Ka Alla buɲɛ saniya be A ye ani A kɔrɔtani le. Alla kɔrɔtani ko: {O ma Alla buɲɛ A ka buɲɛ yɛrɛ yɛrɛ la, A ka sebagaya kɔnɔ A bena dugukolo bɛɛ kuru A bolo la kiyama lon na, A bena sankolow kuru a bolobɛrɛ la. Saniya b'A ye, kabɔ fɛn ma o be min kafo A kan, A kɔrɔtani le ani bonya tɛmɛni le o kan} [Surutu zumar: 67].
2. Ka A kelenpe bato jɛn ɲɔgon te A la. A ko saniya b' A ye: {O ma yamaruya foyi la fɔɔ ka Alla kɛrɛkɛrɛ ni bato ye kɔnɔgwɛya la dina kɔnɔ ka sɔrɔ o ye telen baga ye} [ Surutul Bayyina: 5].
3. A batoli. Alla kɔrɔtani ko: { Yaa! Alu minuw limɛniya la a ye Alla bato} [Suratu Muhammad: 33].
4. k'A sɔsɔli toy. A ko saniya b'A ye: Ni mɔgɔ min ka Alla sɔsɔ ani A ka ciden, ani ka A ka danw sago, A be o don tasuma kɔnɔ dɔgɔyama jankata be o ye} [Suratu Nisaa: 14].
5. K'Alla koɲumalɔn ani k'A tanu -A kɔrɔtani- le kabɛn A ka fisamateya ni nɛmaw ma min te se ka jatebɔ. Alla kɔrɔtani ko: aw ye Alla ka nɛmaw koɲumalɔn ni aw kɛla ko aw be Ale le bato la}. [Surutu Nahli: 114].
6. Ani sabari Alla ka latigɛw ma. A ko, saniya b’A ye: { aw ye sabari, canan Alla be ni sabaribagaw ye} Suratul Anfal: 46].

J: 1. Ka tugu A kɔ ani ka aladegi. Alla kɔrɔtani ko: {Canan! Ladegeli ko ɲuman kɛla a lu ye Alla kira la, mɔgɔ ye, min be Alla ka hinɛ jigiya ani ka lon laban dɛgɛniya sɔrɔ, ani ka Alla kofɔ caman}. [Suratul Hahzaab: 21].
K'A kan labato.
3. K’A sɔsɔli toy. Alla kɔrɔtani ko: {Ni mɔgɔ min ka Alla kira labato ola a ka Alla le bato, ni mɔgɔ min k'i kɔdon, An ma Ile -Muhammad-ci kɔrɔsili baga ye o kan}. [Suratu Nisaa: 80].
4. A ka min fɔ, i y'a cantigiya ola. Alla kɔrɔtani ko. A te kuma a yɛrɛ sago la 3. A te dɔgɛrɛ fɔ ma fɔ cila min lase dila A ma}. [Suratu Najm: 3-4].
5. A kana ko kura foy fara A ka sunna kan. Kira ko: Alla ka nɛma ni kisi b’A ma: “Mɔgɔ o mɔgɔ mana fɛn dɔ don an ka ko ni na min tɛ a kɔnɔ, o ko be segi a tigi ma, a te baraji sɔrɔ ala .” Bukhari ni Muslim y’o lakali.
6. K'A kanu ka tɛmɛ i yɛrɛ ni mɔgɔw bɛɛ kan. Kira ko: Alla ka nɛma ni kisi b’A ma: “Aw si tɛ dannaya (limɛnya) sɔrɔ fɔɔ aw ka ne kanu ka tɛmɛ a fa kan, ni a den kan, ani adamadenw bɛɛ kan.” Bukhari ni Muslim y’o lakali.
7. Ka Kira buɲɛ, ani k’A dɛmɛ, ani k’A ka sunna dɛmɛ. Alla ko, saniya be masa min ye: Walasa aw ka limɛnya Alla ma, n’A ka Ciden ani k'A dɛmɛ ani ka buɲɛ la A kan. [Suratul Fath: 9].

J: 1. Ka bangebagaw kan labato, n'a ma kɛ Alla sɔsɔ ko la.
2. Ka Bangebagaw ka baraw kɛ.
3. Ka Bangebagaw dɛmɛ.
4. Ka bangebagaw makow wasa.
5. Ka duawu kɛ bangebagaw ye.
6. I ka buɲɛ la o kan i ka kumaw la. A daganin tɛ ka fɔ “uff” u ma, o min ye kuma bɛɛ la fitinin ye.
7. I ka yɛlɛko misɛni kɛ i bangebagaw fɛ, ani kana i ɲa sisi o kɔrɔ.
8. N’te n’ kan kɔrɔta ka tɛmɛ n’ bangebagaw kan. Ne be o lamɛn, ne te kuma tigɛ o da, ne te o wele o tɔgɔw la, Nga, n’ b’a fɔ ko: “n’fa” ani “n’ba.”
9. N’be sira ɲini sani n’ka don n’facɛ ni n’ba kan so kɔnɔ.
10. Ka bangebagaw bolo ani o kun sumusumu.
Alla kɔrɔtani ko: {I Matigi ye yamarɔyali kɛ ko i kana bato kɛ foy ye, fɔɔ Ale kelenpe, ani i ka ɲɛnikɛ i bangebagaw ye. Ni kɔrɔya sela o kelen ma walima o fila bɛɛ ma, i kana fɔ o ma uff, kana o gɛn, nga i ka kuma ɲuman fɔ o ye. Ani, i ka kaman jigi o ye hinɛ kosɔn, i k'a fɔ ko: «Ne Matigi, hina ola i n’a fɔ o ye ne lamon cogo min na n’ denmisɛnman}. [Suratul Israa : 23-24].
A nana Hadisa kɔnɔ ko, cɛɛ dɔ nana Kira fɛ, Alla ka nɛma ni kisi kɛ A ye, k’a ɲini A fɛ ko abe taga jihadi kɛ. A ko: “Yala bangebagaw b’i fɛ wa?” A ko: «Ɔnhɔn». A ko: “Ola, i ka cɛsiri kɛ o ye” Tirmizi y’o lakali.

J: 1. Ka taga bɔ somɔgɔw la, inafɔ badenmacɛw ni badenmamusow, benɔgɔcew ni tɛnɛmusow, belencɛw ni balɔgɔmusow ani somɔgɔ gɛrɛw.
2. ka ɲumanya kɛ o ye kumaw ni kɛwalew la ani k’o dɛmɛ.
3. A dɔye, k'o wɔle ani k’o cogoyaw ɲininga.
Alla kɔrɔtani ko: {Ola, a dɔla ni aw ka kɔdo limɛnya la, aw bena cɛni kɛ dugukolo kan ani ka aw ka sinjiw faran} [Suratu Muhamad: 22].
- abe Hadisa kɔnɔ ko: “Mɔgɔ min be sinji faran, o tigi tena don Alijɛnɛ kɔnɔ”. Muslim y'o lakali.

