L-
1-Al-waagibu (Tɩlae).
2-Al-mustahabbʋ (bũmb b sẽn bʋ nonglem).
3-Al-muharramu (Bũmb sẽn yaa haraam).
4-Al-makruuhʋ (bũmb b sẽn kisi).
5-Al-mubaahʋ (Bũmb b sẽn sak tɩ b maane)

L-
1-Al-waagibu (Tɩlae): Yaa wala wakat a nu wã Pʋʋsgo, la Ramadaanã no-loeere, la roagdb a yiibã manegre.
-Al-waagibu (Tɩlae), ned sã n maan-a a paamda yel-sõmde, la a sã n bas-a, b namsd-a lame.
2-Al-mustahabbʋ (bũmb b sẽn bʋ nonglem): Yaa wala naafɩl-rãmb nins b sẽn maand Faril-rãmbã poorẽ wã, la yʋng yals n pʋʋse, la rɩɩb rɩlgre, la sallem ningri, la b boond-a lame tɩ Sunnah la manduube, (bũmb b sẽn bʋ nonglem).
-Al-mustahabbʋ (bũmb b sẽn bʋ nonglem): Ned ning sẽn maan-a a paamda yel-sõmde, la ned sã n bas-a, b ka namsd-a ye.
Gũusg sẽn pake:
Sõmba ne lɩslaam, t'a sã n wʋm tɩ yel-kãngã yaa Sunnah, bɩ yaa b sẽn bʋ nonglem, bɩ a yãg n tʋg n maan-a, la a tik Nabiyaamã, Wẽnd pʋʋsg la A tɩlgr be a yĩnga.
3-Al-muharramu (Bũmb sẽn yaa haraam): Yaa wala rãam yũubu la roagdb a yiibã namsgo, la rogem wãagre.
-Al-muharramu (Bũmb sẽn yaa haraam): ned ning sẽn bas-a, a paamda yel-somde, la ned ning sẽn maan-a, b namsd-a lame.
4-Al-makruuh (bũmb b sẽn kisi): Yaa wala fo sẽn na n reegdẽ la f kõt ne f goabg nugã, wala ned sẽn na n koond a fuug n põt Pʋʋsgẽ wã.
-Al-makruuh (bũmb b sẽn kisi): Ned sã n bas-a a paamda yel-sõmde, la ned sã n maan-a, b ka sɩbgd-a ye.
5-Al-mubaah (Bũmb b sẽn sak tɩ b maane): Yaa wala tɩ-biis rɩɩbo, la kafe yũubu, la b boond-a lame tɩ bũmb sẽn sakde, la halaale.
-Al-mubaah (Bũmb b sẽn sak tɩ b maane) :Ned sã n bas-a a ka paamd yel-sõmde, la ned sã n maan-a, b ka sɩbgd-a ye.

L-Yẽgrã koosgã pʋgẽ la tʋmd-n-taarã pʋgẽ, yaa tɩ b yaa halaale, sã n ka koosem-rãmb sãnda, Wẽnd sẽn harme, A Naam zẽkame.
A yeelame, A Naam zẽkame: {Lɑ Wẽnd kõo koosem sore lɑ A gɩdg Rɩbɑɑgɑ} [Sʋʋratʋ Al-Baƙara: 275]

