ߖ- ߞߵߊ߬ ߡߌ߬ߘߊ߬ ߟߌ߬ߡߣߊ߬ߦߊ߬ߓߊ߮ ߟߎ߬ ߢߍߓߊ߮ ߡߊ߬, ߤ߭ߊߝߑߛߌ߫ ߝߊ߬ ߊ߳ߎߡߊߙ ߓߎߣ ߞ߭ߺߊ߬ߕߐ߯ߓ ߊ.ߘ ߞߏ߫ ߊ߬ ߞߵߊ߬ ߡߍ߲߫ ߊߟߊ߫ ߟߊ߫ ߞߋߟߊ ߟߊ߫ ߛߟߊ߬ߕߎ߫ ߣߌ߫ ߛߟߊ߬ߡߎ߲߫ ߦߴߊ߬ ߦߋ߫ ߸ ߊ߬ ߦߴߊ߬ ߝߐ߫ ߟߊ߫ ߞߏ߫: (( ߊ߰ ߕߋ߲߬ ߠߋ߬ ߓߊ߯ߙߊ ߟߎ߬ ߦߋ߫ ߞߍߟߊ ߢߋ߬ߣߌ߲߬ߞߋ ߟߎ߬ ߟߋ߬ ߟߊ߫ ߝߋ߲߫ ߠߋ߬ ߞߋ߬ߟߋ߲߬ߞߋ߬ߟߋ߲߫ ߓߍ߯ ߦߋ߫ ߸ ߊ߬ ߓߊ߯ ߡߍ߲߫ ߢߋ߬ߣߌ߲߬ߞߋ߫ ߒ߬ߓߊ߬ ߸ ߡߍ߲߫ ߠߊ߫ ߝߎ߲ߘߌ߫ ߓߊ߯ ߞߍ߫ ߞߊ߬ ߕߴߊߟߊ߫ ߣߴߊ߬ ߟߊ߫ ߞߋߟߊ ߦߋ߫, ߒ߬ߓߵߏ߬ ߟߊ߫ ߝߎ߲ߘߌ ߦߴߊߟߊ߫ ߣߴߊ߬ ߟߊ߫ ߞߋߟߊ ߟߋ߬ ߦߋ߫, ߣߌ߫ ߡߍ߲߫ ߘߏ߲߬ ߠߊ߫ ߝߎ߲ߘߌ ߞߍ߫ ߘߊ߫ ߞߌߢߍ߲ ߞߏߛߐ߲߬ ߥߟߊ߫ ߡߛߏ߬ ߞߏߛߐ߲߬ ߛߴߊ߬ ߘߴߏ߬ ߝߘߎ߫ ߸ ߒ߬ߓߵߏ߬ ߟߊ߫ ߝߎ߲ߘߌ ߦߋ߫ ߝߋ߲߫ ߠߋ߬ ߦߋ߫ ߊ߬ ߞߊ߬ ߝߎ߲ߘߌ ߞߍ߫ ߞߊ߬ ߕߊ߯ ߡߍ߲߫ ߡߊ߬)) ߓߎ߬ߞߊ߬ߙߌ߬ߞߊ߫ ߣߌ߫ ߡߎߛߑߟߌߡ ߞߵߊ߬ ߟߊߛߋ߫
ߤߊ߬ߘߌ߬ߛߊ ߕߐ߬ߣߐ ߘߏ߫ ߟߎ߫:
1- ߝߏ߫ ߢߋ߬ߣߌ߲߬ߞߋ߬ߟߌ ߦߋ߫ ߞߍ߫ ߓߊ߯ߙߊ ߞߋ߬ߟߋ߲߬ߞߋߟߋ߲߫ ߓߍ߯ ߘߐ߫, ߞߊ߬ߓߐ߫ ߛߊߟߌ ߘߐ߫, ߊ߬ ߣߌ߫ ߛߎ߲, ߊ߬ ߣߌ߫ ߤߖߌ߫, ߊ߬ ߣߌ߫ ߜߘߍ ߟߎ߫ ߞߊ߬ ߓߐ߫ ߓߊ߯ߙߊ ߟߎ߬ ߘߐ߫.
2- ߝߏ߫ ߓߎ߰ߓߎ߬ߟߌ ߦߋ߫ ߞߍ߫ ߊߟߊ߫ ߞߘߐߕߊ߬ߣߍ߬ߓߊ ߞߏߛߐ߲߬ ߠߋ߬ ߢߋ߬ߣߌ߲߬ߞߋ߬ߟߌ ߘߐ߫.
* ߤߊ߬ߘߌ߬ߛߊ߫ ߝߌߟߊߣߊ߲:

ߖ- ߞߵߊ߬ ߡߌ߬ߘߊ߬ ߟߌ߬ߡߣߊ߬ߦߊ߬ߓߊ߮ ߟߎ߬ ߓߊ ߡߊ߬ ߸ ߊߓߑߘߎߟߟߊ߯ߤߌ߫ ߓߊ ߸ ߣߴߏ߬ ߦߋ߫ ߊ߳ߺߊ߯ߺߌߛ߭ߕߊ߫ ߊ.ߘ ߸ ߊ߬ ߞߵߊ߬ ߝߐ߫ ߞߏ߫: ߊߟߊ߫ ߟߊ߫ ߞߋߟߊ ߞߵߊ߬ ߝߐ߫ ߛߟߊ߬ߕߎ ߣߌ߫ ߛߟߊ߬ߡߎ߲ ߦߵߊ߬ ߦߋ߫: ((ߣߌ߫ ߡߍ߲߫ ߞߊ߬ ߟߊ߬ߝߟߐ߬ߟߌ ߞߍ߫ ߊ߲ ߠߊ߫ ߞߏߢߊ ߣߌ߲߬ ߘߐ߫ ߝߋ߲߫ ߠߊ߫ ߡߍ߲߫ ߕߴߊ߬ ߘߐ߫, ߒ߬ߓߴߏ߬ ߦߋ߫ ߟߛߊ߬ߦߌ߲߬ߕߊ ߟߋ߬ ߘߌ߫)) ߓߎ߬ߞߊ߬ߙߌ߬ߞߊ߫ ߣߌ߫ ߡߎߛߑߟߌߡ ߞߵߊ߬ ߟߊߛߋ߫
ߤߊ߬ߘߌ߬ߛߊ ߕߐ߬ߣߐ ߘߏ߫ ߟߎ߫:
1- ߝߊߕߊ߲ߕߟߌ߫ ߓߌ߬ߟߊ߲߬ߘߐ ߡߊ߬ ߘߌ߯ߣߊ ߘߐ߫.