J: 1. N'be mɔgɔ ɲumanw kanu ani n’be o kɛ n’jɛnɲɔgɔnw ye.
2. Ne be n’yɔrɔ ma janyan ani ka n’tanga mɔgɔ juguw ka jɛnɲɔgɔnya ma. Abe Hadisa kɔnɔ ko: “I kana i teri kɛ mɔgɔ gɛrɛ ye ni limɛniya mɔgɔw tɛ, mɔgɔ si kana i ka domuni domu fɔɔ Alla ɲa siranbaga”. Tirmizi ni Abu Dawuda y'o lakali.
3. N’be salamu bila n’badenmaw ma ani k’o fo ni n’tɛgɛ ye. Abe Hadisa kɔnɔ ko: « Silamɛ fila te ɲɔgɔn kunbɛn k’o bolow don ɲɔgɔn bolo fɔɔ Alla be yafa o ma sani o ka fara ». Tirmizi ni Abu Dawuda y'o lakali.
4. N’be taga bɔ ola, n’o banana ani n’ be duawu kɛ o ye, walasa o ka kɛnɛya.
5. mɔgɔ min be tisola n'a ka Alla tano , n'b'a fɔ "Ala ka makari i la".
6. N’b’a ka welekan jabi n’a ka n’weele ka na bɔ a fɛ. a be hadisa kɔnɔ: "Silamɛ ya hakɛ min be silamɛ gɛrɛ kan, o ye loru ye: ka foli segi a ma, ka taga banabagatɔ fo, ka su bilasira kaburu la, ka welekan jabi, ani ka fɔ mɔgɔ ma min tisola n'a ye Alla tano: "Alla ka makari i la". Bukhari ni Muslim y'o lakali.
7. N’be ladili di a ma. abe Hadisi kɔnɔ ko: «Mɔgɔ o mɔgɔ b’a badenma ladi ko dɔ la, ka sɔrɔ a k’a lɔn ko a ka hɛrɛ be sɔrɔ ko gɛrɛ la, o tigi y’a janfa». Abu Dawuda y’a lakali.
8. Ne b’a dɛmɛ n’a tɔɲɔna ani n’ b’a bali ka tɔɲɔ li kɛ. Alla ka ciden Alla ka nɛma ni kisi kɛ A ye, A ko: “I badenma dɛmɛ, a kɛla mɔgɔ tɔɲɔ baga ye, walima a kɛla ale yɛrɛ le tɔɲɔ na.” Cɛɛ dɔ ko: “ yaa Alla ka ciden, n’a tɔɲɔni le ne b’a dɛmɛ, n'ga ne b’a dɛmɛ cogo di n’a ye tɔɲɔnibaga ye?” A ko: “I b'a bali tɔɲɔni ma, ole b’a dɛmɛni ye”. Bukhari y’o lakali.
9. Ne be min kanu n'yɛrɛ ye, n' b’o kanu n'silamɛ ɲɔgɔnw ye. abe hadisa kɔnɔ, min minɛna Anas fɛ Alla ka diɲɛ a ma, Kira Alla ka nɛma ni kisi kɛ A ye, k’A fɔ ko: “Aw si tena limɛnya sɔrɔ fɔɔ n’a k’a badenma kanu inafɔ a b’a yɛrɛ kun kanu cogo min na”. Bukhari ni Muslim y'o lakali.
10. N’b’a dɛmɛ n’a mako be n’ka dɛmɛ na. Abe Hadisa kɔnɔ ko: “Alla be a ka jɔn dɛmɛ n'A ka jɔn b’a badenma dɛmɛna.” Muslim y’o lakali.
11. Ne te tɔrɔ foy se a ma, ni kuma ye, walima
ni kɛwale ye. Abe Hadisa kɔnɔ ko: "Silamɛ ye mɔgɔ ye, silamaw be lafiya sɔrɔ ka bɔ min nɛɛnkun n'a bolo ma". Bukhari ni Muslim y'o lakali.
12. N’be A ka gundo mara. Abe Hadisa kɔnɔ ko: «Ni mɔgɔ ka kuma dɔ fɔ, o kɔfɛ a ki ɲa munu, o ye lannaya ye» Tirmizi ni Abu Dawuda y'o lakali.
13. Ne t’a nɛni, nt'a kɔrɔfɔ, n't'a dɔgɔya, n't'a ɲangoya, n't'a sɛgɛsɛgɛ, n't'a janfa.
Abe Hadisa kɔnɔ ko: "Silama ye a silama ɲɔgɔn badenma le ye, a t'a tɔɲɔ, a t'a labila, a t'a dɔgɔya. Wasa kɛla kojugu la, ko silama k'a badenma silamɛ dɔgɔya". Bukhari ni Muslim y’o lakali.

J: 1. N’be n' sigiɲɔgɔn minɛ kaɲa, kuma ni kɛwalew la, ani n’b’a dɛmɛ n’a mako be n’ka dɛmɛ la.
2. N’b’a fo n’a nisɔndiya la ni seli lon ye, wala furusiri wala ko gɛrɛw dɔ la.
3. N’a banana, n’ be taga bɔ a la ani ni ko ka sɔrɔ, n’b'a dususalo kuma fɔ a ye.
4. N’ be domini o domini ladilan, n’be o dɔ di a ma n'seeko la.
5. Ne te ko jugu kɛ ala , ni kuma ye ani kɛwale.
6. Ne t’a tɔɔrɔ ni kanba ye, ne t’a sɛgɛsɛgɛ, ne be muɲu a kɔrɔ.
Alla kɔrɔtani ko: {Aw ye Alla bato, aw kana foy fara a kan, aw ka koɲuman kɛ bangebagaw ye, ani a badenmaw, ani yatimaw, ani fantanw, ani aw sigiɲɔgɔn minw ye aw badenmaw ye, ani aw sigiɲɔgɔn minw ye mɔgɔ gɛrɛw ye, ani aw kɛrɛfɛɲɔgɔnw tagama la, ani tagama den, ani a ye jɔn minu mara, i ka lɔn ka fɔ ko Alla te mɔgɔ kanu min kɛla yɛrɛ laba wasola baga ba ye} [Suratu Nisaa: 36].
- Alla ka ciden ko Alla ka nɛma ni kisi kɛ A ye: «Yaa Aba zar, n'i ye nanjii tobi, i ka dɔ fara a jii kan, i k'i janto i sigiɲɔgɔnw la». Muslim y’o lakali.
-Abe Hadisa dɔ kɔnɔ min bɔla cila fɛ Alla ka nɛma ni kisi kɛ A ye, ko: «Mɔgɔ o mɔgɔ limɛniya la Alla ma, ani lonlaban, o tigi kana kojugu kɛ a sigiɲɔgɔn la». Bukhari ni Muslim y'o lakali.