L-
L-Zamb maanego: Sẽn be a pʋgẽ, yaa fo sẽn na n solg laogã zanga.
La sẽn wa n gɩdg zãmb maanego, yaa tɩ Wẽnd Tẽn-tʋʋmã, Wẽnd pʋʋsg la A tɩlgr be a yĩnga, a pɩʋʋga rɩɩb sẽn dʋre, t'a kẽes a nugã a pʋgẽ, t'a nus-bi wã madge, t'a yeele: « yaa bõe la woto, rɩɩbã soaba?» La a yeele: «ad yaa saag n nag-a, yaa Wẽnd Tẽn-tʋʋma». La Tẽn-tʋʋm yeele. «Yaa bõe tɩ fo ka na n ning-a rɩɩbã yĩngri, tɩ nebã yã-a? Ned ning sẽn maana zãmbo, ad yẽnda ka be tõnd pʋgẽ ye». A Muslim n reeg-a.
2- Yaa Rɩbaaga: Sẽn be a pʋgẽ, mam sẽn na n reeg tusr ned nengẽ, n na n wa lebs-a nu a yiibu.
La yaa paasgã n yaa haraamã.
A yeelame, A Naam zẽkame: {Lɑ Wẽnd kõo koosem sore lɑ A gɩdg Rɩbɑɑgɑ} [Sʋʋratʋ Al-Baƙara: 275]
3-Belgr la zɩɩlem sẽn na n be laogã pʋgẽ: Yaa wala b sẽn na n koos foom ne bĩisim t'a ket n be pesgã bãgrẽ, maa zĩifu koom pʋga, tɩ b na n ka yõk zĩifã nand ye.
Rẽnd bee hadiis pʋgẽ: (Wẽnd Tẽn-tʋʋmã, Wẽnd pʋʋsg la A tɩlgr be a yĩnga, a gɩdgame tɩ b ra koos belgr sẽn be koosem ningã pʋgẽ ye) A Muslim n reeg-a.

L-1-Lɩslaoongã neemã wã, la fo sẽn ka kɩfr-rãmbã nin-yεngã.
2-Sunnah neemã, la fo sẽn ka bid-'ah wã nin-yεngã.
3-Laafɩ wã la yĩn-noomã neemã, sẽn yaa wʋmbo, la nenem, la kẽna la zẽng sẽn ka rẽnda.
4-Rɩɩbã la yũubã la yeelgrã neemã wã.
La Wẽnd neemã wã, A Naam yɩ wagell n zẽke, sẽn be tõnd zugã yaa wʋsgo, ka tõe n sõde, ka tõe n tigmi.
A yeelame, A Naam zẽkame: {Ad yãmb sã n na n sõd Wẽnd neemã wã, y kõn n tõog n gũbg-a ye, ad Wẽnd yaa yaafg Naaba n yaa yolsg Naaba 18} [Sʋʋratʋ Annahlʋ: 18]

L-Bũmb ning sẽn yaa tɩlae wã, yaa f pʋʋs barka, rẽ me yaa fo sẽn na n pẽg Wẽnde, la f soees-A, ne f zelemde, la f bãng tɩ yɩɩdlemã fãa gill yaa Wẽnd A yembr n so, la f rɩk neemã-kãensã n kẽ n tʋm bũmb ning sẽn yard Wẽnde, A Naam zẽkame, ka bũmb ning sẽn yaa Wẽnd kɩɩsgã ye.

L- Yaa no-lokr tigr la Kibs tigri.
Wala sẽn waa a Anas hadiisã pʋgẽ, a yeelame, Wẽnd Tẽn-tʋʋma, Wẽnd pʋʋsg la A tɩlgr be a yĩnga, waa Madiina, n mik-ba tɩ b tara rasem a yiibu, n kɩdemd b pʋgẽ, t'a yeele: « yaa bõe rasem a yiib la bãmbã?» Tɩ b yeele: « tõnd rag n kɩdemda b pʋgẽ, d zɩɩlem wakato, tɩ Wẽnd Tẽn-tʋʋma, Wẽnd pʋʋsg la A tɩlgr be a yĩnga, yeele: «Wẽnd tedga yãmb ne b yiibã sõmblem sẽn yɩɩd b yiibã, kibsã (kõsbã) raare la no-lokrã raare» A Abʋʋ Dawʋʋd n reeg-a
La zẽng sẽn ka yɩ bãmba, sẽn yaa tigri, rẽ yaa Bid'ah.

L- Yaa Ramadaanã kiuugu.

L- Yaa arzũm raare.

L- Yaa ʿArafa raare.

L-Yaa kuidgã yʋngo.

