L-1- Yɑɑ A zɩsgre, A Nɑɑm yɩlg n zẽke.
2- Yɑɑ tũ-A, A Yembre, lagem-n-taag ka be ne-A ye.
3- Yɑɑ A tũubu.
4- Bɑs A kɩɩsgo.
5-Yɑɑ A bɑrk pʋʋsgo lɑ A pẽgre, A nɑɑm yɩ wɑgell n zẽke, ne A yɩɩdlemɑ lɑ A neemã wã sẽn pɑ tõe n sõdã.
6- Lɑ Sugr mɑɑnego ne A Pʋlʋngã.

L-1- Yɑɑ ɑ pʋgbo lɑ ɑ tikri.
2- A tũubã.
3- Bɑs a kɩɩsgo.
4- Yɑɑ b sɩdg-ɑ ɑ sẽn togs bũmb ningã
5-Yaa b ra maan Bid'ah (yẽbg yεlã) n paasd a Sunnah ye.
6-Yaa d yɩ a nonglem, n yɩɩd a mengã la nebã fãa gilli.
7-Yaa d zɩsg-a la d sõng-a la d sõng a Sunnah.

L-1-Yaa roagdb a yiibã tũubu, sã n ka mikame tɩ yaa Wẽnd kɩɩsg pʋgẽ.
2-Yaa roagdb a yiibã sõgnego.
3-Yaa roagdb a yiibã sõngre.
4-Yaa roagdb a yiibã tʋlsem-rãmb maanego.
5-Yaa kos Wẽnd n kõ roagdb a yiibã.
6-Yaa tall zʋgd ne-ba, gomd pʋgẽ, rẽnd ka sakd tɩ fo yeel-ba «kãe» ye, yẽ me la goamã sẽn tʋg n paood n yɩɩda.
7-Yaa yõgemd noore roagdb a yiibã taoore, la f ra gãnem f neng ye.
8-M ka zẽkd m koεεga m roagdb a yiibã koεεg zug ye, m kelgda b yiibã, m ka wãagd b goamã ye, m ka boond-ba ne b yʋy a yiibã ye, m yetame «m saamba», «m ma».
9-M kota sore, taoor tɩ m na n ka kẽ m saambã la m ma wã nengẽ, tɩ b sã n be roogẽ.
10-Yaa roagdb a yiibã zug la b nus mokre.

L-1-Yaa rog-pẽtbã kaagre, sẽn yaa tãopa, la tãop pogse, la baaba-bi la pʋgdb-rãmba la yεs-rãmba, la ma-bi la rogdb nins sẽn kellã fãa gilli.
2-Yaa maneg n tʋg-ba ne gomde, la tʋʋma la m sõng-ba.
3-La sẽn be a pʋgẽ yaa m boond-ba la m sokd b yelle.

L-1- M maanda nin-sõmbsã nonglerm la m tũud-ba.
2-M zãagd nin-wẽnsã la m basd b tũubu.
3-M ningda m ma-biisã sallem la m yõkd b nusi.
4-M kaad-b lame tɩ b sã n lʋɩ bãaga la m kot Wẽnd t'A kõ-b laafɩ.
5-La ned sã n tĩsi, m yeted-a lame: «Yarhamu kumullaah».
6-M sakda a boolle t'a sã n bool-ma tɩ m wa kaag-a.
7-M kõt-a la saglse.
8- M sõngd-a lame tɩ b sã n wẽg-a la m gɩdg-a t'a ra wẽg ned ye.
10- M nonga ne m ma-biig sẽn yaa lɩslaama, wala bũmb ning mam sẽn nong ne m mengã.
11-M sõngd-a lame t'a sã n tar tʋlsem ne mam sõngre.
12- M ka sɩɩsd-a ne wẽnga, zem tɩ yaa goamd maa tʋʋmd ye.
13-M gũusda a yel-soondɩ wã.
14- M ka tʋʋd-a, m ka wɩt-a, m ka paoogd-a, m ka maand-a sũ-kiiri, m ka pẽesd a yεl n rat n bãng ye, m ka maand-a zamb ye.