J: 1. Mɔgɔ o mɔgɔ be ne wele a ka lonaya la, ne b’o tigi jabi.
2. N’i b’a fɛ ka taga bɔ mɔgɔ dɔ fɛ, me sira ɲini a fɛ ani ɲɔgɔn ye lon.
3. N’be sira ɲini sani n’be don.
4. N’ te miɛn ni' n' tagala bɔ mɔgɔ la .
5. N’be n’ɲala filɛli jigi ka bɔ soo kɔnɔ mɔgɔw ma.
6. N'be lonan kunbɛn, kunbɛn cogo ɲuman la, ni yɛlɛkomisɛni ye ani ni kunbɛnli kuma ɲumanw ye.
7. N’be lonan lasigi yɔrɔ ɲuman la.
8. N’be a buɲɛ ni lonan fana ye, ka bɔ domini ni minfɛnw la.
Alla kɔrɔtani ko: {Aw minw limɛniya la, aw kana don soo gɛrɛw kɔnɔ minw tɛ aw yɛrɛ ka soow ye fɔɔ aw ka sira ɲini soo kɔnɔ mɔgɔw fɛ ani ka salamu bila o kan. Ole ka fisa aw ma, walasa aw be tagasi} [Suratu Nur: 27].
Abe Hadisa kɔnɔ ko: «Alla k’a sira ɲini bila fileli le kama» Bukhari ni Muslim y’o lakali.
- Ani Kira ka kuma fana, Alla ka nɛma ni kisi kɛ A ye: “Mɔgɔ o mɔgɔ limɛniya la Alla la ani lon Laban, o tigi ka kan ka lonan buɲɛ” Bukhari ni Muslim y'o lakali.

J: 1. Ni dimi be ne la, n’ be n’ kini bolo bila a yɔrɔ la, k’a fɔ ko: (Bismilahi)“Alla tɔgɔ la” siɲɛ saba, ani k’a fɔ ko: “Ne be n’ yɛrɛ tanga ni Alla buɲɛ ye ani a ka sebagaya ye, fɛn jugu ma n’be min sɔrɔ ani n’ be siran min ɲɛ ” siɲɛ wolonfila.
2. Alla ye min latigɛ, me diɲɛ o ma ani ka muɲu. Hadisa kɔnɔ min minɛna Aalaa bamuso ma, Alla ka diɲɛ a ma, a ko: Alla ka Ciden, Alla ka nɛma ni kisi kɛ A ye, nana bɔ ne la, ne bana bagatɔ la, a ko: «I nisɔndiya yaa Aalaa bamuso; sabu Alla be jurumuw bɔ silamɛ bana bagatɔ la, inafɔ tasuma be sanu ni warigwɛ nɔgɔ bɔ cogo min na» Abu Dawuda ye a lakali.
3. N’ be teliya ka taga bɔ n’ badenma banabagatɔw la, n’ be duawu kɛ a ye, ani n’ te miɛn sigilila a fɛ.
4. N'be Ruqyah kɛ a la k’a sɔrɔ a ma ɲini n’fɛ.
5. N'b’a ladi ko a ka muɲu, ka duawu kɛ, ka seli ani k’a yɛrɛ saniya inafɔ a be se cogo min na.
6. Duawu min be kɛ banabagatɔw ye: “Ne be Alla deli min ye masa ba ye, Larshi tigiba, a k’i kɛnɛya” siɲɛ wolonfila.

J: 1. Ka ganiya tiɲɛtigiya Alla ye min ye masaba ye. Abe Hadisa kɔnɔ ko: “Mɔgɔ o mɔgɔ be lɔnni kalan kɛ walasa ka waso lɔnnikɛlaw la, ka ɲɔgɔn dan kɛ ni nalomanw ye, wala ka mɔgɔw hakili sama ka taga a ma, Alla bena o tigi bila jahanama kɔnɔ” Ibn Maajah y’o lakali.
2. N'ka lɔnni min sɔrɔ, n'be bara kɛ n’a ye. Abe Hadisa kɔnɔ ko: “jɔn si senw tena ta kiyama lon na fɔɔ n’o y’a ɲininga ko nani la: - ani a k’A fɔ o ko nani cɛma ko - ani a ka lɔnni a ka min kɛ n’a ye” Tirmizi ni Daarimi y’o lakali.
3. N'be buɲɛ la na karamɔgɔ kan a ɲɛnɛ ani a kɔ.
4. N'be sigi a ɲɛfɛ ni jogo ɲuma ye.
5. N'be a lamɛn ka ɲɛ ani n'te kuma tigɛ a da la kalan tuma na.
6. n'b’a ɲininga ni jogo ɲuma ya ye.
7. N't’a wele a tɔgɔ la.
Abe Hadisa kɔnɔ ko: “Ka silama shigɛ ni kurana durusilibaga buɲɛ, o ye Alla buɲɛ dɔ ye” Abu Dawuda y'o lakali.

J : 1. N’be sigikunda jama fo.
2. N’be sigi sigiyɔrɔ be laban yɔrɔ min la . Ne te mɔgɔ si lawuri kabɔ a sigiyɔrɔ la, walama ka sigi mɔgɔ fila cɛma, fɔɔ o fila ka diɲɛ ɲinili kɔfɛ.
3. N’be n'yɛrɛ fara ɲɔgɔn kan sigiyɔrɔ la, walasa mɔgɔ gɛrɛ ka se ka sigi.
4. N’te baro tigɛ sigikunda la.
5. N’be sira ɲini ani n’be foli kɛ sani n’ kabɔ sigi kunda la.
Aminɛna Ibn Omar la Alla ka diɲɛ be o fila ma,
kabɔ Cila fɛ Alla ka nɛma ni kisi b’A ma: “A ye gɛnikɛ kɔ a kana cɛɛ si lawuri a ka sigiyɔrɔ la ka mɔgɔ gɛrɛ la sigi a nɔɔ la, ​​n'ga a ka yɔrɔ lawasa a ye”. Bukhari y’o lakali.
A nana Hadisa kɔnɔ: «Ni aw dɔ nana sigi kunda la, a tigi ka foli kɛ, ni a be fɛ kawuri, a ka foli kɛ, sabu foli fɔlɔ man kan ni foli laban ye». Tirmizi ni Abu Dawuda y'o lakali.
6. Ni lajɛn banna, n’be duawu kɛ, jurumu kafari ɲini ye sigi kunda ye, o ye: «subhanaka Allahuma wabihamdika, ashhadu an laa iialaha iilaa anta, astaghfiruka wa atubu ilɛyk».