2- ߓߊ߯ߙߊ߫ ߟߊߝߟߐߣߍ߲ ߠߎ߬ ߓߍ߯ ߟߊߛߊ߬ߦߌ߲߬ߕߊ ߟߋ߬ ߘߌ߫ ߡߍ߲߫ ߠߎ߬ ߕߍ߫ ߡߌ߬ߘߊ߬ߕߊ ߘߌ߫
ߤߊ߬ߘߌ߬ߛߊ߫ ߛߓߊߣߊ߲:

ߖ-ߞߵߊ߬ ߡߌ߬ߘߊ߬ ߊ߳ߎߡߊߙ ߓߎߣ ߞߊߕ߭ߐ߯ߓ ߡߊ߬ ߊ.ߘ ߞߏ߫: ߕߎ߬ߡߊ߫ ߡߍ߲߫ ߊ߲ ߛߌ߰ߣߍ߲߫ ߕߘߍ߬ ߊߟߊ߫ ߟߊ߫ ߞߋߟߊ ߝߍ߬ ߟߏ߲ ߘߏ߫ ߘߐ߫ ߛߟߊ߬ߕߎ ߣߌ߫ ߛߟߊ߬ߡߎ߲ ߦߵߊ߬ ߦߋ߫, ߗߍ߭ ߘߏ߫ ߞߵߊ߬ ߞߎ߲߬ ߠߊ߬ ߓߐ߫ ߊ߲ ߡߊ߬ ߸ ߊ߬ ߟߊ߫ ߝߊ߰ߣߌ߲ ߠߊ߫ ߜߍ ߘߐߜߟߍ߬ߦߊ߬ߣߍ߲ ߔߋߔߋ߫, ߊ߬ ߛߌ ߝߌ߰ߣߍ߲ ߡߏߟߌߡߏߟߌ߫ ߕߊ߯ߡߊߘߐߕߊ ߣߐ߬ ߕߍ߫ ߦߋ߫ ߟߴߊ߬ ߡߊ߬, ߘߏ߫ ߘߐ߫ ߞߋߟߋ߲߫ ߛߌ߫ ߡߴߊ߬ ߟߐ߲߫ ߞߊ߬ ߓߐ߫ ߊ߲ ߘߐ߫, ߊ߬ ߣߊ߬ ߘߴߊ߬ ߛߌ߰ ߟߊ߬ߝߐ߬ߓߊ߮ ߡߊ߬ ߛߟߊ߬ߕߎ ߣߌ߫ ߛߟߊ߬ߡߎ߲ ߦߵߊ߬ ߦߋ߫, ߊ߬ ߞߵߊ߬ ߞߎ߲ߓߙߋ ߓߍ߲߬ ߞߋߟߊ ߞߎ߲ߓߙߋ߫ ߝߌ߬ߟߊ ߡߊ߬, ߞߵߊ߬ ߕߍ߯ ߝߌ߬ߟߊ ߟߴߊ߬ ߥߘߏ߫ ߝߌ߬ߟߊ ߞߊ߲߬, ߞߵߊ߬ ߝߐ߫ ߞߏ߫: ((ߤߍ߲߫ ߡߏ߬ߤߊߡߡߊߘ ߒ ߖߊ߲߬ߖߏ߲߬ߦߊ߫ ߛߌ߬ߟߊ߬ߡߦߊ ߟߊ߫)), ߊ߬ ߞߵߊ߬ ߝߐ߫ ߊ߬ ߦߋ߫ ߞߏ߫: ((ߛߌ߬ߟߊ߬ߡߦߊ ߟߋ߬ ߦߋ߫ ߛߙߋߕߋߕߋߦߊ ߘߌ߫ ߞߏ߫ ߓߊ߬ߕߏ߬ߕߊ߬ ߕߍ߫ ߝߏ߫ ߊߟߊ߫, ߊ߬ ߣߌ߫ ߞߏ߫ ߡߏ߬ߤߊߡߡߊߘ ߦߴߊߟߊ߫ ߟߊ߫ ߞߋߟߊ ߟߋ߬ ߘߌ߫, ߊ߬ ߣߴߌ ߦߋ߫ ߛߊߟߌ ߟߐ߬, ߊ߬ ߣߴߌ ߦߋ߫ ߖߞߊ ߘߌ߫, ߊ߬ ߣߴߌ ߦߋ߫ ߛߎ߲ߞߊߙߏ ߛߎ߲߫, ߊ߬ ߣߴߌ ߦߋ߫ ߓߏ߲ ߤߖߌ߫ ߸ ߣߴߌ ߞߵߊ߬ ߛߌߟߊ ߟߊ߫ ߣߐ߭ ߛߋ߫ ߛߐ߬ߘߐ߲߬)), ߊ߬ ߞߵߊ߬ ߝߐ߫ ߞߏ߫ ߌ ߓߘߊ߫ ߕߏ߬ߢߊ߫ ߝߐ߫, ߊ߲ ߞߓߊߞߏߦߘߴߊ߬ ߡߊ߬ ߸ ߊ߬ ߘߌ߫ ߞߋߟߊ ߢߌ߬ߣߌ߲߬ߞߊ߫ ߞߊ߬ ߓߊ߲߫ ߞߵߊ߬ ߕߏ߬ߢߊ߬ ߕߌ߰ߦߊ߫, ߊ߬ ߞߵߊ߬ ߝߐ߫ ߞߏ߫߫: ((ߒ ߖߊ߲߬ߖߏ߲߬ߦߊ߫ ߟߌ߬ߡߣߊ߬ߦߊ ߞߊ߲߬)) ߊ߬ ߞߵߊ߬ ߝߐ߫ ߞߏ߫: ((ߌ ߦߋ߫ ߟߌ߬ߡߣߊ߬ߦߴߊߟߊ߫ ߡߊ߬, ߊ߬ ߣߴߊ߬ ߟߊ߫ ߡߟߊ߬ߞߊ ߟߎ߬, )), ߊ߬ ߣߴߊ߬ ߟߊ߫ ߟߍߙߊ ߟߎ߬, ߊ߬ ߣߴߊ߬ ߟߊ߫ ߞߋߟߊ ߟߎ߬, ߊ߬ ߣߌ߫ ߟߏ߲߫ ߠߊߓߊ߲ߣߌ߫ ߟߏ߲߫ ߠߊߓߊ߲, ߊ߬ ߣߴߌ ߦߋ߫ ߟߌ߬ߡߣߊ߬ߦߊ߫ ߖߊ߬ߕߋ߬ߘߐ߰߬ ߡߊ߬, ߊ߬ ߤߙߊ ߣߴߊ߬ ߖߎ߯ߡߊ߲)) ߊ߬ ߞߵߊ߬ ߝߐ߫ ߞߏ߫ ߕߏ߬ߢߊ߫, ߊ߬ ߞߵߊ߬ ߝߐ߫ ߕߎ߲߯ ߞߏ߫: ߒ߬ߕߊ߬ ߒ ߖߊ߲߬ߖߏ߲ߦߊ߫ ߢߊ߬ߟߌ ߞߊ߲߬)) ߊ߬ ߞߵߊ߬ ߝߐ߫ ߞߏ߫: ((ߌ ߦߴߊߟߊ߫ ߓߊ߬ߕߏ߬ ߦߏ߫ ߌ ߦߴߊ߬ ߦߋ߫ ߟߊ߫ ߟߋ߬ ߸ ߒ߬ߓߊ߬ ߸ ߣߴߌ ߘߏ߲߬ ߡߊ߫ ߞߵߊ߬ ߦߋ߫ ߟߊ߫ ߒ߬ߓߊ߬ ߸ ߊ߬ߟߋ ߦߴߌߟߋ ߦߋ߫ ߟߊ߫)) ߊ߬ ߞߵߊ߬ ߝߐ߫ ߞߏ߫: (( ߒ ߖߊ߲߬ߖߏ߲ߦߊ߫ ߟߊ߬ߓߊ߲߫ ߕߎߡߊ ߟߊ߫ )) ߊ߬ ߞߵߊ߬ ߝߐ߫ ߞߏ߫: ((ߢߌ߬ߣߌ߲߬ߞߊ߬ߣߍ߲ ߡߴߏ߬ ߟߐ߲߫ ߞߊ߬ ߕߊ߬ߡߌ߲߫ ߢߌ߬ߣߌ߲߬ߞߊ߬ߟߌ߬ߟߊ ߞߊ߲߬)) ߊ߬ ߞߊ߲߫ ߞߏ߫: ߒ߬ߓߊ߬ ߸ ߒ ߖߊ߲߬ߖߏ߲߬ߦߴߊ߬ ߕߐ߰ߡߊ߬ߛߙߋ ߟߎ߬ ߟߊ߫)) ߊ߬ ߞߵߊ߬ ߝߐ߫ ߞߏ߫: ߖߐ߲߬ ߡߛߏ ߦߴߊ߬ ߡߊߕߌ ߡߏߦߌ߲߫, ߊ߬ ߣߴߌ ߦߋ߫ ߛߋ߲߬ߘߐ߬ߞߏߟߏ߲߫ ߟߊ߲ߞߏߟߏ߲߫ ߕߍ߯ߜߍߟߎ߬ ߦߋ߫ ߟߊ߬ߖߊ߲߬ߧߊ߬ߟߌ ߞߍ߫ ߟߊ߫ ߟߐ߬ߟߌ ߝߋ߲ ߠߎ߬ ߟߊ߫)) ߏ߬ ߞߐ߫ ߊ߬ ߕߊ߯ ߘߊ߫ ߕߎ߬ߡߊ߬ ߞߘߎ߬ߣߍ߲߫ ߞߍ߫ ߘߊ߫, ߞߋߟߊ ߞߵߊ߬ ߝߐ߫ ߞߏ߫: ((ߤߍ߲߫ ߸ ߊ߳ߎߡߊߙ ߌ ߞߊ߬ ߢߌ߬ߣߌ߲߬ߞߊ߬ߟߌ߬ߟߊ ߟߐ߲߫؟)) ߒ ߞߵߊ߬ ߝߐ߫ ߞߏ߫: ((ߊߟߊ߫ ߣߴߊߟߊ߫ ߞߋߟߊ ߞߵߊ߬ ߟߐ߲߫)) ߞߋߟߊ ߞߵߊ߬ ߝߐ߫ ߞߏ߫: ((ߖߌ߬ߓߙߌ߬ߟߊ ߟߋ߬ ߕߘߍ߫ ߸ ߊ߬ ߣߊ߬ ߣߍ߲߫ ߊߟߎ߫ ߕߘߍ߬ ߟߊ߫ ߟߋ߬ ߞߵߊߟߎ߫ ߟߊߟߐ߲ߣߌ߲߫ ߊߟߎ߫ ߟߊ߫ ߘߌ߯ߣߊ ߟߊ߫)) ߡߎߛߑߟߌߡ ߞߵߏ߬ ߟߊߞߊ߬ߟߌ߬.
