߐ߫ 5}: ߊ߬ ߦߋ߫ ߡߙߌߘߐߗߍ ߞߍ߫ ߟߊ߫ ߞߊ߬ ߕߊ߯ ߡߐ߱ ߟߎ߬ ߖߛߎ߬ߞߎ߲ ߘߐ߫.
{مِنَ ٱلۡجِنَّةِ وَٱلنَّاسِ} 6- { ߞߊ߬ ߓߐ߫ ߥߎ߬ߞߎߟߐ ߣߌ߫ ߡߐ߱ ߘߐ߫ 6}: ߡߙߌߘߐߗߍߟߊ ߘߌ߫ ߞߍ߫ ߡߐ߱ ߘߐ߫ ߊ߬ ߘߌ߫ ߞߍ߫ ߥߐ߬ߞߎ߬ߟߐ ߘߐ߫.