J: 1. N’be sunɔgɔ jona. hadisa kosɔn: «aminɛna Abu Barzah la, Alla ka diɲɛ b’a ma, ko Alla ka Ciden, Alla ka nɛma ni kisi b’A ma, tun b’a kɔniya ka sunɔgɔ ka kɔn safo seli ɲɛ ani ka baro kɛ o kɔfɛ» Bukhari y’o lakali.
2. Ne be sunɔgɔ kasɔrɔ n’ka sani.
3. N’te sunɔgɔ n’kɔnɔbara kan.
4. N’be sunɔgɔ n’kini fan kan, n’be n’kini bolo bila n’kini dakun kɔrɔ (tama kɔrɔ).
5. N’be n’ka layɔrɔ yuguyugu, ka furufuru.
A nana Hadisa kɔnɔ: aminɛna Baraa ibn Azib fɛ, Alla ka diɲɛ a ma, a ko: Kira, Alla ka nɛma ni kisi b’A ma, ko: “N’i be taga i layɔrɔ la, i ka seliji minɛ inafɔ i be taga la seli , o kɔfɛ, i ka la i kini fan kan” Bukhari y’o lakali.
- A minɛna Abu Hurairata la, Alla ka diɲɛ b’a ma, a ko: Alla ka Ciden, Alla ka nɛma ni kisi b’A ma, ye cɛɛ dɔ ye a lani be a kɔnɔbara kan, A k’a fɔ ko: «Ni ye la cogo ye min man di Alla ye» Tirmizi ni Ahmadu y’o lakali.
- ani Kira ko, Alla ka nɛma ni kisi b’A ma: «Ni aw dɔ be taga a layɔrɔ la, a k’a ka layɔrɔ furufuru n’a ka fani kɔnɔyɔrɔ ye, sabu a t’a lɔn fɛn min be sɔrɔ a kɔrɔ» Abukhari y’o lakali.
6. N’be sunɔgɔ duawu kalan, ka bɔ Ayatu Kursi la, Suratul Ikhlas la, ani Mu’awwiza fila la siɲɛ saba. N’ba fɔ: «Bismika Allahumma amutu wa'ahya».
7. N’be wuri ka Fajri seli.
8. N’kununi kɔfɛ sunɔgɔ la, n’b’a fɔ ko: «Alhamdu lilahi alazii ahyana ba’adama amaatana wa ilɛyi nushur».

J: 1. N’be ganiya siri n’ka dɔmini ni minni fɛ,ka se ka fanga sɔrɔ ka Alla kɔrɔtani bato.
2. Ka bolo fila ko ka sɔrɔ ka dɔmini kɛ.
- Ka bɛn muminiw bamuso Aisha ka hadisa ma, Alla ka diɲɛ a ma, Alla ka ciden, Alla ka nɛma ni kisi b’a ma, ko: Ni a b’a fɛ ka dɔmini kɛ, walama ka ji mi, a b’a tɛgɛ fila ko, o kɔfɛ, a be dɔmini kɛ, ka ji mi. Ahmadu y’o lakali.
3. Ne b’a fɔ ko: (bismi lallahi ) n’be n’ka dɔmini daminɛ ni Alla tɔgɔ ye, n’bɛ dɔmini kɛ ni n’kini bolo ye, ani min be n’ɲɛ. Ne tɛ dɔmini kɛ tasa cɛmancɛ la walima mɔgɔ gɛrɛw kɔrɔyɔrɔ la.
- Ka bɛn Hadisa ma: Yaa ile denmisɛnni, i ka Bismillah fɔ, an’i ka dɔmini kɛ n’i kini bolo ye, fɛn na min b’i ɲɛfɛ. Ben kɛla o Hadisa kan.
4. N'i ɲinana Bismillahi fɔlɔ kɔ, n'b'a fɔ: " Bismillahi awwalihi wa aakhirihi".
- ka bɛn an bamuso Aisha la hadisa ma, Alla ka diɲɛ a ma, a ko: Alla kira ko nɛma ni kisi be A ma: «ni aw dɔ ka dɔmini dɔ kɛ, a y'a fɔ Bismillahi, nga ni a ɲinana k'a fɔ a daminɛ la, a k'a fɔ, ola , Bismillahi fi awwalihi wa aakhirihi» Tirmizhiyu ani Ahmad ye o lakali.
5. Dɔmini min sɔrɔla n’be diɲɛ o ma, ne te dɔmini ka lebu fɔ, n'a diyala ne ye, m’adomu, n'a ma diya n'ye n’ba toy.
- ka bɛn Abu Hurayra ka Hadisa ma Alla ka diɲɛ b’a ma, ko: «Alla kira nɛma ni kisi be A ma, ma deri ka dɔmini dɔ jasi a si kɔnɔ, n'a nege ka minɛ a b'a domu, ni o tɛ a b'a toy» Bɛn kɛla o kan.
6. N’be bolo ɲɛ damadɔ dɔmu, n’te n'fa kojugu.
- A nanan Hadisa kɔnɔ: «adamaden ma mina fa fɛn juguma la katɛmɛ a kɔnɔbara kan, bolo ɲɛ damadɔ b’a wasa mukosɔn a fari ka se ka fanga sɔrɔ, ni adamanden giliyala a yɛrɛ kan, tilan yɔrɔ sabana fɔlɔ, o ye dɔmini ta ye, tilan yɔrɔ sabana filana o ye ji ta ye, tilan yɔrɔ sabana o ye ninɛkili ta ye» Tirmizhiyu ani ibnu Maajah ye o lakali.
7. N’te dɔmini ani miniji fiyɛ ni n’da fɔɲɔ ye, m'a toy fɔ a be suma a yɛrɛ ma.
- A nana Hadisa kɔnɔ: « Alla kira nɛma ni kisi be A ma, ka gɛnni kɛ ka bɔ fiyɛli ma domini ni miniji la ni da fɔɲɔ ye» Tirmizhiyu ni ibnu Maajah ye o lakali.
8. N’me jɛn ni mɔgɔ gɛrɛ ye dɔmini na, ni denbaya walima lolan ye.
- Hadisa min la ko Nabi ɲuman ko nɛma ni kisi be A ma: Anu be dɔmini kɛ n'ga an te n'fa, A ko: «A be sɔrɔ a be dɔmini kɛla kelen kelen, aw ye lajɛn ka domini kɛ a ye Alla kɔrɔtani tɔgɔ fɔ, ni o kɛla, A be barika bila a ka dɔmini la» Abu dawud ani ibnu Maajah ye o lakali.
9. N’te dɔmini daminɛ mɔgɔ ɲɛ minu ka kɔrɔ ni ye.
10. N’be Alla tɔgɔ fɔ (Bismillahi) tuma min na ni n’be ji mi, me sigi ka ji mi, ka bɛn dakuru minko saba ma, n’te ninɛkili fiyɛ ji mina kɔnɔ.
- ka bɛn Hadisa ma: «Ni aw dɔ la kelen ka ji mi a kana ninɛkili fiyɛ jimina kɔnɔ» Bukhari ni Muslim y'o lakali.
- ani ka bɛn fana Anas ka Hadisa ma Alla ka diɲɛ b’a ma, «Ko Alla kira nɛma ni kisi be A ma, A ye gɛnni kɛ ka bɔ lɔli ma jimi tuma na» Muslim ye o lakali.
- Ani ka bɛn Hadisa: «Alla kira tun kɛla nɛma ni kisi be A ma, A be ninɛkili ko saba le kɛ mini fɛn la» Muslim ye o lakali.
Ɲ 17: n’be Alla tanɔ n’bani kɔfɛ dɔmini kɛ la walima ji mina.
- A nana Hadisa kɔnɔ: « Can na Alla be diɲɛ jon ma, ko a ka dɔmini kɛ k’a tano o kan, walima a ka mini kɛ ka tano okan». muslim ye o lakali.