L-Sẽn sõmb n maana yaa f mum f ninã, A yeelame, A Naam zẽkame: {Yeel sɩd-kõt-roapã tɩ b gɩdg b ninã} [Sʋʋratʋ Annuuru: 30]

1-Yaa yõor ning sẽn saganda ned ne wẽngã, la rẽnda yaa ninsaalã sẽn na n pʋg yõorã sẽn yet-a t'a maan bũmb ningã, la a yamleoogã, Wẽnd kɩɩsg pʋgẽ, A Naam yɩ wagell n zẽke. {Ad yõorã pirsdame n tʋgd wẽnga, sã n pa ned ning m Soabã sẽn yols-ɑ, ad mam Soabã yaa yaafg Naaba n yaa yolsg Naaba»} [Sʋʋratʋ Yuusufu: 53] 2-Yaa a Sʋɩtãane: la yẽnda yaa Adam biig bε, la sʋɩtãan raabã fãa, yaa a na menes ninsaala la a yuus-a, n kẽes-a wẽng pʋgẽ, n tʋg n kẽes-a Bugmẽ, A yeelame, A Naam zẽkame: {Lɑ y rɑ pʋg ɑ sʋɩtãan nɑo ye, ɑd ɑ yɑɑ bε sẽn yɑɑ vẽenegɑ ne yãmbɑ} [Sʋʋratʋ Al-Baƙara: 168] 3-Tũud-n-ta wẽnse, neb nins sẽn sagend nebã ne wẽnga la b gɩdg n yit sõma, A yeelame, A Naam zẽkame: {Pa yẽ-to-kõn-n-gũs ra-kãngã raara yaa beem ne taaba rẽnda Wẽnd zoεtbã.} [Sʋʋratʋ Azzuẖrʋfʋ: 67]

L-Tuubgu: yaa fo sẽn na lebge, n bas Wẽnd kɩɩsgo, A Naam zẽkame, n tʋg A tuudmã, A yeelame, A Naam zẽkame: {La ad Mam yaa yaafg Soab ne ned ning sẽn tuuba la a kõ sɩda, la a maan tʋʋm-sõma, rẽ poorẽ t'a kãnde.} [Sʋʋrɑtʋ Ṭɑhɑɑ: 82].

L-1- Yaa a foog n bas zunuubã.
2-Yaa a maan mimsa ne bũmb ning sẽn põs-a wã
3- Yaa a loe n wãag t'a ka na n le leb beenẽ ye.
4-Yaa a lebs hakε-rãmbã la wẽgd-rãmbã n kõ nebã
A yeelame, A Naam zẽkame: {Lɑ neb nins tɩ b sã n tʋm wẽngɑ mɑɑ b wẽgɑ b mense, b tẽegdɑ Wẽnd yelle n kos b zunuubã yɑɑfɑ, lɑ yɑɑ ãnd n yɑɑfd zũnuub zẽng sẽn pa Wẽnde? Lɑ b pa nɑdgd ne b sẽn tʋm-ɑ lɑ b mi t'ɑ yɑɑ yook ye135} [Sʋʋratʋ Aalʋ ɭmraan:135 ].

L- A maana, yaa fo kos Wẽnd t'A pẽg A Nabiyaamã, Wẽnd pʋʋsg la A tɩlgr be a yĩnga, Mala'ʋ Al'ʿaalaa (Yĩngri zamã wã nengẽ).

L-Sʋbhaanallaahã võore, yaa f yɩlg Wẽnde, A Naam yɩlgame n zẽke, n yi boogr fãa la zang fãa la wẽnga.

L-Yẽnda yaa Wẽnd pẽgbo, A Naam zẽkame, la f sɩf-A, ne sɩf-rãmb sẽn pid gilli.

L-Rat n na n yeelame, A Naam yɩlgame, Yẽ n yɩɩd bũmbã fãa gilli, n yaa Wagelle, n yaa Zɩsgo, n yaa Bedre, n yɩɩd bũmbã fãa gilli.

L-A võore: yaa tɩ yamb ka tõe n toeem halhaale, n kẽng halhaal a to, a leb n ka tar pãng ne yel-kãngã, rẽndame tɩ tũ ne Wẽnde.

L-Rat n na n yeelame: tɩ yaa yamba sẽn na n kos a Soabã nengẽ, t'A yẽes a zunuub-rãmbã, la A lud a zamsã.