దుఆలు మరియు అద్'కార్ ల విభాగము
1: అజ్'కార్ (అల్లాహ్ ధ్యానం, జిక్ర్) యొక్క ఔన్నత్యం, ప్రాధాన్యత ఏమిటి?
జవాబు: ప్రవక్త సల్లల్లాహు అలైహి వసల్లం ఇలా ప్రవచించారు, ‘అల్లాహ్ నామస్మరణ జపించేవాడి మరియు జపించని వాడి ఉపమానము ప్రాణమున్న జీవి మరియు ప్రాణం లేని నిర్జీవితో సమానం. [6] బుఖారీ హదీసు గ్రంధము.
ఎందుకంటే సర్వశక్తిమంతుడైన అల్లాహ్ను ఎంత తరచుగా స్మరించుకుంటాడనే దానిపై మనిషి జీవితం యొక్క విలువ మరియు శ్రేష్ఠత ఆధారపడి ఉంటుంది.
7: నూతన దుస్తులు ధరించినప్పుడు చదువు దుఆలు?
జవాబు: ఓ అల్లాహ్ సమస్త స్తోత్రములు నీకే చెందును. నీవే నాకు వీటిని తొడిగించావు. దీని మేలును మరియు ఏ మేలు కొరకైతే ఇవి తయారు చేయబడ్డాయో ఆ మేలును నాకు ప్రసాదించమని నిన్ను వేడుకుంటున్నాను. అలాగే దీని కీడు నుండి మరియు ఏ కీడు కొరకైతే ఇవి తయారు చేయబడ్డాయో ఆ కీడు నుండి నీ శరణు వేడుకుంటున్నాను. అబూ దావుద్, అత్తిర్మిజీ హదీసు గ్రంధాలు
8: నూతన దుస్తులు ధరించే వారి కొరకు చేయు దుఆ ?
జవాబు: ఎవరైనా కొత్త వస్త్రాన్ని ధరిస్తూ ఉండగా మీరు చూసినప్పుడు, అతని కోసం ఇలా ప్రార్థించాలి: "తుబ్లీ వ యుఖ్లిఫుల్లాహు త'ఆలా" (మీరు దీనిని ధరించవచ్చు మరియు సర్వశక్తిమంతుడు మీకు ఇలాంటి మరొక దానిని కూడా ప్రసాదిస్తాడు). నీవు దానిని పాతవిగా చేయుదువు గాక మరియు అల్లాహ్ దానిని (మరో కొత్త దానితో) మార్చివేయు గాక. అబూ దావూద్ హదీసు గ్రంధము.
12: ఉదూ పూర్తి చేసిన తరువాత పఠించు దుఆలు ఏమిటి?
జవాబు: అష్హదు అల్లా ఇలాహ ఇల్లల్లాహు వహదహూ లా షరీక లహూ వ అష్హదు అన్న ముహమ్మదన్ అబ్దుహూ వరసూలుహూ. వాస్తవానికి అల్లాహ్ తప్ప వేరొక ఆరాధ్యుడు లేడని, ఆయన ఒక్కడేనని, ఆయనకు సాటి ఎవ్వరూ లేరని నేను సాక్ష్యమిస్తున్నాను మరియు ముహమ్మద్ అల్లాహ్ యొక్క సందేశహరుడు మరియు ఆయన దాసుడు అని నేను సాక్ష్యమిస్తున్నాను. ముస్లిం హదీసు గ్రంధము.
18: అదాన్ పలుకులు విన్న తరువాత ఏమని దుఆ చేయవలెను?
జవాబు: ప్రవక్త ముహమ్మద్ (సల్లల్లాహు అలైహి వసల్లం) పై దరూద్ పంపవలెను. ముస్లిం హదీసు గ్రంధము. అల్లాహుమ్మ రబ్బ హాదిహి ద్దావతిత్తామ్మహ్, వస్సలాతిల్ ఖాయిమహ్, ఆతి ముహమ్మదనిల్ వసీలత వ ఫదీలత వ బఅసుహు మఖామ మ్మహ్మూదనిల్లదీ వాఅద్'తహు: ఈ సంపూర్ణ పిలుపునకు మరియు స్థాపించబడు నమాజునకు ప్రభువైన ఓ అల్లాహ్! ముహమ్మద్ సల్లల్లాహు అలైహి వసల్లం గారికి వసీలా మరియు 'ఫదీలా'ల అనుగ్రహాన్ని మరియు ఆయనకు వాగ్దానము చేసిన ఘనమైన మఖామే మహమూద్ ను ప్రసాదించుము (నిస్సందేహంగా నీవు నీ వాగ్దానాలకు భిన్నంగా వ్యవహరించవు). బుఖారీ హదీసు గ్రంధము.