ߞߊ߬ ߓߐ߫ ߤߊ߬ߘߌ߬ߛߊ ߕߐ߬ߣߐ ߟߎ߬ ߘߐ߫:
1- ߛߌ߬ߟߊ߬ߡߦߊ ߕߎ߲ߞߎ߲ ߟߏ߯ߟߎ ߞߏߝߐ߫, ߏ߬ ߟߎ߫ ߟߋ߬ ߦߋ߫:
ߛߙߋߕߋߕߋߦߊ ߞߏ߫ ߓߊ߬ߕߏ߬ߕߊ߬ ߕߍ߫ ߝߏ߫ ߊߟߊ߫, ߊ߬ ߣߌ߫ ߡߏ߬ߤߊߡߡߊߘ ߦߴߊߟߊ߫ ߟߊ߫ ߞߋߟߊ ߟߋ߬ ߘߌ߫.
ߊ߬ ߣߌ߫ ߞߊ߬ ߛߊߟߌ ߟߐ߬.
ߊ߬ ߣߌ߫ ߞߊ߬ ߖߞߊ ߘߌ߫.
ߊ߬ ߣߌ߫ ߞߊ߬ ߛߎ߲ߞߊߙߏ ߛߎ߲߫
ߊ߬ ߣߌ߫ ߞߊ߬ ߊߟߊ߫ ߟߊ߫ ߓߏ߲߫ ߠߊߕߏߣߍ߲ ߤߖߌ߫.
2- ߟߌ߬ߡߣߊ߬ߦߊ ߕߎ߲ߞߎ߲ ߠߎ߬ ߞߏߝߐ߫, ߏ߬ ߟߎ߬ ߦߋ߫ ߥߐ߯ߙߐ ߟߋ߬ ߘߌ߫:
ߟߌ߬ߡߣߊ߬ߦߴߊߟߊ߫ ߡߊ߬
ߊ߬ ߣߴߊ߬ ߟߊ߫ ߡߟߊ߬ߞߊ ߟߎ߬
3- ߊ߬ ߣߴߊ߬ ߟߊ߫ ߟߍߙߊ ߟߎ߬ ߡߊ߬
4- ߊ߬ ߣߴߊ߬ ߟߊ߫ ߞߋߟߊߘߋ߲ ߠߎ߬ ߡߊ߬
5- ߊ߬ ߣߌ߫ ߟߏ߲߫ ߠߊߓߊ߲.
6- ߊ߬ ߣߌ߫ ߖߊ߬ߕߋ߬ߘߐ߬ߛߌ߮ ߤߙߊ ߣߵߊ߬ ߖߎ߯ߡߊ߲.
3- ߢߊ߬ߟߌ ߕߎ߲ߞߎ ߞߏߝߐ߫, ߏ߬ ߦߋ߫ ߕߎ߲ߞߎ߲ ߞߋߟߋ߲߫ ߠߋ߬ ߘߌ߫ ߕߊ߲߬ ߘߐ߫, ߌ ߦߴߊߟߊ߫ ߓߊ߬ߕߏ߬ ߦߏ߫ ߌ ߦߴߊ߬ ߦߋ߫ ߟߊ߫ ߟߋ߬, ߒ߬ߓߊ߬ ߣߴߌ ߡߊ߫ ߞߴߊ߬ ߦߋ߫ ߟߊ߫, ߒ߬ߓߊ߬ ߸ ߊ߬ ߦߴߌ ߦߋ߫ ߟߊ߫.
4-ߥߟߌ ߕߎ߬ߡߊ ߸ ߛߌ߫ ߡߴߊ߬ ߟߐ߲߫ ߝߏ߫ ߊߟߊ߫ ߞߘߐߕߊ߬ߣߍ߬ߓߊ.
ߤߊ߬ߘߌ߬ߛߊ߬ ߣߊ߯ߣߌ߲ߣߊ߲:

ߖ- ߞߵߊ߬ ߡߌ߬ߘߊ߬ ߊ߬ߓߌ߰ ߤߎߙߊߦߑߙߕߊ߫ ߡߊ߬ ߊ.ߘ ߞߏ߫: ߊߟߊ߫ ߟߊ߫ ߞߋߟߊ ߞߵߊ߬ ߝߐ߫ ߛߟߊ߬ߕߎ ߣߌ߫ ߛߟߊ߬ߡߎ߲ ߦߵߊ߬ ߦߋ߫: ((ߟߌ߬ߡߣߊ߬ߦߊ߬ߓߊ߮ ߡߍ߲߫ ߠߊ߫ ߟߌ߬ߡߣߊ߬ߦߊ ߘߝߊߣߍ߲߫ ߸ ߏ߬ ߟߴߊ߬ߟߎ߬ ߓߍ߯ ߘߐ߫ ߖߏ߯ ߢߌߡߊߕߌ ߘߌ߫)). ߕߌߙߑߡߗ߭ߌߞߊ߫ ߞߵߏ ߟߊߞߊ߬ߟߌ߬، ߞߵߊ߬ ߝߐ߫ ߞߏ߫: ߤ߭ߊߘߌߛߊ߫ ߢߌ߬ߡߊ߬ ߔߌߦߐߔߌߦߐ ߟߋ߬.
ߕߐ߬ߣߐ ߘߏ߫ ߟߎ߫ ߞߊ߬ ߓߐ߫ ߤߊ߬ߘߌ߬ߛߊ ߘߐ߫:
1- ߞߊ߬ ߘߐ߬ߛߎ߯ߟߌ ߞߍ߫ ߖߏ߯ ߢߌߡߊ ߟߊ߫.
2- ߊ߬ ߣߌ߫ ߖߏ߮ ߘߝߊ ߦߋ߫ ߟߌ߬ߡߣߊ߬ߦߊ ߘߝߊ ߟߋ߬ ߘߌ߫.
3- ߊ߬ ߣߌ߫ ߞߏ߫ ߟߌ߬ߡߣߊ߬ߦߊ ߦߋ߫ ߖߘߌ߫ ߟߊ߫ ߸ ߊ߬ ߦߋ߫ ߣߊ߰ߛߌ߫ ߟߊ߫.