J: N’be na fani don daminɛ kini bolo fan la, ani n’be Alla tano ola.
- ka bɛn Abu Hurayra ka Hadisa ma nɛma ni kisi be a ma, a ko: Alla kira ko nɛma ni kisi be A ma: «Ni aw ka fani don, ani ni aw ka seliji ta, a ye daminɛli kɛ kini bolo fan fɛ» Abu Dawud ni Ahmad ye o lakali.
2- N’te fani jigi ka tɛmɛ seen kuru fila kan.
- A nana Hadisa kɔnɔ: «fɛnfɛn jigila ka tɛmɛ seen kuru fila kan ka bɔ fani la, o be tasuma la» Bukhari ye o lakali. Sen kuru fila o ye kolo fila minbe seen kɛrɛw la.
Cɛdenw man kan ka musodenw ka fani don, musodenw fana man kan ka cɛdenw ka fani don.
A nana Hadisa kɔnɔ: "Alla ka Ciden Alla ka nɛma ni kisi b’A ma ye cɛɛ danga, min be muso ka fani don, ani muso min be cɛɛ ka fani don" Abu Dawud ni Ahmad y'o lakali.
4. Aw Kana kafiriw wala cɛnikɛlaw ka faniw ladegi.
- ka bɛn Hadisa ma : «Mɔgɔ o mɔgɔ be jama dɔ ladegi, o tigi ye o jama mɔgɔw dɔ ye». Abu Dawud y’o lakali.
5. Ka Bismillah fɔ fani bɔ tuma na.
- A nana Hadisa kɔnɔ: «sutara Fɛn min be Adamadenw lebu ni jinɛw cɛ, o ye aw dɔ la kelen y'a fɔ "Bismillahi" tuma min na a b'a ka fani bɔ» Tɔbarani ni Ibnu Abi Shayiba y'o lakali.
6. Ka sanbara donni fɔlɔ kini seen ma, k’a bɔli fɔlɔ numa seen ma .
- ka bɛn limaniya bagaw bamuso Aisha Alla ka diɲɛ b’a ma ka Hadisa ma, A ko: “A tun ka di Nabiɲuma ye Alla ka nɛma ni kisi kɛ A ye, ka daminɛni kɛ n’A kini fan ye n’A b’A ka sanbara don, n’A b’a kun labɛnna, n’A b’A yɛrɛ saniya ani n’A ka kow bɛɛ la.” Bukhari y’o lakali.

J: 1. N’ba fɔ: “Ni Alla tɔgɔ ye n'be yɛlɛn, tanɔ be Alla ye”, {Saniya be masa ye min ye ni kolo an ye , an tun tena se k’o kolo an yɛrɛ ye abada 13 wa tiɲɛ na, an bena kɔsegi an Matigi fɛ siga t’a la 14} [Suratu Azukhruf: 13-14].
2. Ni ne tɛmɛna silama dɔ la, n’b’a fo ni salamu ye.

J: 1. N’be tagama n’tilenni ani n’be n’yɛrɛ majigi. Alla kɔrɔtani ko: “i kana tagama dugukolo kan ni kuncɛbaya ye, ni waso ye, i tena se ka dugukolo faran abada, i janya tena se kuluw ma fiyew” [Suratul Isiraa: 37].
2. Ni n’ka mɔgɔ min bɛn sira kan m'o tigi fo.
O ye Nabiɲuma ɲiniga Alla ka nɛma ni kisi b’A ma ko: Silamaya ye juma le ka fisa? A ko: “i ka fantanw balo, i ka mɔgɔ minw lɔn, ani i te minw lɔn, i k’olu fo Salamu la”. Bukhari ni Muslim y’o lakali.
3. N’ be n’ ɲa lafilɛli jigi ani n’te mɔgɔ si tɔrɔ.
4. N’be Yamaruyali kɛ koɲuman kɛli la, ka ko jugu kɛli bali. A nana Hadisa dɔ kɔnɔ min bɔla Nabiɲuma la, Alla ka nɛma ni nɛma kɛ A ye, A ko: “Aw ka sira ka hakɛ di ama”, O y’a ɲininga ko: Sira ka hakɛ ye juma ye? A ko: “Ka i ɲa lafileli lajigi, ka mɔgɔw tɔrɔli toyi, ka foli (Salamu) segi mɔgɔw ma, ka Yamaruyali kɛ koɲuman kɛli la, ka ko jugu bali”. Bukhari ni Muslim y’o lakali.
5. N’be fɛn jugumanw bɔ sira kan.
- A nana Hadisa kɔnɔ: “Ka fɛn juguman bɔ sira kan, o ye sarakabɔ dɔ ye”. Bukhari ni Muslim y’o lakali.

J: 1. N’be bɔ ni n’numa seen ye ani n' b’a fɔ: "Bismillah, tawakkaltu aala Lah, laa hawla walaa kuwwata illaa billah, Allahumma innii ahuzhu bika an adhilla aw udhil,aw azhilla aw uzhal,aw azhlima aw uzhlam, aw ajhal aw yujhal aaleya ".
2. N’be don bon kɔnɔ ni n’kini seen ye n'b’a fɔ ko: «BismilLah, walajna, wa BismilLahi kharajna, wa aala rabbina tawakkalna ».
3. N’b’a daminɛ ni gwɛsɛ ɲimi ye, o kɔfɛ, n’be somɔgɔw fo.
- A nana Hadisa kɔnɔ: «Ni Kira tun donna soo kɔnɔ, a tun b’a daminɛ ni gbɛsɛ ɲimi ye». Ibn Maaja y’o lakali.