L-1-M manegdame n tʋg m yakã ne gomde la tʋʋmde, la m sõng-a t'a sã n wa tar tʋlsem ne mam sõngre.
2-M pʋʋsd-a la zu-noogo t'a sã n wa tar sũ-noog ne tigri, maa furi maa zẽng sẽn ka rẽnda.
3-M kaadg-a lame t'a sã n bẽ, la m pʋʋsd-a ne toogo tɩ masɩɩb sã n paam-a.
4-M yãkd n kõt-a lame bũmb ning mam sẽn segl tɩ yaa rɩɩbo, m sẽn tõe tεka.
5-Mam ka maand tɩ nang ta-a, zem tɩ yaa gomd maa tʋʋmde.
6-M ka namsd-a ne koεεg zẽkr ye, maa ne veesg n rat n bãng a yεla, la m maanda sugr ne-a.

L-1-M sakda ned ning sẽn boola maam n tʋg a zakẽ wã.3
2-M sã n rat n kaag neda, m kot-a la sor la sεka.
3-M kota sor taoor tɩ m na n ka kẽ.
4-M ka zĩndid n kaoos kɑɑgrẽ wã ye.
5-M mumda m ninã n yi zakã rãmba.
6-M pʋʋsda sãanã bεεla, la m yεk-a yekr sẽn be neere, ne neng yõgnego la goam sẽn yaa sõma.
7-M zĩndigda sãanã zĩig sẽn yaa sõma n yɩɩda.
8-La m waoog a sãandã ne rɩɩbo la bõn-yũudi.

L-1-M sã n wa wʋmd zabdem, m rɩkda m rɩtg nugã n ning zabdemã zĩigẽ, la m yeele: «Bɩsmɩllaah» noor a tãabo, la m yeele: «A'ʋʋzʋ bɩ"ɩzzatɩ-llah wa ƙʋwwatɩhɩɩ min šarrɩ maa aǧidi wa ʋhaazɩrʋ = m kota gũudum ne Wẽnd zɩslem la A tõogã, n yi mam sẽn wʋmd bũmb ningã la m gũusdẽ wã wẽnga» noor a yopoe.
2-M yarda ne bũmb ning Wẽnd sẽn pʋlmã la m maan sugri.
3-M yãgdame n tʋg n ma-biigã sẽn yaa bãadã kaagre, la m kos Wẽnd n kõ-a, la m ka wogend m zĩndigã a nengẽ ye.
4-M maand-a la Rʋƙɩyya, tɩ ka tũ ne a kosg ye.
5-M sagend-a la ne sugri la doaaga, la Pʋʋsgo la yɩlgre, a sẽn tõe tεka.
6-Kos n kũ bãad doaaga: « As'alʋ Allah Al-'Aẓɩɩma, Rabbɩ Al-Aršɩ Al-Aẓɩɩmɩ an yʋšfɩyak= M kota Wẽnd zɩsgã, sẽn yaa Al-arš zɩsgã Naabã t'A kõ-f laafɩ» noor a yopoe.

L-1- Yaa Anniy wã yɩlgr ne Wẽnde, A Naam yɩ wagell n zẽke.
2- M tʋmda ne bãngr ning mam sẽn karem-a.
3-M waoogda karen-saambã, a sẽn wat n beẽ la a poorẽ.
4-M zĩndida a taoorã ne zʋgdo.
5-M kelgd-a la sõma, m ka wãagd a goamã a karengã zĩigẽ ye.
6-M tallda zʋgdo tɩ m sã n wa n na n soke.
7-M ka boond-a ne a yʋʋrã ye.

L-1-M ningda karen-bokã rãmb sallem.
2- M zĩndida zĩig ning vɩʋʋg sẽn kete, m ka yikd ned a zĩigẽ ye, m ka tʋgd n wẽdg n zĩnd neb a yiib sʋka, rẽnda ne b yardo.
3-M sergdame tɩ ned zẽng zĩndi.
4-M ka wãagd zĩigã sõsg ye.
5-M kota sore, la m ning sallem taoor tɩ m na n ka loog zĩigẽ wã ye.
6-Karen-bokã sã n wa sε, m maanda zĩndug zunuubã yaafg doaaga. «Sʋbhaanaka allahumma wa bihamdika, Aš hadu an laa ɩlaaha ɩllaa anta, astagfɩrʋka wa atuubu ɩlayka= M Soab a Wẽnde! F Naam yɩlgame, la m pẽgd-Fo, m maana kaset tɩ soab ka be tɩ sã n ka Foom ye, m kot-F lame tɩ F yaaf-ma, la m lebgd n tʋgd F nengẽ».