ߤߊ߬ߘߌ߬ߛߊ߫ ߟߏ߯ߟߎߣߊ߲:

ߖ- ߞߵߊ߬ ߡߌ߬ߘߊ߬ ߌߓߑߣߎ ߊ߳ߎߡߊߙ ߡߊ߬ ߊ.ߘ ߞߏ߫ ߟߊ߬ߝߐ߬ߓߊ߮ ߞߵߊ߬ ߝߐ߫ ߞߏ߫: ((ߣߌ߫ ߡߍ߲߫ ߞߵߊ߬ ߞߊ߬ߟߌ߬ ߊߟߊ߫ ߕߊ߬ߣߊ ߟߊ߫, ߒ߬ߓߵߏ߬ ߓߘߊ߫ ߞߊ߯ߝߙߌߦߊ߫ ߥߟߴߊ߬ ߓߘߊ߫ ߜߙߊ߬ߟߌ ߞߍ߫)). ߕߙߌ߰ߡߌ߬ߗ߭ߌ߬ߞߊ߫ ߞߵߏ߬ ߟߊߛߋ߫.
ߕߐ߬ߣߐ ߘߏ߫ ߟߎ߫ ߞߊ߬ ߓߐ߫ ߤߊ߬ߘߌ߬ߛߊ ߘߐ߫:
ߞߊ߬ߟߌ߬ߟߌ ߕߍ߫ ߓߍ߲߬ ߛߌ߫ ߟߊ߫ ߝߏ߫ ߊߟߊ߫ ߞߘߐߕߊ߬ߣߍ߬ߓߊ
- ߞߊ߬ߟߌ߬ߟߌ ߊߟߊ߫ ߞߘߐߕߊ߬ߣߍ߬ߓߊ ߕߣߊ ߟߊ߫ ߸ ߏ߬ ߦߋ߫ ߜߙߊ߬ߟߌ ߘߐ߰ߡߊ߬ߣߍ߲ ߠߋ߬ ߘߌ߫.
ߤߊ߬ߘߌ߬ߛߊ߫ ߥߐ߯ߙߐߣߊ߲:

ߖ- ߞߵߊ߬ ߡߌ߬ߘߊ߬ ߊߣߊߛ ߡߊ߬ ߊ.ߘ ߞߏ߫, ߊߟߊ߫ ߟߊ߫ ߞߋߟߊ ߞߵߊ߬ ߝߐ߫ ߛߟߊ߬ߕߎ ߣߌ߫ ߛߟߊ߬ߡߎ߲ ߦߵߊ߬ ߦߋ߫ ߞߏ߫: ((ߊߟߎ߫ ߘߏ߫ ߞߋߟߋ߲߫ ߕߍ߫ ߟߌ߬ߡߣߊ߬ߦߊ߫ ߝߏ߫ ߒ ߧߋ߫ ߘߌߦߴߏ߬ ߦߋ߫ ߞߊ߬ ߕߊ߬ߡߌ߲߫ ߊ߬ ߝߊ߬ ߣߴߊ߬ ߘߋ߲ ߞߊ߲߬, ߊ߬ ߣߌ߫ ߡߐ߱ ߓߍ߯ ߟߊߘߍ߬ߣߍ߲)) ߓߎ߬ߞߊ߬ߙߌ߬ߞߊ߫ ߣߌ߫ ߡߎߛߑߟߌߡ ߞߵߊ߬ ߟߊߛߋ߫
ߞߊ߬ ߓߐ߫ ߤߊ߬ߘߌ߬ߛߊ ߕߐ߬ߣߐ ߟߎ߬ ߘߐ߫:
- ߟߊ߬ߝߐ߬ߓߊ߮ ߟߊߘߌߦߊߒߢߍﷺ ߓߊߞߍ ߞߊ߬ ߕߊ߬ߡߌ߲߬ ߡߐ߱ ߓߍ߯ ߟߊ߫ ߏ߬ ߦߋ߫ ߘߌߦߊߜߏߦߊ߫ ߟߋ߬ ߘߌ߫.
- ߞߴߏ߬ ߦߋ߫ ߟߌ߬ߡߣߊ߬ߦߊ ߘߝߊ ߟߋ߬ ߘߌ߫
ߤߊ߬ߘߌ߬ߛߊ߫ ߥߐߙߐ߲ߥߌߟߊߣߊ߲:

ߖ- ߞߵߊ߬ ߡߌ߬ߘߊ߬ ߊߣߊߛ ߡߊ߬ ߊ.ߘ ߞߏ߫ ߊߟߊ߫ ߟߊ߫ ߞߋߟߊ ߞߵߊ߬ ߝߐ߫ ߛߟߊ߬ߕߎ ߣߌ߫ ߛߟߊ߬ߡߎ߲ ߦߵߊ߬ ߦߋ߫ ߞߏ߫: ((ߊߟߎ߫ ߘߏ߫ ߞߋߟߋ߲߫ ߕߍ߫ ߟߌ߬ߡߣߊ߬ߦߊ߫ ߝߏ߫ ߊ߬ ߦߋ߫ ߝߋ߲߫ ߞߊ߬ߣߴߊ߬ ߓߊߘߋ߲ ߦߋ߫ ߊ߬ ߦߋ߫ ߡߍ߲߫ ߞߊ߬ߣߌ߲߬ ߠߴߊ߬ ߖߍ߬ߘߍ ߦߋ߫)) ߓߎ߬ߞߊ߬ߙߌ߬ߞߊ߫ ߣߌ߫ ߡߎߛߑߟߌߡ ߞߵߊ߬ ߟߊߛߋ߫
ߞߊ߬ ߓߐ߫ ߤߊ߬ߘߌ߬ߛߊ ߕߐ߬ߣߐ ߟߎ߬ ߘߐ߫:
1- ߊ߬ ߦߋ߫ ߟߌ߬ߡߣߊ߬ߦߊ߬ߓߊ߮ ߡߊ߬ ߸ ߞߏ߫ ߊ߬ ߦߋ߫ ߞߊ߬ߣߌ߲߬ߣߌ߲ ߞߍ߫ ߟߌ߬ߡߣߊ߬ߦߊ߬ߓߊ߮ ߟߎ߬ ߦߋ߫ ߤߙߊ ߘߐ߫ ߦߏ߫ ߊ߬ ߘߌߡߊ߲ ߊ߬ ߖߘߍ ߦߋ߫ ߢߊ߫ ߡߍ߲߫
-ߏ߬ ߦߋ߫ ߟߌ߬ߡߣߊ߬ߦߊ ߘߝߊ ߟߋ߬ ߘߌ߫.