అదాన్ మరియు ఇఖామతుల మధ్య దుఆ చేయవలెను ఎందుకంటే ఆ సమయంలో చేసే దుఆ తిరస్కరించబడదు.
19: ఉదయం మరియు సాయంత్రం వేళల్లో చేసే జిక్ర్ (అల్లాహ్ ధ్యానం)లో ఏమి పలక వలెను?
జవాబు: 1 - ఆయతల్ కుర్సీ పఠనం : అల్లాహ్! ఆయన తప్ప మరొక ఆరాధ్య దేవుడు లేడు. ఆయన సజీవుడు, విశ్వవ్యవస్థకు ఆధార భూతుడు. ఆయనకు కునుకు రాదు మరియు నిదుర రాదు. భూమ్యాకాశాలలో ఉన్న సమస్తమూ ఆయనకు చెందినదే. ఆయన సమ్ముఖంలో - ఆయన అనుజ్ఞ లేకుండా - సిఫారసు చేయగల వాడెవడు? వారి ముందున్నదీ మరియు వారి వెనుక నున్నదీ అన్నీ ఆయనకు బాగా తెలుసు. మరియు ఆయన కోరితే తప్ప, ఆయన జ్ఞానవిశేషాలలో ఏ విషయమునూ వారు గ్రహించజాలరు. ఆయన కుర్సీ ఆకాశాలనూ మరియు భూమినీ పరివేష్ఠించి ఉన్నది. వాటి సంరక్షణ ఆయనకు ఏ మాత్రం అలసట కలిగించదు. మరియు ఆయన మహోన్నతుడు, సర్వోత్తముడు. [255] [సూరతుల్ బఖరహ్: 255వ ఆయతు] 2 - బిస్మిల్లా హిర్రహ్మా నిర్రహీమ్ (అనంత కరుణాప్రధాత మరియు ఆపార కృపాశీలుడైన అల్లాహ్ పేరుతో): {ఇలా అను: "ఆయనే అల్లాహ్! ఏకైకుడు. (1) అల్లాహ్ ఏ అవసరం లేనివాడు(నిరుపేక్షాపరుడు). (2) {ఆయనకు సంతానం లేదు (బిడ్డలను కనడు) మరియు ఆయన కూడా ఎవరి సంతానమూ (ఎవరికీ జన్మించిన వాడునూ) కాడు.} 3 {మరియు (సర్వలోకాలలో) ఆయనతో పోల్చదగినది ఏదీ లేదు. (4)} మూడుసార్లు. అనంత కరుణామయుడు అపార కరుణా ప్రధాత అయిన అల్లాహ్(a) పేరుతో(b) ఇలా అను: "నేను ఉదయ కాలపు ప్రభువు అయిన (అల్లాహ్) శరణు వేడుకుంటున్నాను.(1) ఆయన సృష్టించిన ప్రతిదాని కీడు నుండి. (2) మరియు చిమ్మచీకటి కీడు నుండి, ఎప్పుడైతే అది క్రమ్ముకుంటుందో! 3 మరియు ముడుల మీద మంత్రించి ఊదే వారి కీడు నుండి; 4 : అసూయాపరుడు అసూయచెందినప్పటి కీడు నుండి. 5 : మూడుసార్లు. అనంత కరుణామయుడు అపార కరుణా ప్రధాత అయిన అల్లాహ్ పేరుతో, ఇలా అను: "నేను మానవుల ప్రభువు (అల్లాహ్) ను శరణుకై వేడుకుంటున్నాను!(1) మానవుల చక్రవర్తి. (2) [2] మానవుల ఆరాధ్యదైవం (అయిన అల్లాహ్ యొక్క శరణు)! 3 కలతలు రేకెత్తించి తొలగిపోయేవాని కీడు నుండి; 4 ఎవడైతే మానవుల హృదయాలలో కలతలు రేకెత్తిస్తాడో!5 వాడు జిన్నాతులలోని వాడూ కావచ్చు లేదా మానవులలోని వాడూ కావచ్చు!6 మూడుసార్లు. 3 - ఓ అల్లాహ్ నీవే నా ప్రభువి. నీవు తప్ప నిజమైన ఆరాధ్యుడు ఎవడూ లేడు. నీవే నన్ను పుట్టించావు. నేను నీ దాసుడును. నేను నీకు చేసిన వాగ్దానానికి, నీతో చేసుకున్న ఒప్పందమునకు, శాయశక్తులా కట్టుబడి ఉన్నాను. నేను చేసిన కర్మల కీడునుండి నీ శరణు కోరుతున్నాను. నాపై ఉన్న నీ అనుగ్రహాలను ఒప్పుకుంటున్నాను, నేను చేసిన పాపములను ఒప్పుకుంటున్నాను, కనుక నన్ను క్షమించు. ఎందుకనగా నీవు తప్ప పాపములను క్షమించేవాడెవడూ లేడు. బుఖారీహదీసు గ్రంధము
24: తుమ్ము వచ్చినపుడు ఏమని దుఆ చేయవలెను?