L-1-M gũsda pĩnda.
2-M gũsdame tɩ m yaa yɩlgemde.
3-M ka gãand m pʋg zug ye.
4-M gãandame m rɩtg lʋgrẽ, n rɩk m rɩtg nugã n ning rɩtg yεgdgã tẽngre.
5-M vʋʋsda m pĩirã.
6-M karemda gõeemã doos-rãmba, Aayaat Alkursi, la Ƙʋl huwallah, la Sʋʋrat Al-falaƙ, la sʋʋrat Annaas, noor a tãabo. La m yeele: «Bɩsmika Allahumma, Amuutu wa ahyaa= ne Foom m Soaba Yʋʋre la m kiida la m vʋʋgdẽ».
7-M yikdame n pʋʋs Fagirã.
8-M yetame tɩ m sã n wa nek m gõeemẽ wã: « Alhamdu Lɩllaah al-lazɩɩ ahyaanaa ba'ada maa amaata naa Wa ɩlayhɩ Annušʋʋr= Pẽgr be ne Naab ninga sẽn vʋʋga tõndã, A sẽn kʋ tõnd poorẽ la Yikrã togda Yẽ nengẽ»

L-
1-M maanda Anniy ne mam rɩɩbã la m yũubã, tɩ yaa sẽn na n paam pãnga n tũ Wẽnde, A Naam yɩ wagell n zẽke.
2-Yaa nus a yiibã pekre, taoor tɩ m na n ka sɩng rɩɩbã.
3-M yetame: «Bɩsmillaah» la m rɩ ne m rɩtg nugã, la m rɩ m taoorã, la m ka rɩt rɩɩbã sʋk ye, m ka rɩt m to taoor ye.
4-M sã n yĩmi Bɩsmillaahã, m yetame: «Bɩsmillaah Awwalʋhʋʋ wa Aaẖɩrʋhʋʋ= Bɩsmillaahe, a rɩɩbã sɩngrẽ la a baasgẽ».
5- M yarde ne rɩɩb ning sẽn be wã, m ka zangd rɩɩbo, sã n ta m yam, m rɩtame, la sã n ka ta m yam, m basdame.
6- M rɩta sag-võr saare, m ka rɩt wʋsg ye.
7- M ka vʋʋsd rɩɩbẽ wã, bɩ yaa koomẽ wã ye, m basdame tɩ wa maage.
8-M lagemda m to n rɩ, zakã rãmbã maa sãana.
9- M ka rengd n sɩng rɩɩbã, taoor tɩ m to wã na n ka sɩng ye, t'a sã n yaa kãsem n yɩɩd maam.
10- M pʋta Wẽnd yʋʋrã m sẽn wat n yũudã, m zĩndidame n yũ, m yũuda roogr a tãabo.
11- M pẽgda Wẽnd tɩ m sã n wa sε rɩɩbã.

L-1- M sɩngda fuugã yeelgre, rɩtg wεεngẽ la m pẽg Wẽnd ne yel-kãngã.
2-M ka wogend fuugã t'a sig nao-kugã tẽngr ye.
3- Kom-ribli wã ka yeelgd kom-pugli wã yerem. La kom-pugli wã me ka yeelgd kom-ribli wã yerem me ye.
4- M ka wõnesd m meng ne kɩfr-rãmbã yerem, maam dĩin-yitbã yerem ye.
5- M yeta Bɩsmillaahe, m sẽn wat n na n yeeg m futã.
6- M rengd n wida m rɩtg neoodrã la m sã n na n widgi m rengda goabgã.

L-1- M yetame : «Bɩsmillaah, Alhamdu lillaah», ﴿سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ 13 yɩlgr be ne Naab ninga sẽn wõra yãwã n kõ tõndã, la tõnd ra pa tõe n pẽneg-a ye 13 وَإِنَّا إِلَى رَبِّنَا لَمُنْقَلِبُونَ 14﴾La ad tõnd lebeng zĩiga yaa d Soabã nengẽ14} [Suʋrɑtʋ Azzʋẖrʋf:13,14].
2- M sã n pɩʋʋg lɩslaamã, m ningd-a la sallem.