ߤߊ߬ߘߌ߬ߛߊ߫ ߛߋߦߌߣߊ߲:

ߖ- ߞߵߊ߬ ߡߌ߬ߘߊ߬ ߊ߬ߓߌ߰ ߛߊ߬ߺߊ߳ߺߌ߯ߘ ߡߊ߬ ߊ.ߘ, ߞߏ߫ ߊߟߊ߫ ߟߊ߫ ߞߋߟߊ ߞߵߊ߬ ߝߐ߫ ߞߏ߫: ((ߒ ߣߌ ߦߋ߫ ߡߍ߲߫ ߓߟߏ߫ ߊ߰ ߦߋ߫ ߒ ߣߴߏ߬ ߕߍ߫߹ ߊ߬ ߣߌ߫ ߞߎ߬ߙߊ߬ߣߊ ߛߓߊߢߐ߮ ߠߋ߬ ߞߊߡߊ߲߫ )) ߓߎ߬ߞߊ߬ߙߌ߬ߞߊ߫ ߞߵߏ߬ ߟߊߛߋ߫.
ߤߊ߬ߘߌ߬ߛߊ ߕߐ߬ߣߐ ߘߏ߫ ߟߎ߫:
1 ߲ ߓߎ߰ߓߎ߬ߟߌ ߝߐߘߊ ߝߌ߬ߛߊ߬ߡߊ߲߬ߕߋ߬ߒߕߋ߬ߦߊ.
2. ߞߏ߫ ߊ߬ ߣߌ߫ ߞߎ߬ߙߊ߬ߣߊ ߛߓߊߢߐ߮ ߠߋ߬ ߞߊߡߊ߲߫.
ߤߊ߬ߘߌ߬ߛߊ߬ ߞߐ߬ߣߐ߲߬ߘߐ߬ߣߊ߲:

ߖ- ߞߵߊ߬ ߡߌ߬ߘߊ߬ ߊ߬ߓߌ߰ ߡߎߛߛߊ ߡߊ߬ ߊ.ߘ ߞߏ߫ ߊߟߊ߫ ߟߊ߫ ߞߋߟߊ ߞߵߊ߬ ߝߐ߫ ߝߏ߫: ((ߝߙߍ߬ ߣߌ߫ ߝߊ߲߬ߞߊ߬ ߕߍ߫ ߛߌ߫ ߦߋ߫ ߝߏ߫ ߊߟߊ߫ ߸ ߏ߬ ߦߋ߫ ߞߐ߲߬ߜߍ߲ ߠߋ߬ ߘߌ߫ ߞߊ߬ ߓߐ߫ ߊ߬ߙߌ߬ߖߌߣߍ߫ ߞߐ߲߬ߜߍ߲ ߠߎ߬ ߘߐ߫)) ߓߎ߬ߞߊ߬ߙߌ߬ߞߊ߫ ߣߌ߫ ߡߎߛߑߟߌߡ ߞߵߊ߬ ߟߊߛߋ߫
ߞߊ߬ ߓߐ߫ ߤߊ߬ߘߌ߬ߛߊ ߕߐ߬ߣߐ ߟߎ߬ ߘߐ߫:
1- ߞߎߡߊߞߊ߲ ߣߌ߲߬ ߝߌ߬ߛߊ߬ߡߊ߲߬ ߕߋ߬ߦߊ, ߊ߬ ߣߴߊ߬ ߦߋ߫ ߞߐ߲߬ߜߍ߲߫ ߟߋ߬ ߘߌ߫ ߞߊ߬ ߓߐ߫ ߊ߬ߙߌ߬ߖߌߣߍ߫ ߞߐ߲߬ߜߍ߲ ߠߎ߬ ߘߐ߫.
2- ߖߐ߲߭ ߦߴߊ߬ ߓߐ߫ ߊ߬ ߟߊߝߊ߲߬ߞߊ ߣߴߊ߬ ߟߊ߫ ߝߍ߬ߙߍ ߘߐ߫, ߞߵߊ߬ ߛߍ߲߬ߓߍ ߊߟߊ߫ ߞߘߐߕߊ߬ߣߍ߬ߓߊ ߞߋߟߋ߲ ߔߋ߫ ߟߊ߫.