జవాబు: అల్'హమ్'దులిల్లాహ్ నిస్సందేహంగా స్తోత్రములు అల్లాహ్ కొరకే శోభిస్తాయి.
3 - తుమ్మినవాని ప్రక్కన ఉన్న సోదరుడు లేదా సహచరుడు అతనితో ఇలా చెప్పాలి: "యర్'హముకల్లాహ్" (అల్లాహ్ మీపై దయ చూపుగాక).
దానికి బదులుగా తుమ్మినవారు ఇలా పలకాలి: "యహ్'దీకుముల్లాహు వ యుస్లిహ్ బాలకుమ్" (అల్లాహ్ మీకు మార్గనిర్దేశం చేసి మీ పరిస్థితిని మెరుగుపరుచు గాక) బుఖారీ హదీసు గ్రంధము
25: సమావేశం నుండి నిష్క్రమించేటప్పుడు, సమావేశంలో జరిగిన తప్పులకు ప్రాయశ్చితంగా అంటే కఫ్ఫారతుల్ మజ్లిస్ గా ఏమని దుఆ చేయాలి?
జవాబు: సుబహానకల్లాహుమ్మ వ బిహమ్'దిక, అష్హదు అల్లా ఇలాహ ఇల్లా అన్త, అస్తగ్ఫిరుక వ అతూబు ఇలైక. ఓ అల్లాహ్ నీవు పరిశుద్ధుడివి మరియు నీ స్తుతులతో. నీవు తప్ప నిజ ఆరాధ్య దైవం లేడని నేను సాక్ష్యమిస్తున్నాను. నీతో మన్నింపును వేడుకుంటున్నాను మరియు నేను నీ వైపునకు పశ్చాత్తాపముతో మరలుతాను. అబూ దావూద్, తిర్మిజీ, నసాయి హదీసు గ్రంధాలు.
26: ప్రయాణికుడు వాహనం ఎక్కేటప్పుడు ఏమని దుఆ చేయవలెను?
జవాబు: బిస్మిల్లాహ్, వల్'హమ్'దులిల్లాహ్ - సుబహానల్లదీ సఖ్ఖర లనా హాదా వమా కున్నా లహు ముఖ్రినీన్ వ ఇన్నా ఇలా రబ్బినా లముంఖలిబూన్. అల్'హమ్'దులిల్లాహ్, అల్'హమ్'దులిల్లాహ్, అల్'హమ్'దులిల్లాహ్, అల్లాహు అక్బర్, అల్లాహు అక్బర్, అల్లాహు అక్బర్. సుబహానక అల్లాహుమ్మ ఇన్నీ జలమ్'తు నఫ్'సీ ఫగ్'ఫిర్'లీ, ఫఇన్నహు లా యగ్'ఫిర ద్దునూబ ఇల్లా అంత. అబూ దావూద్, అత్తిర్మిజి హదీసు గ్రంధాలు
27: ప్రయాణం ప్రారంభించేటప్పుడు ఏమని దుఆ చేయ వలెను?
జవాబు: అల్లాహు అక్బర్, అల్లాహు అక్బర్, అల్లాహు అక్బర్, సుబహానల్లదీ సఖ్ఖర లనా హాదా వమా కున్నా లహు ముఖ్రినీన్ వ ఇన్నా ఇలా రబ్బినా లముంఖలిబూన్. అల్లాహుమ్మ ఇన్నా నస్'అలుక ఫీ సఫరినా హాదా అల్'బిర్ వత్తఖ్'వా వ మినల్ అమల్ వా తర్'దా, అల్లాహుమ్మ హవ్విన్ అలైనా సఫరనా హాదా, వత్వి అన్న బఅదహు, అల్లాహుమ్మ అంత సాహెబు ఫిస్సఫర్, వ ఖలీఫతు ఫిల్ అహల్, అల్లాహుమ్మ ఇన్నీ అఊదుబిక మివ్వఅసాయి'సఫర్, వ క'అబతిల్ మంజర్, వ సూఇల్ ముంఖలిబ్ ఫిల్ మాలి వల్ అహల్.