L-1- M tẽegda tɩrga la m gãneg m mengã m kẽnẽ wã, m kẽnda sorã rɩtg wεεngẽ.
2-M ningda m sẽn seg a soab sallem.
3-M mumda m ninã, m ka namsd ned baa a yembre.
4-M sagenda ne manegre, la m gɩdgd yel-kiti
5-M rɩkda sẽn namsd nebã n yi sorã zugu.

L-1- M yitame ne m goabg naoorã la m yeele: «Bismillaahi, tawakaltʋ ʿAlaa Allahɩ, Laa hawla walaa ƙʋwwata ɭllaa billaahi, Allahumma innii ʿA'ʋʋḏʋ bika an ʋḍɩlla aw ʋḍalla, aw ʋzɩlla aw ʋzalla, aw aẓlɩma aw ʋẓlama, aw aǧhala aw ʋǧhala ʿalayya.= Ne Wẽnd yʋʋrã, m bobla m meng ne Wẽnde, m Soab a Wẽnde m kota gũudum ne Foom, tɩ m ra wa meneme, maa b menes-m ye, maa m salge, maa ned maan tɩ m salg ye, maa m wẽge, maa b wẽg-m ye, maa m maan zɩɩlem, maa b maan-m zɩɩlem ye». 2- M kẽeda zakã ne m rɩtg naoorã la m yeele: "Bismillahi walaǧnaa, wa bismillahi ẖaraǧnaa, waʿlaa rabbinaa Tawakkal naa= D kẽe ne Wẽnd Yʋʋrã la d yii ne Wẽnd yʋʋrã, la d bobla d mens ne d Soabã".
3- Lɑ m sɩngdɑ ne rɑ-wãbgɑ, rẽ poorẽ tɩ m pʋʋs zɑkã rɑmbɑ.

L-1- M kẽedɑ ne m goabg naoorã:
2- Lɑ m yeele tɑoor tɩ m nɑ n pɑ kẽ wã: "Bismillaahi allahumma inii aʿʋʋzʋ bika minal ẖʋbṯi walẖabaa'iṯi= m Soab a Wẽnde, m kot-F la gũudum n yi Sʋɩtãan roap la pagba".
3-M ka kẽed ne bũmb Wẽnd yʋʋr sẽn be a pʋgẽ ye.
4- M lilldame we-kẽenga maaneg wakato.
5-M ka gomd we-kẽengã maaneg zĩigẽ ye.
6-M ka togend alƙiblã, m leb n ka wẽnegd m poorã n tees-a, m rʋʋdem maa m we-kẽeng maaneg sasa ye.
7- M tʋmdame ne m goabg nugã, rẽgdã yẽesgẽ, b ka maand ne rɩtgã ye.
8- M ka maand we-kẽenga soy wã zugu, maa maasemẽ ye.
9- M pekda m nusã, we-kẽengã maaneg poorẽ.
10- M yita ne m goabg naoorã la m yeele: « m kot-F la yaafa= Gʋfraanaka».

L-1- M kẽeda miisrã ne m rɩtg naoorã, la m yeele: Ne Wẽnd yʋʋrã, pak F Yolsgã ragnoy n kõ-ma= Bɩmillaah, Allahʋmma ɭftahlɩɩ abwaaba Rahmatɩka».
2-M ka zĩndid halɩ tɩ m pʋʋs rakaar a yiibu.
3- M ka pɩʋʋgd pʋʋsdba taoore, maa m moon bũmb sẽn menem miisrã pʋgẽ ye, maa m koosdẽ, maa m raad miisrã pʋgẽ.
4-M yita miisrẽ wã ne m goabg naoorã la m yeele: «M Soaba A Wẽnde, m kot-F la F yɩɩdlemã= Allahumma Innii As'alʋka min faḍlɩka».