2. N’b’e don ni n’numan seen ye:
2. Ani m'a fɔ sanni n’be don : «ni Alla tɔgɔ ye, yaa ne tigi Alla, ne be tanga ɲini i fɛ ka bɔ kojugu ni fɛn juguw ma»
3. ne te don ni fɛn ye, Alla tɔgɔ be min kan.
A minɛna Anas fɛ, Alla ka diɲɛ b’a ma, a ko: «Ni Kira, Alla k’a nɛma ni kisi b’A ma, donna ɲɛgɛn kɔnɔ, a tun b’a ka balo la bagi bɔ» Abu Dawuda ni Ibnu Maaja y'o lakali.
4. N’be n’yɛrɛ sutara tum mina n’be kɛ dakɔma taga la.
A nana Hadisa kɔnɔ: “a tun ka di Alla kira ye, Alla ka nɛma ni kisi b’A ma, k’A yɛrɛ sutara dakɔma taga la, kuru dɔ kɔfɛ, walima tamaru yiriw kɔfɛ” muslim y’o lakali.
5. N’te kuma dakɔma taga yɔrɔ la.
6. N’te n’ɲa sin wala n’te n’kɔ don kibla fan fɛ, tuma mina ni n’be ɲɛgɛnɛ kɛla wala ni n’be dakɔma taga la.
Kira Alla ka nɛma ni kisi b’A ma, ka kuma kɔson : «Aw kana a ɲa sin kibla ma ni dakɔma taga ye wala ni ɲɛgɛnɛ kɛ ye, n'ga aw k'a ɲa ben telebɔ ma wala teleben ma» ben kɛla o kan bukhari ni muslim cɛ.
7. Ne be n’numanbolo kɛ ka nɔgɔ boy, n’te n’kinibolo kɛ ka boy.
-Ka bɛn Hadisa ma: «A y’an bali k’an kininbolow kɛ k’an yɛrɛ saniya» muslim y’o lakali.
8. Ne te dakɔma taga kɛ mɔgɔw ka sira kan, walima o ka sumaw kɔrɔ.
Ka bɛn Abu hurayrata Alla ka diɲɛ b’a ma ka Hadisa ma, ko Alla kira Alla ka nɛma ni kisi b’A ma ko: “Aw k’aw yɛrɛ kɔrɔsi dangali fila ni ma” o ko: “Danga fila nunu ye mun ye, A ko: “Mɔgɔ min be dakɔma taga kɛ mɔgɔw ka siraw kan wala o ka suma kɔrɔ” Muslim y’o lakali.
9. N’be bolo fila ko dakɔma taga kɔfɛ. Ka bɛn jariir Alla ka diɲɛ a ma ka Hadisa ma, a ko ne tun be ni Nabi ɲuman ye Alla ka nɛma ni kisi b'A ma, A nana ɲɛgɛn la, A k'A ka mako kɛ, o kɔfɛ A ko: « yaa Jariir! nani fɛn sanima ye» ne nana ji di a ma, A ka yɛrɛ saniya ni o ji ye, A ka A bolo labɛn, A ka bolo tereke dugukolo kan. Nasaa’i ye o lakali.
10. N’be bɔ ni seen jugu ye n’b'a fɔ « gufraanaka»

J: 1. N’be don misiri la ni n’kini seen ye, m'a fɔ: « Bismillahi, Allahumma iftah lii abwaaba rahmatik».
2. N’te sigi fɔɔ me lɔ fila seli.
- ka bɛn Hadisa ma: « ni aw dɔ la kelenw kelen donna misiri la, a kana sigi fɔɔ a be lɔ fila seli » Bɛn kɛla o kan.
3. N’te tɛmɛ selikɛla ɲa fɛ, walima ka n'a fɛn tununi ɲini fɔ misiri kɔnɔ, walima ka fere ni sanni kɛ misiri kɔnɔ. Alla Kira ko nɛma ni kisi be A ma: «ni tɛmɛbaga selikɛla ɲafɛ b'a lɔn jurumu min be a kan, a tun bena kɛ i nafɔ a ye lɔ k'a kɔnon binani, o tun kafisa a ma, ka fɔ ko a be tɛmɛ selikɛla ɲafɛ» Bɛn kɛla o kan.
- ani Alla Kira la kuma nɛma ni kisi be A ma: « ni mɔgɔ min ka cɛɛ dɔ ye a b’a bolo fɛn ɲini la misiri kɔnɔ, a y'a fɔ a ma, Alla kana i ka fɛn laserikɔ i ma, sabula misiriw ma lɔ o fɛn suguw kɔson» Muslim ye o lakali.
- Ani a nana Hadisa kɔnɔ: « n'a ka ye mɔgɔ min be fere kɛla, walima a be sani kɛla misiri kɔnɔ aw y'a fɔ: Alla kana i ka lɔgɔ diya» Tirmizhi ani Daarami ye o lakali.
4. N’be janto misiri ka saniya la.
- A be Hadisa kɔnɔ ka minɛ muminiw bamuso Aisha fɛ Alla ka diɲɛ b’a ma: «Alla Kira ka yamaruyali kɛ misiriw lɔlila sow kɔnɔ, ani k’o saniya ani ka kasadiyana kɛ a kɔnɔ» Tirmizhi ani Abu Daawud ani Ahmad ye o lakali.
5. N’be bɔ misiri kɔnɔ ni n’numan seen ye, ani n'b'a fɔ: « Allahumma innii as'aluka min fadlik»

J: 1. Ni n’be salamu bila silama dɔ ma, m'a daminɛ ni salamu ye, n’a fɔli ye: « Assalaamu aleykum warahmatullahi wa barakɛɛtuh» n’te a daminɛ ni fɛn gɛrɛ ye salamu kɔ, n’te dan bolo dɔrɔn yira ala.
2. N’be yɛlɛko fitini kɛ mɔgɔ fɛ ne ka salamu bila min ma. A nana Hadisa kɔnɔ: « I kana ko ɲuman si dɔgɔya, hali n'a kɛla dɔrɔn ko i be ibaden kunbɛn kasɔrɔ i nisɔndiyani le» Muslim ye o lakali.
3. N’be a fo ni kini bolo ye.
4. Ni dɔ ka ne fo foli cogo dɔ la ne b'a fo foli cogo la min kaɲi ni a ta ye, walima a ta foli cogo ɲɔgon na.
- ka bɛn Alla kɔrɔtani ka kumakan ma: {Ni o k'aw fo, aw ye foli laminɛ foliko cogo la min kaɲi n'a ye, walima aw y'a laserikɔ cogoya kelen na, Alla be fɛn kelen kelen bɛɛ jate lɔn}. [Suratu Nisaa: 86].
5. N’te kon kafiri ma ni salamu bila ye, ni a ka salamu bila ne ma, m'a jabi " wa aleykum".
- ka bɛn Hadisa ma: «Aw kana kon yawudiyaw ni nasɔraw ma ni salamu fɔli ye». Muslim ye o lakali.
6. Denmisɛnni be kon ka mɔgɔ kɔrɔba fo, mɔgɔ min be yɛlɛkan fɛn kan o be kon ka tagama baga fo, tagama baga be kon ka sigi baga fo, mɔgɔ jama kurudeni olu be kon ka jama kuruba fo. Alla Kira ko nɛma ni kisi be A ma: «yɛlɛkan baga be kon ka tagama baga fo, tagama baga be kon ka sigi baga fo, jamafitini be kon ka jamaba fo». Bɛn kɛla o kan.
7. Cɛɛ kana muso fo a tɛgɛ la, muso min foli te daga a ye, m'a fɔ muso minuw haramuya la a ma.
- A nana Hadisa kɔnɔ min minɛna muminiw bamuso Aisha fɛ Alla ka diɲɛ a ma, A ko: « n’be kali Alla la, Alla kira tɛgɛ ma deri ka la muso gɛrɛ bolo kɔnɔ fiyew» Bɛn kɛla o kan.