ߤߊ߬ߘߌ߬ߛߊ߫ ߕߊ߲ ߠߊ߫:

ߖ- ߞߵߊ߬ ߡߌ߬ߘߊ߬ ߊߣߣߎߊ߳ߑߡߊ߯ߣ ߓߎߣ ߓߊ߬ߛ߭ߌ߯ߙ ߡߊ߬ ߊ.ߘ ߞߏ߫ ߊ߬ ߞߵߊ߬ ߡߍ߲߫ ߊߟߊ߫ ߟߊ߫ ߞߋߟߊ ﷺ ߟߊ߫ ߸ ߊ߬ ߦߴߊ߬ ߝߐ߫ ߟߊ߫ ߞߏ߫: ((ߞߎߘߎ߲ ߘߏ߫ ߦߋ߫ ߝߊ߬ߘߌ ߘߐ߫ ߣߴߊ߬ ߓߍ߲߬ ߘߊ߫ ߝߊ߬ߘߌ ߝߊ߲߭ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߘߌ߫ ߓߍ߲߬, ߣߴߊ߬ ߘߏ߲߬ ߕߌߢߊ ߘߊ߫ ߝߊ߬ߘߌ ߓߊ߲߭ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߘߌ߫ ߕߌߢߊ, ߏ߬ ߟߋ߬ ߛߣߐ߬ߡߍ ߘߌ߫ ߓߎ߬ߞߊ߬ߙߌ߬ߞߊ߫ ߣߌ߫ ߡߎߛߑߟߌߡ ߞߵߊ߬ ߟߊߛߋ߫
ߤߊ߬ߘߌ߬ߛߊ߫ ߕߐ߬ߣߐ ߘߏ߫ ߟߎ߫:
1- ߞߐߞߊ߲ߠߊ ߣߌ߫ ߞߣߐߟߊ ߓߍ߲߭ ߦߋ߫ ߛߣߐ߬ߡߍ ߟߊ߫ ߓߍ߲߭ ߠߋ߬ ߘߐ߫
2- ߞߊ߬ ߘߐ߰ߘߏ߲߬ ߞߍ߫ ߛߣߐ߬ߡߍ ߟߊ߫ ߓߍ߲߭ ߠߊ߫ ߓߊߏ߬ ߡߐ߱ ߟߊ߫ ߓߍ߲߭ ߦߴߏ߬ ߟߋ߬ ߘߐ߫.
× ߤߊ߬ߘߌ߬ߛߊ߫ ߕߊ߲߫ ߣߌ߫ ߞߋߟߋ߲ߠߊ߲:

ߖ- ߞߵߊ߬ ߡߌ߬ߘߊ߬ ߡߎ߬ߺߊ߳ߺߊ߯ߺߗ߭ ߓߎߣ ߖߓߊߟ ߡߊ߬ ߊ.ߘ ߞߏ߫: ߊߟߊ߫ ߟߊ߫ ߞߋߟߊ ﷺ ߞߵߊ߬ ߝߐ߫ ߞߏ߫: ((ߡߍ߲ ߠߊ߫ ߞߎߡߊ߫ ߟߊߓߊ߲ ߓߊ߯ ߞߍ߫ ߞߏ߫: ߓߊ߬ߕߏ߬ߕߊ߬ ߕߍ߫ ߝߏ߫ ߊߟߊ߫، ߏ߬ ߘߌ߫ ߘߏ߲߬ ߊߙߌ߬ߖߣߍ߫)) ߊ߬ߓߎ߯ ߘߊߎߘߊ߫ ߞߵߏ߬ ߟߊߛߋ߫.
ߤߊ߬ߘߌ߬ߛߊ߫ ߕߐ߬ߣߐ ߘߏ߫ ߟߎ߫:
1- ߟߊ߯ ߌߟߊ߯ߤߊ߫ ߌߟߟߊ߫ ߟߊ߯ߤߏ߬ ߝߌ߬ߛߊ߬ߡߊ߲߬ߒߕߋ߬ߦߊ, ߊ߬ ߣߌ߫ ߖߐ߲߭ ߦߋ߫ ߘߏ߲߬ ߠߴߊ߬ߙߌ߬ߖߣߍ ߊ߬ ߟߊ߫.
2- ߡߐ߰ ߟߊ߫ ߝߌ߬ߛߊ߬ߡߊ߲߬ߒߕߋ߬ߦߊ ߸ ߡߍ߲ ߕߌ߭ ߟߊ߫ ߞߎߡߊ ߟߊߓߊ߲ ߞߍ߫ ߘߊ߫ ߘߎߢߊ ߘߐ߫ ߟߊ߯ ߌߟߊ߯ߤߊ߬ ߌߟߟߊ߫ ߟߊ߯ߤߏ߬ ߘߌ߫.
* ߤߊ߬ߘߌ߬ߛߊ߫ ߕߊ߲߫ ߣߌ߫ ߝߌߟߊߣߊ߲:

ߖ- ߞߵߊ߬ ߡߌ߬ߘߊ߬ ߊߓߑߘߎߟߟߊ߯ߤߌ߬ ߓߎߣ ߡߊߛߑߊ߳ߺߎ߯ߘ ߡߊ߬ ߞߏ߫: ߊߟߊ߫ ߟߊ߫ ߞߋߟߊ ﷺ ߞߵߊ߬ ߝߐ߫ ߞߏ߫: ((ߟߌ߬ߡߣߊ߬ߦߊ߬ߓߊ߮ ߕߍ߫ ߟߊ߲߬ߓߋ߬ߘߐ߬ߓߐߟߊߓߊ߮ ߘߌ߫, ߊ߬ ߘߏ߲߬ ߕߍ߫ ߘߊ߲ߞߊߟߌߟߊߓߊ ߘߌ߫ ߊ߬ ߘߏ߲߬ ߕߍ߫ ߕߌߢߍߟߌߞߍߟߊߓߊ߮ ߘߌ߫ ߊ߬ ߘߏ߲߬ ߕߍ߫ ߘߟߊߞߏߖߎ߯ߓߊ߮ ߘߌ߫)) ߕߙߌ߰ߡߌ߬ߗ߭ߌ߬ߞߊ߫ ߞߵߏ߬ ߟߊߛߋ߫.
ߞߊ߬ ߓߐ߫ ߤߊ߬ߘߌ߬ߛߊ߫ ߕߐ߬ߣߐ ߟߎ߬ ߘߐ߫:
1- ߞߊ߬ ߝߊߕߊ߲ߕߟߌ ߞߍ߫ ߞߊ߬ߟߏ߲߬ߞߊ߬ߟߏ߲߬ ߞߎߡߊ ߟߎ߬ ߣߌ߫ ߞߎߡߊ ߞߋ߬ߖߎ߮ ߟߎ߬ ߡߊ߬.