L-1- Mam sẽn wat n sεg lɩslaama, m sɩngd-a la ne sallem ningri, n yeele: « Assalaamu ʿAlaykum Wa Rahmatʋllaahɩ Wa Barakaatɩhɩɩ». M ka maand pʋʋs zẽng rẽnda sallemã, m leb n ka zẽkd m nugã bal n tees ye.
2- M yõgemda m noor ne ned ning m sẽn ningd-a sallemã.
3- M pʋʋsd-a la ne m rɩtg nugã.
4- Ned sã n pʋʋs maam ne pʋʋsem, m pʋʋsd-a lame ne pʋʋsem sõmblem sẽn yɩɩd rẽnda, maa a pʋʋsgã buudu.
5-M ka sɩngd kɩfr ne sallem ye, la a sã n pʋʋs maam, m pʋʋsd-a la wala a sẽn pʋʋs maamã to-to.
6- La yaa bi-bilf n pʋʋsd kãsema, la zaood n pʋʋsd kẽn-kẽnda, tɩ kẽn-kẽnd pʋʋsd zĩida, tɩ kɩdg pʋʋsd neb wʋsgo.

L-1-M kota sor taoor tɩ m na n ka kẽ zĩigẽ wã ye.
2- M kota sor naoor a tãabo, m ka paasd rẽnda ye, rẽ poorẽ m loogdame.
3- M wẽeda kʋɩlɩnga bilf-bilfu, m ka yalsd roogã noor sʋk ye, m yalsda goabga maa rɩtg wεεngẽ.
4- M ka kẽed m baaba maa m ma nengẽ, maa ned roogẽ, taoor tɩ m na n ka kos sor ye, sẽn tʋg n yɩɩda, taoor tɩ Fagir na n ka ta, la wĩndg vʋʋsg sasa la Sãaf Pʋʋsg poorẽ.
5- Sakda ne maam tɩ m kẽ zĩis nins sẽn ka gãasã zĩisi, wala logtor yiri, maa koosg zĩigẽ, tɩ ka tũ ne sor kosg ye.

L-1- M rɩlgda rũngã la m yũnugd-a.
2- M maanda yolsg la nimbaan zoεεg ne rũngã la m ka tʋkd-a a sẽn ka tõe ye.
3- M ka namsd rũmsã sẽn yaa nang buud fãa gill ye.

L-1- M maanda Anniy ne yin-wɩsgrã maanego, tɩ yaa m sẽn na n paam pãng n tũ Wẽnde, la m bao A yarda.
2- M ka wɩsd Pʋʋsgã sasa ye.
3- Kom-ribli ka lagem kom-pugli n maan yĩn-wɩsgrã ye.
4- M tabenda ne yĩn-wɩsgrã fut nins sẽn lut m yãndã.
5- M zãagda yĩn-wɩsgrã reem nins sẽn yaa haraamã, wala nems pãbr sẽn be a pʋgẽ, la yãnã pãrsgo.

L-1- Yaa f yɩ sɩd soab wɩsgã pʋgẽ la f ra yag ye.
2- Wɩsg ning sẽn ka tar yaalgo la paoogr la namsgo la pεlεn-yɩka.
3- N ra maan wɩsgã wʋsg ye.

L-1- Yaa rɩk nugu maa fuugu, maa peende n ning tĩsgã sasa.
2-Yaa Wẽnd pẽgr tĩsgã poorẽ «Alhamdʋ lillaah».
3- A ma-biigã maa a tũud-n-taaga sẽn be ne-a wã yeele « Wẽnd na yols-fo= Yarhamukallaah».
A sã n yeel woto, tɩ tĩsgã soab yeele: Wẽnd na kãndag yãmba la A manes y yεla= Yahdiikumullaah Wa Yʋṣlihʋ baalakum».

L-1- Yaa mams n solg yaamsgã.
2- Yaa ra zẽk koεεg n yeel tɩ: «Aah, aah».
3- Yaa rɩk nugã n pĩ noorẽ wã.

L-1- Yaa f kareme tɩ f yaa yɩlgemde, sẽn yõk koom poorẽ
2- Yaa f zĩnd ne zʋgdo la waoogre
3- M kota gũudum n yi a sʋɩtãanã = A'ʋʋzʋ Billaah minaššayṭaan, karengã sɩngrẽ.
4- M karemdame la m tagsd n get maanã wã.