J: 1. N’be diɲɛ ɲini ka kon yɔrɔ donli ɲɛ.
2. N’be diɲɛ ɲini donli la siɲɛ saba n’te dɔ fara o ka,ni mɔgɔ ma n'jabi, o kɔfɛ n’be taga.
A nana Hadisa kɔnɔ: « ni aw dɔ la kelen ka diɲɛ ɲini ka don siɲɛ saba, ni diɲɛ ma kɛ a ma, a ye serikɔ» Bɛn kɛla o kan.
3. N’be da kɔkɔ dɔnidɔni, nt’e lɔ da cɛma, n’be lɔ da kɛrɛ kini fan fɛ walima a kɛrɛ numan fan fɛ. m'a fɔ: Assalaamu aleykum. Ka bɛn Hadisa ma: « Alla Kira tun kɛla nɛma ni kisi be A ma, ni a tun nana mɔgɔ dɔ la bonda la, A te lɔ bonda cɛma, A be lɔ le bonda kini fan fɛ walima numan fan fɛ, A b'a fɔ: Assalaamu aleykum, Assalaamu aleykum» Abu Dawud ye o lakali.
4. N’te don n'facɛ ni n'bamuso kan walima bon dɔ kɔnɔ ni ma Salamu bila ka kon, kɛrɛkɛrɛniya bolo ma Fajiri ɲɛfɛ, ani telefɛ sunɔgɔ wagati la ka daminɛ Selifana la, ani Safo kɔfɛ.
- ka bɛn Alla kɔrɔtani ka kumakan ma: { Yaa! Alu minuw limaniya la Alla ma, aw ka barakɛ denw ani aw denw minuw ma baliguya, ka diɲɛ ɲini a fɛ siɲɛ saba ka kon donli ɲɛ, Fajiri seli ɲɛ fɛ ani aw telegan fɛ tuma min na aw be lala, ani safo seli kɔfɛ, o ye aw ka lebu wagati saba ye, o wagatiw kɔfɛ jalakili tɛ aw si ma. Aw be se ka don ɲɔgon kan, Abe o cogo la Alla b'a ka kabana kow bange aw ye, Alla ye lɔnni ani ko lɔn masa ye} [Suratu Nuur:58].
Mɔgɔ tɛ yɔrɔ minw na inafɔ dɔgɔtɔrɔsow wala magazɛnw na, n’be se ka don n’a ma kɛ diɲɛ ɲini ye.
Alla kɔrɔtani ko: {jalaki te aw kan Ni aw donna soow kɔnɔ Mɔgɔ te minw na n’a ma kɛ diɲɛ ɲini ye, aw be min bara la kɛnɛkan, aw be min dogo, Alla b’o bɛ lɔn}. [Suratu Nur: 29].

J: 1. N’be domini di ɲɛnɛmafenw ma ani jii.
- A nana Hadisa kɔnɔ: O ko: yaa Alla ka Ciden, yala sara be anw ye biganw la ko la wa? A ko: “sara be biɲɛ kɛnɛ kelen kelen bɛɛ la kola” Bukhari ni Muslim y'o lakali.
- Alla ka Ciden, Alla ka nɛma ni kisi b'A ma, tɛmɛna ɲɔgɔmɛ dɔ kɔrɔ, a kɔ tun sela a kɔnɔbara ma, A ko: “Aw ka siran Alla ɲɛ ni biganw la ko la” Abu Dawud y’o lakali.
2. Ka makari ani ka hinɛ bigan na , ani kana doni bila a kan, a te se min kɔrɔ.
- Hadisi kɔnɔ: Kira, Alla ka nɛma ni kisi b'A ma, ko: «Ni ɲɔgɔmɛ marabaga ye jon ye, ni ɲɔgɔmɛ ye jon ta le ye?» kanmele dɔ nana ka bɔ Madinakaw la, a ko: “Ne ta le, Yaa Alla ka Ciden!” Alla Kira ko: “Alla ye ni bigan min kalifa i ma, i te siran Alla ɲɛ bigan ni ka ko la wa, a k'a damakasi ne ye, ko i b’a tola son kongon la ani i b'a degu” Abu Dawud ni Ahmad y'o lakali. “I b'a degu” kɔrɔ le ko “i b'a sɛgɛ”
3. Ne te bigan jangata ni jangata si ye, walima ni tɔrɔ si ye.
- A nana Hadisa kɔnɔ Jabir Alla ka diɲɛ a ma ye Hadisa min lakali, k'o tɛmɛna Kira la Alla ka nɛma ni kisi b'A ma, ni fali dɔ ye, tagamasen tun bila la a ɲada kan. A ko: «Aw m’a mɛn ko ni mɔgɔ o mɔgɔ ye tagamasen bila bigan ɲada la, walima ka a bugɔ a ɲada la, ne y'o tigi danga wa?» A ye gɛnni kɛ kabɔ o ma. Muslim ni Abu Dawud y’o lakali, ni kumaden ye Abu Dawud ta ye.

J : 1. N'be fagan sɔrɔ ganiya ta ni Farikolo ɲanagwɛ la mukɔson n’ga se ka Alla bato ani k’a a ka diɲɛ sɔrɔ.
2. An te tulon kɛ seli wagati la.
Alla kɔrɔtani ko: {Ola, bɔnɛ be seli kɛ bagaw ye* minw ɲinanile o ka seli ko} [Suratul Maun: 4-5].
3. Cɛdenw man kan ka farikolo ɲanagwɛ kɛ ni musɔdenw ye.
4. N’ka kan ka farikolo ɲanagwɛ kɛ ni fani ye min be n’lebu sutara.
5. N’ka kan k’a n'yɛrɛ yɔrɔma janyan ka bɔ farikolo ɲanagwɛ ma minw haramuya ni le, inafɔ minw na mɔgɔw ɲɛdaw be bugɔ ani o lebuw be ye.
A nana Hadisa kɔnɔ: «Ni aw dɔ be kɛlɛ kɛ n’a baden ye, a k’a yɛrɛ mabɔ a ɲɛda la». Muslimlo y’o lakali.