- ߞߵߏ߬ ߦߋ߫ ߟߌ߬ߡߣߊ߬ߦߊ߬ߓߊ߮ ߡߊ߲߬ߞߕߎ ߟߋ߬ ߘߴߊ߬ ߣߍ߲߭ ߘߐ߫.
* ߤߊ߬ߘߌ߬ߛߊ߫ ߕߊ߲߫ ߣߌ߫ ߛߓߊߣߊ߲:

ߖ- ߞߵߊ߬ ߡߌ߬ߘߊ߬ ߊ߬ߓߌ߰ ߤߎߙߊߦߑߙߕߊ߫ ߡߊ߬ ߊ.ߘ ߞߏ߫: ߊߟߊ߫ ߟߊ߫ ߞߋߟߊ ߞߵߊ߬ ߝߐ߫ ߛߟߊ߬ߕߎ ߣߌ߫ ߛߟߊ߬ߡߎ߲ ߦߵߊ߬ ߦߋ߫: ((ߞߊ߬ ߓߐ߫ ߡߐ߭ ߟߊ߫ ߛߌ߬ߟߡߊ߬ߦߊ ߟߊ߫ ߢߊ߭ ߘߐ߫: ߊ߬ ߦߋ߫ ߝߋ߲߫ ߕߏ߫ ߦߋ߲߬ ߡߍ߲߫ ߡߊ߫ ߛߊ߬ߙߴߊ߬ ߟߊ߫)). ߕߙߌ߬ߡߌ߬ߖ߭ߌ߬ߞߊ߫ ߣߴߊ߬ ߢߐ߲߬ ߜߘߍ߫ ߟߎ߫ ߞߵߏ߬ ߟߊߛߋ߫.
ߞߊ߬ ߓߐ߫ ߤߊ߬ߘߌ߬ߛߊ߫ ߕߐ߬ߣߐ ߟߎ߬ ߘߐ߫:
1- ߡߐ߱ ߦߋ߫ ߝߋ߲߫ ߕߏ߫ ߦߋ߲߬ ߡߍ߲߫ ߕߴߊ߬ ߟߊ߫ ߞߏ߫ ߘߌ߫ ߞߊ߬ ߓߐ߫ ߊ߬ ߢߐ߲߬ ߜߘߍ߫ ߟߊ߫ ߘߌ߯ߣߊ ߞߏߢߊ ߣߴߊ߬ ߟߊ߫ ߘߎߢߊ ߞߏߢߊ ߟߎ߬ ߘߌ߫.
2- ߝߋ߲߫ ߕߏߟߌ ߦߋ߲߬ ߡߍ߲ ߡߊ߫ ߛߊ߬ߙߴߊ߬ ߟߊ߫ ߏ߬ ߦߴߊ߬ ߟߊ߫ ߛߌ߬ߟߡߊ߬ߦߊ ߘߝߊ ߟߋ߬ ߘߌ߫.
* ߤߊ߬ߘߌ߬ߛߊ߫ ߕߊ߲߫ ߣߌ߫ ߣߊ߯ߣߌ߲ߣߊ߲:

ߖ- ߞߵߊ߬ ߡߌ߬ߘߊ߬ ߊߓߑߘߎߟߟߊ߯ߤߌ߬ ߓߎߣ ߡߊߛߑߊ߳ߺߎ߯ߘ ߡߊ߬ ߞߏ߫: ߟߊ߬ߝߐ߬ߓߊ߮ ﷺ ߞߵߊ߬ ߝߐ߫ ߞߏ߫: ((ߡߍ߲ ߓߊ߯ ߞߟߏ߫ ߞߋߟߋ߲߫ ߞߊ߬ߙߊ߲߬ ߊߟߊ߫ ߟߊ߫ ߞߎ߬ߙߊ߬ߣߊ ߘߐ߫ ߸ ߢߌ߬ߡߊ߬ ߞߋߟߋ߲߫ ߧߴߏ߬ ߢߍ߫، ߢߌ߬ߡߊ߬ ߞߋߟߋ߲߫ ߘߏ߲߬ ߞߐߝߟߌ ߦߋ߫ ߢߌ߬ߡߊ߬ ߕߊ߲߫ ߠߋ߬ ߘߌ߫، ߒ ߡߴߊ߬ ߝߐ߫ ߘߋ߬ ߞߏ߫ (ߊߟߌߝ. ߟߊ߯ߡ. ߡߌ߯ߡ) ߦߋ߫ ߞߟߏ߫ ߞߋߟߋ߲߫ ߠߋ߬ ߘߌ߫، ߒߞߊ߬ (ߊߟߌߝ) ߏ߬ ߟߋ ߞߟߏ߫ ߞߋߟߋ߲ ߘߌ߫، (ߟߊ߯ߡ) ߞߟߏ߫ ߞߋߟߋ߲߫، (ߡߌ߯ߡ) ߝߣߊ߫ ߞߟߏ߫ ߞߋߟߋ߲߫)) ߕߙߌ߰ߡߌ߬ߗ߭ߌ߬ߞߊ߫ ߞߵߏ߬ ߟߊߛߋ߫.
ߤߊ߬ߘߌ߬ߛߊ߫ ߕߐ߬ߣߐ ߘߏ߫ ߟߎ߫:
1- ߞߎ߬ߙߊ߬ߣߊ ߟߊߖߐߟߐ߲ ߝߌ߬ߛߊ߬ߡߊ߲߬ߒߕߋ߬ߦߊ.
2- ߊ߬ ߣߴߌ ߦߋ߫ ߛߓߍߘߋ߲ ߞߋ߬ߟߋ߲߬ߞߋ߬ߟߋ߲߬ߠߊ ߝߋ߲߫ -ߋ߲-ߝߋ߲߫ ߞߊ߬ߙߊ߲߬ߠߊ ߏ߬ ߓߍ߯ ߦߋ߫ ߢߌ߬ߡߊ ߟߎ߬ ߟߋ߬ ߘߌ߫.