ప్రయాణం నుండి ఇంటికి తిరిగి వచ్చినప్పుడు ఈ దుఆయే చదివి మరియు ఇంకా ఇలా పలకాలి :
ఆయిబూన, తాఇబూన, ఆబిదూన, లిరబ్బినా హామిదూన్ (మేము వాపసు తిరిగి వచ్చేవారం, పశ్చాత్తాప పడేవారం, ఆరాధించేవారం, మా ప్రభువునే మేము స్తుతించేవారము). ముస్లిం హదీసు గ్రంధము
30: మార్కెట్లో ప్రవేశించే ముందు చేయవలసిన దుఆ ఏమిటి?
జవాబు: లా ఇలాహ ఇల్లల్లాహు వహదహు లాషరీకలహు లహుల్'ముల్'కు లహుమ్ హమ్'దు యుహ్'యీ వ యుమీతు వహువ హయ్యి లా యమూతు బియదిహిల్ ఖైర్, వహువ అలా కుల్లి షైఇన్ ఖదీర్. (అల్లాహ్ తప్ప నిజమైన ఆరాధ్యుడు ఎవడూ లేడు. ఆయన ఏకైకుడు, ఆయనకు భాగస్వాములు ఎవ్వరూ లేరు. రాజ్యాధికారము ఆయనదే, సకల స్తోత్రములు ఆయనకే శోభిస్తాయి. ఆయనే ప్రాణం పోసేవాడు మరియు ఆయనే ప్రాణం తీసేవాడును. ఆయన నిత్యుడు, ఆయనకు మరణం లేదు. ఆయన చేతిలోనే శుభాలన్నీ ఉన్నాయి. ఆయనే అన్నింటిపై అధికారం కలవాడు). అత్తిర్మిజి మరియు ఇబ్నె మాజా హదీసు గ్రంధములు
41: బాధిత వ్యక్తిని చూసినప్పుడు అతని కొరకు ఏమని ప్రార్థన చేయ వలెను?
జవాబు: అల్'హమ్'దు లిల్లాహిల్లదీ ఆఫినీ మిమ్మా ఇబ్'తలాక బిహి వ ఫద్దల్'నీ అలా కసీరన్' మిమ్మన్ ఖలఖ తఫ్'దీలా (సర్వ స్తోత్రాలు ఆ అల్లాహ్ కే శోభిస్తాయి, ఎవరైతే నీవు దేనికైతే లోను చేయబడ్డావో దాని నుండి నన్ను ఆరోగ్యంగా ఉంచాడో మరియు ఆయన తన సృష్టిలో అనేకులపై నాకు ప్రాధాన్యతను వొసగాడు.) అత్తిర్మిజి హదీసు గ్రంధము:
43: ప్రవక్త సల్లల్లాహు అలైహి వసల్లం పై ఏమని దరూద్ పంప వలెను?
జవాబు: ‘అల్లాహుమ్మ సల్లి అలా ముహమ్మద్ వ అలా ఆలీ ముహమ్మద్, కమా సల్లయిత అలా ఇబ్రాహీమ వఅలా ఆలి ఇబ్రాహీమ ఇన్నక హమీదున్ మజీద్’ అల్లాహుమ్మ బారిక్ అలా ముహమ్మద్ వ అలా ఆలీ ముహమ్మద్ కమా బారక్త అలా ఇబ్రాహీమ వఅలా ఆలి ఇబ్రాహీమ ఇన్నక హమీదున్ మజీద్ (ఓ అల్లాహ్ !నీవు ఇబ్రాహీంను మరియు ఆయన కుటుంబాన్ని కరుణించినట్లుగానే ముహమ్మద్'ను మరియు ఆయన కుటుంబాన్నికరుణించు' నిశ్చయంగా స్తోత్రానికి అర్హుడవు, ఘనత గలవాడవు నీవే. 'ఓ అల్లాహ్! ఇబ్రాహీం పై ఆయన కుటుంబం పై శుభాలు కరుణించినట్లుగానే ముహమ్మద్' మరియు ఆయన కుటుంబంపై శుభాలు కురిపించు. నిశ్చయంగా స్తోత్రానికి అర్హుడవు, ఘనత గలవాడవు నీవే. ముత్తఫఖున్ అలైహి