J: 1. ka tiɲɛ fɔ tolon kɛ la, ani ka wiya fɔ toy.
-A nana Hadisa kɔnɔ: "Bɔnɛ be mɔgɔ ye min be galon tigɛ ka mɔgɔw la yɛlɛ, bɔnɛ b'a ye, bɔnɛ b'a ye" Abu Dawud, ni Ahmad, ani Tirmizhi y'o lakali.
Tolonkɛ min ni yɛlɛbɔna, ani lagwasili ni tɔrɔya ni siranya t’a la.
- Kira ko Alla ka nɛma ni kisi b’A ma: «A te daga Silama ye, k'a ye silama gɛrɛ lasiran» Abu Dawud ni Ahmad ye o lakali.
3. Kana tolonkɛ caya kojugu.
- Kira ko Alla ka nɛma ni kisi b’A ma: «I kana yɛlɛ kojugu, sabu yɛlɛ kojugu be dusukun faga» Tirmizhi ni Ibnu Maajah y'o lakali.

J: 1. n'i be tiso I be i daa datugu n'i bolo ye walima fani, walima fanikunguruni.
2. Ka Alla tano ka fɔ “Al-HamduliLla” tiso kɔfɛ.
3. A badenmacɛ walima a teri k’a fɔ a ma, ko: «yarhamuk' Alla».
- N’a k’o fɔ a ma, a k’a fɔ: «yahdikum Alla wayuslihu baalakum».

J: 1. K'a ɲini ka da wawali dogo.
A nana Hadisa kɔnɔ: Da wawali, o be bɔ sitana le la, ola, n’aw dɔ be wawa, a k’a wawali bali a seko la. Bɛn kɛla o kan
2. Kana i kuma kan kɔrɔta k’a fɔ ko “Ahh Ahh”.
A nana Hadisa kɔnɔ: “A kana a fɔ: ‘Ahh, Ahh, sabu n’aw dɔ k’a daa yɛlɛ, sitana be yɛlɛ a ma” Ahmad y’o lakali.
3. Ka bolo bila daa la.
A nana Hadisa kɔnɔ: “Ni aw dɔ be wawa la, a k’a daa datugu n’a bolo ye, sabu Sitana be don a daa la n'a be wawa la” Muslim y’o lakali.

J: 1. Ka kalan kɛ saniya la, seliji ta kɔfɛ.
2. Ka Sigi ni jogo ɲumaya ye ani mafa ye.
3. Ne be tanga ɲini Alla fɛ kabɔ shitana ma na kalan daminɛ la.
Alla kɔrɔtani ko: {O la, n’i be fɛ ka Kurana kalan, i ka tanga ɲini Alla fɛ kabɔ shitana dangatɔ ma} [Suratu Nahl: 98].
4. N’ be miri kalan kɔrɔ ma.
Alla kɔrɔtani ko: {O tuma na, o te miri Kurana kɔrɔ la wa walima datugulanw b’o dusukunw kan le wa?} [Suratu Muhamad: 24].
*******

J: 1. K'a daminɛ ni Alla tano ni a barikala ye.
2. Ka sɔli kɛ Kira kan, Alla ka nɛma ni kisi b’A ma.
- A nana Hadisa kɔnɔ, kabɔ Alla Kira la nɛma ni kisi b’A ma: “N’i ka seli kɛ, ka sigi, i ka Alla tano cogoya la, a ka kan ni min ye, i ka sɔli kɛ ne kan, o kɔfɛ, i ye Alla deli” Tirmizhi y’o lakali.
3. Ka bolow kɔrɔta duawu kɛ wagati la.
Alla ka Ciden, Alla ka nɛma ni kisi b’A ma, ko: «aw Matigi ka hɛrɛ kabon, A kɔrɔtani le, A be malo, fɔnisere le, A be maloya k'A ka jon tɛgɛ lakolon lasegi tun ma mina ni A ka jon ka tɛgɛ kɔrɔta A ye» Tirmizhi ni Abu Dawud y'o lakali.
4. Ka tubi ani ka lɔ ika jurumuw la.
- A be Musa ka duawu la, Alla ka kisi b'A ma: {A ko: Ne Matigi, ne ka kojugu kɛ n'yɛrɛ la, ola, yafa ne ma, O kama, Alla yafala a ma. Tiɲɛ na, Alla le ye yafabaga ye min hinɛbaga ye} [Kɔsɔs :16].
5. Ka sinsin duawu kan, o kɔrɔ, k'a kɛ ka caya ani ka segi segi a kan.
6. Kana kɔrɔtɔ duawu jabili la.
7. Kana duawu kɛ jurumu kow la wala sinjii tigɛli la.
A nana Hadisa kɔnɔ: «jon ka duawu be to ka jabi m'a fɔ n’a ka duawu kɛ jurumu ko la walima sinji tigɛ la, ani n’a ma muɲu. dɔ ko:Yaa Alla ka Ciden! muɲu baliya ye mun ye?
A ko: mɔgɔ y'i kan to: Ne ka Alla wele, ne k'A wele, n'ga ne m’a ye k’o A ka ne jabi. O kɔfɛ, a be fari faga ani a te Alla wele tugun» Bukhari ni Muslim y'o lakali.
8. K'a kaan majigi duawu tuma la.
Alla kɔrɔtani ko: {Aw ye aw Matigi wele ni majigili ye, ani gundo la} [Suratul Aaraf: 55].
9. Dusukun ka sabati duawu wagati la.
A nana Hadisa kɔnɔ: «Aw ye Alla wele k’a sɔrɔ aw lanin b’a la ko A bena aw jabi, aw y'a lɔn fana ko Alla te mɔgɔ ka duawu jaabi min dusukun n'a haki te Alla la, a be miri fɛn gɛrɛw la duawu tuma la» Tirmizhi y’o lakali.
kɔnɔrɔgwɛya Alla ye, ani ka Alla kelenpe dali gwɛlɛya ni hɛrɛ wagatiw la.
Alla kɔrɔtani ko: {Misiriw ye Alla le ta ye, ola, aw kana fɛn si wele ka fara Alla kan} [Suratul Jin: 18].
1. Dama kasi Alla ye ni A tɔgɔ senumanw ye ani A magutuw.
Alla kɔrɔtani ko: {Tɔgɔ ɲumanw be Alla la, ola, aw k’a wele n’o ye} [Suratul Aaraf: 180].
12. K’i ɲɛsin kibla ma. A nana Hadisa kɔnɔ: «A tola k’a Matigi wele la, k’a bolow kɔrɔta, k’a ɲɛsin kibla ma, fɔɔ a ka fani benna ka bɔ a kamankun la» muslim y’o lakali.
13. K’i ka dɔmini ni k’a don fani saniya. A nana Hadisa kɔnɔ ko: «O kɔfɛ, a ye cɛɛ dɔ kofɔ min be tagama jan kɛ, a fari nɔgɔni le, buguri b’a kan, a b’a bolo fila kɔrɔta sanfɛ , k’a fɔ : Yaa ne Matigi, yaa ne Matigi,’ nga a ka dɔmini ye haramu ye, a ka minfɛnw ye haramu ye, a ka faniw ye haramu ye, a yɛrɛ balo la haramu le la, o cɛɛ ka duawu be jabi cogodi sa!!!» Muslim y’o lakali.